ŞƏHİDLƏR
(sonet)
Şəhidlər önündə baş əyər bəşər
Allahın sözüdür müqəddəs bu ad
Ona səcdə edər göydə mələklər
Yolunu həsrətlə gözləyər sirat
İzi düşən yerdə gül-çiçək bitər
Keçdiyi zirvələr cənnət ətirli
Vətən harayına ilk onlar yetər
Həyata gəlişi, gedişi sirli
Ey ismi gözəlim, elə ucasan
Yoxdur aləmdə də başqa bir tənin
Həmişə var olmaq deyildir asan
Əbədi oğlusan ana vətənin
Şərə kim edərsə sinəsin sipər,
Ölərsə ruhuyla düşməni yenər.
Müəllif: VALEH HEYDƏR
>>>> ƏN ÇOX OXUNAN HEKAYƏ <<<<
Mustafa Müseyiboğlu adına kitabxana
YAZARLAR.AZ
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru