WWW.YAZARLAR.AZ

www.USTAC.az

BELƏ SEVMƏK İSTƏMİRƏM

Oktyabr 15, 2025 www.yazarlar.az Bir şərh yazın

BELƏ SEVMƏK İSTƏMİRƏM
Yenə sənsən…
Səhərin gözü açılan kimi durma gözlərimin önündə
Gəlmə ağlıma özümə gəlməmiş.
Çək o adamı dəli edən baxışlarını məndən,
Yığışdır dağılmış saçlarını
sifətimdə hiss etdiyim.
Apar bütün olanları,
Uydurma gəl,
hələ heç olmayanları.
Rahat burax məni
qalım özüm özümlə,
Sadalanma
iki cümlədən bir dilimdə.
Azml idi
bu dünyada günahlarım.
Gecələri yuxumdasan,
Barı tərk et
sabahları.
Pəncərəni döyür külək,
yenə sənin boğazının qoxusunu gətirib,
O da bilir,
xoşlamıram hər ətiri.
Götür,
daha xatirələr
mənə məndən ağır gəlir,..
Ay insafsız, yetər daha,
Belə sevmək istəmirəm,
hardasansa çağır gəlim.
14.10.2025

Müəllif: QABİL NƏBİ

SƏDULLA ŞİRİNOVUN KİTABLARI:

www.USTAC.az

“Qabil Nabi və dostları”

Avqust 17, 2025 www.bitik.az Bir şərh yazın

“Qabil Nabi və dostları”
Məhz bu adla baş tutdu 15.08.2025 -ci il tarixində Bakı Reabilitasiya Mərkəzində təşkil olunmuş oxucularla görüş. Oxucularla görüşdə Qabil Nabi ilə yanaşı tanınmış şair Süleyman Abdulla, şair-rəssam Sehran Allahverdi, gözəl şeirlər müəllifi Zirəddin Quliyev, həkim Naib Abdulla, Mühəndis Aydın Səfərli, dizayner-rəssam Nigar Nəbiyeva da iştirak edirdilər. Tədbir iştirakçıları müxtəlif mövzulara aid şeirlər söyləməklə yanaşı, xəstə və həkim kollektivinin ədəbiyyata dair suallarını da cavablandırdılar. Nigar Nəbiyevanın tədbirin gedişi müddətində çəkdiyi, hər kəsin marağına səbəb olan
rəsm alqışlarla qarşılanmaqla yanaşı, rəhbərliyin istəyi ilə Mərkəzin bir divarından asıldı. Sonda oxuculara şairlərin imzası ilə kitablar təqdim olundu. Mərkəzdə müalicə alan xəstələrin marağına səbəb olan bu tədbirin təşkilinə görə BRM-in baş həkimi Vüsalə xanıma, təşkilatçı Leyla xanıma, təşəbbüsçü Aida xanıma minnətdarlığımızı bildiririk.

Məlumatı hazırladı: Günnur Ağayeva

===============================================

<<<< WWW.YAZARLAR.AZ və WWW.USTAC.AZ >>>>

Əlaqə: Tel: (+994) 70-390-39-93 E-mail: zauryazar@mail.ru

www.USTAC.az

Qabil Nəbi – Bacılar şeiri

İyul 5, 2025 www.yazarlar.az Bir şərh yazın

BACILAR
Qardaşın həyatında
Bəzək olar bacılar.
Ətrafında gül olar,
Çiçək olar bacılar.

Bir an küsər o qönçə,
Xətirinə dəyincə.
Qəlbi şüşədən incə
Kövrək olar bacılar.

Əziz olar can kimi,
Gözəldir mərcan kimi
Qorxaq bir ceyran kimi
Ürkək olar bacılar.

Xəyallara dalanda,
Dərdi sər çoxalanda,
Hamı yalan olanda,
Gerçək olar bacılar.
05.07.2016

Müəllif: QABİL NƏBİ

QABİL NƏBİNİN YAZILARI

===============================================

<<<< WWW.YAZARLAR.AZ və WWW.USTAC.AZ >>>>

Əlaqə: Tel: (+994) 70-390-39-93 E-mail: zauryazar@mail.ru

www.USTAC.az

Tanınmış şair Qabil Nabi ilə görüşü keçirilib

Fevral 4, 2025 www.bitik.az Bir şərh yazın

04.02.2025 tarixində Sumqayıt Şəhər Əlillərin Bərpa Mərkəzində əlillərin asudə vaxtının səmərəli keçirilməsi məqsədi ilə təşkil olinmuş əlillərin şair Qabil Nabi ilə görüşü keçirilmişdir. Tədbirin qonaqları qismində şair Qabil Nabinin dostları tanınmış şair Süleyman Abdulla, şair-rəssam Sehran Allahverdi, gənc rəssam-dizayner Nigar Nəbiyeva da iştirak etmişlər. Əsasən səmimi söhbət əsnasında keçirilən tədbirdə vətənpərvərlik haqqında, fiziki qüsurlu insanların normal həyata inteqrasiyası, boş vaxtlarının səmərəli istifadəsi və onları maraqlandıran digər mövzular haqqında danışıldı. Müəlliflərin ifasında səslənən şeirlər tədbir iştirakçıları tərəfindən alqışlarla qarşılandı. Mərkəzdə müalicə alanlar arasında şair Qabil Nabinin şeirlərini səsləndirənlər də oldu. Tədbirin gedişatı zamanı rəssam Sehran Allahverdinin canlı olaraq Qabil Nabinin portretini çəkməsi hamıda maraq doğurdu. Nigar Nəbiyevanın tədbir gedə-gedə çəkdiyi “Lalələr” rəsmi isə müəllif tərəfindən Bərpa Mərkəzinə hədiyyə edildi. Sonda tədbirin bəzi iştirakçılarına imzalı kitablar təqdim olundu. Xatirə şəkli çəkdirildi.

Məlumatı hazırladı : Günnur Ağayeva

ZAUR USTACIN YAZILARI

===============================================

<<<< WWW.YAZARLAR.AZ və WWW.USTAC.AZ >>>>

Əlaqə: Tel: (+994) 70-390-39-93 E-mail: zauryazar@mail.ru

www.USTAC.az

Qabil Nəbi – DƏRS ÖLÜMDƏDİR

Dekabr 21, 2024 www.bitik.az Bir şərh yazın

DƏRS ÖLÜMDƏDİR
Cavabsızdır bir çox sual, verdiyim,
Üzə durur daim sığal verdiyim.
Nankora bax, ağzına bal verdiyim…
Günah öz əlimdədir.

Gör kim kimin belini bükdü, qardaş,
Yaxşılara yaxşılıq yükdü, qardaş.
Çox adamın içi çürükdü, qardaş.
Nə varsa çölündədir.

İndi çoxu müəllimdir, alimdir,
Tanışlıqla alıb ad dirçəlibdir.
Görmədim düz söz danışa alim bir,
Doğru söz dəlimdədir.

Gördüyündən qat-qat azdır yaddaşı,
Kölgə salar bir gün cismə baş daşı.
Yüz il ömür sürsə də insan naşı,
Dərs bircə ölümdədir.

Söz içində sözümüz var bizim də,
Mərdliyi gör mərd oğulun üzündə.
Gəl incimə mənim acı sözümdən
Acılıq dilimdədir.
17.12.2024

Müəllif: QABİL NƏBİ

===============================================

<<<< WWW.YAZARLAR.AZ və WWW.USTAC.AZ >>>>

Əlaqə: Tel: (+994) 70-390-39-93 E-mail: zauryazar@mail.ru

www.USTAC.az

YERLƏRƏ ÇƏKİR

Sentyabr 24, 2024 www.bitik.az Bir şərh yazın

YERLƏRƏ ÇƏKİR
Çəkir doğma torpaq məni özünə,
O dağlı, dərəli yerlərə çəkir.
Yanar ulduzları gur göy üzünə,
Sürəkli, bərəli yerlərə çəkir.

Çəkir bir çobanın alaçığına,
Cülyanı, Buynuzu, Qalacığına.
Açıb qucağını tala cığıra,
Sarılı, qaralı yerlərə çəkir.

O mavi göylərlə barışdım yenə,
Qalxıb qayalara qarışdım yenə.
Məni süfrə açıb bir dostum yenə,
Yarpızlı, tərəli yerlərə çəkir.

Bu mərmər saraylar bezdirib məni,
Gör hələ kimlərə əzdirib məni.
Ruhum şəhərlərdə gəzdirib məni
Taxtalı, şirəli yerlərə çəkir.

Ruhum qanad açan şahindi göydə,
Ona ağ buludlar yaxındı göydə.
Səni görməmişdən baxırdım göydən,
Könlümü verəli yerlərə çəkir.
23.09.24

Müəllif: QABİL NƏBİ

QABİL DƏRDLİNİN YAZILARI

===============================================

<<<< WWW.YAZARLAR.AZ və WWW.USTAC.AZ >>>>

Əlaqə: Tel: (+994) 70-390-39-93 E-mail: zauryazar@mail.ru

www.USTAC.az

Qabil Dərdli – Könlüm.

Avqust 3, 2024 www.bitik.az Bir şərh yazın

KÖNLÜM
Gözəl gözlərini gizlətmə məndən,
Qalıb kirpiyindən asılı könlüm.
Bilmirəm nədındir gəzirsən gendən,
Olub qadağalı, yasalı könlüm.

Gülüşün, baxışın, sözün şahanə,
Ay kimi nur saçır üzün şahanə.
Yerişin, duruşun, özün şahanə,
Görməyib sənintək əsili könlüm.

Rəsmin həsrətinin yarasındadı,
Ağlım xallarının sırasındadı.
Lalə dodağının arasındadı,
Dilinin ucuna qısılı könlüm.
01.08.2024
Müəllif: QABİL DƏRDLİ