DARIXDIRAR
Aranlısan, aranda qal,
Dağlar səni darıxdırar.
Dağ başına enən bulud,
Ağlar, səni darıxdırar.
Küləklər yanını kəsər,
Təpələr önünü kəsər,
Günəş də gününü kəsər,
Saxlar, səni darıxdırar.
Ha çırmala qollarını,
Dağlar sevdi qullarını,
Dar dərələr yollarını,
Bağlar, səni darıxdırar.
Güvənmə bizlərə, atam,
Nə yaxşı, azadsan, adam,
Burda hər gün Tanrım, Xudam,
Yoxlar səni, darıxdırar.
25.02.2024.
MÜƏLLİF: XANLAR HƏMİD
Aşıq Qurban: – Pərdəli gəzməyən
Mustafa Müseyiboğlu adına kitabxana
YAZARLAR.AZ
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru