www.bitik.az tərəfindən yazılmış bütün yazılar

Bakı Dövlət Universiteti ilə Azərbaycan Milli Kitabxanası arasında əməkdaşlığa dair anlaşma memorandumu imzalanıb

Bakı Dövlət Universiteti ilə Azərbaycan Milli Kitabxanası arasında əməkdaşlığa dair anlaşma memorandumu imzalanıb

Oktyabrın 25-də Bakı Dövlət Universitetində (BDU) bu təhsil ocağı ilə Azərbaycan Milli Kitabxanası arasında əməkdaşlıq haqqında anlaşma memorandumu imzalanıb və BDU-nun İnformasiya və sənəd menecmenti fakültəsində Milli Kitabxananın xüsusi auditoriyasının açılışı keçirilib.

Memorandumu BDU-nun rektoru Elçin Babayev, Milli Kitabxananın direktoru Kərim Tahirov imzalayıblar.

Sənəddə BDU ilə Milli Kitabxana arasında müasir kitabxana texnologiyaları, rəqəmsal xidmətlər və süni intellekt texnologiyaları sahəsində birgə layihələrin hazırlanması, innovativ tədqiqat laboratoriyaları və tədris məkanlarının yaradılması, gənclərin və təhsilalanların elmi-mədəni inkişafını dəstəkləyən layihələrin həyata keçirilməsi, eləcə də rəqəmsal informasiya resurslarının inteqrasiyası, elektron resurs mübadiləsinin təşkili, rəqəmsal kitabxana xidmətlərinin birləşdirilməsi və genişləndirilməsi, Milli Kitabxananın elektron arxivlərinə BDU-nun təhsilalan və tədqiqatçılarının çıxışının təmin edilməsi nəzərdə tutulur.

Eyni zamanda memorandumda Azərbaycan elmi, tarixi, mədəni irsi ilə bağlı mövzularda müxtəlif səpkili birgə tədbirlərin təşkili, müştərək nəşr layihələrinin həyata keçirilməsi əksini tapıb. Bundan əlavə, kitab fondlarının birgə istifadəsi, kitab mübadiləsi və yeni elmi ədəbiyyatın təmin edilməsi, xüsusilə nadir kitabların, arxiv materiallarının tədqiqi və mühafizəsi sahəsində əməkdaşlıq da sənəddə qeyd olunub.

Mərasimdə çıxış edən mədəniyyət naziri Adil Kərimli BDU-da Milli Kitabxananın xüsusi auditoriyasının açılmasının elm, təhsil və mədəniyyət ictimaiyyəti üçün önəmli hadisə olduğunu deyib. Bildirilib ki, Ümummilli lider Heydər Əliyev Bakı Dövlət Universitetini Azərbaycan xalqının milli sərvəti kimi qiymətləndirib. Azərbaycan Milli Kitabxanası da ölkə mədəniyyətinin əsas mərkəzlərindən biridir: “BDU-da yüksəkixtisaslı kadrların yetişdirilməsi işinə daim dəstək göstərməyə hazırıq. Mədəniyyət sahəsində elm və təhsilin inkişafı prioritetlərimizdən biridir. Bu auditoriyadan universitetin professor-müəllim heyəti, tələbə və tədqiqatçıları faydalanacaq”. Nazir çıxışında həmçinin son illərdə BDU-da magistratura səviyyəsində mədəniyyət hüququ ixtisaslaşmasının yaradılmasının əhəmiyyətini də yüksək qiymətləndirib.

BDU-nun rektoru Elçin Babayev qeyd edib ki, universitetdə müasir dövrün çağırışlarına cavab verən yeni texnologiyaların tətbiqinə xüsusi önəm verilir, əmək bazarının tələblərinə uyğun yeni ixtisas və ixtisaslaşmalar açılır. Xüsusi auditoriyanın açılışı ilə yanaşı, BDU və Azərbaycan Milli Kitabxanası arasında bu gün imzalanan anlaşma memorandumu da əməkdaşlıq baxımından yeni imkanlar yaradır.

Qeyd edək ki, açılış mərasimində Milli Məclisin Elm və Təhsil Komitəsinin sədri Anar İsgəndərov, Mədəniyyət Komitəsinin sədr müavini Günay Əfəndiyeva, Azərbaycanda Atatürk Mərkəzinin direktoru akademik Nizami Cəfərov, ziyalılar və alimlər iştirak ediblər.

Mənbə və Ətraflı:
https://www.millikitabxana.az/news/baki-dovlet-universiteti-ile-azzerbaycan-milli-kitabxanasi-arasinda-emekdashliga-dair-anlashma-memorandumu-imzalanib

Məlumatı hazırladı: Günnur Ağayeva

>>>> ƏN ÇOX OXUNAN HEKAYƏ <<<<

Mustafa Müseyiboğlu adına kitabxana

“ƏDƏBİ OVQAT” JURNALI PDF

“YAZARLAR”  JURNALI PDF

“ULDUZ” JURNALI PDF

“XƏZAN”JURNALI PDF

WWW.KİTABEVİM.AZ

YAZARLAR.AZ

===============================================

<<<< WWW.YAZARLAR.AZ və  WWW.USTAC.AZ >>>> 

Əlaqə: Tel: (+994) 70-390-39-93   E-mail: zauryazar@mail.ru

Qubadlı Şəhər Günü – 25 oktyabr

Qubadlı şəhəri günü – bütün şəhidlərimizi rəhmətlə anırıq… Hər bir ifadənin yaddaşda konkret ekvivalent anlamı var. Bu qayda texnalogiya və insan üçün keçərlidir (hətta süni intellektdə də belədir). Qubadlı kəlməsi oxuyan və ya eşidən kimi gözümün önündə rəhmətlik Vüqar öz əzəməti, vüqarı ilə canlanır… Kənardan baxanda üfürsən yıxılar kimi ilkin olaraq yalnış təsəvvür yaradan bu cılız (artıq yüklərdən azad) bədəndə nə qədər böyük güc, enerji, əzm, qürur, vüqar var imiş, İlahi!? …
Tale elə gətirib ki, xidmət dövründə Vətən Müharibəsi Qəhrəmanı Ağayev Vüqar (1999-2000) Ordubadda, Milli Qəhrəman Şükür Həmidovla (Qubadlıdan) (2000- 2002) Şahbuzda yollarımız kəsşib… Hər ikisi yaddaşımda nümunəvi şəxsiyyət kimi qalıb…
Rəhmətlik Ağayev Vüqarın həyat hekayəsi isə heç bir dastana sığmayacaq qədər müdhiş bir reallıqdır…


Bu qeydlər bütün şişirtmə və pafosdan uzaq sadə bir yol yoldaşının, silahdaşın ürək ağrısı (yanğısı) ilə qələmə aldığı incə, hələlik həyatda olan hamının diqqət etməli olduğu məqamdan ibarətdir. Məqsədi, məramı da elə bu diqqətdir! Xatırlatmadır!
Yaxşı ki, hələ həyatda sözümə qüvvət verəcək yol yoldaşları var: Mehdi Mahmudov , Şahin Əbdürrəhmanov , Mövsüm Mövsümov və başqaları…
Şəhidlərimizin şəhərlərimiz naminə nələri qurban verdiklərini unutmayaq!
Sadəcə Allah rəhmət eləsin… – deyib keçməyək! Adı …t dəftərində də olmayan ЖЕК müdirlərindən tutmuş ən yuxarı distansiyalara qədər diqqətli olaq…
Rəhmətlik Həmdəmin timsalında yazdığım “SƏNƏTİN SEÇDİYİ ADAM” məqaləsi İlqara, Vüqara, Şükürə, kapitan Seyidova, mayor Quliyevə və digər real həyatda şəxsən tanıdığım – indi aramızda olmayan – onlarla qəhrəmana eyni dərəcədə aiddir…
Yeri gəlmişkən dəyərli Qardaşımız Xan Resuloglu ( Xan Resuloglu ) da Qubadlıdandır!!!
Həyatda olan-olmayan mərd insanlar, günümüz mübarək!!!

Ehtiramla: Zaur USTAC

>>>> ƏN ÇOX OXUNAN HEKAYƏ <<<<

ZAUR USTACIN YAZILARI

YENİ KİTAB İŞIQ ÜZÜ GÖRÜB

Mustafa Müseyiboğlu adına kitabxana

“ƏDƏBİ OVQAT” JURNALI PDF

“YAZARLAR”  JURNALI PDF

“ULDUZ” JURNALI PDF

“XƏZAN”JURNALI PDF

WWW.KİTABEVİM.AZ

YAZARLAR.AZ
===============================================

<<<< WWW.YAZARLAR.AZ və  WWW.USTAC.AZ >>>> 

Əlaqə: Tel: (+994) 70-390-39-93   E-mail: zauryazar@mail.ru

Adilə Nəzər – …yenə sıxıldı…


Yenə sıxıldı qəlbim, yenə alışdı bağrım,
yenə gəldim qapına, geri qaytarma, Tanrım.
Açdım əlimi sənə,
susuram, dinləsənə.

Toplayıb cəm edən sən,
seçən, ayıran da sən.
Dağları birləşdirib kürək-kürəyə qoyan,
çayları, bulaqları dənizə qovuşduran,
bir həyətin pişiyin itinə yovuşduran,
insanı bir-birindən ayrı salma, nə olar…

Alın yazılarından əlbəttə ki qaçılmaz,
Sən açmayan düyünlər sonsuzadək açılmaz.
Aç düyünü, İlahi,
Kəs yer üzündən ahı.
İnsanı dost qərar ver insana, düşmən etmə,
dünyaya gəlməyinə heç kimi peşman etmə.
Heç atanı cibindən,
Heç ananı əlindən utandırma, İlahi.

Məhzun, məsum gözlərə,
heç vaxt yaşlar dolmasın,
Ac qalmasın uşaqlar,
üşüməsin uşaqlar,
Uşaqlar üşüdükcə fikirlərim üşüyür,
dualarım üşüyür, zikrlərim üşüyür.

İnan ki, mənzərələr bəhərli dərd ağacı,
gözümə hüzün çöküb, könlümə ağrı-acı…
amma yenə gülürəm –
budur, budur, İlahi, böyük dərdin əlacı…

Ey bir adı Haqq Tanrım,
Sevgisi böyük Tanrım,
Rəhmətə sərhəd yoxdur,
Ağırdır bu yük, Tanrım!
Açdım əlimi sənə,
susuram, dinləsənə.
Dünyaya gəlməyinə heç kimi peşman etmə,
insanı dost qərar ver insana, düşmən etmə.

24.10.2024

Müəllif: ADİLƏ NƏZƏR
Azərbaycan Respublikasının Təhsil İnstitutunun aparıcı elmi işçisi,
filologiya üzrə fəlsəfə doktoru

ADİLƏ NƏZƏRİN YAZILARI

ZƏHRA HƏŞİMOVANIN YAZILARI

ZAUR USTACIN YAZILARI

>>>> ƏN ÇOX OXUNAN HEKAYƏ <<<<

Mustafa Müseyiboğlu adına kitabxana

“ƏDƏBİ OVQAT” JURNALI PDF

“YAZARLAR”  JURNALI PDF

“ULDUZ” JURNALI PDF

“XƏZAN”JURNALI PDF

WWW.KİTABEVİM.AZ

YAZARLAR.AZ

===============================================

<<<< WWW.YAZARLAR.AZ və  WWW.USTAC.AZ >>>> 

Əlaqə: Tel: (+994) 70-390-39-93   E-mail: zauryazar@mail.ru

Oktyabrın “Ulduz”u – 2024

Oktyabrın “Ulduz”u Əlizadə Nurinin “Özüylə söhbəti…” və şeirləriylə açılır.

Bu sayda Ruslan Mollayevin “Aktrisa” hekayəsindən sonra Məti Osmanoğlu “Gənc yazarlar üçün ustad dərsi” keçir.

“Şeir vaxtı”nda Vüqar Rahi, Ramil Mərzili, Aysel Xanlarqızı, Xəyalə Sevil, Gülər Mübariz, Anar Seyidağa, Ülkər Nicatlı, İmir Məmmədlidir.

Xanəmir Telmanoğlu “Qızıl alma vücudnaməsi”ni təqdim edir.

Alpay Azər “Ali rütbəli nəzarətçilər”, Nurlana İşıq “Qazinin izi”, Rey Kərimoğlu “Telli Mədət və Xankəndidə torpaq satan dəli qadın” (sənədli hekayə), Səadət Musayeva “Son çağırış” hekayələriylə görüşünüzə gəlib.

“Nağıl” rubrikasında “Tənbəl ayı” ilə Əfsanə Rəhimlidir.

Fələstin və iordan əsilli şair, rəssam Əli-Əl-Əmirinin “Dünya poetik sanitariyaya möhtacdır…” essesi, Elxan Yurdoğlunun 70 yaşı tamam olan İbrahim Yusioğluna dost məktubu,“Anım” rubrikasında Aydın Tağıyevin unudulmaz şair Səyavuş Sərxanlı haqqında yazısı bu sayda yer alır.

“Yük” yazısıyla “Dərgidə kitab”da Nemət Mətindir.

Ulduz – oktyabr 2024 PDF >>> ulduz-oktyabr-2024

Təklifinizi, şikayətinizi bizə yazın. Sizi dinlərik. 055 634 88 31

Yunus Oğuzun bloqu

ZAUR USTACIN YAZILARI

>>>> ƏN ÇOX OXUNAN HEKAYƏ <<<<

Mustafa Müseyiboğlu adına kitabxana

“ƏDƏBİ OVQAT” JURNALI PDF

“YAZARLAR”  JURNALI PDF

“ULDUZ” JURNALI PDF

“XƏZAN”JURNALI PDF

WWW.KİTABEVİM.AZ

YAZARLAR.AZ

===============================================

<<<< WWW.YAZARLAR.AZ və  WWW.USTAC.AZ >>>> 

Əlaqə: Tel: (+994) 70-390-39-93   E-mail: zauryazar@mail.ru

Yunus Oğuz Türk Mədəniyyəti və İrsi Fondunun prezidenti Aktotı Raimkulova ilə görüşüb

Olaylar.az xəbər verir ki, yazıçı-publisist, tarixi romanlar müəllifi Yunus Oğuz Türk Mədəniyyəti və İrsi Fondunun prezidenti Aktotı Raimkulova ilə görüşüb. Görüşdə türk dünyası ədəbiyyatı və irsinin yaşadılması,inkişaf etdirilməsi yönündə müzakirələr aparılıb. Söhbət zamanı bu sahədə yaxın və uzaq hədəflərdən danışılıb.  

Təklifinizi, şikayətinizi bizə yazın. Sizi dinlərik. 055 634 88 31

Yunus Oğuzun bloqu

ZAUR USTACIN YAZILARI

>>>> ƏN ÇOX OXUNAN HEKAYƏ <<<<

Mustafa Müseyiboğlu adına kitabxana

“ƏDƏBİ OVQAT” JURNALI PDF

“YAZARLAR”  JURNALI PDF

“ULDUZ” JURNALI PDF

“XƏZAN”JURNALI PDF

WWW.KİTABEVİM.AZ

YAZARLAR.AZ

===============================================

<<<< WWW.YAZARLAR.AZ və  WWW.USTAC.AZ >>>> 

Əlaqə: Tel: (+994) 70-390-39-93   E-mail: zauryazar@mail.ru

Tofiq Nurəli – Yağış

Darıxan bir nəğmə…

YAĞIŞ
Sakit və kədərli bir yağış yağır
Fikirli-fikirli duman içindən…
Brezent gödəkçəmin qaldırıb yaxalığın
Bu kədərin içindən tələsik keçirəm mən.

