OLMUR KAİNATDA YAŞAM QAYDASIZ
Görəsən, bilən var, bəşərin niyə
İçində bəslənən hədsiz kini var?
Sanırdım, beləsi olar bir-iki,
Demə, hər tərəfdə yüzü, mini var…
İnsan həqiqətdən uzaq düşəndə,
Sevginin yerini nifrət tuturmuş.
Elə yaranışdan bəndələr üçün
Şeytan hiylə torun belə qururmuş.
Haqqa, dürüstlüyə qayıt, ey insan,
Onsuz əxlaqın zay, elmin faydasız.
Unutma, unutma heç zaman bunu:
Olmur kainatda yaşam qaydasız.
Müəllif: VALEH HEYDƏR
Oxuyun >> Gözündə tük var