
İTİRDİM SƏNİ
Tale verən paydın, bəlkə də bəxtim?
Dolanbac yollarda itirdim səni.
Bu işdə müqəssir ancaq özüməm,
Dolanbac yollarda itirdim səni.
* * *
Bilirəm, könlüncə ola bilmədim,
Axıb ürəyinə dola bilmədim,
Bir ömür yanında qala bilmədim,
Dolanbac yollarda itirdim səni.
* * *
Əvvəldən bilirdik, dünyamız fərqli,
Birimiz qərbliydik, birimiz şərqli,
Uyuşa bilmədik, huyumuz irqli,
Dolanbac yollarda itirdim səni.
* * *
Boz şöhrət kor etdi, tutdu gözünü,
Untudun əhdini, pozdun sözünü,
Basdın ürəyimə hicran közünü,
Dolanbac yollarda itirdim səni.
* * *
Bəkirəm, bu yolda durmadım heç vaxt,
Cəfanı çox çəkdim, olmadm rahat,
Əlimdən nə gələr? –çox əfsus, heyhat,
Dolanbac yollarda itirdim səni.
Müəllif: Bəkir VƏKİLOV
YAZARLAR.AZ
===============================================
<<<<<< WWW.USTAC.AZ və WWW.BİTİK.AZ >>>>>>
Əlaqə: Tel: (+994) 70-390-39-93 E-mail: zauryazar@mail.ru