Çöpü də ikiyə bölmərəm daha
Dərdi dərd olmuşdu elində mənə,
Ağladım bir naşı güləndə mənə,
Heç kəs ağlamasın öləndə mənə,
Mən heç vaxt,heç zaman ölmərəm daha.
Azad qardaşım var onunla xoşam,
Mən gərək sahili sahilə qoşam,
İki bölünməkdən elə qorxmuşam,
Çöpü də ikiyə bölmərəm daha.
Dənizlər dəryalar mənə dayazdır,
Ən dərin bir çay var o da Arazdır,
Mənə görüş verin Azadlıq azdır,
Görüşsəm ayrılmaq bilmərəm daha.
Mənim səadətim hardasa bitdi,
O hasad gəlmişdi, hasad da getdi,
Mənə nə etdisə səadət etdi,
Badbaxt səadətə gülmərəm daha.
Müəllif: Söhrab TAHİR
Xalq şairi nasir, publisist Söhrab Tahir
> > > > MÜTLƏQ OXUYUNN !!!
YAZARLAR.AZ
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru