WWW.YAZARLAR.AZ

[>>>>>>BU HEKAYƏNİ MÜTLƏQ OXU<<<<<<]

[>>Mustafa Müseyiboğlu adına kitabxana<<]

www.USTAC.az

Azərbaycan Yazıçılar Birliyinin Mingəçevir bölməsinin rəhbəri İsmayıl İmanzadə (Mərcanlı) 20 iyun 2026-cı ildə, ömrünün 81-ci ilində vəfat edib

İyun 21, 2026 www.bitik.az Bir şərh yazın

Azərbaycan Yazıçılar Birliyinin Mingəçevir bölməsinin rəhbəri İsmayıl İmanzadə (Mərcanlı) 20 iyun 2026-cı ildə, ömrünün 81-ci ilində vəfat edib

Azərbaycan ədəbiyyatına itki üz verib. Tanınmış şair, publisist, Azərbaycan Yazıçılar Birliyinin Mingəçevir bölməsinin rəhbəri İsmayıl İmanzadə (Mərcanlı) 20 iyun 2026-cı ildə, ömrünün 81-ci ilində vəfat edib.

İsmayıl Səlim oğlu İmanzadə 10 dekabr 1945-ci ildə Cəbrayıl rayonunun Böyük Mərcanlı kəndində anadan olub. 1965-ci ildə indiki Gəncə Dövlət Universitetini bitirib. Uzun illər orta məktəblərdə müəllim, bir müddət isə dövlət qulluğu sahəsində çalışıb.

1993-cü ildə Cəbrayıl rayonunun Ermənistan silahlı qüvvələri tərəfindən işğalından sonra Mingəçevir şəhərində məskunlaşıb. Mingəçevir Şəhər İcra Hakimiyyətinin orqanı olan “Səda” qəzetində şöbə redaktoru, sonradan “Mingəçevir” qəzetində müxbiri vəzifələrində çalışıb. 1999-cu ildən Azərbaycan Yazıçılar Birliyinin Mingəçevir bölməsinin rəhbəri, “İnam” qəzetinin, “Bənövşə” və “Mingəçevir leysanı” ədəbi-bədii dərgilərinin təsisçisi və baş redaktoru olub.

İlk şeiri 1964-cü ildə “Ədəbiyyat və incəsənət” qəzetində dərc edilib. “Səni soraqlaram” adlı ilk kitabı 1980-cı ildə “Gənclik” nəşriyyatında işıq üzü görüb. Sonralar onlarla kitabı nəşr olunub. Şeirlərinin əsas mövzusu vətənpərvərlik duyğusu, yurd sevgisidir. Uşaqlar üçün yazdığı şeirlərinin bir qismi orta məktəb dərsliklərində və məktəbəqədər tərbiyə müəssisələri üçün vəsaitlərdə yer alıb. Altmışa yaxın şeirinə bəstəkarlar tərəfindən musiqi bəstələnib.

İsmayıl İmanzadə təkcə istedadlı ədib deyil, həm də fədakar ziyalı, qayğıkeş rəhbər idi. Azərbaycan Yazıçılar Birliyi Mingəçevir bölməsinin sədri kimi gənc istedadların üzə çıxarılmasına, ədəbiyyatımızın inkişafına və ictimaiyyət arasında layiqincə təmsil olunmasına əmək sərf etmiş, həmişə qələm əhlinin yanında olub.

Ədəbi-publisistik yaradıcılığı ilə otuz ildən artıq yaşadığı Mingəçevir şəhərinin ictimaiyyətində, eləcə respublika ədəbi mühitində rəğbət qazanıb.

Tanınmış söz ustadı, ziyalı İsmayıl İmanzadənin əziz xatirəsi onu tanıyanlar xatirəsində, ədəbiyyat tarixində yaşayacaq.

***

İsmayıl İmanzadə Mingəçevir şəhərində dəfn edilib. Vida mərasimdə şəhər İcra Hakimiyyətinin başçısı İlham İsmayılov, Mingəçevir və Cəbrayıl ziyalıları, yazarlar, ictimaiyyət nümayəndələri iştirak ediblər.

“Yazarlar” olaraq mərhum İsmayıl İmanzadəni rəhmətlə anır, AYB MİNGƏÇEVİR BÖLMƏSİnin kollektivinə, mərhumun yaxınlarına və bütün bu itkiyə üzülən hər kəsə başınız sağ olsun deyirik.

Allah rəhmət eləsin!

Məlumatı hazırladı: Leyla Mahirqızı

DAHA ÇOX YENİ MƏLUMAT

Oxuyun >> Gözündə tük var

Zaur Ustacın şeirləri haqqında

[>>>>>>BU HEKAYƏNİ MÜTLƏQ OXU<<<<<<]

[>>Mustafa Müseyiboğlu adına kitabxana<<]

www.USTAC.az

HARA TƏLƏSİRSƏN, PAYIZ KÜLƏYİ

Noyabr 18, 2024 www.bitik.az Bir şərh yazın

HARA TƏLƏSİRSƏN, PAYIZ KÜLƏYİ

“Dişini-dişinə” sıxıb gedirsən,
Qarşına çıxanı yıxıb gedirsən.
Məzlumu yandırıb-yaxıb gedirsən,
Hara tələsirsən, payız küləyi?!

Səni qamçılayan, “bizləyənmi” var,
Arxanca yüyürüb izləyənmi var?
Yolunu həsrətlə gözləyənmi var,
Hara tələsirsən, payız küləyi?!

De, bəlkə zülmətdə qanad açırsan,
Bağlı qapıları döyüb qaçırsan.
Odla oynayanda şəfəq saçırsan,
Hara tələsirsən, payız küləyi?!

Zalımın qəzəbi-kinisənmi de,
Paxılın, bədxahın yönüsənmi de?
Sonuncu qiyamət günüsənmi de,
Hara tələsirsən, payız küləyi?!

“Əlinin” sığalı uçuq künc-bucaq,
Arxanca sürünən toz “saçaq-saçaq”…
Yəqin, yorulanda köpün yatacaq,
Hara tələsirsən, payız küləyi?!
22.10.2024

MÜƏLLİF: İSMAYIL MƏRCANLI İMANZADƏ

Azərbaycan Yazıçılar Birliyi Mingəçevir Bölməsinin sədri, şair-publisist.

İSMAYIL MƏRCANLI İMANZADƏNİN YAZILARI

>>>> ƏN ÇOX OXUNAN HEKAYƏ <<<<

İSMAYIL MƏRCANLI İMANZADƏNİN YAZILARI

===============================================

<<<< WWW.YAZARLAR.AZ və WWW.USTAC.AZ >>>>

Əlaqə: Tel: (+994) 70-390-39-93 E-mail: zauryazar@mail.ru

www.USTAC.az

İSMAYIL MƏRCANLI (İMANZADƏ) – YOLAYRICINDA QALMIŞAM…

Noyabr 2, 2024 www.bitik.az Bir şərh yazın

YOLAYRICINDA QALMIŞAM…

Bir vaxtlar qarı düşmən kəsən kimi üstümü,
Zülmət donlu gecədə üzüb keçdim Arazı.
Gor əzabı çəksəm də… sındırmayıb şəstimi,
Hərdən yuxularımda gəzdim çiçəkli yazı.

Sığınmadım heç vədə kiminsə kölgəsinə,
Arxam da, dayağım da öz əlim-başım oldu.
Düşmədim əyri yolla mən qazanc həvəsinə,
Qələm çörək ağacım, söz dost-sirdaşım oldu…

Misra-misra dikəltdim illər boyu qəddimi,
Anladım mənasını hər çatılan qaşın da.
Dönə-dönə tapdadı nanəciblər rəddimi,
Ancaq məyus olmadım heç vaxt söz savaşında…

Zəfər müjdəli günlər duruldanda qanımı,
Çatdı səsim-avazım Diriyə, Ağoğlana.
Eşələyib kül altdan tapanda ünvanımı,
Kövrək xatirələrim təzədən gəldi cana…

Gördüm alın yazımı taleyimin ovcunda,
Heç demə düz otuz il kor bəxtimmiş bələdçim.
Nə gizlədim… qalmışam zülmət yolayrıcında,
Hələ nə şəhərliyəm, nə kəndçi kimi, kəndçi…

14.10.2024.

MÜƏLLİF: İSMAYIL MƏRCANLI İMANZADƏ

Azərbaycan Yazıçılar Birliyi Mingəçevir Bölməsinin sədri, şair-publisist.

>>>> ƏN ÇOX OXUNAN HEKAYƏ <<<<

MƏMMƏD MƏRZİLİNİN YAZILARI

===============================================

<<<< WWW.YAZARLAR.AZ və WWW.USTAC.AZ >>>>

Əlaqə: Tel: (+994) 70-390-39-93 E-mail: zauryazar@mail.ru

www.USTAC.az

BİZ BİRLİKDƏ GÜCLÜYÜK…

Oktyabr 16, 2024 www.bitik.az Bir şərh yazın

BİZ BİRLİKDƏ GÜCLÜYÜK…
(AYB-nin Mingəçevir bölməsinin növbəti yaradıcılıq günündən gələn soraq)

Əvvəlcə Mingəçevirdə, sonrasa paytaxt Bakıda özünün 25 illik yubileyini keçirmək istəyiylə hazırlıq işlərini sonuclamaqda olan AYB Mingəçevir bölməsinin bu dəfəki (15.10.2024) yaradıcılıq günü də bir sıra əlamətləriylə hamını məmnun etdi.

Bölmə rəhbəri, şair-publisist İsmayıl İmanzadə qısa zaman ərzində görülməsi nəzərdə tutulan bir sıra vacib işlərdən söz açdı və onun təklifiylə yaradılan yubiley komissiyasında təmsil olunanlara,- bütövlükdə isə ayrı-ayrı yazarlara tapşırıqlar verildi. Bölmə rəhbərinin sözlrindən aydın oldu ki hazırda Bakıdakı nəşriyyatlardan birində “Bənövşə” ədəbi-bədii dərgisinin “25-Cİ ADDIM” adlı xüsusi buraxılışı çap olunan kimi hər iki yubiley tədbiri reallaşacaqdır. Bölmə rəhbəri bu əlamətdar hadsəni mingəçevirli yazarlar üçün həm yubiley sevinci, həm də yaradıcılıq hesabatı kimi dəyərləndirdi və : “Dostlar, unutmayın ki, biz birlikdə güclüyük!”-deyərək həmkarlarına uğurlar arzuladı…
Tədbirin sonrakı məqamlarında Mingəçevir Dövlət Universitetinin dosenti, şair-tədqiqatçı Mehman Rəsulov və bölmə rəhbərinin “müşaviri” Rəşid Rəsulov xeyir-dualarıyla söz məclisinə sevinc dolu anlar bəxş etdilər…
“Ahıl və cahıl” şair dostumuz Ağabala Salahlının məhəbbət mövzusunda oxuduğu şeir də diqqətdən kənarda qalmadı. Şairlərdən Bəhman Gülövşəli, Məmməd Mərzili, Elçin Məhərrəm, Nicat Hunalp, Eldəniz Cəfəroğlu, Mahir Musanın müxtəlif mövzularda qələmə aldıqları şeirləriylə, gənc yazıçı-dramaturq Şamil Həsənsə təzəcə yazdığı pyesindən bir parça oxumaqla könül xoşluğuyla keçən anların yaddaşında iz saldılar. Elvin Rəfaeloğlunun bu il aprel ayında dünyasını dəyişən atası, AYB-nin üzvü Rəfael Dəmiroğlunun bir neçə şeirini söyləməklə yadda qaldı…
Bölmə rəhbəri İsmayıl İmanzadə də sonda iki şeirini oxudu və: “İnşallah, oktyabrın 27-də, saat 11-də “Palitra” Ədəbi Klubunda yenidən birlikdə olacağıq!”-deyərək, yazarlara uğurlar dilədi…

Müəllif: Məmməd MƏRZİLİ

Şair-publisist, AJB-nin üzvü.

İSMAYIL MƏRCANLI İMANZADƏ

YAZARLAR.AZ
===============================================

<<<< WWW.YAZARLAR.AZ və WWW.USTAC.AZ >>>>

Əlaqə: Tel: (+994) 70-390-39-93 E-mail: zauryazar@mail.ru

www.USTAC.az

ƏDƏBİ GƏNCLİK MƏNİM QOLUM-QANADIMDI

Sentyabr 20, 2024 www.bitik.az Bir şərh yazın

ƏDƏBİ GƏNCLİK MƏNİM QOLUM-QANADIMDI …Bəzilərinin nəzərində sadəlöhv-avam adam kimi tanınsam da (Neyləyim, bir şeirimdə dediyim kimi, zəmanə adamı ola bilmədim!..) kimlərəsə yaxşılıq edəndə özümü çox rahat hiss edir, qarşılığını gözləmədən yoluma davam edirəm. Cəbrayılda yaşadığım illərdə “Ümid” Ədəbi Klubu adlanan söz məclisinə 1978-ci ildən 1993-cü ilə kimi rəhbərlik etmiş, rayonun istedadlı qələm sahiblərinin ölkə miqyasında tanınması naminə əlimdən gələni kimdənsə əsirgəməmişəm. İndiki günlərdə yaşları əllini-altmışı ötmüş yazar həmyerlilərimin ilk yazılarının o vaxtlardakı “Azərbaycan gəncləri”, “Sovet kəndi”, “Azərbaycan müəllimi” qəzetlərində, “Ulduz”, “Kənd həyatı”, “Təşviqatçı”… jurnallarında dərc edilməsinə nail olmuş, bir sıra tanınmış qələm sahibləri ilə rayon mərkəzində, ayrı-ayrı kəndlərdə, mədəniyyət evlərində və məktəblərdə görüşlərini təşkil etmişdim. Allah şahiddir ki bu addımlarımın arxa üzündə heç bir təmənnam və umacağım olmayıb…

Mingəçevirə gələndən sonra şəhər qəzetində işləməyim yerli yazarlarlarla tanışlığımı dostluğa çevirdi. Onlarla istedadlı şəxsin yazılarının mətbuat səhifələrində yer almasında, sonra isə AYB Mingəçevir bölməsinin yaradılmasında önəmli pay sahibi oldum. Bölmə fəaliyyətə başlayan kimi ömürləri boyu mərkəzi mətbuatın yolunu tanımayan söz adamlarının şeir və hekayələrinin qəzet və jurnallarda dərc edilməsinin sevincini yaşadım…
Gənc yazarların ədəbi uğurlarına ürəkdən sevindim. Onların hər dəfə qəzet və jurnallarda yazıları dərc olunanda fərəh hissi keçirdim. Ümumiyyətlə, kimisə zəif yazısına görə acılayan adam olmamışam, əksinə yaşlı və orta nəslin nümayəndələrinə ehtiramla yanaşmış, cənc yazarlara isə etimad bəsləmişəm. Bunun nəticəsi olaraq bölməyə qədəm qoyan gənclərə qayğıyla yanaşmış, onlara inam bəslədiyimi sevinc hissiylə dilə gətirmişəm. Son 25 il ərzində iki-üç nəfər istisna olmaqla etdiyim yaxşılıqları unutmayıblar!..
İndiki günlərimizdə Mingəçevirdə yaşayan gənc yazarlara yönəlik etimadım artıq öz bəhrəsini verməkdə, ilin əvvəlində yaratmış olduğumuz Gənclər Şurası öz barını-bəhrəsini ortaya qoymaqdadır. İstedadlı gənc yazar Elçin Məhərrəmin rəhbərlik etdiyi şuranın üzvləri,-Nicat Hunalp, Şamil Həsən, Mədinə Rəhimova, Ruhani Cəfərov, Əfqan Dönməz, Talib Həsənli… indi mənim bükülməyən qolum-qanadlarımdı. Onlar bölmənin təzə simvolunu hazırlayıb ortaya qoyublar, “Bənövşə” ədəbi dərgisinin nəşrinin bərpası yönündə əməli fəaliyyətə başlayıblar…
P.S. Son bir aya yaxındır ki bölmənin 25 illik yubileyi ilə ilgili xüsusi buraxılışı nəşrə hazırlayıram. Demək olar ki bu önəmli işi tamamlamaq üzrəyəm. Bir neçə rəsmi şəxs, o cümlədən alim və yazar dostlarımın yazıları əlimin altındadır. İnşallah, tezliklə bu önəmli işin sevincini birlikdə yaşayacaq, Mingəçevirdə və paytaxt Bakıda yubiley mərasimlərinin iştirakçıları olacağıq. Məhz bununçün də xeyli vaxtdan bəri yaradıcılıqdan bir az uzaqlaşsam da, itirilən vaxtıma heyfsilənmirəm. Axı, mən həyatda heç vaxt təkcə özümçün yaşamamışam!..
18.09.24

AYB Mingəçevir bölməsinin sədri

===============================================

<<<< WWW.YAZARLAR.AZ və WWW.USTAC.AZ >>>>

Əlaqə: Tel: (+994) 70-390-39-93 E-mail: zauryazar@mail.ru

www.USTAC.az

AYB-nin Mingəçevir bölməsi-25

İyun 22, 2024 www.bitik.az Bir şərh yazın

SEVİNCİMİZİ HAMINIZLA BÖLÜŞƏCƏYİK…

Sovetlər dönəmində fəaliyyət göstərən Azərbaycan Yazıçılar İttifaqının filiallarından fərqli olaraq (İndiki günlərimizdə də öz işlərini davam etdirən həmin filiallarda təmsil olunan qələmdaşlarıma uğurlar arzulayıram!) AYB-nin 1991-ci ildən sonra yaradılan Şəki, Aran, Xəzər, Sumqayıt, Abşeron, Qubadlı Mingəçevir…bölmələri müstəqilliyimizin bölgələrdə yaşayıb-yaradan yazarlarımıza yönəlik ən dəyərli töhfəsidir.

İllər boyu sənaye mərkəzi, fəhlə şəhəri kimi tanınan Mingəçevirdə 23 oktyabr 1999-cu ildə AYB sədri Anar, Fikrət Qoca, o vaxtkı şəhər rəhbəri Məhəbbət Qarabağlı (Allah hər ikisinə rəhmət eləsin!) və ictimaiyyət nümayəndələrinin xeyir-duaları ilə fəaliyyətə başlayan Mingəçevir bölməsi çox keçmədən sözün əsl mənasında ədəbi aləmin bir parçasına çevrildi. Tanınmış ədəbiyyatşünas Ramiz Göyüş və görkəmli alim Rüstəm Kamalın yazdıqlarına istinadən desəm, “sovetlər birliyi dövründə tədricən kosmopolitləşən və rus dilinin təsiri ilə milli köklərindən uzaqlaşmaqda olan bir bölgədə ədəbi mərkəzin yaradılması, ilk növbədə yerli yazarların püxtələməsində böyük rol oynadı. Həmin vaxta qədər tək bircə nəfər istisna olmaqla, mərkəzi mətbuatda heç vaxt imzaları görünməyən yerli yazarların əsərləri çeşidli adlar altında nəşr olunan qəzet-jurnallarda ayaq açdı. Onların böyük bir qisminə yubiley və poeziya gecələrində, kitab təqdimatı mərasimlərində, tele-verilişlərdə öz sözlərini demək imkanı yarandı, ilk kitablarını çap etdirdilər. 2008-2020-ci illər aralığında bölmənin xəttiylə nəşr olunan “Bənövşə” (əzəlki adı “Mingəçevir leysanı”) ədəbi dərgisi öz qapısını istedad sahiblərinin üzlərinə taybatay açdı. Xeyli sayda mingəçevirli yazar AYB-yə üzv qəbul olundu, 2014-2022-ci illər aralığında bölmənin xəttiylə dörd almanax işıq üzü gördü…
Son iyirmi beş il ərzində ortaya qoyduğumuz önəmli işlərin hamısını sadalamaq fikrində olmadığımdan, bölmənin 25 yaşını qeyd etmək məqsədiylə nəzərdə tutulan silsilə tədbirlərin yalnız bir neçəsini diqqətə çatdırmaq istəyirəm. İnşallah cari ilin payızında əvvəlcə Mingəçevirdə, sonra isə paytaxt Bakıda yubiley sevincimizi sizlərlə bölüşəcəyik. Bu məqsədlə yazının sonunda üz qabığı ilə tanış olacağınız “Söz yaddaşı” adlı almanaxımız (bölmənin sayca beşinci toplusu) hazırda Bakıdakı nəşriyyatlarından birində yaxın həftələrdə işıq üzü görəcəkdir. Sonra isə yəqin ki sonnrakı aylardan birində AYB və Mingəçevir şəhər rəhbərliklərinin, bir neçə dəyərli alim-yazar dostlarımızın təbriklərinin, bölmənin 25 illik fəaliyyətini əks etdirən xronikanın, foto-şəkillərin yer aldığı “Bənövşə” jurnalının xüsusi buraxılışı ilə qarşınıza çıxacağıq…
Ümid edirik ki son 25 ildən bəri nur timsallı Mingəçevirdə şölə saçan söz ocağımızın xoş sorağı ilahi sözə dəyər verən hər kəsi ürəkdən sevindirəcəkdir.
İSMAYIL İMANZADƏ
AYB Mingəçevir bölməsinin sədri
21.06.2024

===============================================

<<<< WWW.YAZARLAR.AZ və WWW.USTAC.AZ >>>>

Əlaqə: Tel: (+994) 70-390-39-93 E-mail: zauryazar@mail.ru

www.USTAC.az

ƏSL OXUCU KİMLƏRDİ…

İyun 18, 2024 www.bitik.az Bir şərh yazın

ƏSL OXUCU KİMLƏRDİ…

İlk növbədə özümə ünvanladığım bu suala yəqin ki bəziləri birmənalı şəkildə yanaşmayacaq. Sosial şəbəkənin (FB-un) iç qatlarına bələd olduqca anladım ki bu virtual aləm arxa qapısı hamının üzünə açıq olan bir məkandı. Ədəbi aləmin çox vaxt bağlı olan qapılarından içəri keçməyi haqq etməyənlər, dal qapıdan asanlıqla içəri sivişib, ürəkləri istədiyi qədər özlərinə tərəfdar toplaya bilirlər. Və onu da anladım ki virtual aləmdə hər kəsin yazı savadını, istedad sahibi olub-olmadığını, ədəbi zövqünü, iç dünyasını asanlıqla dərk etmək mümkünmüş…
Hər şeydən qabaq bu aləm cızmaqaraçıların və onlara züy tutanların məkanıdır, burda şəxsi tanışlıq, yazı müəllifinin yaşı, cinsi, haralı olması vacib hesab edilir. Sizlər kimi mən də şahidəm ki, hansısa bölgədən olan bir “yazar”ın şeir adına ortaya qoyduğu “nəsnə”yə bəzi həmyerliləri nəzakət xatirinə dəstək verirlər. Yeri gəlmişkən, bu ilin əvvəllərində görkəmli bir alim eloğlumla çay süfrəsi arxasına əyləşib dərdləşəndə (Bizim tərəflərdə adətən bu ifadəni işlədirlər) dedim: “Qaqa, sən doğrudanmı o filankəs xanımın gün ərzində feysbukda nümayiş etdirdiyi ən azında iki-üç cızmaqaralarını şeir hesab edirsən?” Üzümə təbəssümlə baxıb dilləndi: “Neyləyim, öz kəndçimdi, vallah heç oxumadan “layk” edirəm…” Mənim şəxsi fikrimcə ən səmimi oxucu yüksək ədəbi zövqə sahib tərəfsiz oxuculardı. Ən istedadlı yazar dostlarımı da bu “qrafaya” əlavə edirəm. Ancaq bəzi qələm sahibləri incisə də deyəcəyəm, (çoxları bilir ki məndə heç əzəldən “zadnı skorus” yoxdu): “Bəziləri “bəyənmə” işarəsinə barmaq basanda, bunu “beh” hesab edir və qarşılığını gözləyirlər!” Yəni, “öy məni, öyüm səni” prinsipini əsas tuturlar. Ötən ilin sentyabr ayında üzləşdiyim göz əməliyyatından sonra bir müddət sosial şəbəkədən gendə dayanmağa məcbur oldum. Bəzi dırnaq arası “dostlar” üç-dörd həftənin içində qeybə çəkildilər. Həmin çətin günlərimdə yazı-pozu ilə məşğul olmayan, ancaq sözə dəyər verməyi bacaran söz sərrafları həmişə olduğu kimi məni yalqız buraxmadılar…
Elə indinin özündə də rəhbərlik etdiyim AYB Mingəçevir bölməsinin 25 illik yubileyi ilə ilgili işlərim çox olsa da, əsl söz sərrafları məni tərk etməyiblər…
P.S. Özümə söz vermişdim ki yalnız özümün və əhatəmdə olan yazarların qayğıları ilə ilgilənim, ancaq gec-tez yuxarıda dediklərimi üzə çıxarmalı idim. Mənim yazılarıma münasibət bildirən dostlara da, bilərəkdən gözardı edənlərə də cansağlığı arzulayıram. Tərif xəstəsi deyiləm ki yazılarımı oxuyanların sayı ilə qürrələnəm!..

TRİBUNADA: İSMAYIL İMANZADƏ
AYB Mingəçevir bölməsinin sədri
17.06.2024

YAZARLARIN TRİBUNASI