BİR ŞAİR VAR İDİ…
(Şair dostum German Adğamlıya)
Bir şair var idi, can, Qarabağlı,
Alimin ağlından ötəydi ağlı.
Cümləsi badamdı, sözləri püstə,
Şeirlə qoyardı dağı dağ üstə…
O şair dağılan şəhərdən çıxıb,
Söz ilə nahaqqı sürüyüb, yıxıb.
Tıkanlı yollarla daim gəzərdi,
Ürəyi sancanda ona dözərdi…
O şair yaşayır, özü də necə,
Necə yaşadığın almayır vecə.
Yaşayır, dərd biçib qəm əkə-əkə,
Gözünün yaşından nəm çəkə-çəkə…
O şair Germandır, onu sevir el,
Sanmayın, zəhməti danılacaqdır.
Onu yıxsa külək, aparsa da sel,
Yüz illər boyunca anılacaqdır…
02.09.2024