Bu yollar məni yorur…
Yollar gözümə durur,
Adicə dükana da
Getməyə ərinirəm
Söylə, sən necə getdin,
Heç bir şey söyləmədən…
Hələ bir utanmadan
Gecən xeyirə deyirsən
Sən gedəndən yatmıram
Yuxum da gəlmir mənim
Gündüzüm aydın olmur
Gecəm xeyirə də qalmır…
Bir Allahın bəndəsi
Soruşmur ki, necəsən?
Daha ağlamıram da…
Hə, sən çıxıb gedəsən,
Mən də göz yaşı tökəm?!
Elə qanun harda var?
Mən də öz həyatımı
Yaşayacam… Biləsən!
Mən elə bir rəssamam ki,
1 yönsüz karandaş ilə
Mənzərəni vəsf etmişəm…
Gözlərimin yaşını
Kağıza yağış etmişəm,
Çəkməyə yer olmayanda,
Ürəyimə dağ çəkmişəm.
Bax beləcə…
Çəkmədiyim şeylər də var
Yollarından gözümü
Hələ də çəkə bilmirəm…
Gözləyirəm.
Bəlkə bir gün dönərsən
Vallah bu gedişlə getsə
Sən məni şair edərsən
Müəllif: Şəlalə CAMAL
PDF: >>>>> ZAUR USTAC “QƏLƏMDAR-2”
PDF>>>ZAUR USTAC – “BB” HEKAYƏLƏR
>>>> ƏN ÇOX OXUNAN HEKAYƏ <<<<
ZAUR USTACIN SATIŞDA OLAN KİTABLARI
YAZARLAR.AZ
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru