Etiket arxivi: MÜSAHİBƏ

ƏDƏBİYYAT, FOTO XƏBƏR, MƏQALƏLƏR, MÜSAHİBƏLƏR, TƏQDİMATLAR, www.USTAC.az

OXUCULARIN SEVİMLİSİ…

Bir şərh yazın
Arzu Hüseyn – yazar.

ARZU HÜSEYNLƏ MÜSAHİBƏ

1. Oxuclarınız Arzu Hüseyni Necə Tanıyırlar Sadə Səmimi Və Ya Özünə Qapanıq…

Daha çox səmimi tanıyırlar deyə düşünürəm…

2. Necə oldu Ədəbiyyata gəldiniz…

Dil açandan şeir  “qoşurmuşam”  Çox güman ki, bu xüsusi istedad insanla bərabər doğulur Beləcə hara gedirsən get, ədəbiyyata gəlirsən.

3. Ailənizdə necə Narazılıq olubmu? Ədəbiyyatı qəbul etməsin Şeir yazmağınıza qarşı çıxsınlar belə bir şey olubmu Arzu xanım…


Qətiyyən yox Əksinə atam da, anam da mənimlə qürur duyublar və hər zaman dəstək olublar…Bu günə qədər Anam ən sadiq oxucumdur.

4. Bütün şeirlərinizdə Səmimisiniz…

Bəzən oxucular şeirlərimin çoxunu mənə və həyatıma aid edir Sadə düşüncə üçün bu əslində normal haldır Mən şeir yazmaq prosesini xüsusi bir ritual adlandırardım Həmin o ruhsal pillədə özümün kim olduğunu dərk etmədiyimdən, yazdığım şeirin də nədən bəhs edəcəyini təxmin edə bilmirəm Həmin an, bəlkə də, dünyanın bir küncündə eynən o hadisələri yaşayan birinin duyğularını yaşamış oluram.Və ən nəhayət sualınıza cavab olaraq onu deyə bilərəm ki, şeirdə səmimiyyət azadlıqdır  Və şeiri təsirli edən də elə o səmimiyyətdir  Gerisi oxuculara qalsın.

5. Ən sadiq oxucunuz Anamdır dediniz, Ananınza oxuduğunuz ən gözəl şeir hansıdır?

Bütün şeirlərimi ilk olaraq ona oxuyuram.Hər birini aid etmək olar…

6. Hansı Mövzularda daha çox özünüzü rahat hiss edirsiniz  Sevgi,  Ayrılıq,  Vətən, Dərd qəm və s ilə…

Mən lirik  şeirlər müəllifiyəm. Su daşdan süzülərək durulduğu kimi, dərd insan qəlbini durulda bilən yeganə yoldur və elə buna görə də bizi düşündürən bütün ²yazılar kövrək sətirlər üzərində doğulur.

7. Arzu Xanım biraz da işıq üzü görmüş kitabınızdan danışaq mən də sevə sevə oxuduğum kitablardan biri oldu.  Bəs sizi necə Razı qaldınızmı kitabınızdan yoxsa?

Mən hər il bir kitab çap edən şairlərdən deyiləm. Tək bir kitabım var oda 2015 ci ildə AYB tərəfindən dərc olunub.Əməyi keçən hər kəsə minnətdaram, o zamana görə  mənim üçün böyük dəyər idi.

8. Ədəbiyyata gələn Gənclərimizi izləyirsinizmi? Ədəbiyyatın tələblərinə cavab verə bilirlər fikrinizcə??

Bizim çox istedadlı gəncliyimiz var Hər birini fəxrlə izləyirəm və uğurlarına şad oluram  Hər növdə, hər formada, müxtəlif mövzuları əhatə edən ədəbi nümunələrlə rastlaşıram Onların çox böyük hissəsi gənc yazarların əsəridir.

9. Yeni kitab haqqında da düşünürsünüzmü yoxsa Oxucularınızı intizarda saxlamaq fikrindəsiniz.

Təbii ki, yeni kitab dərc etdirmək hər zaman fikrimdədir Bəlli durumlar səbəbindən dolayı bütün planlarım geciksədə, oxucuları daha gözəl tərtibatlı və yeni şeirlərlə zəngin kitabla sevindirəcəyəm.

10. Nə demək istərdiniz son olaraq Arzu xanım Təşəkkür edirəm dəyərli zamanınızdan ayırdığınız üçün

Diqqətiniz üçün sizə təşəkkür edirəm. Ümüd edirəm bütün suallara geniş əhatəli cavablar vermiş oldum.Hər zaman dəyərli müsahiblərinizlə söhbətlərinizin zövqünü yaşayaq Allaha əmanət olun.

Söhbətləşdi: Alik DƏNİZSEVƏR

ALİK DƏNİZSEVƏRİN DİGƏR YAZILARI


YAZARLAR.AZ
===============================================

<<<<<<WWW.YAZARLAR.AZ və WWW.USTAC.AZ>>>>>>

Əlaqə:  Tel: (+994) 70-390-39-93     E-mail: zauryazar@mail.ru

ƏDƏBİYYAT, FOTO XƏBƏR, MƏQALƏLƏR, MÜSAHİBƏLƏR, RESENZİYALAR, TƏQDİMATLAR, www.USTAC.az, YENİ KİTABLAR

Bir neçə söz və ya ANONS

1 Şərh
WWW.YAZARLAR.AZ

Bildiyiniz kimi texnalogiyanın inkişaf etdiyi bir dövrdə hər şey əlimizin altındadır. Mən bu günə kimi nə WhatsApp, nə facebook işlətmişdim, hətta yoldaşlarım mənə geridə qalmış adam deyə, müraciət edirdilər.
Son günlər yenə də dostların təkidi ilə facebook səifəmi yaratdım gözəl insanlarla ünsiyyətdə oldum.
Hətta bu vasitə ilə müsahibə götürdüyüm insanlar oldu.
Razılığını verənlər də oldu, vaxtım yoxdur deyənlər də… İncindiyim insanlar da… Amma olsun. İki ilə yaxındır ki, müsahibələr kitabı üzrində işləyirəm. Kitabın çapını Azərbaycanda nəzərdə tuturam. İnşallah fikrim var ki, Azərbaycanda hər hansı bir nəşiryyatla müqavilə bağlayım alınarmı, onu uca Rəbbim bilir…. Təki işimiz alnımızın təriylə olsun. Onun dadı başqa olur.
Sadəlik insanla bir doğulur. İnsan nə qədər sadə olsa onun əhatəsi də geniş olar. İnsan texnologiyadan da səmərəli istifadə etsin. İstifadə etməyi bacarsın. Texnologiya sırf boş zaman keçirmək üçün deyil. Mən facebook səifəmi yaradandan milyon mesaj alıram; “salam necəsən”, “tanış olaq” axı kimisə narahat etməyə haqqınız yoxdur.
Cavab verilmirsə demək ki, o, insanın marağında deyilsiniz.
sayğılı olaq…



Sizlərə sonsuz sayğılarla: Yasəmən ATƏŞ

YASƏMƏN ATƏŞİN DİGƏR YAZILARI


YAZARLAR.AZ
===============================================

<<<<<<WWW.YAZARLAR.AZ və WWW.USTAC.AZ>>>>>>

Əlaqə:  Tel: (+994) 70-390-39-93     E-mail: zauryazar@mail.ru

FOTO XƏBƏR, MƏQALƏLƏR, MÜSAHİBƏLƏR, TƏQDİMATLAR, www.USTAC.az

O, ÜMİD İŞIĞI

Bir şərh yazın
Günay Ümid – yazar, şair.

GÜNAY ÜMİDLƏ MÜSAHƏBƏ

1. Şeir Günay Ümid üçün nədir?

Mən bu suala obrazli, poetik cavab verə bilərdim. Amma bunu etməyəcəm, çünki ŞEİR böyük hərflərlə Allahın lütfü, kiçik hərflərlə isə cəzası, sınağıdır.


2. İstmədiyiniz halda işlədiyiniz Mövzular olubmu?
Məktəbdə oxuduğum dönəmlərdə müsabiqələr üçün qoyulan mövzularda könülsüz şeir yazdığım olub.

3. Şeirlərinizin ilk Oxucusu kim olub?

Əvvəllər Anama oxuyardım, zaman keçdikcə daha dəqiq anladım ki, riyazi təfəkkürlü bir insana bu əziyyəti vermək ədalətsizlikdir))). Anamın riyazi təfəkkürü ona şeri sevməməyi, amma sonacan dinləməsi sadəcə istedadıma hörmət əlaməti olduğunu anladım. İndi demək olar ki “şeirlərimin ilk oxucusu” tanımadığım, görmədiyim oxuculardır.


4. Yaradıcılığınızda uğurlarınıza sevinən kimlər olub?

İstedadın yanında olan hər kəs sevinib.


5. Müasir Ədəbiyyat sizi qane edirmi?

Bu suala illər öncə “qane etmir” cavabını verirdim Zaman keçdikcə insan her şeyi olduğu kimi qəbul etməyə başlayir.


6. Yazdıqlarınız Cəmiyyətdə necə qarşılandı narazılığını bildirənlər olubmu?

Mən hələ də yerimdə olmadığımı düşünürəm Bəzən susqunluğu qışqırtılarımın fəryadına boğuluram Sonda da özümə təsəlli verib deyirəm ki, ” onsuz da şairi diri sevməyin cəmiyyətdə yaşayıram”.


7. İstərdinizmi Övladınız yolunuzu davam eləsin Şeirlərinizdən oxuyurmu övladınız?

Şairlik peşə olmadığı üçün bu suala belə cavab verəcəm, Əyər övladlarımda yazmaq bacarığı olsa “olmaz!” demərəm Çünki istedad mayali xəmir kimidi, onu qabın içində ağzı bağlı saxlasan da, O daşıb tökülməyə yer tapacaq. Oğlum yox, qızım çox sevir poeziyanı amma hələ mənim şeirlərimi oxuyub anlayacaq qədər böyüməyib.


8. Müharibə dövründə Şəhidlər verdik Qələbə sevincini yaşadıq Nələr yazdınız Şəhidlərə ağladıq Qələbə sevincimiz yerə göyə sığmadı hansı duyğuları misralara çevirə bildiniz?

Müsahibələrimin birində demişdim ki, nə qədər torpaqlarımız düşmən tapdağı altındadır, əsirlikdə qız, gəlinlərimiz var bizim Vətənpərvərlik şeirləri yazmağa haqqımız yoxdur Müharibə dövründə içimdəki işğal səsi qırıldı Və mən uzun illərən sonra vətənpərvərlik şeiri yazdım.

9. İlk kitabınızdan razısınızmı ürəyinizcə oldumu?

Kitabından o adamlar narazı olur ki, o kitabla Ədəbiyyata gəlməyə çalışır Mən isə Ədəbiyyatdan kitaba gələn şairlərdənəm.


10. Ədəbiyyat sizə nə verdi qazancınız nə oldu Oxucularınız sizi qəbul etdimi?

Ədəbiyyat mənə dünyaya daha fərqli, əslində olduğu kimi baxmağı öyrətdi – Məsələn, günəşin Rənginin əslində Xəzəl Rəngli olduğunu, çarəsizliyin həqiqət daddığını anladım Bir şerim də dediyim kimi “Anladım ki, böyük bir sıfır imiş dünya”.


11. Yeni kitab düşünürsünüzmü?

Yeni kitabım bu yaxınlarda işıq üzü görüb. ” ACI ŞOKOLAD “adlanan yeni kitabımda, ürəyimin işığını acılı, şirinli həqiqətlərimə tutmuşam.


12. ilk kitabınızın adı sizmi düşündünüz yoxsa?

Kitablarima adı, tərtibatı, üz qabığının necə olmasını öncədən bilirəm Və iş prosesində bunu tertibatçıyla bir yerdə edirik Mən yaradıcılığıma qarşı biraz qisqanc adamam Məsələn şeirlərimi yazib bitirəndən sonra da yenidən düzəliş etmirəm. Orjinallığına xələl gəlir deyə düşünürəm. Kitablarımın ikisində də bu səbəbdən “Redaktor” bölməsi boş olur…


Söhbətləşdi: Alik DƏNİZSEVƏR

ALİK DƏNİZSEVƏRİN DİGƏR YAZILARI


YAZARLAR.AZ
===============================================

<<<<<<WWW.YAZARLAR.AZ və WWW.USTAC.AZ>>>>>>

Əlaqə:  Tel: (+994) 70-390-39-93     E-mail: zauryazar@mail.ru

ƏDƏBİYYAT, FOTO XƏBƏR, MƏQALƏLƏR, MÜSAHİBƏLƏR, TƏQDİMATLAR, www.USTAC.az

Şeir sizin üçün nədir? – Gülsadə İbrahimli ilə müsahibə

Bir şərh yazın
Gülsadə İbrahimli – şair, yazar, pedaqoq.

ALİK DƏNİZSEVƏRİN GÜLSADƏ İBRAHİMLİ İLƏ SÖHBƏTİ

Gülsadə İbrahimli şeiri nə üçün yazır...
Şeir Gülsadə üçün Tanrıyla söhbətdir...

Kitablarınızdan razısınızmı? və ya olubmu ki, bu kitab olmasaydı daha yaxşı idi deyə? düşünəsiniz.

Təbii ki, zəif kitablarım,zəif şeirlərim olub,olacaq da nəzərə alsaq ki ilk kitabım orta məktəb vaxtlarımda- 9 cu sinifdə oxuyarkən çıxıb ancaq əsla heç bir kitabımdan Peşman olmamışam zəif olsa belə bir başlanğıc olub mənim üçün.


Ən böyük dəstəkçiniz kim olub tanrıyla söhbətinizdən narazılığını bildirən olubmu ailənizdə.
Ən böyük dəstəkçim ilk başlarda dövlətimiz olub ilk və ikinci kitabîm Naxçıvan MR Ali Məclisinin sədri Vasif Talıbov cənablarının qayğısı ilə nəşr olunub daha sonra mənə və istedadıma inanan dostlarım  oxucularım özümə ustad bildiyim insanlar- Rüstəm Behrudi, Əkbər Qoşalı, Qulu Ağsəs olub Ailəm də narazılıq olub, ancaq zamanla uğurlarım onları da Gülsadə yə, inandırıb.


İlk şeiri nə zaman yazdınız ilk oxucunuz kim olub?

İlk şeirimi Təbrizdə xəstəxanada yazmışam…ölümdən döndüyüm an deyə bilərəm O, günə O,  zaman 8- ci sinifdə oxuyurdum hələ -4 günlük komadan sonra yazdığım ilk şeir Həkimlərə aid idi…


Şeirləriniz də özünüz ola bildinizmi səmimiliyinizə oxucularınız inandımı sizcə?
Özüməm həmişə səmimi olmayan şeir səmimi oxucu qazana bilməz bəzən empati edərək yazdığım şeirlər də var ancaq onlarda da özümdən yola çıxmışam…Məncə inanıb.


Şeirlərinizdə Qəhraman özünüzsünüz özünüzü hansı obrazda görmək istərdiniz ən çox..?
Şeir azaddır, yasaxsızdır qadağasızdır hüdudsuzdur Qadın olaraq biz bəzən qadağalarla ittihamlarla tənələrlə qarşılaşa bilirik…hələ də şeirin azadlığına özünü qapdırıb cinsiyyət fərqini unudub cəsur yazmağa başlarkən mən şeirlərim de azad qadınam Heç bir ölçüyə,ayrımcılığa sığmayan  rüzgarın tərsinə ilhamının atını çapan Gülsadə.


Ədəbiyyat sizi qane edirmi narazılığınız olubmu oxuduqlarınızdan….
Qane edən tərəfi də var etməyən tərəfi də Ancaq gözəl əsərlər yazılır zövqlü oxucular yetişir.!!


İşlədiyiniz mövzular sizə doğmamı ya olub içində o mövzu sizə yad olsun amma yenə də işləmisiniz.
Xeyr elə bir şey yaşamamışam şeir ani və bir O qədər də qeyri adi bir enerji patlamasi kimi bir şeydi…ya bir sevinc ya kədər ya həyacan qorxu təlaş və.s  və.s…şeir hesablanmış bir şey deyil ona görə də yaşanmışlığın özüdür mənə yad bir şeirim olmayıb.


Bildiyiniz kimi Müharibə dövrü və Mührabədən sonra ki qələbə sevinci şəhidlər verdik o qələbəni daddıq hissləriniz sizə nə pıçıldadı nələr yazdınız?
Müharibə…üzüldükqorxduq qürurlandıq sevindik güldük ağladıq Naxçıvan torpağı ən çox şəhid verən bölgələrdən oldu acımızla qürurumuz boy ölçüşdü Yazdıqlarım oldu ancaq heç bir yerdə paylaşmadım çünki belə möhtəşəm bir sevincin və belə heybətli bir acının önündə çox zəif idilər.


Təbrizdə xəstəxanada yatdığınız zaman ən çox nələri düşündünüz ağrılarınızla baş edə bilidinizmi təbrizdə gözəl xatırlayacağınız nələrsə oldumu yoxsa ağrılarınızla unutdunuz hər şeyi??
Uşaqdım o zaman…xatırladığım çox bir şey qalmayıb…təkcə anamın üzüm7 əllərinə alıb ağlayaraq “qorxma,ölməyəcəksən” deməsindən başqa bilirsinizmi Uşaqkən ağrılar daha keçici olur  çünki mahiyyətini daha yaxşı bilmirik.

Səf Eləmirsə Erotik şeirlərinizdə var cəmiyyətdə necə qarşılandı bu şeirlər…

Bəzən düşünürəm ki, cəmiyyət buna hazır deyil Neçə Nəsil dəyişməlidir,daha çox oxumalıdır insanlar ancaq o zaman da yazmağın ne qeyri-adiliyi qalar ki?!  “Son Tanqo” gözlənilməz kitab idi diksinmə təsiri yaratdı Oxucusunda ,,Femme,, də bir az da irəli getdim,ənənəviliyə alışanları qıcıqlandırdım Yazıçı şıltaqlığı nə deyə bilərəm ki…zəng edib təhqir edənlər,ictimai qınaq yaratmaq istəyənlər Üstü -Örtülü xəbərdarlıq edən belə vardı ancaq ,hər iki kitabım da şeir kitablarının Nəsrlə müqayisə də çox az şansı olmasına baxmayaraq alındı Oxundu Maraq yaratdı, qəbul edildi…

Sizə şöhrət qazandıran hansı kitab olub oxucularınıza son olaraq nə demək istərdiniz…

“Son Tanqo” Kitabım Olub-Oxucularıma Şeir kimi həyat Arzulayıram…

Söhbətləşdi: Alik DƏNİZSEVƏR

ALİK DƏNİZSEVƏRİN DİGƏR YAZILARI

GÜLSADƏ İBRAHİMLİNİN DİGƏR YAZILARI


YAZARLAR.AZ
===============================================

<<<<<<WWW.YAZARLAR.AZ və WWW.USTAC.AZ>>>>>>

Əlaqə:  Tel: (+994) 70-390-39-93     E-mail: zauryazar@mail.ru

ƏDƏBİYYAT, MƏQALƏLƏR, MÜSAHİBƏLƏR, TƏQDİMATLAR, www.USTAC.az

Ana mövzusunda yaza bilmirəm – Rahim Üçoğlanlı ilə müsahibə

Bir şərh yazın
Rahim Üçoğlanlı (Rzayev) – şair.

YASƏMƏN ATƏŞİN RAHİM ÜÇOĞLANLI İLƏ MÜSAHİBƏSİ

1. Rahim Rzayev  (üçoğlanlı) maraqlıdır nədən üç ….

Yasəmən xanım Üçoğlan mənim doğma kəndimin adıdır təxəllüs götürmüşəm .

2. Ilk şeirinizin Mövzusu nə idi xatırlayırsınızmı həmin o, şeiri?

Bəli xatırlayıram ilk şeirimi uşaq vaxtı Şuşada pioner lagerində olanda yazmışdım mövzusu sevgi məhəbbətdən idi uşaq düşüncələrinin məhsulu olsada oxuyanlar bəyənirdi Şerin adı “Şuşada bir qız var adı Pəridir” idi.

3. Hansı Mövzularda daha çox özünüzü şair kimi hiss edirsiniz…sevgi Vətən Ana?

Mən ümumiyyətlə Ana mövzusunda yaza bilmirəm,bircə şeirim var Anama ordada etiraf etmişəm ki sözün qüdrəti çatmır səni vəsf etməyə məndən incimə yaza bilmirəm Vətənpərvərlik mövzusunda da şerlərim çoxdur,ancaq oxucularım məni məhəbbət şairi kimi qəbul edir Məndə bununla razılaşmağa məkumam.

4. İlk Məhəbbətinizə qovuşmusunuz yoxsa nakamlığa sürünüb ilk eşqiniz…

Təbii ki əksər insanlar kimi məndə ilk məhəbbətimə qovuşa bilmədim Məncə buna  ilk məhəbbətdə deməkdə olmaz çünki gənclik uşaqlıq hisslərinin sevgi qarışıq bir təcəllası olur o yaşlarda Elə bilirsən məhəbbətdir amma adi ürək hisslərindən başqa bir şey deyil,sevgi ağılla ruhun vəhdətindən doğan bir varlıqdır.

5. Ilk Məhəbbətinizə qovuşsaydınız ona yazdığınız ilk şeir nə olardı?

Yalnız onu deyə bilərəm ki ilk sevgimə qovuşsaydım mən sonra şeir yaza  bilməzdim Sadəcə bu qədər…
Sadəcə, deyərdim qovuşdum yara,Bu gündən qələmi qoyuram yerə.)

6. Özünüzü şeirlə ifadə edə bilmisinizmi…

Bəli məncə bütün yaradıcı adamlar özlərini sənətləri ilə təsdiq edirlər Məndə öz heykəlimi şeirlərimlə yonmuşam hər sözündə sətrində özüm varam,qəlbim ruhum var Bir çox şeirlərimdə bunu açq ifadə etmişəm.

7. Müasir ədəbiyyat sizi qane edirmi ən son oxuduğunuz nədir??

Hər dövürdə olduğu kimi müasir ədəbiyyatımızda da gözəl yazarlar var Yalnız demək olar ki son dövürlər heç kimi oxumuram,sonuncu oxuduğum roman “Başsız Atlı” olub məncə,arabir vaxtım olanda Ramiz Rövşəni oxuyuram…

8. İstərdinizmi övladlarınız yolunuzu getsin şeir yazsın kitabları olsun Cəmiyyət onları qəbul eləsin tanınsın?

Hər bir atanın arzusudur övladlarını xoşbəxt görsün Övladlarım elədə şeirə ədəbiyyata həvəsli deyil, olsa belə şair olmaqların istəməzdim Çünki indiki zəmanədə çox duyğusal olmaq əlavə dərd gətirir insana Mən çox tanınıb popliyar olmağıda xoşlamıram telekanallardan bir neçə dəfə dəvət almışam çəkilişə getməmişəm Ancaq cəmiyyətdə hörmət qazanmaq üz ağlığıdır,söz əhlinə dəyər verən indi çox azdır İnşallah zaman ələkdən keçirdikcə dəyər verə biləcək insanlar meydana gələcək buna inanıram…

9. Kitab çap elətdirmisiniz elətdirmisinizə seçiminiz hansı nəşiryyat oldu o kitab sizə pul qazandırdı?

Cəmi bir kitabım çap olunub 2004-cü ildə Şərq nəşriyyatında çap olunub Hal hazırda 3 kitabım çap olunmaq üçün hazırdır Maliyyə vəsaiti olmadığından qalır İlk kitabımdan heç bir qazanc əldə etmədim hədiyyə etdim dostlara.

10 . Dostlarınızdan biri sizə bir kitabın xərci mənim boynuma O kitablardan hansını çap elətdirərdiniz…

Fərqi yoxdur hamısı mənim üçün əzizdir,valdeyinin övladların necə sevirsə ayrı seçkilik qoymadan şairdə şeirlərin elə sevir çünki hamısı onun qəlbindən ruhundan gələn hisslərdir..

11. Son olaraq oxucularınıza nə demək istərdiniz ….

Mən öz dəyərli oxucularıma nikbin olmağı arzulayıram,həyat bir imtahandır onu duyğulu yaşamağı töfsiyyə edərdim Yemək üçün yaşamağı yox, yaşamaq üçün yeməyi məsləhət görərdim Poeziya və musiqi ruhun qidasıdır bunlara yaxın olmağı arzu edərdim Çox məmun oldum Yasəmən xanım sizinlə dialoqdan Var olun işinizə uğurlar arzu edirəm.Allah sizi qorusun təşəkkür edirəm diqqətiniz üçün…

Söhbətləşdi: Yasəmən ATƏŞ

YASƏMƏN ATƏŞİN DİGƏR YAZILARI


YAZARLAR.AZ
===============================================

<<<<<<WWW.YAZARLAR.AZ və WWW.USTAC.AZ>>>>>>

Əlaqə:  Tel: (+994) 70-390-39-93     E-mail: zauryazar@mail.ru

ƏDƏBİYYAT, FOTO XƏBƏR, MƏQALƏLƏR, MÜSAHİBƏLƏR, TƏQDİMATLAR, www.USTAC.az

Gədəbəyin şair övladı – Yasəmən ATƏŞ

Bir şərh yazın
Gəray Göyyurd – şair.

GƏRAY GÖYYURDLA MÜSAHİBƏ

1. Göyyurd nədən Göyyurd bu təxəllüs sizə nə verdi…

Göyyurd mənim doğulub boya-başa çatdığım Gədəbəy rayonunda bir yaylağın adıdı Biz hər yay o yaylağa köçərdik Ona görə də bu yaylağın adını özümə təxəllüs götürdümBu təxəllüslə ədəbi aləmdə tanındım  Yeddi ədəd şeir kitabının müəllifiyəm ,,Mübarizi olan millət “adlı şerim rus bölməsi üçün nəzərdə tutulan 8 -ci sinif Azərbaycan dili dərsliyində tədris olunur.

2. Ən gözəl şeiriniz hansıdır Oxucularnız sizi hansı şeirlə daha çox tanıyırlar?

Bu mənim üçün  çətin sual oldu  Şeir  şair üçün övlad kimidi seçim etmək olmur  Mən bütün şeirlərimi ürəyimin diktəsiylə yazdığımdan hamısı mənim üçün əzizdi  Qaldı ki , oxuculara onu deyə bilmərəm .

3. Ədəbiyyat sizə nə verdi nə qazandınız qazandığınızdan itirdikləriniz çox oldu…yoxsa

Ədəbiyyat indiki dövrdə sözün əsl mənasında maddi cəhətdən qazanc mənbəyi deyil  , amma mənəvi cəhətdən çox şey   qazandırdı  Ürəyimin ən mərhəm hisslərini oxucularımla bölüşə bildim  Yetişməkdə olan gənc nəslin vətənpərvərlik ruhunda böyüməsində az da olsa mənim də rolum var deyə bilərəm Vətən müharibəsində qəhrəmanlıq göstərən oğullarımız orta məktəbdə dərs kimi mənim də şerimi oxuyub öyrəniblər Yəqin ki , müəyyən qədər təsiri olub.

4. İşıq üzü görmüş kitablarınızdan hansı sizə daha çox doğmadır…Şair üçün hamısı doğmadır amma içlərində biri olmalı sizə daha çox doğma olan.

Sonuncu kitabım .,Dövlətim var ,ordum var “Bakı , ,,Nərgiz “nəşriyyatı ,2020. 352səh .bu kitabımı dövlətimizin , millətimizin ,ordumuzun qələbələrinə həsr etmişəm . Burada toplanan bütün şeirlər vətənə , millətə ,ordumuza yazılan şeirlərdir .Müharibənin ilk günlərindən nəşriyyata təqdim etdim və nəhayət 01.11.2020.çapa imzalandı .Vətən müharibəsində qələbəmizin elan olunmasından bir neçə gün sonra kitabım çapdan çıxdı.

5. Çox gözəl hansı nəşiryyatlar sizi qane edir bir nəşiryyatla işləyəsiniz həmin nəşiryyatın işlərini bəyənmisiniz….

Kitablarım ,,Şur”, ,,Elm və təhsil “və ,,Nərgiz “nəşriyyatlarında çap olunub. Bu nəşriyyatların hər birindən  özümə sağı və ehtiram görmüşəm və hər birinə təşəkkür edirəm . sayğı 

6.  Kitabın qalınlığına önəm vermisiniz yoxsa sözə dəyərniz sevginiz daha çox olub….

Kitabın qalınlığı sözü qiymətdən salmır  Zəif şeir elə nazik kitabda da zəifdir  Yaxşı şeir də həmçinin.

7. Öldalarınız Atalarını oxuyurmu olubmu desin sizə  şeirlərini bəyənmirəm Ata zövqümə uyğun deyil…

Bəli ,oxuyurlar , kiçik oğlum  Ömər 11 yaşı var şeirə daha çox maraq göstərir .Şeir ruh məsələsidi ,ona görə də hər kəsin bəyənməyi mümkün deyil .Şeirlərimin hamısı bəyənilmir ,amma mən buna təbii baxıram .

8. 11 yaşlı ömər özü nəsə yazıbmı Atasına baxsın həvəslənsin yazdığını sizə göstərsin…belə bir şey olubmu?

Yazmaq istəyib ,amma alınmayıb Bəlkə gələcəkdə yazar .

9. Kimləri bəyənirsiniz kimləri oxuyursunuz sevdiyiniz hər hansı bir əsər varmı??

Yaxşı şeirləri məmnuniyyətlə oxuyuram  kimin yazmasından aslı olmayaraq Klassiklərimizdən üzü bəri çox böyük şairlərimiz var Azərbaycan ədəbiyyatı dünyanın ən zəngin ədəbiyyatıdır  Bu ədəbiyyat bu gün də yaranır və zənginləşir  Bu gün kü ədəbiyyata gələcək nəsillər daha doğru qiymət verəcək .

10. Yeni kitab düşünürsünüzmü…

8-ci şeir kitabımın şeirləri hazırdır .2015 -ci ildən bəri vətənpərvərlik mövzusundan əlavə yazdığım bütün şeirlər kitab kimi çap olunmayıb. İnşallah ,imkan olanda çapa təqdim edəcəm. 

11. Nə demək istərdiniz oxucularınıza hansı şeiri paylaşardınız bizimlə…

Ahlar içində 

Ahım Allaha çatarmı,

Bu boyda ahlar içində?

İnsan necə xoşbəxt olar 

Saysız günahlar içində.

* * *
Nahaqq haqqı basıb udur 

Israfil çalacaqdır sur.

Ulu Tanrı unudulur, 

Xırda Allahlar içində. 

* * *

Ümidlərim gün gələcək, 

Yamac-yamac göyərəcək. 

Gəray, yerin görüncək 

Aydın sabahlar içində. 


Söhbətləşdi: Yasəmən ATƏŞ

YASƏMƏN ATƏŞİN DİGƏR YAZILARI

GƏRAY GÖYYURDUN ŞEİRLƏRİ


YAZARLAR.AZ
===============================================

<<<<<<WWW.YAZARLAR.AZ və WWW.USTAC.AZ>>>>>>

Əlaqə:  Tel: (+994) 70-390-39-93     E-mail: zauryazar@mail.ru

"YAZARLAR" j., ƏDƏBİYYAT, FOTO XƏBƏR, MƏQALƏLƏR, MÜSAHİBƏLƏR, TƏQDİMATLAR, www.USTAC.az

Poeziyamızın Ağsaqqali İnqilab isaq – Yasəmən ATƏŞ

Bir şərh yazın

POEZİYAMIZIN AĞSAQQALİ İNQİLAB İSAQLA SÖHBƏT

(YASƏMƏN ATƏŞİN MÜSAHİBƏSİ)

1. Ədəbiyyat inqilab isaq üçün nədir?
Maraqlı sualdır…Taleyin ədəbi taleyə cevrilməsi sir-xudadır. Nə vaxt əlimi qələmə uzatdım,nə vaxt ay işığını söz kimi sinəmə cəkdim,qəti xəbərim yoxdu… Bircə onu bilirəm ki bu dünyada gördüyüm nə varsa sözdür, bilmirəm bu ədəbiyyatdirmı, bu sənətdirmi?-Bu sualın cavabını məndən yox sözdən  soruşun  nə olar…

2. Hansı şeiriniz yadda qalan oldu sizcə Oxucuların sevimli şeirinə çevrildi…

Bilmirəm..Bütün oxucular anla əbədiyyət arasındadırlar Onların yaddaşından xəbərim yoxdu

3. İsaq təxəllüsünüzün tarixi nədir…
İc sualdır  Atamın adı-İsaq Cəkindim zaman-zaman bu adın qınağından, bu ad məni həmişə oyaqsaxlayıb sözlə dünya arasında…İki ada  birdən-birə sahib cıxmaq cətin  işdi Söz həmişəzəhmlidi…atam kimi…

4. Atanızı necə xatırlayırsınız?

Əslində atam mənim xatirəm deyil nəfəsimdi  Nəfəsi necə xatırlayasan?Övladları onun xəyallarına  xəyanət etdilər Atam başdan-başa həyat  tufanı idi  Amma bu tufanyatağından cıxdı, necə deyərlər biz onun arzularına borclu qaldıq Atam  qınından sıyrılmış  qılınc idi Amma bu qılınc özünü kəsdi… Nə  isə…

5. Xəyallarınızın rəngi nədir O, xəyallarınızın baş qəhramanın adı nədir?

Mən xəyallarımı yormuş adamam…Onin rəngləri kimsəni təəcübləndirməz,cünki  qanadları ucalıq fəth efə bilmədi Ortalıqda döyükdü … bu da  taledi, bir qələm adamının taleyi Etiraf ən böyük həqiqətdir

6. Sizcə bu yorğunluq şeirlərinizə hopubmu…

Şeirlərim ağ atlı oğlandı…Onun cox vədə yüyənini cəkə bilmirəm Özünü odun,atəşin icində rahat hiss edir…poeziya sevgidir Onu kim məğlub edə bilər ki..? Yorğunluq ruhun qəzasıdı Xoş halına o qəzadan qacanın.

7. İndi ki gənclər sizi qane edirmi təbii ki, söhbət yazarlardan gedir?

Gənclik həmişə mənim ücün həmişə narahat ovqatımdı..Onların cılğınlığı təbiidir Bu ğünün icindədirlər Onları ən gözəl anlayan isə zamandır Sözün zamanı isə həmişə dəliqanlı olur Gənclik kimi..Qoy onlar özlərinidüşündükləri kimi ifadə etsinlər… Bu qorxulu deyil Qorxulu olan gəncliyi dedi-qodu ilə qocaltmaqdı.

8. Sizin janrınız hansıdır özünüzü hansı janrda daha çox ifadə edirsiniz…

Əslində mənim janrım yoxdu, mənim əhvalım  və əhvalatım var…Var olan isə varlığın  mistik həqiqətləridir…Söz adamı bu varlıq icində özünü ifadə formaslnı secir…Nəzmin ya nəsrin havasında havasını tapır  Bü da şərti gedişdi Poetik ovqatın hüdudlarını forma cilovlaya bilmir … Mən isə özümü hələlik şeirdə axtarıram Tapmaq isə allahın işidi.

9. Dəydimi sizcə Ömrünüzü söz- söz , Misra-Misra bir şam tək əritiniz peşimanlığını çəkdinizmi Yoxsa şeir Allahın bir lütfümü sizə?

Məncə  poeziya tanrı lütfüdür…Xoş halına bu əzabı cəkənin Misra-misra  dünyaya acılan bəsirət  gözündən xoş nə ola bilər …Necə ki şeirlərimin  birində demişəm-Sözdən yox özgə canım….

10. Maraqlıdır kitablarınızın adları işlədiyiniz nəşiryyatlar qane edirmi sizi nəşiryyatlar…

Adlarda doğulur…Hərə öz taleyini adını daşıyır Kimisi ürəyə kimisi də ünvansız boşluğa…Əslində ad ciddi məsələdi…müllifin poetik kodudu… Amma acarı oxucunun əlindədi ,,Deməyə sözüm var'”,  ,,Canım sənə desin”, ,,İndi elə təkəm ki…”” və başqaları…Qaldı nəşriyyatlar bu cətin məsələdi Onlar müəllfi, onun ruhunu duymalıdı Hələki belə nəşriyyat demək olar ki yoxdu..

11. Son olaraq oxucularınıza nə demək istərdiniz oxucularınızla hansı Şeirinizi paylaşmaq istərdiniz…

Bu məzmunlu suallar ücün sizə təşəkkür edirəm.Loğman olsa carə qılmazHər dərdimi bilə-bilə.Dünya mənə ana olmaz,Durum gedim anamgilə.

  05.06.2021 – Los angeles.

Söhbətləşdi: Yasəmən ATƏŞ

YASƏMƏN ATƏŞİN DİGƏR YAZILARI


YAZARLAR.AZ
===============================================

<<<<<<WWW.YAZARLAR.AZ və WWW.USTAC.AZ>>>>>>

Əlaqə:  Tel: (+994) 70-390-39-93     E-mail: zauryazar@mail.ru