Harmoniyanın sirri

Yeddi sirli səslədir kainatın nəğməsi,
Hər biri bir sehrdir, Do, Re, Mi, Fa, Sol, Lya, Si.

Oktavanın içində bitməz, tükənməz aləm,
Harmoniyanın sirri duyğularla olur cəm.

Oktava dolanaraq gəlir sirli cahana,
Səkkiz nida -həyəcan düşür qəmli fəzana.

Diapazon açılır, templə verib əl-ələ,
Majorda sevinc vardır, Minorda qəmli nalə.

Ritmlərin sədası aşıb, keçir sərhədi,
Musiqi tək elimdir, kökdə qərarı qəti.

Həyatın hər bir anı ruha notlarla axır,
Duyğuların coşaraq, mavi səmaya qalxır.

Ürəkləri titrədir, cismində dövr edir qan,
Ovundurur ruhunu özün unudur insan.

Qammanın zirvəsində, son məqamdasan sanki,
Dərin bir sükunəti ruhun duyur inan ki…

Şəhla Rəvan
Cəlilabad rayon Göytəpə şəhər şəhid Vasif Hüseynov adına 2 N-li ümumtəhsil tam orta məktəbnin direktoru, “Ziyadar” Mükafatı, “Həməşəra” və “Nizami Gəncəvi” Fəxri Diplomları laureatı, Turan Yazarlar Birliyinin üzvü, filoloq, ədəbi təhlilçi və tənqidçi, şair
Göytəpə şəhəri – 04.11.2025