BAKIDA KİTAB SƏRGİSİ ÇƏRÇİVƏSİNDƏ TANINMIŞ YAZAR NAZİM ƏHMƏDLİ İLƏ GÖRÜŞ BAŞ TUTUB. TƏDBİRDƏN FOTOLAR:
Tədbirin gedişində Zaur Ustac Nazim Əhmədliyə “Ziyadar” Mükafatını təqdim edib. Yazarlar bir-birlərinə kitablar hədiyə edib, xatirə fotoları çəkdiriblər. Qonaq yazarların maraqlı çıxışları tədbirə xüsusi rəng qatıb.
YAZARLAR.AZ
===============================================
<<<<<<WWW.YAZARLAR.AZ və WWW.BİTİK.AZ >>>>>>
Əlaqə: Tel: (+994) 70-390-39-93 E-mail: zauryazar@mail.ru
SÖZÜN XƏTRİNƏ
Qafiyə xətrinə şeir yazmadım,
Yazsaydım, dəyərdi sözün xətrinə.
Allahın verdiyi təb ilə yazdım,
Dəymədim ağılın, gözün xətrinə.
* * *
Sözümü demişəm cəsarətimlə,
Tanındım, sevildim fərasətimlə.
Hamıyla davrandım ədalətimlə,
Əyrilərdən keçdim düzün xətrinə.
* * *
Boluslu ucaltdı haqqın səsini,
Ailədən alıb tərbiyəsini.
Hər zaman qorudu səviyyəsini,
Həyatda qoyduğu izin xətrinə.
QORXURAM
Yeridiyim addımıma baxıram,
Məzlumun bəd duasından qorxuram.
Zülmət edər bu işıqlı dünyanı,
Alimin bir xətasından qorxuram.
* * *
Haqqı desən sonsuz olar düşmanın,
Düz əməli batil edər nöqsanın.
İmanımı qarışdıran şeytanın,-
anasından, atasından qorxuram.
* * *
Səhvlərimi təkrarlamam bir daha,
Savabımı batırmaram günaha.
Ümidimi bağlayıram Allaha,
Bəndələrin Xudasından qorxuram.
* * *
Uzaq elə qəlbindən pis niyyəti,
İnsan oğlu götürmədin ibrəti.
Qəzəblənsə yağdıracaq lənəti,
Yerin,göyün bəlasından qorxuram.
Məzlumun bəd duasından qorxuram.
ÖZÜM ÖZÜMÜ
Namərd gülləsindən,nadan əlindən,
Qoruya bilmədim özüm özümü.
Qeybət eləyənin “şirin dilindən”,
Qoruya bilmədim özüm özümü.
* * *
Zalımın,qəddarın hər bir işindən,
Üstümə yeriyən “at yerişindən”.
Vücuduma batan dərdin dişindən,
Qoruya bilmədim özüm özümü.
* * *
Ruhuma yurd salan qəm oylağından,
Tikanlar bitirən könül bağından,
Sinəmdə yer edən sinə dağından,
Qoruya bilmədim özümü özümü.
* * *
Güvəndiyim dağın boran,qarından,
Abrı olmayanın həya, arından,
Zamanın,dövranın bəd rəftarından,
Qoruya bilmədim özüm özümü.
* * *
Xətər gəlməz mərdin saf ürəyindən,
Xəsis kəs keçərmi duz-çörəyindən.
Xülasə, şeytanın hər kələyindən,
Qoruya bilmədim özüm özümü.
ÖLÜMÜ YOXDUR
Başıma haranın daşını salım,
Allahın bir ucuz ölümü yoxdur?
Yaxamı qurtara dərdin əlindən,
Günümü, ayımı, ilimi yoxdur?
* * *
Gözümdə kiçilib yaşamaq eşqi,
Şərbət zəhər olub, hər gün içirəm.
Mənəm-yer şumlayan qoca əkinçi,
Möhnəti əkirəm, qəmi biçirəm.
* * *
Mən yaxşı görürəm qohumu,yadı,
Yaxşını, yamanı bir-bir seçirəm.
Mən sülh adamıyam, kiməsə görə,-
Hətta öz dünyamdan belə keçirəm.
* * *
Tamaşa edirəm mən ruh halımla,
Mənasız həyatın çalarlarına.
Bünövrəsi yoxdur, daşı sökülüb,
Bənna yox, daş qoya divarlarına.
* * *
Bəzən düşünürəm, şübhə edirəm,
Nə üçün gəlmişəm Yer kürəsinə?
Bircə istəyim var səndən İlahi,
Cavab ver məzlumun batan səsinə.
VƏTƏN
Qanlar tökülməsin sülh olsun deyə,
Otuz il səbr etdik, bir təhər dözdük.
Boş-boş danışıqlar fayda vermədi,
Səbrimiz tükəndi düşməni əzdik,
Yeni tarix yazdıq tarixə, Vətən.
* * *
Bütün dünya görsün qüdrətimizi,
Yenilməz orduyuq, həqiqət budur.
Qırx dörd gün ərzində biz qalib olduq,
Dağıtdıq başından qara buludu,
Yeni tarix yazdıq tarixə, Vətən.
* * *
Qısa vaxt ərzində bildilər kimik,
Tanındı dostumuz, düşmənlərimiz.
Səni təmizlədik yadellilərdən,
Yaşıla qərq oldu çəmənlərimiz,
Yeni tarix yazdıq tarixə, Vətən.
* * *
İcazə vermədik həddin aşmağa,
Yekə danışanın kəsdik sözünü.
İti qovan kimi qovduq onları,
Sənə xor baxanın tökdük gözünü,
Yeni tarix yazdıq tarixə, Vətən.
* * *
Səni borcumuzdur əziz tuturuq,
İgid oğulların şirin canıyla.
Böyük Yaradanın icazəsiylə,
Səni Vətən edən şəhid qanıyla,
Yeni tarix yazdıq tarixə, Vətən.
ATASAN
Nanəcibi,şərəfsizi,alçağı,
Birdəfəlik sil qəlbindən,at asan.
Mehriban ol, şirin elə dilini,
Nəyə lazım hərəyə söz atasan?!
* * *
Yaxşı dostu dar günündə an asan,
Yaddaşında saxlayasan, anasan.
Namuslunu anan kimi ana san,
Qeyrətlini atan kimi ata san.
* * *
Müsibətə səbr elə nə saçın yol,
Yolçulara ağır gəlməz çətin yol.
Gənc nəsilə göstərginən doğru yol,
Ay Boluslu axı sən də atasan.
Müəllif: BOLUSLU Anar ƏLİOĞLU
BOLUSLU ANAR ƏLİOĞLUNUN YAZILARI
YAZARLAR.AZ
===============================================
<<<<<<WWW.YAZARLAR.AZ və WWW.BİTİK.AZ >>>>>>
Əlaqə: Tel: (+994) 70-390-39-93 E-mail: zauryazar@mail.ru
YAR, GƏLMİŞƏM!
Yar, bu gecə göz yaşımı şərbət kimi içib gəldim,
Neçə zirvə aşıb gəldim, neçə dərə keçib gəldim,
Gen dünyanı yana qoyub, dar qapını seçib gəldim.
Dağdan uca qürurunu yollarında əyən mənəm,
Yar, gəlmişəm dur ayağa! Aç qapını, döyən mənəm!
* * *
Neçə yollar ayaqladım gah dolanbac, gah da haça,
Uşaq kimi qucağına yüyürmüşəm qaça-qaça.
Aç qapını! Nəfəsimdən cana gəlsin həyət-baca.
Varlığına gizli-gizli güvənən mən, öyən mənəm,
Yar, gəlmişəm dur ayağa! Aç qapını, döyən mənəm!
* * *
İnnən belə alovunun həsrətinə qızmayacam,
Yağış kimi sətirləri pəncərənə cızmayacam,
Yer tapmayıb, tavanından damla-damla sızmayacam.
Külək deyil, misraları həzin-həzin deyən mənəm,
Yar, gəlmişəm dur ayağa! Aç qapını, döyən mənəm!
* * *
Gəlmişəm ki, əridən mən qəlbindəki buzu, qarı,
Vücuduma hopduraraq, gətirmişəm ilk baharı,
Qoy, ətirli çiçəkləri otağına dolsun barı.
Qapınızı döyə-döyə, ürəyini yeyən mənəm,
Yar, gəlmişəm dur ayağa! Aç qapını, döyən mənəm!
* * *
Heç bilmədim, bu günədək ayrılığa necə dözdüm?!
Bu həsrətdən, bu hicrandan sən də bezdin, mən də bezdim.
Dəli könlüm, daha bəsdi Tanrı kimi tənha gəzdin!
Bir ömürlük taleyinə göydən yerə enən mənəm,
Yar, gəlmişəm dur ayağa! Aç qapını, döyən mənəm!
QISQANDIM!
Sən bəxtimin yazısı, xoş naxışı,
Bahar etdin ömrümdəki qar-qışı.
Bilirəm ki, çox sevirsən yağışı
Hər damlaya, selə səni qısqandım!
* * *
İlmə-ilmə taleyimə toxunan,
Xoş nəğməsən dodağımda oxunan.
Oxşadığım tellərinə toxunan,
Əsib keçən yelə səni qısqandım!
* * *
-Dönüb bu gün heç baxmadın üzümə…
-Niyə qulaq kəsilmədin sözümə?
Gah beləcə səbəb tapdım özümə,
Gah da elə-belə səni qısqandım!
* * *
İncidəndə biri sənə döz, dedi,
Biri yalan, biri doğru-düz dedi.
Mənim kimi de, kim sənə söz dedi?
Acı-şirin dilə səni qısqandım!
* * *
Günlər keçdi dava-dalaş, çarpışma.
Gah incimə, gah küsülmə, barışma.
Deyəmmədim, heç bir əldən yapışma,
Hər tutduğun ələ səni qısqandım!
* * *
İstəyirsən sözlərimə gül daha,
Açacağam sənə yeni sirr daha.
Gül gətirmə, yarım, mənə bir daha!
Əlindəki gülə səni qısqandım!
YERİNƏ
Göz yaşını gizlin tökmə,
Aşkar silləm siləninin yerinə!
Gələn gəlmir, boynun bükmə,
Durub gəlləm, gələninin yerinə!
* * *
Deyəcəyəm yorulmadan,
Varım-yoxum sənə qurban!
Ürəyimdən axsa da qan,
Hər gün gülləm, güləninin yerinə!
* * *
Tükəndikcə səbr-dözüm,
Dayaq olar sənə sözüm.
Deməsən də, gülüm, özüm
Dərdin billəm, biləninin yerinə!
* * *
Qəm üstünə kölgə salsa,
Qəlbim durar gözün dolsa.
Vallah, sənə rahat olsa
Canım verrəm, öləninin yerinə!
QURBAN OLDUĞUM!
Əlim yollarına açılı qalıb,
Gəl, gözümün nuru, qurban olduğum!
Ömrüm həsrətindən asılı qalıb,
Könlümün qüruru, qurban olduğum!
* * *
Sən dərdli köksümdə kök salıb susan,
İstədim dizinə baş qoyub, susam.
Sanki, səhralarda bir damla susan,
Dodağım qupquru, qurban olduğum!
* * *
Səsin Muğamların həzin havası,
Qəmli segahımın qəmli avazı.
Şirvan şikəstəsi, Bayatı-şirazı,
Həm Rastı, həm Şuru, qurban olduğum!
* * *
Sənsən şair ruhum, yazmaq həvəsim.
Cismimdə, canımda dönən nəfəsim!
Hay saldım, Tanrıya yetışsin səsim,
Ey haqqın zühuru, qurban olduğum!
Müəllif: Nuranə RAFAİLQIZI
NURANƏ RAFAİLQIZININ DİGƏR YAZILARI
YAZARLAR.AZ
===============================================
<<<<<<WWW.YAZARLAR.AZ və WWW.BİTİK.AZ >>>>>>
Əlaqə: Tel: (+994) 70-390-39-93 E-mail: zauryazar@mail.ru
AD GÜNÜ TƏBRİKİ
Günlərin bir günü, heç gözləmədiyim anda,
ümid çırağımı yandıran bir MƏLƏK endi
göylərdən…. O, gündən ÇOX VAXT keçib…
Bu gün o, Mələyin ad günüdür… Ad günün mübarək
ey mənim məxsusi göndərilmiş mələyim…
Yerin sonsuz səmanın ənginlikləri, nəsibin
sevgi dolu həyat olsun… Tanrının nəzərindən
düşməyəsən… Sən olmasaydın bu şeirlər də
olmazdı… Bu kəlmələr sənin riqqətə gətirdiyin
qəlb tellərinin səsi olduğundan yalnız və yalnız sənə aiddir,
ey zəriflik, paklıq, bakirəlik mücəssiməsi- bütün ülvi hisslərin
məcmusu- AĞ ÇİÇƏYİM….
Hörmətlə: Zaur USTAC
YAZARLAR.AZ
===============================================
<<<<<<WWW.YAZARLAR.AZ və WWW.BİTİK.AZ >>>>>>
Əlaqə: Tel: (+994) 70-390-39-93 E-mail: zauryazar@mail.ru
YANDIRANDA
Ürəyim döyünür əllərin əsir,
Hicran qovhaqovda vüsal tələsir,
Həyacan tıxanır lap nəfəs kəsir,
Deyə bilmədiyin söz yandıranda!
* * *
Gözündə qığılcım alışır sönür,
Gündüzün bir anda zülmətə dönür,
Solur yarpaq kimi alışan könül,
Həsrətdən içini köz yandıranda!
* * *
Gözlər gah ağlayır gahda ki gülür,
Həsrət göz yaşını əllərin silir,
Nələr çəkdiyini tək ürək bilir,
Çəkə bilmədiyin naz yandıranda!
* * *
Çox zaman fələyin gərdişi sərtdir,
Sevən bir ürəyə sağalmaz dərddir,
Ülvinin çəkdiyi lap müsübətdir,
Sevib almadığı qız yandıranda.!
LAYLA DE MƏNƏ
İzin ver başımı dizinə qoyum,
Layla de, əzizim,layla de mənə.
Təki hər günümüz beləcə keçsin,
Layla de, əzizim, layla de mənə,
* * *
Baxdıqca ay kimi hüsnü-camala,
Dalım gözlərində şirin xəyala.
Şirin vüsalından sal haldan-hala,
Layla de, əzizim, layla de mənə.
* * *
Sığal çək saçıma könlüm açılsın,
Günəştək şəfəqi elə saçılsın,
Aradan həsrətin səddi uçulsun,
Layla de, əzizim, layla de mənə.
* * *
Sən ol dərdlərimin çarə həkimi,
Götür üstümüzdən hicran yükünü,
Sən Allah,bacarsan lap anam kimi,
Layla de, əzizim, layla de mənə.
YAS TUTUR…
İçimdə ağladım gülə bilmədim,
Dərdimi heçkimlə bölə bilmədim,
O gəlin köçəndə niyə olmədim?!
Onsuz bu həyatda yaşayım necə?!
* * *
Ən saf duyğularım çırpıldı daşa,
Hisslərim mənimlə durdu savaşa,
Çırpılıb,çevrildim qəfəsdə quşa,
Onsuz bu həyatda yaşayım necə?!
* * *
Tavana dikilir gözüm hər gecə,
Yas tutur qəlbimdə ölən sevincə,
Gözümün yaşını silib gizlicə.
Onsuz bu həyatda yaşayım necə?!
TÖVBƏ…
Zər-ziba geyinə bu yerin üzü,
Tövbə, bu dünyaya bir də gəlmərəm.
Şah olacam,taxta sahib olacam,
Tövbə, bu dünyaya bir də gəlmərəm.
* * *
Çirkinlər gözümdə dönə göyçəyə,
Tutula hər günüm gülə,çiçəyə,
Yalanlar bir anda dönə gerçəyə,
Tövbə, bu dünyaya bir də gəlmərəm.
* * *
İnsanlar can deyə can da eşidə,
Barmaqlar bir ola, hətta beşi də.
Dil açıb danışa dağı, daşı da,
Tövbə, bu dünyaya bir də gəlmərəm!
DAĞLARA-DAĞLARA
Səhər-səhər yenə düşdü,
İzim dağlara-dağlara.
Coşdu təbim axıb getdi,
Sözüm dağlara-dağlara.
* * *
Zirvəsinə enmişdi Ay,
Sinəsinə duman lay-lay.
Heç bir yerdə tapılmaz tay,
Bizim dağlara-dağlara.
* * *
Gül çiçəkdi sağım,solum,
Xatirədir hər bir kolum,
Vüqarına qurban olum,
Özüm dağlara-dağlara.
SƏNDƏN NİGARANAM
Səndən nigaranam yenə bu axşam,
Səsin eşidilmir,sorağın gəlmir.
Həsrətdən ürəyim olubdu şan-şan,
Eynim açılmayır,gözlərim gülmür.
* * *
Çəkdirib bu qədər mənə intizar,
Çarəsiz canımdan eyləmə bezar.
Gəl bahar ömrümə yağdırma sən qar,
Hələ bu xəbəri çoxları bilmir.
* * *
Qurumaz gözündən süzülən yaşı,
Anlamaz Ülvini,duymaz bir naşı.
Ölməz ümidləri, bitməz savaşı,
Dərdini tək çəkir heç kimlə bölmür.
AY BÜLBÜL
Nədir yenə oxuyursan,
Qəmli-qəmli,sən ay bülbül.
Oxuduqca ələyirsən,
Saçlarıma dən ay bülbül!
* * *
Sinəmi oxlayıb keçdin,
Öz yuvandan niyə köçdün?
De nədən qürbəti seçdin?
Yolun tutar çən, ay bülbül!
* * *
Sevənlər murada çatdı,
Mənim”qaraçuxam”yatdı.
Sənsiz bu zülmət həyatdı,
Gəzmə məndən gen, ay bülbül!
* * *
Ülvi çəkər sənsiz zülüm,
Qan-yaş tökər zülüm-zülüm.
Duya-duya səni-ölüm,
Dərdin mənlə tən, ay bülbül!
Müəllif: Ülvi AYDIN (Qarayev Ülvi Əzizağa oğlu)
YAZARLAR.AZ
===============================================
<<<<<<WWW.YAZARLAR.AZ və WWW.BİTİK.AZ >>>>>>
Əlaqə: Tel: (+994) 70-390-39-93 E-mail: zauryazar@mail.ru
İTKİN
Yuxusuzam hər gecə
Qələm, vərəq əlimdə
Saatlarla baxıram.
Açıb töksəm içimdən
Sağlam yer də tapmaram.
Yaram eşqimnən dərin,
Keçmir bütün gecəni
Dinləyirəm Sezəni .(Sezən-musiqiçi)
Ağla,ağla nə qədər?
İnsaf elə gəl bir az,
Nə dost olaq, nə düşmən
Bir fincan qəhvə içib,
Keçmişi xatırlayaq.
Gülüm bəzən gözünə,
Deyim yalan üzünə
Deyim ki unutmuşam,
Silmişəm,sovurmuşam
Sənlə baglı hərşeyi
İçimdə qurutmuşam.
Bir azcada sən danış
Ailəndən,evindən
Razısanmı de bilim
Mənə etdiklərindən?
Yalan demə bu dəfə
Səmimi ol,dürüstcə
De görüm bir bilim mən
Həyat belin əydimi?
Tapdığların həyatda
İtirdiyinə dəydimi?
Müəllif: Fəridə ABDUL
YAZARLAR.AZ
===============================================
<<<<<<WWW.YAZARLAR.AZ və WWW.BİTİK.AZ >>>>>>
Əlaqə: Tel: (+994) 70-390-39-93 E-mail: zauryazar@mail.ru
Dövlət Tərcümə Mərkəzi “DƏF(İ)NƏ YARPAĞI” müsabiqəsinin növbəti turunu elan etdi (aztc.gov.az) :
Azərbaycan Dövlət Tərcümə Mərkəzi ölkədə bədii tərcümə sahəsinin təkmilləşdirilməsi və dəyərləndirilməsi məqsədi ilə hər beş ildən bir keçirilən “DƏF(İ)NƏ YARPAĞI” müsabiqəsinin növbəti turuna start verdi.
“DƏF(İ)NƏ YARPAĞI” müsabiqəsi
Müsabiqənin şərtləri
* Müsabiqəyə 2020–2021-ci il orijinaldan Azərbaycan dilinə tərcümə edilmiş kiçik həcmli nəsr və poeziya nümunələri qəbul edilir:
nəsr əsərləri – 20.000 işarəyə qədər;
poeziya nümunələri – 100 misra;
* hər nominasiya üzrə mükafatın bir müəllifə və bir əsərə təqdim edilməsi nəzərdə tutulur;
* bir müəllif müsabiqəyə yalnız bir əsər təqdim edə bilər;
* müsabiqədə iştirak edən namizədlərə yaş məhdudiyyəti yoxdur;
* əsərlər oktyabrın 1-dən, dekabrın 20-sinə qədər qəbul edilir;
* müsabiqə qaliblərinin adlarının 2022-ci il martın 5-də keçiriləcək mükafatlandırma mərasimində elan olunacağı nəzərdə tutulur.
Müsabiqənin gedişatı
* Müsabiqəyə təqdim edilən əsərlər ilkin mərhələdə müəllifin adı gizli saxlanılmaqla, nömrələnmiş qaydada Ekspert Şurasına təqdim olunur. İkinci mərhələyə – 20-liyə çıxan əsərlər Mükafat Komissiyasının müzakirəsinə verilir;
* əsərlərin dəyərləndirilməsi 5 – 10 bal sistemi üzrə həyata keçirilir;
* Ekspert Şurası və Mükafat Komissiyası üzvlərinin adları mükafatlandırma mərasiminə qədər gizli saxlanılır;
* qaliblər diplom, döş nişanı və pul mükafatı ilə təltif olunur.
Müsabiqənin mükafat fondu
Nəsr üzrə
I yer – 2000 (iki min) manat
II yer – 1000 (min) manat
III yer – 500 (beş yüz) manat
Həvəsləndirici mükafat – 300 (üç yüz) manat.
Poeziya üzrə
I yer – 2000 (iki min) manat
II yer – 1000 (min) manat
III yer – 500 (beş yüz) manat
Həvəsləndirici mükafat – 300 (üç yüz) manat.
Əsərlərin göndərilmə qaydası
* əsərlər, müəllifin digər tərcümə nümunələrinin siyahısı və nəşr mənbəyi bildirməklə, elektron poçtu vasitəsi ilə, yaxud kağız
formatında 5 nüsxədə təqdim edilməlidir;
* əsərin Azərbaycan dilinə hansı dildən tərcümə edildiyi qeyd olunmalıdır;
* müsabiqə şərtlərinə əməl olunmadan təqdim edilən əsərlər geri qaytarılır.
Əlavə sənədlər
* şəxsiyyət vəsiqəsinin surəti;
* müsabiqə iştirakçısının əlaqə nömrəsi.
Ünvan: Bakı şəhəri, Ə.Topçubaşov küçəsi 74
Email: musabiqe@aztc.gov.az
Telefon: (012) 595 10 69
Mob: (055) 988 89 30 (votsap)
İlkin mənbə: aztc.gov.az
Müəllif: Azərbaycan Dövlət Tərcümə Mərkəzi
YAZARLAR.AZ
===============================================
<<<<<<WWW.YAZARLAR.AZ və WWW.BİTİK.AZ >>>>>>
Əlaqə: Tel: (+994) 70-390-39-93 E-mail: zauryazar@mail.ru
TÜRKİYƏ YAZARLARI AZƏRBAYCANDA MƏDƏNİ ƏLAQƏLƏR İCTİMAİ BİRLİYİNİN QONAĞI OLUB
Bu günlərdə Respublikamızın tarixi yerlərində- “Fəxri Xiyaban”da, muzeylərdə, Şəhidlər Xiyabanında olmuş bir qrup türkiyəli yazarlarla Azərbaycan Nəşriyyatında İNK-nın akt zalında görüş keçirilmişdir. Görüşü giriş sözü ilə “Azərbaycan-İraq Mədəni Əlaqələr İB”-nin sədri Dünya Sülh səfiri, BMT-nin üzvü Tahirə xanım Məmmədova açdı. O qonaqları salamlayaraq onlarla Türkiyədəki görüşləri barədə dinləyicilərə ətraflı məlumat verdi. Sonra Azərbaycanın və Türkiyənin himni səsləndirildi. Nümayəndə heyətinin rəhbəri Türkiyənin tanınmış şairi Coşkun Karabulut “Könül Yolçuları” adlanan platformanın üzvləri ilə Azərbaycana səfərindən danışdı. Sonra qonaqların çıxışlarına verildi. Şairlərdən Celal Bozkurt, Yusuf Ziya Yılmaz, Turğay Değirmancı, Hacıbayram Aslandaş, Şafak Elməddin Deniz, Zehra Selçuk Gül, Üzeyir Güleş, öz yeni şeirlərini söylədilər.
Xanım Seral Beyazgül Azərbaycanda Nazilə Gültacın yenicə çapdan çıxmış eyni adlı kitaba (“Könül Yolçuları” ) görə yazar dostuna minnətdarlığını bildirdi. Tədbirdə xeyriyyəçi Hacı İntiqam şair publisist Əyyub Şirvanlı, Rauf İlyasoğlu, Elçin Məmmədli, İradə Məlikova, Sevda İbrahimli bir neçə kitabın müəllifi Türkiyədə platformada iştirakçı olmuş, şairə Elmira Aslanxanlı Türkiyə-Azərbaycan dostluğuna Qarabağ Zəfərinə həsr olunmuş şerlərini və bu sətirlərin müəllifi Elmira Aslanxanlının “Qarabağ Azərbaycandır” və “Dost Gəlişi” şeirlərini söylədilər. Tədbirdə Lerikdən gəlmiş Qazi Üzeyir Məmmədov, şair Nizami Kolanlı və Püstə Rəvan da iştirak edirdi. Görüşün sonunda qonaqlara Fəxri Diplomlar təqdim olundu. Nümayəndə heyətinin rəhbəri Coşkun Karabulut tədbir iştirakçılarına və təşkilatçı Tahirə xanım Məmmədovaya heyəti adından təşəkkür etdi. Sonda xatirə şəkilləri çəkildi. Qonaqlar Qarabağa-Şuşaya səfər edəcəklərini bildirdilər.
Müəllif: Nəzakət KƏRİMOVA-ƏHMƏDOVA
İNK-nın Abşeron rayonu üzrə sədri, “Yazarlar” jurnalının ictimaiyyətlə əlaqələr üzrə meneceri, yazar.
NƏZAKƏT KƏRİMOVA-ƏHMƏDOVANIN YAZILARI
YAZARLAR.AZ
===============================================
<<<<<<WWW.YAZARLAR.AZ və WWW.BİTİK.AZ >>>>>>
Əlaqə: Tel: (+994) 70-390-39-93 E-mail: zauryazar@mail.ru
“Xəzan” jurnalının növbəti sayı (Avqust-sentyabr 2021/4/35) ışıq üzü görüb! Bu sayda dərc olunan yazarları təbrik edir və bütün yaradıcı heyətə yeni-yeni nailiyyətlər arzu edirik! Uğurlarınız bol olsun!!!
YAZARLAR.AZ
===============================================
<<<<<<WWW.YAZARLAR.AZ və WWW.BİTİK.AZ >>>>>>
Əlaqə: Tel: (+994) 70-390-39-93 E-mail: zauryazar@mail.ru
189-190 NÖMRƏLİ MƏKTƏBİN YAZAR ŞAGİRDİ
“Ot kökü üstə bitər”-deyərlər: məktəbimizin ( #189190nömrəliməktəb ) 10 “B” sinif şagirdi Səma Muğanna kimi. Bu kiçik fidan İsa Muğanna ocağını sönməyə qoymayan kiçik yazardır. Qələmini xəyallar dünyasının fırtınalarında sınmağa qoymayan, məsum ürəyində sevgi ilə nifrəti, xeyirlə şəri çarpışdıran Səma ədəbiyyat aləmində yeni doğan bir günəşdir. Bu Günəşin son zamanlardakı uğurları oxucularının gözünü qamaşdırır, ruhlarını oxşayır. Səma 3 kitab müəllifidir. Sonuncu kitabı “Adam və Papatyanın Tanrıyla görüşdüyü gün” kitabına görə bu günlərdə “Ziyadar” mükafatına layiq görülmüş və “Yazarlar” jurnalının redaksiya heyətinə üzv seçilmişdir. Onu bu münasibətlə təbrik edir, bu çətin, keşməkeşli yolda Səmamıza uğur diləyirik! #189190nömrəliməktəb
SƏMA MUĞANNANIN DİGƏR YAZILARI
YAZARLAR.AZ
===============================================
<<<<<<WWW.YAZARLAR.AZ və WWW.BİTİK.AZ >>>>>>
Əlaqə: Tel: (+994) 70-390-39-93 E-mail: zauryazar@mail.ru