Ürəyimi göynədər
Qələbəni yaşadıq.
Amma gör nələr, nələr
Ürəyimi göynədər
Şəhid verdik ağladıq
Boynu bükük körpələr
Ürəyimi göynədər.
Yatanları oyadan
Özün qana boyadan
Qazilərlə qayıdan
Sinələrdə qəlpələr
Ürəyimi göynədər.
Şəhidlər xiyabanı
Vətənin adı, sanı
Fəda eyləyib canı
Daşa dönmüş sipərlər
Ürəyimi göynədər.
Eloğlu, dərdim kalan
Yurdum talandır, talan
Hələ də əsir qalan
Dağlar, daşlar, təpələr
Ürəyimi göynədər.
30.04.2023.
Müəllif: Murad Eloğlu
Oxuyun >> Gözündə tük var