Neçə dağlar keçdim, neçə yol aşdım Neçə qapıları döydüm, dil açdım Tək sənə sığındım, sənə əl açdım Uca varlığına gətirdim pənah Atalar yatağa düşməsin Allah.
Sovuşsun evlərdən qada bəlalar Atalar bir ömür sağlam qalalar Atasın yataqda görən balalar Ah necə ürəkdən ah çəkərmiş ah! Atalar yatağa düşməsin Allah.
Mən ki yoğrulmuşam qanından onun Bir an ayrılmaram yanından onun Kaş ala biləydim canından onun Özüm ağrıların çəkərdim vallah Atalar yatağa düşməsin Allah.
Muradam, atayam, həm də övladam Atama baxanda balama yadam Üsyançı naləyəm, acı fəryadam Sənə yalvarıram hər axşam, sabah Atalar yatağa düşməsin Allah.
ÖVLADIYAM Müzəffər ordunun şanlı əsgəri, Ərənlər yurdunun ər övladıyam! Zalımın zülmünə təhəmmülüm yox, Babəklər yurdunun hürr övladıyam! * * * Ustadım Nəsimi, sözümüz sözdü, Ədalət, həqiqət bağrımda közdü, Ziyadar dühası bir deyil, yüzdü, Mövlalar yurdunun nur övladıyam! * * * Dərvişəm, müqqəddəs sayılır təkkəm, Hülqumdan yuxarı dayanır öfkəm, Od, ocaq diyarı tanınır ölkəm, Alovlar yurdunun nar övladıyam! * * * Unutma, şah babam Xətai başdı, Nadir şah, mətədə tərpənməz daşdı, İlham, nə keçilməz sədləri aşdı, İgidlər yurdunun nər övladıyam! * * * Tarixdə Nəbisi, Koroğlusu var, Gen dünya yağıya daim olub dar, Düşmən qarşımızda yenə oldu xar, Aslanlar yurdunun şir övladıyam! * * * Göydən Yer üzünə ərmağan, payam, Gündüzlər Günəşəm, gecələr Ayam, Ən parlaq ulduzdan törəyən boyam, Ozanlar yurdunun sirr övladıyam! * * * Ustacam, vətənim vətən içində, Axıb duruluruq zaman köçündə, Min bir anlamı var, adi “heç”in də, Aqillər yurdunun pir övladıyam! 13.11.2020. Bakı.
Lev Tolstoy 18 yaşında ikən xoşbəxtlik və uğur qazanmağın yolunu “10 qızıl qayda”da görüb. Və ömrünün sonuna kimi bu qaydalara riayət edəcəyinə söz verib:
-Yuxudan tez oyan. Uzağı, saat 5-də.
-Tez yat. Uzağı, 21:00-da.
-Az ye. Şirniyyatdan uzaq dur.
-Ev işlərini özün et. Başqalarına gördürmə.
Məqsədlərini böl. Bir həyati məqsədin olsun. Amma bunun kifayət etməyəcəyini bil və həyatda nail olmaq istədiklərinlə bağlı ayrı-ayrı balaca hədəflərin olsun. Gələn ilin, gələn ayın, gələn həftənin və sabahkı günün hədəflərini ayrı-ayrı, dəqiq şəkildə qur. Hətta bir saat və bir dəqiqə sonranın planını müəyyən et. Qulağında sırğa olsun: Böyük məqsədlərə gedən yol, kiçik məqsədlərdən başlayır:
-Qadınlardan uzaq dur.
-Çox işləyərək ehtirasını öldür.
-Yaxşı adam ol, amma bunu başqaları bilməsin.
-İmkan daxilində az pul xərclə.
İndikindən on dəfə varlı olsan da, qətiyyən həyat tərzini dəyişmə.
