“Пилик шырағым өшпе”.

“Пилик шырағым өшпе”.

Қумай көзлеримде қаншама сыр бар,
Жүрегим төринде қосықлар жырлар,
Сездиңбе сени деп жүзимде нурлар,
Интизар пилик шырағым өшпе.

Узақтан жылтырап жылыў бересең,
Қараңғы түнлерде мени көресең,
Сырымды жасырын сақлап жүресең,
Сағымлы,пилик шырағым өшпе.

Тең жумып көзимди пышығым менен,
Күтемиз қас кирпик қысығым менен,
Қәлбимде жыллы жүз ысығың менен,
Қәлбимде,пилик шырағым өшпе.

Күтемен мен әрман сағынышларды,
Сүйкелип бир қыя бағылысларды,
Көрмесин тәғдийрим жаңылысларды,
Әрманлы,пилик шырағым өшпе.

Жүрегимди жаўладың ба билмеймен,
Саған өмир инәмланған гүлдеймен,
Тек өзиңсиз жалғыз өмир сүрмеймен,
Сүйгеним пиликли шырағым өшпе.

Сол жарығың жақтыртады әлемди,
Ынтығып күтемен таңғы сәлемди,
Қушағымда бир өмирге бол енди,
Өмирде пиликли шырағым өшпе.

Сени деп әрманлар ете беремен,
Күтиўде күн санап өте беремен,
Өзиңди аңсайман күтеберемен,
Мен ушын пиликли шырағым өшпе.♨

15 Январь 2023-Жыл.

===============================================

<<<< WWW.YAZARLAR.AZ və WWW.USTAC.AZ >>>>

Əlaqə: Tel: (+994) 70-390-39-93 E-mail: zauryazar@mail.ru

WWW.YAZARLAR.AZ