06 oktyabr 2026-cı il tarixində Bakı İlahiyyat Kollecində şair, esseist, tərcüməçi, Azərbaycan Yazıçılar Birliyinin katibi Səlim Babullaoğlu ilə görüş keçirilib. Görüşdə kollecin rəhbərliyi və 5tələbələr iştirak ediblər. Görüşü giriş sözü ilə kollecin direktoru, ilahiyyat üzrə fəlsəfə doktoru Mehman İsmayılov açıb və qonağı tələbələrə təqdim edib, kollecdə belə görüşlərin mütəmadi keçirildiyini xatırladıb və qeyd edib ki, bu görüş də həmin silsilənin davamıdır. Səlim Babullaoğlu tələbələrin çoxsaylı suallarına cavab verib, şeirlər oxuyub, ədəbiyyat, poeziya, din, əxlaq, ədəbi təmayüllər, cəmiyyətin problemləri mövzusunda dinləyəcilərlə mükalimə edib. Görüşün sonunda qonaq tələbələrə öz kitablarını, habelə bir çox tərcümə nəşrlərini hədiyyə edib. Tədbirdən fotolar:
“Yazarlar” olaraq, SƏLİM BABULLAOĞLUnu əbrik edir, qarşıdakı bütün həyat və fəaliyyətində yeni-yeni nailiyyətlər arzulayırıq! Uğurlarınız bol olsun!
05.10.2026-cı il tarixində Müəllimlər günü münasibəti ilə Bakı Reabilitasiya Mərkəzində oxucularla görüş keçirilib
Görüşdə Qabil Nabi ilə yanaşı gözəl şeirlər müəllifi Zirəddin Quliyev, tanınmış müğənni İsmayıl Rəcəbov, həvəskar müğənni Müşfiq Vəlizadə də iştirak edirdilər.
Tədbir iştirakçıları müəllimlərimiz haqda xoş sözlər deyib fikirlərini bildirdilər. Tədbir zamanl müxtəlif mövzulara aid şeirlər söylənildi, mahnılar ifa olundu, xəstə və həkim kollektinin sualları cavablandırıldı. Sonda oxuculara şairlərin imzası ilə kitablar təqdim olundu.
Mərkəzdə müalicə alan xəstələrin marağına səbəb olan bu tədbirin təşkilinə görə BRM-in baş həkimi Vüsalə xanıma, təşkilatçı Leyla xanıma, təşəbbüsçü Aida xanıma minnətdarlığımızı bildiririk.
“Yazarlar” olaraq, Qabil Nabini , Zirəddin Quliyevi və tədbirdə iştirak etmiş digər yaradıcı insanları təbrik edir, qarşıdakı bütün həyat və fəaliyyətində onlara yeni-yeni nailiyyətlər arzulayırıq! Uğurlarınız bol olsun!
Etibar Həsənzadənin “Zəfərlərə Doğru” adlı kitabı Belediye başkanına və Kaymakama hədiyyə edildi
Etibar Həsənzadənin “Zəfərlərə Doğru” adlı kitabı Karaman ili Sarıveliler ilçesi Kaymakamı sayın Mustafa Katran bəyə və Karaman ili Sarıveliler Belediye başkanı Sarıveliler ilçe belediye başkani Mehmet Ali Yılmaz bəyə yazarın Türkiyə də ki Gönül Elçisi İmanlı Vatan Evladi Derneği və Vakfi Genel Başkanı Mustafa Nazill bəy tərəfindən Ofisində ziyarət edilərək hədiyyə edilmişdir.
Bu barədə Yazar Etibar Həsənzadə öz rəsmi sosial media hesablarında məlumat vermişdir.
“Zəfərlərə Doğru” adlı kitabım Sarıveliler ilçesi Kaymakamı sayın Mustafa Katran bəyə və Karaman ili Sarıveliler ilçe belediye başkani Mehmet Ali Yılmaz bəyə hədiyyə edilmişdir.
Sayğı və hörmətə görə Mustafa Katran bəyə və Sarıveliler ilçe belediye başkani Mehmet Ali Yılmaz bəyə məni layiqincə təmsil etdiyinə görə dəyərli dostum dəyərli hocam Türkiyə Gönül Elçim Mustafa Nazilli bəyə təşəkkürümü bildirirəm . Allah ömür versin Allah sizlərdən razı olsun var olun. Qeyd edək ki Kitab Etibar Həsənzadənin Qarabağ Azərbaycandir adlı layihəsi çərçivəsində nəşr olunan üçüncü kitabıdır. Kitaba layihə çərçivəsində yazılmış bütün əsərlər daxil edilmişdir. Bundan başqa kitabda Türkiye Azərbaycan və Pakistan dostluğuna dair geniş məqalələr həmçinin Azərbaycan və Türkiyənin Qüruru olan Baykar Şirkətinin Texniki Direktoru Böyük Muhendis Selçuk Bayraktar Babası Özdemir Bayraktar və Baykar Şirkətinin Fəaliyyətləri haqqında geniş məlumatlar Selçuk Bayraktarin Qarabağ Zəfərimizdə bizlərə verdiyi dəstək haqqında geniş məlumatlar yer alır.
“Yazarlar” olaraq, Etibar Həsənzadəni təbrik edir, qarşıdakı bütün həyat və fəaliyyətində yeni-yeni nailiyyətlər arzulayırıq! Uğurlarınız bol olsun!
Vaqif Osmanlının “70-in işığında” adlı kitabının təqdimat mərasimi keçirilib
3 Oktyabr 2026-cı ildə Azərbaycan ədəbiyyatının tanınmış nümayəndəsi, “Ədəbi Ovqat” dərgisinin baş redaktoru, şair və publisist Vaqif Osmanlının “Röyal” otelin konfrans zalında “70-in işığında” adlı kitabının təqdimat mərasimi keçirilib.
Kitabın redaktoru Rəfail Tagızadədir. Kitab müəllifin sayca – 7-ci kitabıdır.
Tədbir Azərbaycan Respublikasının ərazi bütövlüyü, müstəqilliyi və suverenliyi uğrunda canlarından keçən şəhidlərimizin əziz xatirəsinin bir dəqiqəlik sükutla yad edilməsi ilə başlayıb.
Təqdimat mərasimini aparan Rəfail Tağızadə qonaqları salamlayaraq Vaqif Osmanlının zəngin yaradıcılıq yolundan, Azərbaycan ədəbiyyatına verdiyi töhfələrdən, publisistik və ictimai fəaliyyətindən ətraflı bəhs edib. Bildirib ki, müəllif ömrünün yetmiş illik həyat və yaradıcılıq yolunu özündə əks etdirən bu kitab həm xatirələr, həm düşüncələr, həm də mənəvi dəyərlərin təbliği baxımından xüsusi əhəmiyyət daşıyır.
Qeyd olunub ki, “70-in işığında” kitabı müəllifin keçdiyi ömür yoluna, həyat təcrübəsinə, yaradıcılıq axtarışlarına və milli-mənəvi dəyərlərə bağlılığını əks etdirən dəyərli nəşrdir. Kitab oxucunu müəllifin düşüncə dünyasına səyahət etdirir, müxtəlif dövrlərdə qələmə alınmış yazılar, xatirələr və həyat müşahidələri ilə zəngindir.
Tədbirdə çıxış edən ədəbiyyatçı alimlər Lütviyyə Əsgərzadə və Məti Osmanoğlu, yazıçı, Əməkdar jurnalist Zemfira Məhərrəmli, yazıçı və şairlər Azad Qaradərəli, Ağacəfər Həsənli, Təranə Məmməd, Süleyman Abdulla, Mikayıl Bozal, Xeyrulla Ağayev, Bəhruz Məmmədov, Nicat Həşimzadə, Nemət Mətin, Miri Rəsulzadə, Azər Qismət, Zaur Ustac, Pərvanə Bayramqızı, Lalə İsmayıl, Əmək Qəhrəmanı Tərlan Musayeva, tanınmış aktyor Arif Həkimoğlu, yubilyarın gənclik dostu Xıdır Sadıqov və Azadə Quliyeva Vaqif Osmanlının zəngin yaradıcılıq yolundan, Azərbaycan ədəbiyyatına verdiyi dəyərli töhfələrdən, yüksək insani keyfiyyətlərindən və vətənpərvər mövqeyindən bəhs ediblər. Natiqlər qeyd ediblər ki, Vaqif Osmanlı özünəməxsus dəst-xətti, milli düşüncəsi və mənəvi dəyərlərə bağlılığı ilə müasir Azərbaycan ədəbiyyatında seçilən söz adamlarından biridir.
Bildirilib ki, “70-in işığında” kitabı müəllifin ömür yolunu, həyat fəlsəfəsini və yaradıcılıq axtarışlarını əks etdirən sanballı nəşr olmaqla yanaşı, oxucular üçün də dəyərli mənəvi qaynaqdır.
Çıxış edənlər yubilyarı 70 illik yubileyi münasibətilə təbrik edərək ona möhkəm cansağlığı, yeni yaradıcılıq uğurları və uzun ömür arzulayıblar.
Sonda Vaqif Osmanlı tədbirin təşkilatçılarına, çıxış edənlərə və oxucularına minnətdarlığını ifadə edib. Müəllif kitabın ərsəyə gəlməsi prosesindən danışaraq, bu nəşrin onun ömür yolunun, həyat fəlsəfəsinin və yaradıcılıq düşüncələrinin bir ifadəsi olduğunu bildirib.
Təqdimat mərasimi xatirə şəkillərinin çəkilməsi, müəllif tərəfindən kitabların imzalanması və oxucularla səmimi söhbətlə başa çatıb.
Tədbirin gedişində “Yazarlar” jurnalının baş redaktoru Zaur Ustac “Yazarlar” cameəsi adından Vaqif Osmanlıya “Durna teli – Qızıl qələm” və “Əsrin yazarı” mükafatlarını təqdim edib.
“Yazarlar” olaraq, Vaqif Osmanlını təbrik edir, qarşıdakı bütün həyat və fəaliyyətində yeni-yeni nailiyyətlər arzulayırıq! Uğurlarınız bol olsun!
Əli Sultanlı adına Naxçıvan şəhər ň nömrəli məktəbdə şəhid mayor Vüsal Vəliyevin əziz xatirəsinə həsr olunmuş tədbir keçirilib.
Şəhidin anım günü ərəfəsində keçirilən tədbirdə məktəbin müəllim və şagird kollektivi, mayor Vüsal Vəliyevin ailə üzvləri və qonaqlar iştirak ediblər.
Tədbiri giriş sözü ilə açan məktəbin direktoru Günel Quliyeva qonaqları səmimi salamlayaraq, şəhidlərin əziz xatirəsinin yad edilməsinin böyük mənəvi əhəmiyyət daşıdığını bildirib, Qarabağın azad olunması və suverenliyimizin qorunması uğrunda canından keçən qəhrəmanların heç vaxt unudulmayacağını vurğulayıb. O, Vətən uğrunda övladlarını şəhidlik zirvəsinə ucaldan valideynlərə təşəkkürünü bildirərək, onların fədakarlığının böyük ehtiram və minnətdarlıqla yad edildiyini qeyd edib. Məktəbin müəllimi Lamiə Hüseynova çıxışında bildirib ki, Vətən uğrunda canından keçən qəhrəmanların həyat və döyüş yolu gənc nəslin vətənpərvərlik ruhunda tərbiyəsində mühüm örnəkdir. Tədbir çərçivəsində məktəbin 5 “C” sinfinə şəhid mayor Vüsal Vəliyevin adı verilib və sinifdə xatirə lövhəsi qoyulub. Sinif rəhbəri Qönçə Novruzova rəhbərlik etdiyi sinfin şagirdlərinin şəhid mayor Vüsal Vəliyevin adını böyük qürur və məsuliyyət hissi ilə daşıyacaqlarını diqqətə çatdırıb. Daha sonra şəhid mayor Vüsal Vəliyevin döyüş yoluna həsr olunmuş videoçarx nümayiş etdirilib. Çıxış edənlər Vüsal Vəliyevin şərəfli döyüş yolundan, göstərdiyi qəhrəmanlıqdan və Vətən qarşısındakı xidmətlərindən söz açıblar. Məktəbin şagirdləri şəhid mayor Vüsal Vəliyevə həsr olunmuş şeirlər səsləndiriblər. Qeyd olunub ki, şəhidlərin qəhrəmanlıq nümunələrinin gələcək nəsillərə ötürülməsi onların xatirəsinin yaşadılmasına, şagirdlərdə vətənpərvərlik, milli qürur və Vətənə xidmət kimi ali dəyərlərin formalaşmasına mühüm töhfə verir. Şəhid mayor Vüsal Vəliyevin anası Mədinə xanım məktəb rəhbərliyinə, müəllim və şagird kollektivinə, eləcə ldə tədbirin təşkilatçılarına təşəkkürünü bildirib. O, oğlunun adının məktəbdə əbədiləşdirilməsini və onun xatirəsinə göstərilən ehtiramı yüksək qiymətləndirib. Tədbirin sonunda xatirə şəkilləri çəkdirilib.
“Yazarlar” olaraq, bütün şəhidlərimizi rəhmətlə anırıq. Allah rəhmət eləsin!
Sentyabrın 21-də Azərbaycan Jurnalistlər Birliyində üzvlüyə yeni qəbul olunmuş qələm sahiblərinə, jurnalistlərə Birliyin vəsiqələri təqdim edilib.Təqdimat mərasimi AJB-nin sədri, Əməkdar jurnalist Elçin Şıxlının çıxışı ilə başlayıb.Elçin Şıxlı Birliyə üzv qəbul olunmuş jurnalistləri təbrik edib, onların medianın müxtəlif sahələrində fərqləndiklərini vurğulayıb.Birliyin sədri “Türküstan Media Qrupu” nun baş redaktoru Aqil Camalı, təcrübəli telejurnalist Gülayə Xəlilovanı, “ÇAĞRI.az” saytının baş redaktoru Mübariz Yunuszadəni və başqa həmkarlarını təbrik edib. Elçin Şıxlı yazıçı Turan Uğurun illərlə AzTV-də hazırladığı verilişlərlə türkçülüyümüzə verdiyi töhfələrdən bəhs edib. Təqdimat mərasimində media mənsubları ürək sözlərini dilə gətiriblər.Təqdimatın sonunda jurnalistlər xatirə fotoları çəkdiriblər.
“Yazarlar” olaraq həmkarlarımızı təbrik edir, bütün həyat və fəaliyyətində yeni-yeni nailiyyətlər arzulayırıq! Uğurlarınız bol olsun!
Sentyabrın 18-də Moldovanın Müstəqilliyi günü, “Fairmont” otelinin “Nizami Gəncəvi” zalında Moldova Respublikasının Azərbaycan Respublikasındakı Fövqəladə və səlahiyyətli səfiri cənab Aleksandr Esaulenko Səlim Babullaoğluna “Moldova ədəbiyyatı və mədəniyyətinin Azərbaycan Respublikasında təbliği işinə verdiyi görkəmli töhfələrə, habelə Moldova Respublikası ilə Azərbaycan Respublikası arasında mədəni dialoqun və ədəbi əlaqələrin möhkəmləndirilməsində göstərdiyi xüsusi xidmətlərinə görə ehtiram olaraq” təqdimatı ilə mədəniyyət naziri Dan Suruçanun imzaladığı fəxri diplomu təqdim edib.
Hörmətli, cənab nazir, hörmətli cənab səfir! Xanımlar və cənablar! İcazə verin, əvvəlcə Moldova Respublikasınınn Müstəqilliyinin 35-ci ildönümü münasibəti ilə həm öz adımdan, həm Azərbaycan Yazıçılar Birliyinin rəhbərliyi adından hamınızı təbrik edim. Eyni zamanda bu təltifə, diploma görə cənab səfir Sizə və Moldova Respublikasının mədəniyyət nazirliyinə təşəkkürümü bildirim. Ötən 9 il ərzində biz Moldova və Rumıniya ədəbiyyatı ilə bağlı 16 nəşr hazırlamışıq, nəşr etmişik. Bu nəşrlərin hazırlanmasında ən yaxın və ardıcıl dəstəyi bizə Azərbaycan və Moldovanın ortaq oğlu, tanınmış iş adamı və ictimai xadim Vüqar Novruzov göstərib.
Eyni zamanda, bir çox nəşrin hazırlanmasında mən həmkarlarım Jalə İsmayıl, Seyfəddin Hüseynli, Cavanşir Yusifli, Qismət Rüstəmov, Rəbiqə Nazimqızı, Azad Yaşar və digər tərcüməçilərlə bərabər çalışmışıq. Hesab edirəm ki, bu təltif eyni zamanda həm də adlarını çəkdiyim insanlarındır. Ədəbiyyat, poeziya, tərcümə işi xalqları bir-birinə yaxınlaşdıran, onları bir-birinə tanıtdıran ən yaxşı vasitədir. Bu işlər əlbəttə ki, gələcəkdə də davam edəcək. Yaşasın Azərbaycan! Yaşasın Moldova! Yaşasın ədəbiyyat!
Trăiască Azerbaidjanul și Moldova! Trăiască prietenia și literatura!”
Tədbirdən fotolar:
“Yazarlar” olaraq cənab Səlim Babullaoğlunu təbrik edir, bütün həyat və fəaliyyətində yeni-yeni nailiyyətlər arzulayırıq! Uğurlarınız bol olsun!
Cəlilabadda “Zirvə” antalogiyasının təqdimatı Bu gün (09.09.2026) Cəlilabad şəhər Heydər Əliyev Mərkəzində Azərbaycan Yazıçılar Birliyinin üzvü, “Zərif kölgələr” ədəbi portalının İdarə Heyətinin üzvü, “Həməşəra” Fəxri Diplomu, “Turan Ödülü” və Turan Yazarlar Birliyinin xüsusi ödülü laureatı, pedaqoq, yazıçı, şair-publisist Sevil Gül Nur xanımın rəhbərliyi ilə əziz şəhidlər və qazilərə ithaf olunaraq ərsəyə gəlmiş “Zirvə” adlı antalogiyanın təqdimatı keçirilmişdir. Vətən uğrunda canını qurban vermiş şəhidlərimizin xatirəsini əziz tutmaq məqsədi ilə 1 dəqiqəlik sükut və Azərbaycan Respublikasının Dövlət Himninin səslənməsi ilə başlayan tədbir yazıçı-şair Sevil xanımın çıxışı ilə davam etdi. Səmimi, eyni halda yüksək səviyyədə keçən ədəbi tədbirdə çıxış edən layihə rəhbəri Sevil xanım antalogiyanın hazırlanma prosesi və ədəbi məcmuədə Cəlilabad ədəbi mühiti ilə yanaşı digər bölgə və rayonlardan olan 24 xanım yazarın iştirakı barədə məlumat verərək ona bu işdə dəstək olmuş hər kəsə, xüsusilə də Cəlilabad Rayon İcra Hakimiyyətinin başçısı cənab Rafiq Cəlilova, Cəlilabad Mərkəzləşdirilmiş Kitabxana Sisteminin direktoru Qənimət xanım İsrafilovaya və antalogiyada öz şeir və nəsr nümunələri ilə uğurla çıxış etmiş xanımlara səmimi minnətdarlığını bildirdi. Tədbirdə iştirak edən ağsaqqallar, ziyalılar, şəhid ailələrinin üzvləri, qazilər, hərbiçilər, Cəlilabad ədəbi mühitinin tanınmış nümayəndələri, müəllimlər və ictimaiyyət nümayəndələri, xüsusilə də rayonumuza təşrif gətirmiş qonaqlar öz çıxışlarında nəşr olunmuş antalogiya barədə öz ürək sözlərini söylədilər, Sevil Gül Nur xanımın rəhbərliyi ilə ərsəyə gəlmiş bu ədəbi məcmuənin şəhidlərimizin adı və xatirəsini əbəbiləşdirmək üçün gözəl və faydalı bir əsər olduğunu bildirdilər, müəllifə və müəlliflərə təbriklərini çatdırdılar. Tədbirdə çıxış edənlərdən biri də fəlsəfə üzrə fəlsəfə doktoru, “Həməşəra” mətbu orqanının təsisçisi və baş redaktoru, Turan Xalq yazarı, yazıçı-publisist İlqar İsmayılzadə idi. O, öz qısa çıxışında yazıçı-publisist, şair Sevil Gül Nur xanımı əslən Cəlilabaddan olan və respublika ədəbi mühitində öz parlaq imzası ilə tanınan elit-ziyalı xanım yazarlardan biri olaraq təqdim etdi. Sevil xanımın rəhbərliyi ilə ərsəyə gəlmiş “Zirvə” antalogiyasının hər cəhətdən mükəmməl və təqdirəlayiq bir əsər olduğunu vurğulayıb, bu antalogiyanın Cəlilabad ədəbi mühitində bir xanım yazarın rəhbərliyi ilə hazırlanıb işıq üzü görmüş ilk ədəbi məcmuə olaraq tarixə düşdüyünü bildirdi. Bu gün Cəlilabad ədəbi mühitində 50-dən çox xanım nümayəndənin təsbit edildiyi, əslində isə folklor sahəsinə aid olan şifahi xalq ədəbiyyatını (bayatılar, laylalar, qoşmalar və s.) nəzərə aldıqda, təkcə Cəlilabad bölgəsi deyil, Odlar Yurdu Azərbaycanın bütün bölgələrində qədim zamanlardan etibarən xanım şairlərin mövcud olduğu və bunun Azərbaycan xanımlarının genindən gəldiyinə təkid edən yazıçı-publisist qələm əhli olan xanım yazarların təmənnasız və səmimi olaraq təqdimatını bir zərurət adlandırdı. Öz çıxışının davamında antalogiya müəllifi və həmmüəlliflərini ürəkdən təbrik edən İ.İsmayılzadə Vətən və Dövlətçilik uğrunda canı və sağlamlığını qurban vermiş əziz şəhidlərimiz və qazilərimizlə bağlı yazılıb ərsəyə gəlmiş bu qəbil kitabların ilk növbədə əziz şəhidlərin ailə üzvləri və qəhrəman qazilər üçün bir növ məlhəm olduğunu, eyni halda onların fədakarlığının əbədiləşdirilməsinə xidmət göstərdiyini bildirdi. İlqar İsmayılzadə çıxışının sonunda Cəlilabad ədəbi mühitinin dəyərli və ziyalı xanım nümayəndəsi Sevil Gül xanıma Turan Yazarlar Birliyinin başqanı, Turan Xalq şairi Ustad Niftalı Göyçəli tərəfindən göndərilmiş TYB-nin xüsusi ödülünü, milli kimlik və milli-mənəvi dəyərlərin təbliğində xidmətlərinə görə “Həməşəra” mətbu orqanı tərəfindən yenicə təsis edilmiş “Turan Ödülü”nü, həmçinin, bir neçə kitab hədiyyəsi təqdim etdi. Bu tədbirdə yenicə nəşr edilmiş “Zirvə” antalogiyasından tədbir iştirakçılarına hədiyyə olundu. Tədbir xatirə şəkillərinin çəkilməsi ilə sona çatdı.
Etibar Həsənzadə Beynəlxalq mükafata layiq görüldü
Azərbaycanlı Yazar Etibar Həsənzadə Beynəlxalq mükafata layiq görüldü.
Bu barədə Etibar Həsənzadə öz rəsmi sosial media hesablarında məlumat vermişdir.
Caspian EVENTS Group tərəfindən “Pearls Awards 2026” beynəlxalq mükafatına layiq görüldüm.
Mənim də fəaliyyətimi dəyərləndirdiyinə görə Caspian EVENTS Groupun rəhbərliyinə və əməyi keçən hər kəsə təşəkkürümü bildirirəm. Allah ömür versin Allah razı olsun sizlərdən var olun.
Bakıda “Pearls Awards 2026” beynəlxalq mükafat gecəsi baş tutub. Caspian Events Group tərəfindən təşkil olunan tədbirdə Azərbaycanla yanaşı, Türk dünyasının müxtəlif ölkələrindən tanınmış sənətçilər, sahibkarlar, media nümayəndələri və müxtəlif sahələrin uğurlu şəxsləri iştirak ediblər.
Gecə çərçivəsində öz fəaliyyəti və uğurları ilə seçilən şəxslər “Pearls Awards 2026” mükafatlarına layiq görülüblər. Azərbaycanlı Yazar Etibar Həsənzadə də Türk Dünyasında Dostluğun qardaşlığın barışın və sülhün təbliğində uğurlu fəaliyyətinə görə “Pearls Awards 2026” Beynəlxalq mükafata layiq görülüb.
Qırmızı xalça, fotosessiyalar, media görüşləri və networking imkanları ilə yadda qalan tədbir Türk dünyasının nümayəndələrini bir platformada birləşdirərək yeni əməkdaşlıqlar üçün imkan yaradıb.
“Pearls Awards 2026” uğuru, istedadı və beynəlxalq əməkdaşlığı bir araya gətirən xüsusi gecə kimi yadda qalıb. Qeyd edək ki mükafatlandırıma gecəsində Azərbaycan Türkiyə Qazaxıstan Özbəkistanin müxtəlif sənət sahələri üzrə uğurlu fəaliyyəti ilə fərqlənən insanları mükafata layiq görüldü.
Azərbaycanlı Yazar Etibar Həsənzadə Beynəlxalq mükafata layiq görüldü.
Bu barədə Etibar Həsənzadə öz rəsmi sosial media hesablarında məlumat vermişdir.
Caspian EVENTS Group tərəfindən “Pearls Awards 2026” beynəlxalq mükafatına layiq görüldüm.
Mənim də fəaliyyətimi dəyərləndirdiyinə görə Caspian EVENTS Groupun rəhbərliyinə və əməyi keçən hər kəsə təşəkkürümü bildirirəm. Allah ömür versin Allah razı olsun sizlərdən var olun.
Bakıda “Pearls Awards 2026” beynəlxalq mükafat gecəsi baş tutub. Caspian Events Group tərəfindən təşkil olunan tədbirdə Azərbaycanla yanaşı, Türk dünyasının müxtəlif ölkələrindən tanınmış sənətçilər, sahibkarlar, media nümayəndələri və müxtəlif sahələrin uğurlu şəxsləri iştirak ediblər.
Gecə çərçivəsində öz fəaliyyəti və uğurları ilə seçilən şəxslər “Pearls Awards 2026” mükafatlarına layiq görülüblər. Azərbaycanlı Yazar Etibar Həsənzadə də Türk Dünyasında Dostluğun qardaşlığın barışın və sülhün təbliğində uğurlu fəaliyyətinə görə “Pearls Awards 2026” Beynəlxalq mükafata layiq görülüb.
Qırmızı xalça, fotosessiyalar, media görüşləri və networking imkanları ilə yadda qalan tədbir Türk dünyasının nümayəndələrini bir platformada birləşdirərək yeni əməkdaşlıqlar üçün imkan yaradıb.
“Pearls Awards 2026” uğuru, istedadı və beynəlxalq əməkdaşlığı bir araya gətirən xüsusi gecə kimi yadda qalıb. Qeyd edək ki mükafatlandırıma gecəsində Azərbaycan Türkiyə Qazaxıstan Özbəkistanin müxtəlif sənət sahələri üzrə uğurlu fəaliyyəti ilə fərqlənən insanları mükafata layiq görüldü.
“Payız ətirli qadın” şeirlər kitabının təqdimat mərasimi və poeziya gecəsi keçirilib
Avqustun 8-də “Central Park Hotel”in tədbir zalında həkim-şair Solmaz Qəribelin rus və azərbaycan dilli «Женщина с ароматом осени» / «Payız ətirli qadın» şeirlər kitabının təqdimat mərasimi və poeziya gecəsi keçirilib. Tədbiri giriş sözü ilə açan filologiya üzrə fəlsəfə doktoru, şair Adilə Nəzər qonaqları salamlayaraq müəllifin yaradıcılığı haqqında qısa məruzə edib. A. Nəzər həkimlik peşəsi ilə şairlik təfəkkürünün vəhdətindən söhbət açaraq, Solmaz Qəribelin poetik dünyasının həm insan bədəninə, həm də ruhuna toxunan həssaslığından bəhs edib. Daha sonra söz kitabın tərcüməçisi Təranə Məmmədə və redaktor Rəfail Tağızadəyə verilib, ardından Solmaz Qəribelə “Türk Birliyi” sertifikatı və medalı təqdim olunub. Təltifdən sonra müəllif qonaqları salamlayaraq bir neçə şeirini səsləndirib. Çıxışlar hissəsində ilk söz dilçi alim Sevinç Əliyevaya verilib; o, Azərbaycan dilinin zəfər dili olduğunu vurğulayaraq kitabın dilimizin təbliğinə xidmət etdiyini və bu təqdimatın müəllifin yaradıcılıq zəfəri olduğunu qeyd edib. Ardınca dilçi alim Mərziyə Nəcəfova, şərqşünas alim Kəminə Havidova, şairlər Yusif Nəğməkar, Ayaz Arabaçı, Xaqani Abbasəli Öztürk, jurnalist Rüfət Muradlı çıxış edərək dəyərli fikirlərini bölüşüblər. Bədii qiraətçi, Vətən müharibəsi iştirakçısı Cəbrayıl Qəmbər müəllifin şeirlərini səsləndirib, müəllifin qızı Ayşə xanım anasını təbrik edərək onun “Qadınlar var…” şeirini oxuyub. Həmçinin Əli Yunisov, İdris Babayev, Zaur Ustaç, Tatyana Avand və Zərəngiz Qayalı çıxış edərək öz xoş arzularını çatdırıblar. Qeyd edək ki, rəsmi hissə boyunca çıxışlar arasında səsləndirilən bütün şeir qiraətləri tarın canlı və həzin müşayiəti ilə təqdim olunaraq gecəyə xüsusi poetik ruh bəxş edib. Tədbirin rəsmi hissəsindən sonra müəllif Solmaz Qəribel təşkilatçılara və gələn qonaqlara minnətdarlığını bildirib, oxucular üçün kitablarını imzalayıb. Sonda xatirə şəkilləri çəkilib və tədbir müəllifin təşkil etdiyi çay-kofe fasiləsi ilə səmimi mühitdə, ədəbi söhbətlərlə davam edib.
