Манманлик

Манманлик ҳам дарахтдек ўсиб,
Чирмовуқдек отмоқда илдиз.
Ким ўзарга бўлмоқда пойга,
Югуряпмиз кеча-ю кундуз.

Пул кетидан чопамиз ҳамон,
Олқишлаймиз чаламиз чапак.
Гўё шундай қилсак ,тўрт томн,
Кўкдан ёғиб тушгандек чалпак.

Чумолидай ташиймиз уйга,
Чириб кетар омборда донлар.
Камбағални солиб минг куйга,
Таҳқирлайди айрим нодонлар.

Олқишлаймиз номи улуғни,
Супрасидан, ортмайди унлар.
Ҳақиқатни кўриб жим -житмиз,
Кўзи кўр-у ва тили гунглар.

Елкамизда тоғдек ғамлар бор,
Тўмарислар бўлмоқда чўри.
Тулкиларга айланар минг бор ,
Қишлоқдаги эркак кўк бўри.

Жим кетамиз ўз йўлимиздан,
Сизга нима деймиз гоҳида.
Бой ўғлилар сайрашар бўлди,
Булбул севган гулнинг шоҳида.

Етимларнинг ҳаққини еймиз,
Ҳақ деганча ўз-ўзимизни.
Шайтон йўлдан урганда деймиз,,
Қон тўлдиргач қалб кўзимизни.

Айтай десам дардим кўп яна,
Одамларга ачийди ичим.
Дунё шундай оғир чархпалак,
Қайтармоққа етмайди кучим.

Автор: Наргиза Ҳайдарова

YAZARLAR.AZ

I>>>>>>BU HEKAYƏNİ MÜTLƏQ OXU<<<<<<I

I>>Mustafa Müseyiboğlu adına kitabxana<<I

NƏRGİZƏ HEYDƏROVA (Наргиза Ҳайдарова)
Daim yaradıcılıq axtarışlarında olan Nərgizə Heydərova 1978-ci il 22 dekabr tarixində Uçqurqan rayonunun Qurama kəndində, kəndli ailəsində anadan olmuşdur. O, kənddəki 17 nömrəli məktəbdə təhsil almışdır. Məktəb illərindən etibarən yaradıcılığa böyük maraq göstərmişdir. İlk şeiri “Parlaq həyat” qəzetində dərc olunmuşdur.
Nərgizə Heydərova Namangan Dövlət Pedaqoji Təhsil müəssisəsini bitirmişdir. Məktəbəqədər təhsil müəssisəsində fəaliyyət göstərmişdir.
Onun ilk şeirlər kitabı “Yanan ürəklər” 2023-cü ildə nəşr olunmuşdur. Yaradıcılıq nümunələri rayon, vilayət və respublika mətbuatında işıqlandırılmış, həmçinin “Vadi nəğmələri”, “Şükür”, “Könül telləri”, “Nihol”, “XXI əsr Namangan ədəbi bağçası” (III) toplularına daxil edilmişdir.
Nərgizə Heydərova Qazaxıstan Respublikasında keçirilən müsabiqədə “Möhtərəm ana” döş nişanı ilə, Qırğızıstan Respublikasında təşkil olunan “Dünya – dostluq körpüsü” müsabiqəsində isə “Qızıl qələm” diplomu ilə təltif olunmuşdur.
Şairə hazırda Sankt-Peterburq şəhərində yaşayır və çalışır. Hal-hazırda məhsuldar yaradıcılıqla məşğuldur.
O, iki övladın anasıdır.

NƏRGİZƏ HEYDƏROVNIN YAZILARI

НAРГИЗА ХАЙДАРОВАНЫН ЯЗЫЛАРЫ

YAZARLAR.AZ

I>>>>>>BU HEKAYƏNİ MÜTLƏQ OXU<<<<<<I

I>>Mustafa Müseyiboğlu adına kitabxana<<I

Чўғ суй

Моҳларойим

Ўтди қанча замонлар,
барчасини ютди ер.
Асрлардан асрга,
ўтиб келди фақат шеър.
Сиз яшайсиз дилларда, мангу тириксиз доим,
Ҳўқанднинг маликаси шоира Моҳларойим.

Ҳар замонда бор экан тулки билан бўрилар,
Сизни ҳурмат қиларди бой камбағал, чўрилар.
Сиз виқорли мағрур аёл ва шунчалар мулойим,
Сўзларингиз қилич каби ўткирдир Моҳларойим.

Увайсийнинг изларидан қалам тутган аёлсиз,
Тахт деб сизга туҳмат қилди қай виждонсиз ҳаёсиз.
Душманларнинг қозисидир фақат ёлғиз Худойим,
Сизга тирик девор бўлган халқингиз Моҳларойим.

Юрт ишқида шеърлар ёзиб, қуриб қанча бозорлар.
Сиз туфайли обод эди жоме масжид мозорлар.
Шеъриятнинг осмонида бўлган ягона ойим,
Нодирабегим номингиз тарихда Моҳларойим.

Ўтди қанча йил фасллар, айланмоқда ер шари,
Ғазалларда яшаяпсиз, унут бўлмади бари.
Сиз шеърият уммонида оққан шарқироқ сойим,
Қўқоннинг маликаси шоира Моҳларойим.

Санкт Петербург

2025 йил

Автор: Наргиза Ҳайдарова

YAZARLAR.AZ

I>>>>>>BU HEKAYƏNİ MÜTLƏQ OXU<<<<<<I

I>>Mustafa Müseyiboğlu adına kitabxana<<I

Дилимда

Бошимда дунёнинг ташвиши,
Барини бир четга сураман.
Чигалдир тақдирим шўриши,
Лек мағрур қоядек тураман.

Кўзимдан ёш оқмас, дил йиғлар,
Юрагим кўз ёшим ичади.
Туҳматлар пичоғи дил тиғлар,
Армонлар эркалаб қучади.

Ёр дедим, ёр эмас, ҳайкалдек
Тош қотган тош дилни севганман.
Қалбимда бир кўл бор Байкалдек,
Сув кечиб, оташда куйганман.

Дилимда ўлкан тош парчаси,
Тўлдирмас ҳеч кам-кўстимни.
Шимолнинг тиконли арчаси,
Пўстакдек қоқади пўстимни.

Япроқдек титрайман лаб қурқшаб,
Ҳасратдан ёзаман дардли шеър.
Қалбимни тушунмас кимсалар:

-Бу аёл бахтли-ку, бахтли – дер.

Автор: Наргиза Ҳайдарова

Шаҳар

Шаҳар ухлаяпти, осуда шаҳар,
Нива дарёсининг қучоқларида.
Бир шоир шеър битиб илҳом ахтарар,
Балтика денгизин қирғоқларида.

Сокин сув чорлайди уни бағрига,
Боқади сув солган йўлакларига.
Майсалар либосин этагин ўпар,
Гуллар сув сепади кўйлакларига.

Шаҳар ухлаяпти, осуда шаҳар,
Самонинг чеҳраси оқ-қора тасвир.
Қирғоқнинг чиройи олади ақлин,
Бу юртда яширин ажойиб бир сир

Шаҳар ухлаяпти, осуда шаҳар,
Кўприклар устидан учади қушлар,
Ленинград ҳушин ўғирлаган қиз
Қишлоғин соғиниб кўради тушлар.

Шаҳар ухлаяпти, осуда шаҳар…

Автор: Наргиза Ҳайдарова

Мободо

Тушармиди осмон узулиб,
Мободо бир қўнғироқ қилсанг.
Қаердаман ва кимлар билан,
Ё шунчаки холимни сўрсанг.

Ерга қулаб тушами офтоб?
Сал бурнингни пастга қаратсанг.
Салом алик ва илиқ сўздан,
Мехр номли бўстон яратсанг.

Билмайсанда ўрнинг борлигин,
Ўринсиздан асрасин Худо.
Одамларнинг изидан қувиб,
Кетди мехр айтиб адвидо.

Бир қўнғироқ қилиш оғирми?
Келтирарми сенга муаммо.
Сени қандай авайлар эдим,
Буни ўзинг билмасдинг аммо.

Қарашингдан ёғиларди ўт,
Мехр истаб ёнимга чопдинг.
Дил тўридан олганингда жой,
Сен юзимга эшикни ёпдинг

Санкт Петербург

Автор: Наргиза Ҳайдарова