WWW.YAZARLAR.AZ

YAZARLAR.AZ
===============================================

<<<< WWW.YAZARLAR.AZ və WWW.USTAC.AZ >>>>

Əlaqə: Tel: (+994) 70-390-39-93 E-mail: zauryazar@mail.ru

AZƏRBAYCAN YAZARLARI, YAZARLAR, YAZARLAR DƏRNƏYİ, YAZARLAR JURNALI, YAZARLARIN SİYAHISI, ZAUR USTAC

AZƏRBAYCAN YAZARLARI

May 26, 2023 www.yazarlar.az Bir şərh yazın

TUNCAY ŞƏHRİLİNİN KİTABI

ZAUR USTAC MƏTBUATDA-2022
(hesabat)
1. “Baş redaktordan”, “Yazarlar” jurnalı, yanvar – 2022, say: 01 (13), s.3.
2. Qurban Bayramov, “Zaur Ustac – Qələmdar olmaq missiyası”, “Yazarlar” jurnalı, yanvar – 2022, say: 01 (13), s.4-10.
3. Akif Abbasov – Zaur Ustacın “Uşaq boğçası”, “Yazarlar” jurnalı, yanvar – 2022, say: 01 (13), s.11-12.
4. Kamal Camalov “Zaur Ustac uşaq ruhunun bilicisidir”, “Yazarlar” jurnalı, yanvar – 2022, say: 01 (13), s.13-15.
5. Ayətxan Ziyad (İsgəndərov) “Zaur Ustacın öyrətmə yöntəmi”, “Yazarlar” jurnalı, yanvar – 2022, say: 01 (13), s.16-19.
6. Zaur Ustac “BB” (hekayə), “Yazarlar” jurnalı, yanvar – 2022, say: 01 (13), s.20-33.
7. Tuncay Şəhrili “Zaur Ustacın 33 illik hesabatı”, “Yazarlar” jurnalı, yanvar – 2022, say: 01 (13), s.109-116.
8. Kənan Hacı “Xəzər deltasında göyqurşağı” (Zaur Ustacın yeni kitabı haqqında), “Bütöv Azərbaycan” qəzeti, 20.01.2022, say: 03 (430), s.10.
9. Kənan Hacı “Xəzər deltasında göyqurşağı” (Zaur Ustacın yeni kitabı haqqında), “Həftə içi” qəzeti, 20-26.01.2022, say: 03 (3419), s.8.
10. Kənan Hacı “Xəzər deltasında göyqurşağı” (Zaur Ustacın yeni kitabı haqqında), “ Ədəbiyyat qəzeti”, 22.01.2022, say: 02 (5340), s.25.
11. Kənan Hacı “Xəzər deltasında göyqurşağı” (Zaur Ustacın yeni kitabı haqqında), “Təzadlar” qəzeti, 25.01.2022, say: 03 (2332), s.13.
12. Zaur Ustac “Ustacam” şeiri (Şiirlei derleyen: Kemal’eren / Kemal Berk), “Sungurlu Gazetesi”, 31.01.2022, Pazartesi, sayı: 225, s.7.
13. “Baş redaktordan”, “Yazarlar” jurnalı, fevral – 2022, say: 02 (14), s.3.
14. Zaur Ustac “MİQ-17” (hekayə), “Yazarlar” jurnalı, fevral – 2022, say: 02 (14), s.26-29.
15. Zaur Ustac “Hər gün nəfdir” (şeirlər), “Yazarlar” jurnalı, fevral – 2022, say: 02 (14), s.100-106.
16. Zaur Ustac “Qırmızı yarpaqlı ağac” (hekayə), “Xəzan” jurnalı, yanvar-fevral – 2022, say: 01 (38), s.107-119.
17. Zaur Ustac – Lətifə Orucun “Sirli gedişlər”inin sehri (kitab haqqında düşüncələr), “Bütöv Azərbaycan” qəzeti, 11 fevral 2022-ci il, say: 06 (433), s.13.
18. “Baş redaktordan”, “Yazarlar” jurnalı, mart – 2022, say: 03 (15), s.3.
19. Zaur Ustac “Qismət” (hekayə), “Yazarlar” jurnalı, mart – 2022, say: 03 (15), s.48-53.
20. Zaur Ustac, Şeirlər, “Yazarlar” jurnalı, mart – 2022, say: 03 (15), s.126-130.
21. Zaur Ustac, “Göyçə gölünün sonası”- təqdimat, “Yazarlar” jurnalı, mart – 2022, say: 03 (15), s.131-135.
22. Zaur Ustac – “Göyçə gölünün sonası”, “Bütöv Azərbaycan” qəzeti, 4 mart 2022-ci il, say: 09 (436), s.9.
23. Publisistika – Vüqar Əhməd, “Ədəbiyyat qəzeti”, 5 mart 2022-ci il, say: 08 (5346), s.26.
24. Zaur Ustac – “Xəyallarım Borçalıda, Yuxularım Göyçədədi.” (Rahilə Qaralovanın özü və sözü), “Bütöv Azərbaycan” qəzeti, 11 mart 2022-ci il, say: 10 (437), s.8.
25. Zaur Ustac – “Ruhu duru, sözü bütöv Əsgər Ordubadlı”, “Bütöv Azərbaycan” qəzeti, 18 mart 2022-ci il, say: 11 (438), s.13.
26. “Baş redaktordan”, “Yazarlar” jurnalı, aprel – 2022, say: 04 (16), s.3.
27. Zaur Ustac “Göləqələmsancan” (hekayə), “Yazarlar” jurnalı, aprel – 2022, say: 04 (16), s.43-46.
28. Zaur Ustac, Yeni şeirlər, “Yazarlar” jurnalı, aprel – 2022, say: 04 (16), s.95-98.
29. Zaur Ustac – “Mənə bircə gilə göz yaşı bəsdi”, “Bütöv Azərbaycan” qəzeti, 8 aprel 2022-ci il, say: 13 (440), s.8.
30. Zaur Ustac, “BB” (hekayə), “Xəzan” jurnalı, Mart-aprel – 2022, say: 02 (39), s.125-128.
31. Zaur Ustac – “Mum kimi – “Daş adam””, “Bütöv Azərbaycan” qəzeti, 15 aprel 2022-ci il, say: 14 (441), s.12.
32. Zaur Ustac “Vallah, kəhrizdən ayıbdı…” (şeir), “Təzadlar” qəzeti, 19.04.2022, say: 13 (2342), s.15.
33. Zaur Ustac “Vallah, kəhrizdən ayıbdı…” (şeir), “Kredo” qəzeti, 20.04.2022, say: 16 (1096), s.15.
34. Zaur Ustac “Vallah, kəhrizdən ayıbdı…” (şeir), “Həftə içi” qəzeti, 21-27.04.2022, say: 15 (3431), s.8.
35. Zaur Ustac – “Əbülfəz Əhməd – “Gəldim””, “Bütöv Azərbaycan” qəzeti, 22 aprel 2022-ci il, say: 15 (442), s.14.
36. “Baş redaktordan”, “Yazarlar” jurnalı, may – 2022, say: 05 (17), s.3.
37. Zaur Ustac “Qismət” (hekayə), “Yazarlar” jurnalı, may – 2022, say: 05 (17), s.100-105.
38. Zaur Ustac – “Yeni şeirlər”, “Bütöv Azərbaycan” qəzeti, 6 may 2022-ci il, say: 16 (443), s.9.
39. Ayətxan Ziyad “Uşaq şeirimizdə sərlövhə adlar” (Zahid Xəlilin və Zaur Ustacın yaradıcılığı nümunəsində), “Kredo” qəzeti, 20.05.2022, say: 20 (1100), s.7.
40. Zaur Ustac “Hermafrodit” (şeirlər), “Ədəbiyyat qəzeti”, 21.05.2022, say: 18 (5356), s.26.
41. Vaqif Yusifli “Çiçəklər, dağlar… və Xudayar dastanı” (Zaur Ustacın söz çələngi haqqında), “525-ci qəzet”, 26.05.2022, say: 91 (5897), s.14.
42. Vaqif Yusifli “Zaur Ustacın söz çələngi” (çiçəklər, dağlar… və Xudayar dastanı), “Həftə içi”, 26 may – 01 iyun 2022, say: 20 (3436), s.7.
43. “Baş redaktordan”, “Yazarlar” jurnalı, iyun – 2022, say: 06 (18), s.3.
44. Zaur Ustac “Psixoloqun qəbulunda” (hekayə), “Yazarlar” jurnalı, iyun – 2022, say: 06 (18), s.32-59.
45. Zaur Ustacdan yeni şeirlər “Yazarlar” jurnalı, iyun – 2022, say: 06 (18), s.87-91.
46. “Ziyadarla” bağlı layihə (hekayə), “Yazarlar” jurnalı, iyun – 2022, say: 06 (18), s.107.
47. “Günahın kölgəsi” təqdim olundu, “Təzadlar” qəzeti, 14 iyun – 2022, say: 20 (2349), s.15.
48. “Seymur sönməzin söz dünyası”, “Kredo” qəzeti, 15 iyun – 2022, say: 24 (1104), s.16.
49. Zaur Ustac, “Psixoloqun qəbulunda” (hekayə), “Xəzan” jurnalı, İyun – 2022, say: 04 (41), s.68-75.
50. Rəmzi Dönməz yeni kitabını təqdim edib, “Bütöv Azərbaycan” qəzeti, 17 iyun – 2022, say: 22 (449), s.14.
51. “Qaçqın-köçkün olmaq öz evində qonaq kimi yaşamaqdır…”, “Vətən səsi” qəzeti, 17 iyun – 2022, say: 22 (1486), s.4.
52. Zaur Ustac “Növbətçi xəstə” (hekayə), “Ədəbi ovqat” dərgi, aprel-iyun – 2022, say: 04 (4), s. 37 – 40
53. “Baş redaktordan”, “Yazarlar” jurnalı, iyul – 2022, say: 07 (19), s.3.
54. Vaqif Yusifli “Çiçəklər, dağlar … və Xudayar dastanı” (Zaur Ustac sözünün sehrində), “Yazarlar” jurnalı, iyul – 2022, say: 07 (19), s.29-37.
55. Zaur Ustac “Mələk” (hekayə), “Yazarlar” jurnalı, iyul – 2022, say: 07 (19), s.41-50.
56. Zaur Ustac “Vallah kəhrizdən aybdır…” (şeir), “Yazarlar” jurnalı, iyul – 2022, say: 07 (19), s.63-56.
57. “Zaur Ustacın Yurd həsrəti”, “Yazarlar” jurnalı, iyul – 2022, say: 07 (19), s.84-89.
58. “Sözün Ağ rəngi layihəsi” (Şahmar Əkbərzadə), “Yazarlar” jurnalı, iyul – 2022, say: 07 (19), s.100-105
59. Səma Muğanna “Tanrı evində gizlənən sevgi” (“Əliş və Anna” poemasından), “Həftə içi”, 7 – 13 iyul 2022, say: 26 (3442), s.8.
60. Tuncay Şəhrili – “Yazarlar jurnalının iyul sayı Ağdama həsr olnub”, “Bütöv Azərbaycan” qəzeti, 8 iyul 2022-ci il, say: 24 (451), s.13.
61. Zaur Ustac “Səkkiz şeir və sonsuzluq” (Polkovnik İlqar Mirzəyevə həsr olunmuş şeirlər), “Həftə içi”, 14 – 20 iyul 2022, say: 27 (3443), s.8.
62. Zaur Ustac – “Qardaş” (Polkovnik İlqar Mirzəyevə həsr olunmuş şeirlər), “Bütöv Azərbaycan” qəzeti, 15 iyul 2022-ci il, say: 25 (452), s.8.
63. “Baş redaktordan”, “Yazarlar” jurnalı, avqust – 2022, say: 08 (20), s.3.
64. Zaur Ustac “And olsun Qələmə” və insan ömrü. (Ayətxan Ziyad İsgəndərov haqqında), “Həftə içi”, 4 – 10 avqust 2022, say: 30 (3446), s.7.
65. Zaur Ustac – “And olsun Qələmə” və insan ömrü. (Ayətxan Ziyad İsgəndərov haqqında), “Bütöv Azərbaycan” qəzeti, 5 avqust 2022-ci il, say: 28 (455), s.8.
66. Zaur Ustac – “Ağ adam” (Rəşad Məcidin doğum gününə), “Həftə içi” qəzeti, 18-24 avqust 2022-ci il, say: 32 (3448), s.7.
67. Zaur Ustac – “Ağ adam” (Rəşad Məcidin doğum gününə), “Bütöv Azərbaycan” qəzeti, 19 avqust 2022-ci il, say: 30 (457), s.13.
68. Zaur Ustac – “Ağ adam” (Rəşad Məcidin doğum gününə), “Olaylar” qəzeti, 19-25 avqust 2022-ci il, say: 159 (4915), s.12.
69. Zaur Ustac – “Ağ adam” (Rəşad Məcidin doğum gününə), “Ədalət” qəzeti, 20 avqust 2022-ci il, say: 37 (5974), s.5.
70. Zaur Ustac – “Ağ adam” (Rəşad Məcidin doğum gününə), “Ədəbiyyat qəzeti”, 20 avqust 2022-ci il, say: 31 (5369), s.10.
71. Tuncay Şəhrili – “Nuranə Rafailqızı ilk kitabını təqdim edib”, “Bütöv Azərbaycan” qəzeti, 26 avqust 2022-ci il, say: 31 (458), s.19.
72. Zaur Ustac, “Çiçəklər ruhumun yelləncəyidir” silsiləsindən şeirlər, “Xəzan” jurnalı, İyul – Avqust 2022, say: 05 (42), s.92-93.
73. Zaur Ustac – “Uşaq ədəbiyyatı” (məktəbəqədər səviyyədə), “Həftə içi” qəzeti, 1-7 sentyabr 2022-ci il, say: 34 (3450), s.7.
74. Zaur Ustac – “Uşaq ədəbiyyatı” (məktəbəqədər səviyyədə), “Bütöv Azərbaycan” qəzeti, 2 sentyabr 2022-ci il, say: 32 (459), s.14. (I hissə)
75. Zaur Ustac – “Uşaq ədəbiyyatı” (məktəbəqədər səviyyədə), “Bütöv Azərbaycan” qəzeti, 9 sentyabr 2022-ci il, say: 33 (460), s.14. (II hissə)
76. “Baş redaktordan”, “Yazarlar” jurnalı, sentyabr – 2022, say: 09 (21), s.3.
77. Zaur Ustac “Uşaq ədəbiyyatı” (məktəbəqədər səviyyədə), “Yazarlar” jurnalı, sentyabr – 2022, say: 09 (21), s.17-23.
78. Baş redaktordan”, “Yazarlar” jurnalı, oktyabr – 2022, say: 10 (22), s.3.
79. Zaur Ustac “Mütaliə niyə vacibdir?!” (V YAZI), “Yazarlar” jurnalı, oktyabr – 2022, say: 10 (22), s.25-30.
80. Zaur Ustac, “Mələk” (hekayə), “Xəzan” jurnalı, Sentyabr – Oktyabr 2022, say: 06 (43), s.73-75.
81. Zaur Ustac – “22 oktyabr Xudayarın şəhid olduğu gündür” (sonet çələngi), “Olaylar” qəzeti, 21-27 oktyabr 2022-ci il, say: 167 (4923), s.23.
82. Baş redaktordan”, “Yazarlar” jurnalı, noyabr – 2022, say: 11 (23), s.3.
83. Zaur Ustac “Xudayar dastanı” (sonet çələngi), “Yazarlar” jurnalı, noyabr – 2022, say: 11 (23), s.57-66.
84. Zaur Ustac – “Ədəbiyyatımızın baş qəhrəman problemi” (Təranə Məmməd sirri “Sirr” ilə çözdü), “Həftə içi” qəzeti, 17-23 noyabr 2022-ci il, say: 44 (3460), s.7.
85. Zaur Ustac – “Araz” (Səmamız masmavi, göy üzü təmiz! Gözün aydın olsun, sevin a Təbriz!), “525-ci qəzet”, 23 noyabr 2022-ci il, say: 213 (6019), s.12.
86. Zaur Ustac – “Araz” (Səmamız masmavi, göy üzü təmiz! Gözün aydın olsun, sevin a Təbriz!), “525-ci qəzet”, 23 noyabr 2022-ci il, say: 213 (6019), s.12.
87. Zaur Ustac – “Araz” (Səmamız masmavi, göy üzü təmiz! Gözün aydın olsun, sevin a Təbriz!), “Türküstan” qəzeti, 29 noyabr – 5 dekabr 2022-ci il, say: 45 (734), s.11.
88. Əli bəy Azəri – “Zaur Ustac nasir kimi” (“BB” hekayəsi – böyük bir sahənin söz mənzərəsi), “Həftə içi” qəzeti, 8-14 dekabr 2022-ci il, say: 47 (3463), s.8.
89. Mina Rəşid – “Qırmızı yarpaqlı ağaclar” (Yazı şair, publisist Zaur Ustacın hekayələri, xüsusi ilə “Qırmızı yarpaqlı ağac” əsəri haqqında yazılıb), “Bütöv Azərbaycan” qəzeti, 9 dekabr 2022-ci il, say: 46 (473), s.15.
90. Baş redaktordan”, “Yazarlar” jurnalı, dekabr – 2022, say: 12 (24), s.3.
91. Zaur Ustac “Yeni şeirlər” (Cənub mövzusu), “Yazarlar” jurnalı, dekabr – 2022, say: 12 (24), s.46-53.
92. Zaur Ustac – “Qarabağ sinəmdə açılan şırım” (Şair Budaq Təhməzin yaradıcılığı haqqında), “Həftə içi” qəzeti, 15-21 dekabr 2022-ci il, say: 48 (3464), s.7.
93. Vaqif Yusifli, “Çiçəklər, dağlar… və Xudayar dastanı” (Zaur Ustac sözünün sehrində), “Xəzan” jurnalı, Dekabr 2022, say: 08 (45), s.47-49.
94. Zaur Ustac, “Xudayar dastanı” (sonet çələngi), “Xəzan” jurnalı, Dekabr 2022, say: 08 (45), s.50-53.
95. Zaur Ustac – “Sevin, a Təbriz!”, “Xalq qəzeti”, 25 dekabr 2022-ci il, say: 283 (30111), s.12.
*Davamı 2023-cü il siyahısında.

ZAUR USTAC KİTABLAR-2022
(hesabat)

MÜƏLLİF ƏSƏRLƏRİ
1. “Xəzər deltasında göy qurşağı” – şeirlər,
2. “BB” – hekayələr,
3. “Qələmdar-2” – məqalələr,
4. “39 həftə” – proqram,
5. “Güllünün şeirləri” – uşaq şeirləri,
6. “Çiçəklər, dağlar və Xudayar dastanı” – şeirlər,
7. “Xudayar dastanı” – şeirlər,
8. “Yulğun çiçəyi” –şeirlər,
9. “Dağ” – sonetlər,
10. “Seçilmiş əsərləri” – birinci cild,
11. “Seçilmiş əsərləri” – ikinci cild,
12. “Seçilmiş əsərləri” – üçüncü cild,

ANTOLOGİYALAR
1.“Həsrətin sonu” – poeziya,
2.“Sevgilim, yuxunu dənizə danış” – poeziya,
3.“Gəlirik, Qarabağ!!!” – poeziya,
4.“Gözüm yolda, könlüm səsdə” – poeziya,
5.“Gəlin, gedək Ağdama” (birinci hissə) – toplu,
6.“Gəlin, gedək Ağdama” (ikinci hissə) – toplu,
7.“Bayraq hekayələr toplusu” (22 yazıçı) – toplu,

HAQQINDA YAZILANLAR
1. “Zaur Ustac yaradıcılığı ədəbi-tənqid müstəvisində” – məqalələr. Tərtibçi: Ayətxan Ziyad (İsgəndərov).
2. “Caroline Laurent Bakıda” – fotolar, (Zaur Ustacın və Caroline Laurent Turuncun fotoları). Tərtibçi: Tuncay Şəhrili (Mustafayev).
3. “Mustafa Müseyiboğlu-1” – resenziyalar, (“BB” kitabı haqqında). Tərtibçi: Tuncay Şəhrili (Mustafayev).

MÜKAFATALAR-2022
1.2022-ci ilin yekunlarına görə Dünya Azərbaycanlılarının Mədəniyyət Mərkəzi İB-nin “Fəxri Fərmanı” ilə təltif olunub.

HAZIRLADI: TUNCAY ŞƏHRİLİ

CAROLİNE LAURENT TURUNC

CAROLİNE LAURENT TURUNÇ

PDF>>>ZAUR USTAC UŞAQ ŞEİRLƏRİ

PDF: >>>>> ZAUR USTAC “QƏLƏMDAR-2”

PDF>>> ZAUR USTAC “BB” KİTABI

YAZARLAR.AZ
===============================================

<<<< WWW.YAZARLAR.AZ və WWW.USTAC.AZ >>>>

Əlaqə: Tel: (+994) 70-390-39-93 E-mail: zauryazar@mail.ru

ƏDƏBİYYAT, Əli Aslani, ƏSKİ ƏLİFBA İLƏ, Məcra.az, Vasif Əlihüseyn

Cənubi Azərbaycanda 14 yazarımızın kitabı çap olundu-FOTOLAR

VASİF ƏLİHÜSEYNİN YAZILARI

Xəbər verdiyimiz kimi İranda yaşayan azərbaycanlı naşir, tərcüməçi Əli Aslani Azərbaycan şairlərinin şeirlərini ərəb əlifbasına köçürərək çap edir. Əli Aslani 2002-ci ildə Urmu şəhərində doğulub. Uşaq yaşlarından ədəbiyyata marağı olub.

Mecra.az xəbər verir ki, tərcüməçi Azərbaycanda yaşayan 40 nəfər şair və yazıçının əsərlərini İranda çap etmək və tanıtdırmaq niyyətində olduğunu bildirib. İndiyə kimi 12 şairin şeirlər toplusunu İranda çap etdirib.

Qırx rəqəminin isə onun üçün müqəddəs rəqəm olduğunu deyib. Çünki Cənubi Azərbaycanda qırx milyon azərbaycanlı yaşadığı üçün o, bu cür simvolik rəqəm seçib.

Əli Aslani indiyə kimi Xalq şairi Nəriman Həsənzadənin “Təbriz”, Xalq şairi Fikrət Qocanın “Sönən deyil bu ocaq”, Nigar Rəfibəylinin “Bir gün səni görməyəndə”, Əli Tudənin “Mən nə gətirdim”, Afaq Məsudun “Sərçələr”, Əhməd Cavadın “Sevgi candan ayrılmaz, Abbas Səhhətin seçilmiş şeirləri, Səddam Laçının “Xəncər kirpikli qız”, Fərqanə Səfərlinin “Mənim ümidlərim”, Nigar Arifin “Xatirələr otağı”, Ülviyyə Qəhrəmanın “Bir qadın şeir yazır”, Nuranə Rafaelqızının “Mənə bir az nağıl danış”, Zaur Ustacın “Yulğun çiçəyi”, “Leyla Mətinin “Ömrə sığmayan arzular”, kitablarını çap edib.

MÜƏLLİF: VASİF ƏLİHÜSEYN

MƏLUMATI HAZIRLADI: TUNCAY ŞƏHRİLİ

YAZARLAR.AZ
===============================================

<<<< WWW.YAZARLAR.AZ və WWW.USTAC.AZ >>>>

Əlaqə: Tel: (+994) 70-390-39-93 E-mail: zauryazar@mail.ru

www.USTAC.az

SEVGİ ŞAİRİ – MƏMMƏD MƏRZİLİDƏN DOST SÖZÜ

“MƏN MƏHƏBBƏT ŞAİRİYƏM”

Əziz dostum İlham Qazaxlının 50 yaşını təbrik edirəm!

“Dünya bir pəncərədi, hər gələn baxıb gedir”.Yaradıcı insanlar, adi insanlardan fərqli olaraq özlərindən sonra nəysə qoyub getməyə çalışırlar.Dünyaya, insanlara yanaşmaqları da başqa olur. Yaradıcı in-sanlar deyəndə – ixtiraçı alimlər,heykəltaraşlar, rəssamlar, bəstəkarlar (musiqiçilər), şairlər və s. nəzərdə tutulur.

Şairlər həmişə dünyanın dərdlərini öz dərdləri hesab edirlər. N.Gəncəvi,Ə.Nəvai, Höte və başqa klassiklərin yazdıqları əsərlərdən bunu görürük.

O insan xoşbəxtdir ki, onun əməli, yaradıcılığı ilə şəxsiyyəti vəhdət təşkil edir.Belə şairlərdən biri də çağdaş poeziyamızın istedadlı qələm sahibi İlham Qazaxlıdı.Onun yazdığı şeirləri oxu-duqca dövrümüzün mənzərəsi (siyasi, iqtisadi, təbiəti…)göz önünə gəlir.O, öz oxucusuna özünün deyil, onu narahat edən dünyanın dərdindən danışır.Zəmanənin eybəcərliklərini çəkinmədən qələmə alır.Milli adət – ənənəmizin get – gedə unudulması, siradan çıxması onu narahat edir.Bunu ”Milli dəyərlər” şeirində görürük.

Gözümüz önündə yadlaşır adət,

“Yabançı” adətə “milli” deyirlər.

Yurda ayaq açır yad mədəniyyət,

Get – gedə məhv olur milli dəyərlər.

Milli ənənəmiz – ən böyük sərvət,

Mənəvi dəyərlər – əvəzsiz nemət.

Unurqan olmuşuq o üzdən əlbət,

Get – gedə məhv olur milli dəyərlər…

İ.Qazaxlı gözlərini dünyaya açandan söz – saz məclislərində olub, milli adət – ənənələrimizlə böyüyüb.

Hər birimizin mənəvi müəllimi,ustadımız A.Şaiq demişdi:

“Vətəni sevməyən insan olmaz,

Olsa da, o şəxsdə vicdan olmaz”.

İlhamın da vətənə, torpağa olan sevgisi şeirlərində öz əksini ta-pıb.Vətənin bir parçası olan Qarabağı 30 il erməni işğalçıları əsarət-də saxlaması, hamı kimi onun da rahatlığını əlindən almışdı.

Qucağında göz açdığım,

Məskənim, yurdumdu Vətən.

Gözlərimdə həyat eşqi,

Sinəmdə odumdu Vətən!

Saf eşqim, saf məhəbbətim,

Ülviyyətim, səadətim.

Məfkurəm, ülvi niyyətim,

Müqəddəs andımdı Vətən! … – deyir.

Vətən uğrunda şəhid olanlara həsr etdiyi şeirində can yanğısı ilə yazır:

Gələcək nəsillərə örnəkdi şücaətin,

Məzarda rahat uyu, qalibsən sən igidim.

Yaddaşlarda əbədi qalacaq rəşadətin,

Baş əyirəm ruhuna, ey qəhrəman şəhidim!

Vətənin gecə – gündüz keşiyində duran əsgərlərimizdi, ordu-muzdu.Ordumuza, əsgərlərimizə dayaq duran türk əsgərlərinin şərəfinə yazdığı “Türk əsgəri” şeirində oxuyuruq:

Tarixdən gəlir səsin,

Alov saçır ad nəfəsin.

Titrədirsən yer kürəsin,

Ey, qəhrəman türk əsgəri!

Al bayraqdan güc alırsan,

Hünərinlə ucalırsan.

Xainlərdən öc alırsan,

Ey, qəhrəman türk əsgəri!…

Bütün şairlərdə olduğu kimi İ.Qazaxlı da dünyaya müraciət edir.Onun da dünyadan öz istəyi var.O, da gileylənir bu gedişat-dan.Bəlkə də bu oxucuların da ürəklərindən keçən hissilərdi.

İçi iblis doludu,

Qanlar içdi, canlar uddu.

Görəndə ki, dünya budu,

Dedim, dünya qorxuludu.

Döndüm sağa, döndüm sola,

Şeytan iblislə qol – qola.

Baxdım, çətin abad ola,

Gördüm, dünya qorxuludu…

Şair, dünyada baş verən bütün hadisələrə öz münasibətini yaz-dığı şeirlərlə bildirir.İranda soydaşlarımıza qarşı fars şovinizminin qəddarlığını, imperiyaların kiçik dövlətlərə qarşı haqsızlığını qələmə almaqla bu hadisələrə biganə olmadığını göstərir…

Yəni şairin silahı qələmidi.İlham da haqsızlığa qarşı qələmi ilə döyüşür.”Qələm də bir silahdı” şeirində dediyi kimi:

Haray salaq aləmə,

Susmağımız günahdı!

Sarılaq biz qələmə,

Qələm də bir silahdı!…

İlham, özü demişkən, “Mən məhəbbət şairiyəm”.Onun “İlham Pərisi” nin tez – tez coşan vaxtı var.Onu ilhamlandıran vətəndi, və-tənin füsunkar təbiətidi, vətəninin dünyada tayı – bərabəri olmayan gözəlləridi.Onun poetik duyğuları hamını özünə cəlb etməyi bacarır. ”Sevgimiz” şeirinə baxaq:

Ətirli çiçək tək təzədi, tərdi,

Nəşəsi, sevinci dünya qədərdi.

Sevgisiz yaşanan ömür hədərdi,

Vüsala açılan qoldu, sevgimiz!

Çağlayan şəlalə, coşan dənizdi,

Özülü möhkəmdi, ruhu təmizdi.

Bizi səadətə aparan izdi,

Könül qovuşduran yoldu, sevgimiz!…

“Ağlama” şeirində yazır:

İllər ötdü,yollar qar – sazaq oldu,

Ayrı düşdük, baxışlar uzaq oldu.

“Həsrət” sözü aramızda dağ oldu,

Bəsdi daha, sil gözünü, ağlama,

Göz yaşınla ürəyimi dağlama!…

Sonda deyir: – Ağlamaqla çarə varmı bu işə?

Qəmlənməyi sən çevirmə vərdişə.

Qazaxlını həsrət qoyma gülüşə,

Bəsdi daha, sil gözünü, ağlama,

Göz yaşınla ürəyimi dağlama!

Onu zəhmətlə böyüdən atasına(Allah rəhmət eləsin), anasına hədsiz məhəbbəti var.Onlardan aldığı tərbiyə sayəsində onun qəlbi safdı, təmizdi.Hamı ilə səmimidi.Ona görə də gözəl ailə başçısıdı. Övladlarına həm atadı, həm də onların dostudu.Elə dostlarına, tanış-larına qarşı da səmimi və sadədi…

İlham Qazaxlı haqqında çox yazmaq olar.Ən əsası odur ki, 50 ili şərəflə yaşayıb.Eldə, dostlar arasında hörmət qazanıb.İlham, sənə can sağlığı, uzun ömür, yaradıcılıq uğurları arzulayıram! Sonun İlhamın bu sözləri ilə bitirirəm:

Çəkir imtahana, sınağa məni,

Amansız ruzigar, vəfasız həyat.

Zaman saçlarıma ələyir dəni,

Fədakar qəlbimsə deyir, yaz – yarat!

Hörmətlə: Məmməd Mərzili

23.05.2023

MƏLUMATI HAZIRLADI: TUNCAY ŞƏHRİLİ

YAZARLAR.AZ
===============================================

<<<< WWW.YAZARLAR.AZ və WWW.USTAC.AZ >>>>

Əlaqə: Tel: (+994) 70-390-39-93 E-mail: zauryazar@mail.ru

www.USTAC.az

AZƏRBAYCAN YAZARLARI

ZAUR USTAC: – USTACAM
Müzəffər ordunun şanlı əsgəri,
Ərənlər yurdunun ər övladıyam!
Zalımın zülmünə təhəmmülüm yox,
Babəklər yurdunun hürr övladıyam!
* * *
Ustadım Nəsimi, sözümüz sözdü,
Ədalət, həqiqət bağrımda közdü,
Ziyadar dühası bir deyil, yüzdü,
Mövlalar yurdunun nur övladıyam!
* * *
Dərvişəm, müqqəddəs sayılır təkkəm,
Hülqumdan yuxarı dayanır öfkəm,
Od, ocaq diyarı tanınır ölkəm,
Alovlar yurdunun nar övladıyam!
* * *
Unutma, şah babam Xətai başdı,
Nadir şah, mətədə tərpənməz daşdı,
İlham, nə keçilməz sədləri aşdı,
İgidlər yurdunun nər övladıyam!
* * *
Tarixdə Nəbisi, Koroğlusu var,
Gen dünya yağıya daim olub dar,
Düşmən qarşımızda yenə oldu xar,
Aslanlar yurdunun şir övladıyam!
* * *
Göydən Yer üzünə ərmağan, payam,
Gündüzlər Günəşəm, gecələr Ayam,
Ən parlaq ulduzdan törəyən boyam,
Ozanlar yurdunun sirr övladıyam!
* * *
Ustacam, vətənim vətən içində,
Axıb duruluruq zaman köçündə,
Min bir anlamı var, adi “heç”in də,
Aqillər yurdunun pir övladıyam!

DAĞLAR
(Dağlara xitabən üçüncü şeiri)
Tarix səhnəsində yetişdi zaman,
Başlanmış bu çağın mübarək, dağlar!
Hələ nə zəfərlər gözləyir bizi,
Qutlanmış novrağın mübarək, dağlar!

* * *
Dövranın gərdişi döndü, dəyişdi,
Davadan doğulan ərlər yetişdi,
Didilmiş yaralar tutdu, bitişdi,
Üç rəngli duvağın mübarək, dağlar!

* * *
Nə vaxtdır yol-iriz bağlı qalmışdı,
Qoynunda yağılar məskən salmışdı,
Canımı sağalmaz bir dərd almışdı,
Sayalı qonağın mübarək, dağlar!

* * *
Xətai qırmadı könül bağını,
Nadir unutmadı hicran dağını,
İlhamın silahı əzdi yağını,
Dəmirdən yumruğun mübarək, dağlar!

* * *
Qurtuldu yağıdan zənburun, balın,
Bir başqa görünür yamacın, yalın,
Zirvəndən boylanır şanlı hilalın,
Müqəddəs sancağın mübarək, dağlar!

* * *
Haqqa nisbət tutub ulu Ələsgər,
Andırıb, tanıdıb, bilib pərisgar,
Hər səngər məbəddi, pirdi hər əsgər,
Şuşa tək ocağın mübarək, dağlar!

* * *
Ay Ustac, min şükür arzuna yetdin,
“Dədə”n gedən yolu, sən də qət etdin,
Dolandın dünyanı yurdunda bitdin,
Doqquzu zər tuğun mübarək, dağlar!

ÜÇ QARDAŞ
(Azərbaycan, Türkiyə, Pakistan qardaşlığına)

Bir qardaş sağında, biri solunda,
Təpəri dizində, gücü qolunda,
Qardaşlıq məşəli yanır yolunda,
Yeni çağ başladır xan Azərbaycan!
Türkiyə, Pakistan, can Azərbaycan!
* * *
Xətai amalı bu gün oyaqdır,
Nadirin əməli bu gün dayaqdır,
İlhamın təməli bu gün mayakdır!
Yeni çağ başladır xan Azərbaycan!
Türkiyə, Pakistan, can Azərbaycan!
* * *
Zamanla yaşadıq xeyli qeylü-qal,
Görməsin bir daha bu birlik zaval,
Dağlara biryolluq qayıdır Hilal,
Yeni çağ başladır xan Azərbaycan!
Türkiyə, Pakistan, can Azərbaycan!

Müəllif: Zaur USTAC,

“Yazarlar” jurnalının baş redaktoru,

şair-publisist.

MƏLUMATI HAZIRLADI: TUNCAY ŞƏHRİLİ

YAZARLAR.AZ
===============================================

<<<< WWW.YAZARLAR.AZ və WWW.USTAC.AZ >>>>

Əlaqə: Tel: (+994) 70-390-39-93 E-mail: zauryazar@mail.ru

www.USTAC.az

AYAZ İMRANOĞLU “GİZLİ QAPI” KİTABINI TƏQDİM EDİB – VİDEO.

21 may 2023-cü il tarixində Bakı şəhəri, Lev Tolstoy küçəsində yerləşən Misra book cafe də təqdimat zamanı “Yazarlar” jurnalının baş redaktoru, şair-publisist Zaur Ustac “Gizli qapı” adlı yeni kitabının işıq üzü görməsi münasibəti ilə Ayaz İmranoğluna “İsa Muğanna” diplomunu təqdim edərkən.

“Yazarlar” jurnalı kollektivi adından Ayaz İmranoğlunu təbrik edir, həyat və fəaliyyətində yeni-yeni nailiyyətlər arzulayırıq!

MƏLUMATI HAZIRLADI: TUNCAY ŞƏHRİLİ

AYAZ İMRANOĞLU YAZILARI

HƏCƏR ATAKİŞİYEVANIN YAZILARI

YAZARLAR.AZ
===============================================

<<<< WWW.YAZARLAR.AZ və WWW.USTAC.AZ >>>>

Əlaqə: Tel: (+994) 70-390-39-93 E-mail: zauryazar@mail.ru

Atakişiyeva Həcər

Hüseyn Cavidin “İblis” pyesində ruhunu şeytana satan insanların aqibəti

May 24, 2023 www.yazarlar.az Bir şərh yazın

Hüseyn Cavidin “İblis” pyesində ruhunu şeytana satan insanların aqibəti

(resenziya)

Hüseyn Abdulla oğlu Rasizadə Naxçıvan şəhərində 1882-ci il oktyabr ayının 24-də anadan olmuşdur. Hüseyn Rasizadə Azərbaycan ədəbiyyatı tarixində filosof şair, böyük dramaturq Hüseyn Cavid kimi tanınmışdır. Hüseyn Cavid Azərbaycan ədəbiyyatı tarixində romantizm ədəbi cərəyanının ən qüdrətli sənətkarlarından biridir. Ədib 1909-cu ildən “Cavid” ədəbi təxəllüsü ilə yazmağa başlamışdır. Hüseyn Cavidin dramaturji yaradıcılığı olduqca zəngindir. Ədibin dram əsəri olan “İblis” pyesini 1918-ci ildə yazmışdır. Dramaturqun pyesi ədibə böyük şöhrət qazandırmışdır. Hüseyn Cavidin pyesləri Azərbaycan milli təfəkkürünə xidmət edir. Ədibin “İblis” əsərinin hər cümləsində Hüseyn Cavid qələminin izi duyulur. Hüseyn Cavidin “İblis” pyesində maddi zənginlik üçün ruhlarını şeytana satan insanların aqibəti təsvir olunur. Ədib göstərir ki, həyatda maddiyyatı əsas stimul kimi görən insanlar, günahsız insanlara qarşı ədalətsiz, qəddar davrananlar, insanlığı öz qəddarlığı, cinayəti və xəyanəti ilə məhv edən kəslər daim fəlakətlərə uğramışlar. Hüseyn Cavid “İblis” pyesində insanlığa sevgini, vicdanı, mərhəməti, əxlaqı aşılayır. Əsərdə xəyanət, cinayət, qəddarlıq, zülm pislənilir. Ədib insan təbiətinin hər iki üzünü onun şeytani təbiətini və mərhəmətini, ucalığını müqayisəli təqdim edir. Hüseyn Cavid yaradıcılığının bədii-estetikasının bütün özəlliklərini bu əsərdə görürük. “İblis” pyesi Azərbaycan mədəniyyətinin dərin tarixi qatlarını özündə ehtiva edir. Ədib əsərdə romantik bədii düşüncənin, fəlsəfi lirikanın orijinal nümunələrini yaratmışdır. Hüseyn Cavidin “İblis” pyesi onun yaradıcılığını bədii növ, janr və forma cəhətdən zənginləşdirmişdir. Dramaturqun əsərdə yüksək bədii sənətkarlığı, dərin emosionallığı açıq-aşkar görünür. Əsərdə ümumbəşəri problemlər qaldırılmışdır və milli bədii fikir tariximizdə mühüm yer tutmuşdur. Ədibin “İblis” faciəsinin mövzusu İstanbul həyatından alınmışdır. Dramaturq əsərdə İblis və Mələk adlı mifik obrazlar yaratmışdır. Əsər İblisin məmnun qəhqəhələrlə dediyi monoloqu ilə başlayır.

Dəryalara hökm etmədə tufan,

Səhraları sarsıtmada vulkan,

Sellər kibi aqmaqda qızıl qan,

Canlar yaqar, evlər yıqar insan…

Hüseyn Cavid “İblis” pyesində insanlığa qarşı olan bu dəhşəti, fəlakəti, vəhşəti, zəlaləti bəşəriyyətin bəlası sayır. Əsərdə Mələk adlı mifik obraz bəşəriyyətdə olan bütün vəhşiliklərin, cinayətlərin, xəyanətlərin, fəlakətlərin günahkarı kimi İblisi görür. Onun insan oğlunu yolundan çıxarıb, fəlakətlərə düçar etdiyini söyləyir. Əsərdə İblisin şiddətli, məğrur qəhqəhələr içində özünün tərifi verilir.

Bən şimdi bir atəş, fəqət əvvəlcə mələkdim,

Həp Xaliqə təsbih idi, təhlil idi virdim,

İlk öncə mələklər bəni təqdis ediyordu,

Adəm kibi bir sayğısız axır ləkə vurdu.

Alçalmadı, yüksəldi fəqət şöhrətü şanım,

Allah ilə bir zikr edilir namü nişanım.

Hüseyn Cavid “İblis” pyesində mədəni vəhşəti, zülmü, cinayəti, fəlakəti, xainliyi pisləyən, əsər boyu bəşəriyyətə insanlıq duyğusu, vicdanlı olmağı məsləhət bilən Arif axırda özü İblisə qul olur. O, silah, qurşun, qızıl imtahanından keçə bilməyib, nəfsinin köləsinə çevrilir. Ədib İblisin bu sözləri ilə dində, məzhəbdə dəhşətin hakim olduğunu bildirir.

Hər din ilə, məzhəblə, siyasətlə cihanda

Hər fırtına qopmuşsa, əvət, bən varam orda.

Hər yerdə ki, vardır əzəmət, qəhr ilə dəhşət,

Hakimdir o yerlərdə şu qarşındakı xilqət.

Hüseyn Cavid “İblis” faciəsində Şərqdəki abidlərin, Qərbdəki rahiblərin, qazi olub fitnələr icad edənlərin, mürşid olub aləmi bərbad edənlərin iç üzünü ifşa edir. Ədib bu fikirləri ilə din adından istifadə edənləri tənqid və ifşa edir.

Bəzən olurum bir papa!

Cənnət satarım bən,

İsa dirilib gəlsə də qorqar qəzəbimdən.

Bəzən olurum bir çoban, azadə bir insan,

Bəzən olurum zülmü fəsad aşiqi sultan.

Hüseyn Cavid “İblis” pyesində xəyal ilə həqiqəti, fəlakət ilə əmin-amanlığı, xeyir ilə şəri, elm ilə cəhaləti vəhdətdə təqdim edir. İblisin sözlərinin əsiri olan Arif əsəbi və xırçın hərəkətləri ilə İblisə uyub, bir çox cinayətlərə bais olur. Ədib çılğın və qorqunc İblisin hər ölkədə, hər diyarda, hər evdə, viranədə, hər bütxanada, meyxanadə olduğu fikrini söyləyir. Hər kəsin İblisi dinlədiyini, lakin ona nifrət də etdiklərini bildirir. İblis məğrur qəhqəhələr ilə hər kəsin ona aciz qul olduğunu, insanların pəncəsində əzilib, qıvrılıb, məhv olduqlarını söyləyir. İblis insanlara rəhbərlik edən qan püskürən, atəş savuran kinli kralları, şahları, ulu xaqanları, qızıl və qadın düşkünü olanları, min hiylə quran tülkü siyasətçiləri, hər an məzhəb çıxaran, yol ayıran din xadimlərini, xalqı soyan əyanları, bütün fitnəkar şərləri, zülmü, xəyanəti yer üzünün həqiqi İblisi sayır. Dramaturqun “İblis” pyesi İblisin aşağıdakı sözləri ilə bitir. Ədib cümlə xəyanətlərə bais, hər kəsə xain olan insanı yer üzünün İblisi adlandırır.

İblis nədir? – Cümlə xəyanətlərə bais…

Ya hər kəsə xain olan insan nədir? – İblis!..

Hüseyn Cavid irsinin ən kamil nümunəsi olan “İblis” pyesi daim araşdırmaçılar tərəfindən öyrənilmişdir. Əsərdə dahi dramaturq bəşəri problemlərə toxunmuşdur. Hüseyn Cavid irsinin dünyada layiqincə təbliğ olunmasında “İblis” pyesinin mühüm rolu vardır. Dahi dramaturqun yaradıcılığının ən yüksək zirvəsi olan “İblis” pyesinə bütün tədqiqatçılar həssaslıqla yanaşmışlar. Hüseyn Cavidin “İblis” pyesinin dünyanın bir çox ölkələrində səhnəyə qoyulmasında, bir çox dillərə tərcümə olunub, nəşr edilməsində əsərin bədii gücünün yüksək olmasının böyük rolu vardır. “İblis” faciəsi Hüseyn Cavid irsinin tanınmasında və çox yüksək qiymətləndirilməsində mühüm əhəmiyyətə malikdir. “İblis” əsəri dramaturqun Azərbaycan ədəbiyyatı tarixinə bəxş etdiyi növbəti həqiqi dəyəri olan bir əsərdir.

MÜƏLLİF: ATAKİŞİYEVA HƏCƏR