WWW.YAZARLAR.AZ

Oxuyun >> Gözündə tük var

www.USTAC.az

Бошқача тус олар бу йилги Наврўз

Mart 21, 2026 www.bitik.az Bir şərh yazın

Fotoda: Südabə Mətanətli (Məmmədova)

НАВРЎЗ!

1.
Боғларда баҳорнинг нафаси эсар,
Олам жаннатидан завқланади кўз.
Қалбларда шодиёна шукуҳи кезар,
Бошқача тус олар бу йилги Наврўз.

Яна учиб келар оппоқ лайлаклар,
Қалдирғоч айвонга ин қўяр қайта.
Бирма-бир ушалар барча тилаклар,
Ёш-қари қувонар шукрона айта.

Офтобни эркалар зангори осмон,
Булутни савалар силкитиб чақмоқ.
Ёмғир майсаларга тутқазаркан жон,
Ғафлатдан уйғотар момоқалдироқ.

Қишнинг қирқ ямоқли оқиш яктаги,
Идраб чок-чокидан кетар ситилиб.
Яшил рангга кирар қирлар этаги,
Кўпчийди пурсилдоқ ерлар етилиб.

Деҳқон шошилади қўлида кетмон,
Шудгор даласидан умидлари мўл.
Чумолилар қишдан чиқдик деб омон,
Ризқини термоққа излашади йўл.

Чуғурчуқлар шохдан шохга қўнишар,
Занжирдай тизилиб келар турналар.
Соғинганлар дийдор завқин туйишар,
Унут бўлар барча араз, гиналар.

2
Ўзгача касб этар бу йилги Наврўз,
Жонажон юртимда ажиб тароват.
Табиат кўркини қилмоқда кўз-кўз,
Беминнат кўрсатиб меҳр-саховат.

Келажак дарахти гулга кирмоқда,
Чаманзор айлади юртни ободлик.
Истиқлол ниҳоли мева бермоқда,
Инсонлар юзида табассум, шодлик.
3
Янги йил, янги кун, янгича ҳаёт,
Шу кундан бошланар борлиқ аслида.
Кексалар тилайди ёшларга сабот,
Коинот жонланар баҳор фаслида.

Кишини кун сайин ортар ҳаваси,
Бодроқдай бодраган боғларда Наврўз!
Борлиқни забт этар уйғониш саси,
Лолага бурканган тоғларда Наврўз!

Кўнгилни кўтарар гавжум сайллар,
Кўпкари от чопган қирларда Наврўз!
Миллий қадриятни қайтарди йиллар,
Юртим , деб яшаган дилларда Наврўз!

Шоирлар мадҳ этар, қўшиқчи куйлар,
Раққоса ноз ила айлайди хиром.
Бор бўлсин ўзбекча баҳорий тўйлар,
Бор бўлсин, муҳаббат, баҳор ва илҳом!

Müəllif: Зуҳра Бегим

Zuhra Begim <<<< >>>> Зуҳра Бегим

Oxuyun >> Gözündə tük var

www.USTAC.az

Зуҳра Бегим – АЁЛ ҚАЛБИ

Mart 7, 2026 www.bitik.az Bir şərh yazın

АЁЛ ҚАЛБИ

Аёл – она, қалби муаттар,
Гуллар каби нафис ва хушрўй.
Кўз ўнгида ҳар кун тонг отар,
Хаёлида беҳаловат ўй.

У мўъжиза, сирли бир хилқат,
Кўнгли нозик, сувдайин кавсар.
Юрагида орзулар қат-қат,
Дунёдаги энг буюк асар.

Қалбига йўл топсангиз агар
Бахш айлагай гўзал онини.
Номи буюк, лек ўзи камтар,
Керак бўлса, тутар жонини.

Муҳаббат-ла, ёритар тунни,
Дуо қилиб, яхшилик тилар.
Ташвишларсиз ўтмагай куни,
Оилани муқаддас билар.

Уни юксак чўққилар томон
Олиб чиқар сабр ва тоқат.
Меҳр беринг, топсангиз имкон
Аёл кўнглин ўкситманг фақат…

Müəllif: Зуҳра Бегим

Zuhra Begim <<<< >>>> Зуҳра Бегим

Oxuyun >> Gözündə tük var

www.USTAC.az

Зуҳра Бегим – РАМАЗОН ОЙИ

Fevral 20, 2026 www.bitik.az Bir şərh yazın

РАМАЗОН ОЙИ

Оламни нурафшон айламоқ учун
Самодан фараҳбахш саболар елди.
Саҳиҳ имконларга йўл очиб бугун
Биз кутган муборак Рамазон келди!

Саҳар намозгоҳда қилинган дуо
Жаннат эшикларин қулфини очар.
Ғафлат уйқусидан уйғонар дунё,
Борлиққа эзгулик уруғин сочар.

Тавба-тазаррудан бериб ишорат,
Жойнамоз устида келтирар иймон.
Барча гуноҳларин қилиб кафорат,
Истиғфор зикридан тозарар виждон.

Замин елкасида оппоқ фаришта,
Булбулнинг тилидан тушмас саловат.
Асрий орзуларни боғлаган ришта,
Узлатга равона бўлар адоват.

Тутқунликнинг темир исканжасидан,
Руҳни озод этар нуроний сабр.
Шиддатли замоннинг ўт нафасидан,
Ўрнини топади муаззам қадр.

Оқшом юлдузларга жўр бўлиб осмон,
Сокинлик қўшиғин қилар хиргойи.
Қалбни асрамоққа ундар покдомон
Ниятлар рўёби – Рамазон ойи

Müəllif: Зуҳра Бегим

Zuhra Begim <<<< >>>> Зуҳра Бегим

Oxuyun >> Gözündə tük var

www.USTAC.az

Зуҳра Бегим – ГЎЗАЛЛАШДИ ҚИШ

Yanvar 30, 2026 www.bitik.az Bir şərh yazın

ГЎЗАЛЛАШДИ ҚИШ

Қори билан гўзаллашди қиш,
Бағри тўлди она заминнинг.
Аёз қисиб қайрар экан тиш,
Шашти анча пасайди куннинг.

Қир-адирлар пар кўрпа ёпиб,
Эртасини ўйлайди сокин.
Майсаларнинг илдизин қучиб,
Тупроқ қорнинг татийди тотин.

Кўчаларнинг юзи ялтираб,
Тарновларда осилади муз.
Кўкда булут ўйчан дилдираб,
Ер юзига сочар майин туз.

Ҳиссиётлар бағрига чорлаб,
Ром айлайди шоир қалбини.
Дилда илҳом ёғдуси порлаб,
Адо этар кўнгил амрини.

Боғлар зарли рўмол ўрайди,
Табиатнинг кўрки жилвакор.
Боқсанг шаксиз юрак яйрайди,
Ҳар фаслнинг мўъжизаси бор.

То февралнинг сўнгигача қиш,
Қанот ёзиб ёғавергин қор.
Бисотингни қилгин намойиш,
Забт этгунча оламни баҳор.

Müəllif: Зуҳра Бегим

Zuhra Begim <<<< >>>> Зуҳра Бегим

Oxuyun >> Gözündə tük var

www.USTAC.az

Зуҳра Бегим – ЯНГИ ЙИЛ

Dekabr 31, 2025 www.bitik.az Bir şərh yazın

ЯНГИ ЙИЛ

Ассалом, Янги йил, байрамлар боши!
Қаршимда нигоҳинг тикиб турасан.
Қорларинг осмоннинг қувонч кўз ёши,
Интизор дилларга ором берасан.

Арча атрофида жамулжам бўлиб,
Дийдор кўришади дўсту қариндош.
Ўткан ҳар бир кунни сарҳисоб қилиб,
Бир-бирин кўнглини кўтарар дилдош.

Байрамнинг кўркидир тўкин дастурхон,
Кишига завқ берар қиш таровати.
Қўл очиб кутади ҳазрати Инсон,
Бу бизга тинчликнинг юрт шарофати.

Само ризқ улашиб, оқ зар эласин,
Табиат базмидан хушнуд бўлгин дил.
Она бешигига фарзанд беласин,
Бахт ва омад олиб келгин, Янги йил!

Müəllif: Зуҳра Бегим

Zuhra Begim <<<< >>>> Зуҳра Бегим

www.USTAC.az

Зуҳра Бегим – ИШҚНИНГ МАЙДОНИДА

Noyabr 30, 2025 www.bitik.az Bir şərh yazın

ИШҚНИНГ МАЙДОНИДА

Бир умр қалбимда ўчмас из бўлиб,
Сокин нигоҳимга сассиз ўрнашдинг.
Токи юрагимдан жой олгунингча,
Ишқнинг майдонида жангсиз курашдинг.

Меҳрдан жо бўлди қадр риштаси,
Тоғдек юксалтирдинг нозик кўнглимни.
Оғир дамларимда беролдинг таскин,
Очиб қўйдинг шамол тўсган йўлимни.

Ҳаёт сўқмоғидан юрганим сари
Ботди товонимга жафокаш тошлар.
Йилларнинг юзига томди чакиллаб,
Армоннинг кўзидан оққан кўз ёшлар.

Гоҳида бу очун торайди дилхун,
Тун чўкди бағримга чексизлик қадар.
Дил телба севгингни англамагунча,
Самовий руҳимга келмади хабар.

Дилингда жо бўлган нафис туйғуни,
Ҳис қилдим тафти ўт нурли юзингдан.
Бемисл хислатинг чорлайди ҳар он,
Ишқингни англайман теран кўзингдан.

Қалбимга муҳаббат ҳадя этдинг,
Тумандай тарқади зулумкор фироқ.
Кўнглим билан бирга ошуфта кўнглинг,
Мендан олисларда бўлсанг ҳам йироқ.

Müəllif: Зуҳра Бегим

Zuhra Begim <<<< >>>> Зуҳра Бегим

www.USTAC.az

Зуҳра БЕГИМ – Мен чексиз самода ёлғиз бир юлдуз!

Noyabr 27, 2025 www.bitik.az Bir şərh yazın

Сокин тун ороми ичра тўлғаниб,
Хаёлга элтади саррин саболар.
Юракда шафақ ранг олов чўлғаниб,
Қулоққа чалинар мунгли наволар.

Борлиқни тутганда ширин ифорлар,
Нигоҳлар ортида сукут сақлар ун.
Муштоқ кўнглимизга келса баҳорлар,
Гул бўлиб бораман ёнингга бир кун.

Мен чексиз самода ёлғиз бир юлдуз,
Ҳисларим ёйилган замин бағрига.
Дарднинг кўзи ёриб, туғиларкан сўз,
Шу сўз деб бош эгдим кўнгил амрига.

Ишқнинг туғёнида туғилдим қайта,
Қалбимни титратди инжа туйғулар.
Сабр-ла яшадим, шукрона айта,
Шул сабаб чекинди ортга қайғулар.

Нафосат гулшани – умр мазмуни
Ҳаётнинг жилоси – камалак ранглар.
Ошиқ дил орзуга етишган куни
Севгининг самовий куйи жаранглар

Müəllif: Зуҳра Бегим

Zuhra Begim <<<< >>>> Зуҳра Бегим

www.USTAC.az

Борлиқ вужудимда жон, жон, Самарқанд!

Oktyabr 24, 2025 www.bitik.az Bir şərh yazın

САМАРҚАНД

Жамолинг баҳорий ҳислар уйғотди,
Оқшом чироқларин ёқди самоват.
Ёғоч бешигингда суягим қотди,
Сокин тунларингдан топдим ҳаловат.
Юлдузлар чамани – осмон, Самарқанд,
Улуғбек шул боғга боғбон, Самарқанд.

Мир Саййид Барака хоки пойига,
Устоз, деб бош қўйди султон Темурбек.
Маърифат келтирди шоҳ саройига,
Ҳеч кимса шахдига қўёлмаган чек.
Кўзимнинг ўнгида ҳар он Самарқанд,
Буюк ипак йўли –Турон, Самарқанд.

Юзингда акс этар онамнинг юзи,
Қуёшдай таралар меҳринг зиёси.
Йўлингга пояндоз жаннатнинг ўзи,
Оламда кўркингни йўқдир қиёси.
Гул атрига тўла бўстон, Самарқанд,
Бибихоним суйган маржон Самарқанд.

Авлиёлар ҳоки ётган заминсан,
Зимдан овоз берар қадимий оҳанг.
Афросиёб, суйла, не учун жимсан?
Етар, тоғу тошни гунг қилган ноланг.
Сиру синоати – чистон, Самарқанд,
Хўжа Аҳрор Валийга виждон, Самарқанд.

Даргоҳингга кимлар келиб кетмаган,
Ўтмишдан сўзлайди навқирон тарих.
Сен ҳақингда кимлар ашъор битмаган,
Шукр, мендан боринг тутмадинг дариғ.
Абулайс зикрида ирфон, Самарқанд,
Навоий наздида достон, Самарқанд.

Имом ал-Бухорий мангу уйқуда,
Бир замон меҳрингни тафтини туйган.
Саховатли бағринг тинч ва осуда,
Шул сабаб хотиржам кўнглини қўйган.
Мусофир дардига дармон Самарқанд,
Бобурнинг дилида армон Самарқанд.

Бироз вақт олисга қилсам гар сафар,
Хаёлим паришон, тўхтайди ижод.
Тушимда безовта руҳим дарбадар,
Юракни эзади кўтариб фарёд.
Умримнинг мазмуни – имкон Самарқанд,
Мен учун ягона макон Самарқанд.

Бу ёруғ оламда сенсизлик – рўё,
Ҳусни жамолингдан илҳом оламан.
Жонингга бу жоним бўлсин тўтиё,
Умрбод ёдингни сақлаб қоламан.
Зуҳронинг қалбида иймон Самарқанд,
Борлиқ вужудимда жон, жон, Самарқанд!

Müəllif: Зуҳра Бегим

Zuhra Begim <<<< >>>> Зуҳра Бегим

www.USTAC.az

Зуҳра БЕГИМ – ОНА ТИЛИМ

Oktyabr 23, 2025 www.bitik.az Bir şərh yazın

ОНА ТИЛИМ

Она тилим, тоғ бағридан отилган вулқонимсан,
Ота-онам кўнглидай оқ, покиза виждонимсан.

Кўҳна тарих пештоқига битилгансан, умрбод
Онгу шуур, тафаккурни, обод этгансан, обод!

Қадим олис ўтмишимиз хотирлардан олган жой,
Абадият эшикларин очган Ўрхун-Энасой.

Юсуф Хос Ҳожиб баёти уммон ичра гавҳар дур,
Зулумотни ёритгувчи юлдуз каби ёрқин нур.

Маҳмуд Қошғарийнинг боғи гулу чаман, бўстондир,
Ундан баҳра олган киши маърифатли инсондир.

Аҳмад Яссавий ҳикмати дилда уйғотган ҳайрат,
Хоразмий, Қутб, Рабғузий эл аро буюк сийрат.

Назмий сабоқ сирларини Лутфий хўб хитоб этмиш,
Навоийнинг ишқи ила номинг оламга кетмиш.

Тақдирнинг аччиқ бўрони синар ҳамон сабрингни,
Анбиёю алломалар кўтаришди қадрингни.

Жонин олиб кетгунча дор, жўшдинг Машраб тилида,
Эгилдинг, букилдинг, аммо синмадинг Ҳақ йўлида.

Ўзга юртда яшаб Бобур ўзлигин унутмади,
Улкан асарлар яратиб, рўёга юз тутмади.

Илму ирфон даҳолари жонини айлаб фидо,
Қодирий ва Усмон Носир кўз юмди, эркдан жудо.

Жавонмардлар жасорати кўз ўнгингда мардона,
Ойбекнинг гунг забонида яшайвердинг пинҳона.

Аждодларнинг битиклари асрларни ёд этди,
Улуғлардан қолган мерос хазинангни бойитди.

Она тилим – ўзбек тили, жоним ичра жонимсан,
Ота-онам кўнглидай оқ , покиза виждонимсан.

Müəllif: Зуҳра Бегим

Zuhra Begim <<<< >>>> Зуҳра Бегим