BİZ KÖÇƏNDƏ
Biz köçəndə bu dünyada
Qalacaqmı ömrün izi?
Var-dövlət yığmaqdan ötrü
Xərcləyirik ömrümüzü.
Niyə bu qədər hərisik
İnciyə, dürrə, altuna?
Dünya çox “mənəm” deyəni
Alıb dizinin altına.
Acılar yaddan silinir
Elə ki biz bal dadırıq.
Xırda-xuruş sevinclərlə
Özümüzü aldadırıq.
Ömrü güdaza veririk
Qurdalana-qurdalana.
Əriyirik, yox oluruq
Xırdalana-xırdalana…
06.04.2007
Müəllif: Rafiq YUSİFOĞLU,
şair, Əməkdar mədəniyyət işçisi, filologiya elmləri doktoru, professor.
Mustafa Müseyiboğlu adına kitabxana
YAZARLAR.AZ
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru