1998-ci ildə “Hərbi Nəşriyyat” tərəfindən nəşr olunmuş “Hərbi marşlar, döyüş nəğmələri, qəhrəmanlıq şeirləri” kitabından bir nümunə:
DÖYÜŞCÜ CƏNGİ
Qardaşlar, silaha sarılaq bu gün,
Qoymayaq düşmənin gözləri gülsün.
Qılınc kimi qından sıyrılaq bu gün,
Vətənin üstündən bulud çəkilsin…
Döyüşdə başqa bir arxa nə gərək,
Qoy arxamız olsun dəyanətimiz.
Nə külüng axtaraq, nə də bel gəzək,
Səngər qazmağa…
Səngərimiz olsun cəsarətimiz!
Qəlbimiz çırpınsın Zümrüd quşutək,
Çatsın bu Vətənin, çatsın dadına.
İrəli yeriyək sinə gərərək,
Çevrilək bu yurdun qol-qanadına…
Göstərək meydanda biz güc, biz qüdrət,
Yaraq düşmənlərin bağrını, yaraq!
Olaq hər birimiz bir Məlikməmməd,
Düşdüyü quyudan xalqı çıxaraq!..
1996
Müəllif: ƏLƏSGƏR ƏLİOĞLU.
Mustafa Müseyiboğlu adına kitabxana
YAZARLAR.AZ
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru