Müsahibə 08 yanvar 1996-cı il Zaur Ustacın doğum günündə Yevlax rayon, Xanabad kəndində götürülüb. (Foto da orada çəkilib)
MƏLUMATI HAZIRLADI: TUNCAY ŞƏHRİLİ
VAQİF POEZİYA GÜNLƏRİ 2023
Mustafa Müseyiboğlu adına kitabxana
YAZARLAR.AZ
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru
“YAZARLAR” JURNALININ AVQUST – 2023 N:08 (32) SAYI İŞIQ ÜZÜ GÖRÜB PDF: yazarlar-32
MƏLUMATI HAZIRLADI: TUNCAY ŞƏHRİLİ
Şuşa haqqında: >>>> 525.az
Mustafa Müseyiboğlu adına kitabxana
YAZARLAR.AZ
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru
ŞUŞALI ŞEİRLƏR
Susmağın bəzən zərəri də olur, dost,
susamışkən su kimi saf sözə…
Adamın ürəyi sıxılır məngənələrdə,
çarmıxa çəkilməkdir cəzaların ən yaxşısı
Oysa ki, bizi aşağılar paxıllıqdan,
yuxarılar həsəddən sıxır ovcunda.
Toparlanmaq olmur
dişli çarxların arasında əziləndə xırçhaxırç
Dişlərin dibində qalmaq daha dəhşət,-
çöplə qurdalayırlar həriscəsinə,
sümürürlər ilik içi kimi,
tüpürürlər hayqırıq qarışıq bir küncə.
Ət maşınında qiymə kimi
çəkilmə əzabı var adam ürəyinin,
sonrası nə olacaq, olacaq…
Eşidirəm cızıltısını oda düşən yağın,
görürəm tüstüsünü manqalın,
susuram fəlsəfəsini iştahanın…
Daha zərərdən keçib, dost, keçib!
Məndən
Şuşa həbsxanasındakı
sağdan 2-ci kameranın şəklini istəmişdi
erməni əsirliyində olmuş bir döyüşçü…
Öz torpağında
əsir olanlar yatmaz daş kimi qala divarlarında,
oyanmaz ağac kimi yamacların sinəsində…
Adı türmədirsə vətənin
ha düşməndə olsun, ha özündə…
Cücərməz kamera künclərinə qısılan ümidlər,
gün işığı sarıdan
korluq çəkər bomboz nəm divarlar.
İçindən ağrıyar Vətən həbsxanaları,
daş və yaş döşəmələrində
sürünən övladlarını sıxdıqca köksünün darlığına.
Buraxmadılar bizi həbsxananın həyətinə,
salamını çardıra bilmədim
boşluqdan bağrı çatlamış kameralara bir əsirin…
“Çıx, get də, qardaşım”-
bezib dedi israrla qarovul rəisi,- “çıx, get!”
Çıxılmaz vəziyyət idi,
çıxıb qala divarına getdim ürəyimin çəkildiyi yerə…
Sonra dostum göndərmişdi risk edərək
bir fraqment gizli çəkilişdən…
Deməli,
üzbəüzdəki imiş 2 nömrəli kamera…
İndi içi dağınıq,
çölü çatlaq,
adı xarabazar bir həbsxana karseri…
Mən də Şuşanın əsiri idim o gün,
Əllərim daş divarlarında gəzişirdi,
Ayaqlarım daş küçələrində
Gözlərimə köçürürdüm illərin ağrısını,
Uçurulmuş,
dağıdılmış heyrəti görəndə.
Mənim əvəzimə torpağı öp,-
demişdi döyüşçü dostum,-
mən qorxuram gəlməyə…
Qorxuram şəhid dostlarımın ruhu
hər küçədə,
hər tində tutub boğar məni deyə…
O gün dünyanın
Şuşa adlı bir şəhər olduğu gün idi,
Gözəlliyinin əsiri idim o gün bu şəhərin!
18.07.2023.
Müəllif: Süleyman ABDULLA
VAQİF POEZİYA GÜNLƏRİ 2023
Mustafa Müseyiboğlu adına kitabxana
YAZARLAR.AZ
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru
“İrəvan” FK daha bir yeniliyə imza atdı.
“İrəvan ” FK -nın futbol komandasından əlavə olaraq uşaq Futbol Akademiyasını da gücləndirir.Bu münasibətlə ASK Arenada klubun akademiyasına daha 5 idmançı – Azər Natiq oğlu Şirinov,
Dərya Mirzə oğlu Mirzəyev,
Anar Zaur oğlu Quliyev,
Əli Azər oğlu Hüseynov və
Nurlan Tahir oğlu Qurbanov
transfer olunub.Kluba yeni qəbul olunan idmançıları ictimaiyyətə təqdim edən “İrəvan “FK-nın prezidenti Zahid Niyazəliyev bildirib ki, avqust ayının sonunadək bir neçə tanınmış futbolçuların kluba transfer olunacağı da gözlənilir.
Xatırladaq ki, 2023/2024-cü illər mövsümündə I Divizion 10 komandanın iştirakı ilə keçiriləcək. Reqlamentə görə, I Divizionda 1-ci yeri tutan komanda növbəti mövsüm Premyer Liqaya vəsiqə qazanacaq.
Mübariz SÜLEYMANLI (Mübariz Ağaxan oğlu Süleymanlı)
“İrəvan” FK-nın mətbuat xidmətinin rəhbəri
MÜBARİZ SÜLEYMANLINLN YAZILARI
Mustafa Müseyiboğlu adına kitabxana
YAZARLAR.AZ
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru
Göydən Yer üzünə ərmağan, payam,
Gündüzlər Günəşəm, gecələr Ayam,
Ən parlaq ulduzdan törəyən boyam,
Ozanlar yurdunun sirr övladıyam!
* * *
Ustacam, vətənim vətən içində,
Axıb duruluruq zaman köçündə,
Min bir anlamı var, adi “heç”in də,
Aqillər yurdunun pir övladıyam!
DAĞLAR
(Dağlara xitabən üçüncü şeiri)
Tarix səhnəsində yetişdi zaman,
Başlanmış bu çağın mübarək, dağlar!
Hələ nə zəfərlər gözləyir bizi,
Qutlanmış novrağın mübarək, dağlar!
* * *
Dövranın gərdişi döndü, dəyişdi,
Davadan doğulan ərlər yetişdi,
Didilmiş yaralar tutdu, bitişdi,
Üç rəngli duvağın mübarək, dağlar!
* * *
Nə vaxtdır yol-iriz bağlı qalmışdı,
Qoynunda yağılar məskən salmışdı,
Canımı sağalmaz bir dərd almışdı,
Sayalı qonağın mübarək, dağlar!
* * *
Xətai qırmadı könül bağını,
Nadir unutmadı hicran dağını,
İlhamın silahı əzdi yağını,
Dəmirdən yumruğun mübarək, dağlar!
* * *
Qurtuldu yağıdan zənburun, balın,
Bir başqa görünür yamacın, yalın,
Zirvəndən boylanır şanlı hilalın,
Müqəddəs sancağın mübarək, dağlar!
* * *
Haqqa nisbət tutub ulu Ələsgər,
Andırıb, tanıdıb, bilib pərisgar,
Hər səngər məbəddi, pirdi hər əsgər,
Şuşatək ocağın mübarək, dağlar!
* * *
Ay Ustac, min şükür arzuna yetdin,
“Dədə”n gedən yolu, sən də qət etdin,
Dolandın dünyanı yurdunda bitdin,
Doqquzu zər tuğun mübarək, dağlar!
Müəllif: Zaur USTAC,
“Yazarlar” jurnalının baş redaktoru,
şair-publisist.
MƏLUMATI HAZIRLADI: TUNCAY ŞƏHRİLİ
VAQİF POEZİYA GÜNLƏRİ 2023
Mustafa Müseyiboğlu adına kitabxana
YAZARLAR.AZ
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru
“Sazın-sözün sorağında” adlı kitabın təqdimatı olub
8 avqust 2023-cü ildə “Dədə Ələsgər Ocağı” İctimai Birliyinin təşkilatçılığı ilə Davam Gənclər Hərəkatının ofisində Azərbaycan Jurnalistlər Birliyinin və Azərbaycan Aşıqlar Birliyinin üzvü, tədqiqatçı-jurnalist, vikipediyaçı Araz Yaquboğlunun “Elm və təhsil” nəşriyyatında çap olunmuş “Sazın-sözün sorağında” adlı 200 səhifədən ibarət kitabının təqdimatı olmuşdur.
Tədbiri “Dədə Ələsgər Ocağı” İB-nin sədri Xətai Ələsgərli açaraq, sözü aparıcılıq üçün şair Yusif Nəğməkara vermişdir. Təqdimat tədbirində “Davam” Gənclər Hərakatının İdarə Heyətinin sədri Nihad Allahyarlı, iş adamı Rəşid Süleymanov, şairlər Ramiz Qusarçaylı, Qılman İman, Arif Məmmədli, Tofiq Abdullayev, Yadigar Təvəkgül, tədqiqatçılardan Fəxrəddin Salim, Hacı Həsən Hüseyni, Musa Nəbioğlu, Adile Nezer, Lütfiyar Nəsibov, həkimlərdən İbadulla Ağayev, Nağdəli Zamanov, Abbas Bağırov, aşıqlardan Bəhmən, Nəbi, Təbriz, Ramin və başqaları iştirak etmişdir. Tədbir iştirakçıları çıxış edərək bildirmişlər ki, 1 avqustda 50 illik yubiley yaşını qeyd edən Araz Yaquboğlunun yeni nəşrdən çıxmış “Sazın-sözün sorağında” kitabı Azərbaycan aşıq sənətinin təbliğində, öyrənilməsində əhəmiyyətli rol oynayacaq və müəllifin hələ uzun illər bu yöndə olan yaradıcılığından, araşdırmalarından, xüsusən çap olunmayan aşıq və şairlər haqqında olan tədqiqat işlərindən söhbət açmışlar. Vüsal Sehranoğlu professor Ələddin Allahverdiyevin təbrik məktubunu tədbir iştirakçılarının nəzərinə çatdırmışdır.
Sonda Araz Yaquboğlu tədbir iştirakçılarına, eləcə də Xətai Ələsgərliyə və Nihad Allahyarlıya təşəkkür etmişdir.
Məlumat üçün bildirək ki, “Sazın-sözün sorağında” kitabının redaktoru şair, jurnalist Arif Məmmədli, ön sözün müəllifi isə Əməkdar mədəniyyət işçisi, Azərbaycan Aşıqlar Birliyinin katibi Musa Nəbioğludur.
Kitabda müəllifin ayrı-ayrı illərdə yazdığı elmi, publisistik və xatirə yazıları olmaqla 27 məqaləsi toplanmışdır. Bu məqalələr kitabda “Sazı yaşadanlar”, “Sözü uca tutanlar” və “Xatirələr işığında” başlıqlarında olmaqla üç bölmədə verilmişdir. Müəllifin elmi məqalələrində haqlarında heç bir araşdırma, tədqiqat aparılmamış aşıq və şairlərin həyat və yaradıcılığı tədqiq edilmiş, onlar haqqında olan səthi və yanlış məlumatlara əsaslı şəkildə, ciddi mənbələrlə aydınlıq gətirilmişdir. Araz Yaquboğlunun müxtəlif insanların həyatından bəhs edən publisistik və xatirə yazıları da olduqca oxunaqlı, mükəmməl, mövzu və məna baxımından geniş, dərin və zəngindir. Kitabda ümumilikdə 11 aşıq, 11 şair və 11 digər şəxslər haqqında ətraflı məlumat verilmişdir.
Qeyd edək ki, Araz Yaquboğlunun üç ay öncə “Daşkənddən Yeni Daşkəndə” adlı irihəcmli (480 səh.) kitabı da nəşr olunmuşdur. Həmin kitab müəllifin anadan olduğu kəndin yaranmasının və həminçinin kənd əhalisinin Göyçə mahalından deportasiyasının 70 illiyi haqqındadır. Tədbirdən fotolar:
Mənbə: Aqşin Hacızadə
MƏLUMATI HAZIRLADI: TUNCAY ŞƏHRİLİ
Mustafa Müseyiboğlu adına kitabxana
YAZARLAR.AZ
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru
HANSINI KİMƏ?
(hekayə)
Ramil sadəlövh idi, həm də bir söz deyəndə ona gec çatırdı. Bir dəfə şöbə müdiri Müslüm müəllim Ramili yanına çağırıb soruşdu:
-Nəşriyyatda Sərdarla, Bəhramı tanıyırsan?
Ramil cəld:
-Əlbəttə, Müslüm müəllim., – dedi.
Müslüm müəllim iki ədəd on manatlığı ona uzadıb:
-Al bu onluqları. Gedirsən nəşriyyata. Onluğun birini Sərdara, o birini də Bəhrəma verərsən. Bildin?
Ramil yenə cəld:
-Bəli, müəllim, – deyə cavab verdi.
Ramil yola düzəldi. Yolun yarısında ayaq saxladı. Əlində tutduğu onluqlara baxıb fikrə getdi və geri qayıtdı:
-Müslüm müəllim, üzr istəyirəm. Baş ağrısı olmasın. Bu onluqlardan hansını Sərdar müəllimə, hansını Bəhrəm müəllimə verim?
Müslüm müəllim təəccüblə ona baxdı.
Bakı şəhəri, 09 avqust 2023-cü il
Müəllif: Akif ABBASOV
pedaqogika elmləri doktoru, professor, Əməkdar müəllim.
Mustafa Müseyiboğlu adına kitabxana
YAZARLAR.AZ
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru
MƏLUMATI HAZIRLADI: TUNCAY ŞƏHRİLİ
Mustafa Müseyiboğlu adına kitabxana
YAZARLAR.AZ
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru
Ötərxan Eltac böyüyüb boya-başa çatdığı evinə qayıdıb… 06.08.2023 Laçın rayonu, Quşçu kəndi.
MƏLUMATI HAZIRLADI: TUNCAY ŞƏHRİLİ
Mustafa Müseyiboğlu adına kitabxana
YAZARLAR.AZ
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru
ƏVVƏLİ BURADA:>>>>Azərbaycan adının mənası
Hələb şəhəri müəmması və haliblər
Azərbaycan adının mənasını izah edən 12 fərziyyə
IV hissə
Yazımızın əvvəlki hissəsində qeyd etdik ki, Türkmənistanın Daşoğuz vilayətinin Üstyurt yaylasında Hələb adlı çox qədim bir şəhərin xarabalıqları vardır. Onu da vurğuladıq ki, Üstyurt yaylası qədim alanların as tayfasının və qədim oğuzların yazır boyunun vətəni olmuşdur. Mövcud dəlillərin hamısı onu göstərir ki, as və yazır, əslində, eyni tayfaya məxsus etnonimlərdir.
Məlum olduğu kimi, Suriyanın da ən böyük və ən qədim şəhərlərindən biri Hələb adlanır. Bu şəhərin adı ilə bağlı müxtəlif ehtimallar irəli sürülmüşdür:
“Hələb şəhərinin adı ərəb dilindəki şəhba (mərmər) sözündən yaranmışdır. Belə ki, bu ərazidən ağ mərmər əldə edilirmiş”.
“Hələb sözü ivrit dilindəki süd (חלב) sözündən törəmişdir. İbrahim Peyğəmbər orada öz qoyunlarını sağıb əldə etdiyi südün hamısını kasıblara verirmiş”.
Amorit dilində dəmirə və ya misə hələb deyilirmiş. Çünki həmin ərazidə zəngin dəmir və mis yataqları varmış”.
Üçüncü fərziyyəni yadımızda saxlayaq və qədim yunan şairi Rodesli Appolloniusun (e.ə. 295–215) “Argonautika” adlı poemasının bu hissəsinə nəzər salaq: “Polifem öz həyatını haliblərlə döyüşdə itirdi. Bu, skif xalqıdır. Haliblər Termodontun arxasında yaşayan skiflərdir. Haliblər dəmir mədənlərini kəşf edərək, onların emalı ilə məşğul olurlar. Onlara Aresin oğlu Halibin şərəfinə hələblər deyilir. Kallimah onları belə xatırladır: Yerdən çıxan bu şəri (dəmiri) kəşf etmiş haliblərin soyu kəsilsin”.
Qədim yunan filosofu Aristotel (e.ə. 384–322) “De Mirabilibus Auskultationibus” adlı əsərində yazırdı: “Haliblər öz ölkələrindəki çay qumunu bir neçə dəfə yuyurlar. Sonra onu oda davamlı adlandırılan daşla birlikdə xüsusi sobalarda əridirlər. Bu yolla əldə edilən metal başqa dəmir növlərinin hamısından üstündür. O gümüşü rəngdə olur və paslanmır”.
Qədim Roma şairi Postumius Festus Avienus (305–375) yazırdı: “Sonra tibarenlər, onlardan yuxarıda isə haliblər yaşayırlar. Buranın ölüm saçan dəmirlə zəngin çöllərini dəmirçi çəkiclərinin səsi bürüyüb. Onların arxasında Assuriya torpaqları və mənsəbini Armen silsiləsindən götürüb Amazon qəbiləsinin yaşadığı torpaqların yaxınlığından axan Teriodont çayı yerləşir”.
Qədim yunanlar hesab edirdilər ki, dəmiri haliblər kəşf etmişlər. Ehtimala görə, yunan dilindəki “xalivas” (polad) sözü məhz saka xalqının halib tayfasının adından yaranmışdır.
Qədim yunan tarixçisi və coğrafiyaçısı Strabon (e.ə. 64 – e. 24) “Coğrafiya” adlı əsərinin XII kitabının 19–20-ci hissələrində yazırdı: “İndiki xaldeylərə (xaldilərə) keçmişdə halib deyirdilər. Onların yaşadıqları bölgənin tam qarşısında Farnakiya yerləşir. Farnakiyanın sahil hissəsi palamut ovlamaq (axı bu balığı ilk dəfə burada ovlamağa başlamışlar) üçün münasibdir. Quru hissəsində isə dəmir mədənləri var. Əvvəllər hətta gümüş mədənləri də olub. Homerin dövründə isə halibləri alib adlandırırdılar”.
Bəzən xaldiləri (halibləri) Mesopotamiyanın qədim sakinləri olmuş məşhur xaldeylərlə eyniləşdirirlər. Lakin bu iddianı hələ ki, əsaslandırmaq mümkün olmamışdır. Məlumat üçün qeyd edək ki, Mesopotamiya xaldeyləri haqqında ilk informasiya e.ə. 878-ci ilə aiddir. Xaldey adını əvvəlcə altı tayfadan ibarət xalq, sonradan isə maqlar kastası daşımışdır.
Şərqdə onları sehrbaz, alim, filosof, riyaziyyatçı, astronom, astroloq hesab edirdilər. Əslində, Mesopotamiya xaldeylərini Anadolu xaldilərinə (haliblərə) yaxınlaşdıran da elə budur. Anadolu xaldiləri (haliblər) dəmirçi idilər. Qədim zamanlarda isə dəmirçiyə sehrbaz və maq kimi baxırdılar.
Ardı burada: >>>>
Mənbə: Milli Kimlik
Müəllif: Araz ŞƏHRİLİ
MİLLİ KİMLİK ARAŞDIRMALARI QRUPU
Mustafa Müseyiboğlu adına kitabxana
YAZARLAR.AZ
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru