Dünyadan istəyim
Yayın qızmarında dağlar başından,
Təzəcə dərilən qar istəyirəm,
Susuz səhralarda ümidsiz qalan
Quruyan kötükdən bar istəyirəm.
Bəzən unuduram fəsilləri də,
Acılı-şirinli tərs illəri də.
Oxşayıb naz ilə tər gülləri də,
Zərif ləçəklərdən nar istəyirəm.
Qəlbimdə arzular şimşəktək çaxır,
Ziyası zülməti yandırıb-yaxır,
Dünyama bir yeni təravət axır,
Sözümü deməyə tar istəyirəm…
Müəllif: Naibə YUSİF
Mustafa Müseyiboğlu adına kitabxana
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru