
DAĞLAR
Quzeyində güllər açıb,
Allanıbdır üzün, dağlar,
Fəsillərin ən gözəli,
Xoş gəlibdi yazın, dağlar.
* * *
Ağ qarındı başda tacın,
Əlvan geyib bax yamacın,
Uçur kəklik, gah turacın,
Çək onların nazın, dağlar.
* * *
Səndən ayrı qalmaq çətin,
Üzür məni bil, həsrətin.
Ürəyimdə məhəbbətin,
Neçə-neçə sözün dağlar.
* * *
Vurulmuşam qönçə gülə,
Sinən üstə o çən tülə.
Rahilə də, qonaq gələ,
Təzələnə izin, dağlar.
Müəllif: Rahilə QARALOVA
>>>> ƏN ÇOX OXUNAN HEKAYƏ <<<<
ZAUR USTACIN SATIŞDA OLAN KİTABLARI
YAZARLAR.AZ
===============================================
<<<<<< WWW.USTAC.AZ və WWW.BİTİK.AZ >>>>>>
Əlaqə: Tel: (+994) 70-390-39-93 E-mail: zauryazar@mail.ru