Baxıram ki,ağaclar dumanlıdı büs-bütün,
Kədərlidi budaqlar, fikirlidi yarpaqlar…
Keçib gedir yanımdan heç salam da vermədən—
Fikirlidi kepkalar,fikirlidi ləçəklər,fikirlidi papaqlar…

Bax, çidarlı atlar da fikrə gedib çəməndə,
Dayçaların biri də heç tərpənmir yerindən…
(Heyif ki, bu atların yoxdur heç bir xəbəri
Mənim şeirlərimdən)
Elə zəif gəlir ki,səsi də ildırımın
Sanırsan torpaqlardı—köks ötürür dərindən.

Buradan uzaqlarda haylı-küylü şəhər var..,
Inana bilmir adam… Sükut..,duman və yağış…
Qadırıb yaxalığın brezent gödəkçəmin
Gedirəm..,ürəyımdə min cür fikir, yır-yığış…

Ömür qəfildən keçib—o ömürə mən yadam..,
…Biz ki, hər zaman sevdik– heç vaxt sevilməsək də..,
Inana bilmir adam, inana bilmir adam…
…Sükut, kədər və yağış..,bir də fikirli duman…
25. 03 .2017.

Müəllif: Tofiq Nurəli

Tofiq Nurəlinin yazıları

ZAUR USTACIN YAZILARI


>>>> ƏN ÇOX OXUNAN HEKAYƏ <<<<

Mustafa Müseyiboğlu adına kitabxana

“ƏDƏBİ OVQAT” JURNALI PDF

“YAZARLAR”  JURNALI PDF

“ULDUZ” JURNALI PDF

“XƏZAN”JURNALI PDF

WWW.KİTABEVİM.AZ

YAZARLAR.AZ

===============================================

<<<< WWW.YAZARLAR.AZ və  WWW.USTAC.AZ >>>> 

Əlaqə: Tel: (+994) 70-390-39-93   E-mail: zauryazar@mail.ru

SÜLEYMAN ABDULLANIN YENİ ŞEİRLƏRİ

İSTİ ŞEİR

Günün-günortanın tonqal vaxtıydı,
Çox çətin alırdı nəfəs adamlar.
Yaşamaq istəyi yox idi sanki,
Etmirdi heç nəyə həvəs adamlar.

Ən uca nöqtədə günəşdi gülər,
Qızarıb saçırdı od qövsi-quzeh.
Susub puçur-puçur tər tökürdülər,
Nə külək əsirdi, nə var idi meh.

Ərşə çəkilmişdi uçan, uçmayan,
Bəlkə yer üzündə nə var bişmişdi.
Bir parça bulud da yox idi, Tanrım,
Elə bil istidən göy ərimişdi.

YAXŞILIQLARDAN

Bu həyat səni də çox yordu, dostum,
Əkdik, almadıq bar yaxşılıqlardan.
İnsan yaranandan nankordu, dostum,
Düşdü gözümüz dar yaxşılıqlardan.

Sovurduq bir ömrü boz yelə, getdi,
Fitnəyə, fəsada, ya felə getdi.
Əyyam elə gəldi, vaxt belə getdi,
Yoruldu adamlar yaxşılıqlardan…

Yoldu avamlığa, ya naqisliyə,
Kor atı köndələn çapar sisliyə.
Haraya baxırsan çıxır pisliyə,
Ya rəbb, kimə nə var yaxşılıqlardan?

GECİKMİŞ ARZU

Çatdı buludların kövrələn vaxtı,
İndi həzin-həzin əsir küləklər.
Budaqdan ayrılmış yarpaqlar üstə,
Qarışqa misalı gəzir küləklər.

Buxarı əridir çardaqda buzu,
Axan palıdı su pasıdır novun.
İsitməz canını payız günəşi,
Gecədən sabaha düşən qırovun.

Çöldə əllərini hovxurur kimsə,
Bir də sınardımı şaxı ayazın.
Birtəhər sürüşüb ömrün qışından,
Çiçək yağışına düşəsən yazın.

HEÇ NƏ

Bizə doğma idi bu dünya guya,
Atdı ömrümüzə ən yadı, heç nə.
Qəfil hədəf olduq dedi-qoduya,
Düşdü aramızda bir qadı, heç nə…

Eşqi düstur ilə ərz etdik, əfsus,
Sonra üslubları tərz etdik, əfsus,
Tərsini, düzünü fərz etdik, əfsus,
Yüz “tutaq ki…” dedik tutmadı heç nə.

Bir az ötkəm idik, bir az da qəti,
Töküldü adamın üzünün əti.
Çıxdı əlimizdən gənclik neməti,
Verməz o ləzzəti, o dadı heç nə.

Ötən ömür idi yaxşımı, pismi,
Birində ruh öldü, birində cismi…
Çoxu zaman-zaman dəyişdi ismi,
Çıxdı sonumuza bir adı heç nə…

Müəllif: SÜLEYMAN ABDULLA

SÜLEYMAN ABDULLANIN YAZILARI

Mustafa Müseyiboğlu adına kitabxana

“ƏDƏBİ OVQAT” JURNALI PDF

“YAZARLAR”  JURNALI PDF

“ULDUZ” JURNALI PDF

“XƏZAN”JURNALI PDF

WWW.KİTABEVİM.AZ

YAZARLAR.AZ

===============================================

<<<< WWW.YAZARLAR.AZ və  WWW.USTAC.AZ >>>> 

Əlaqə: Tel: (+994) 70-390-39-93   E-mail: zauryazar@mail.ru

Caroline Laurent Turunc

Kafamızdaki dengesiz zil sesleri !

İnsan beyni, zihnimizde durmadan konuşan bir geveze gibidir.

Sürekli düşünceler üretir, bu düşünceler geçmişte yaşanan bir acı nedeniyle daha hassas hale gelir veya güncel bir olay nedeniyle bir yerde takılıp kalır, böylece karşılaştığı herkesi aynı kategoriye koyar ve en acı yanını o insanlara gösterir, tıpkı acı biber gibi, bu düşünceler bazen iyi şeylere, bazen kötü şeylere, bazen kasıtlı düşünce ve eylemlere neden olabilir ve ayrıca var olan sorunları çözmeye yönelik düşünceyi engellemek, tekrarlayan basmakalıp düşüncelere yer açmak ve tamamen takıntılı düşünceler yaratmak için çeşitli sorunlar yaratabilir.

Bunu bazı beyinlere milyonlarca kez anlatabilirsiniz ama beyin programı çözüm odaklı olmadığı ve kişiyi suçlu hissettirecek, onu diskalifiye etmeye çalışacak sesler çıkardığı için beyin, mutlu sonuç üretecek düşüncenin altında bir bağ kurulabileceği ihtimalini düşünmek bile istemez, birlik, beraberlik olmayacağını düşünür, dahası beyin fonksiyonları kendisini her güzel olayı ve düşünceyi ortaya çıkaracak bir birlik ile sonuçlanacak bir çözüm olmayacağına programladığı için sorunu daha çabuk çözmeyi desteklemeyen bir düşünceyi kabul edip kendince haklı olduğuna inanır, güzellikle sonuçlanacak her türlü düşünceden korktuğu için beyin kendini kara bir örtüye sarıp o örtünün altında kendini haklı çıkarmaya çalışır…

MÜƏLLİF: CAROLİNE LAURENT TURUNC

P.S. Gel sevgili, …

#carolinelaurentturunc

CAROLİNE LAURENT TURUNÇ

CAROLİNE LAURENT TURUNC

YENİ KİTAB İŞIQ ÜZÜ GÖRÜB

Mustafa Müseyiboğlu adına kitabxana

“ƏDƏBİ OVQAT” JURNALI PDF

“YAZARLAR”  JURNALI PDF

“ULDUZ” JURNALI PDF

“XƏZAN”JURNALI PDF

WWW.KİTABEVİM.AZ

YAZARLAR.AZ
===============================================

<<<< WWW.YAZARLAR.AZ və  WWW.USTAC.AZ >>>> 

Əlaqə: Tel: (+994) 70-390-39-93   E-mail: zauryazar@mail.ru

Qalib Nuri Arif – Sevgi

Lənət edirəm

Elə küsmüşəm ki, özüm özümdən,
Dönüb barışmağa yer də qalmayıb.
Bəlkə, imdadıma yetişəsən sən,
Məni öz sevginin əsiri sayıb.

Bir zaman boyanıb sənin rənginə,
Sənin gözlərinlə dünyaya baxdım.
Dünya cənnət kimi göründü mənə,
Keçən günlər üçün yaman darıxdım.

Sevgi Yaradanın şah əsəridir,
Onu pozanlara qənim olacaq.
Aşıqlər ocaqdır, aşiqlər pirdir,
Onlardan dünyaya dastan qalacaq

Hər kim ki, sevgiyə xor baxır, inan,
O, kəs cəhənnəmə sərmayə yığır.
Ya cəhənnəmə,ya cənnətə insan,
Yalnız əməliylə açacaq cığır.

İndi xatirələr yorduqca məni,
Səni görən günə nifrət edirəm.
Sevgini oyuncaq, oyun biləni,
Bəddua edirəm, lənət edirəm.
Göyçay şəhəri

Müəllif: QALİB NURİ ARİF

QALİB NURİ ARİFİN YAZILARI

Mustafa Müseyiboğlu adına kitabxana

“ƏDƏBİ OVQAT” JURNALI PDF

“YAZARLAR”  JURNALI PDF

“ULDUZ” JURNALI PDF

“XƏZAN”JURNALI PDF

WWW.KİTABEVİM.AZ

YAZARLAR.AZ

===============================================

<<<< WWW.YAZARLAR.AZ və  WWW.USTAC.AZ >>>> 

Əlaqə: Tel: (+994) 70-390-39-93   E-mail: zauryazar@mail.ru

Vaqif İbrahim – Hüseynov

İNSAN
Nə yaxşı ki, bu dünyaya yolum düşüb!
Təsadüfmü, zərurətmi doğub məni?
Bağrım olub oyum-oyum, deşim-deşim,
Zaman əzib, güllələyib, boğub məni.

Fəqət yenə dikəlmişəm ayaq üstə,
Ağır illər keçib gəlib izim mənim.
Üzərimə düşmən axıb dəstə-dəstə,
Bircə kərə yer görməyib dizim mənim.

Qüvvət alıb Nəsimidən, Xətaidən,
Torpğımı qorumuşam gözüm kimi.
Qılınc ilə, qələm ilə məşhuram mən,
Qılıncım da kəsərlidir sözüm kimi.

Mən insanam, qüdrətim var, şöhrətim var,
Mən insanam, yerin, göyün məbədiyəm!
Qoy eşitsin uzaq, yaxın kainatlar:
Bu dünyada qonaq deyil, əbədiyəm!

Qeyd: Siz həmişə bizimləsiniz. Nə qədər bu dil, bu sözlər yaşayır Siz də yaşayacaqsınız. Əbədiyaşar əbədiyyət Şairi. Şeiri bizimlə olan Şairə necə özü aramızda yoxdur deyə bilərik!?

– Siz həmişə bizimləsiniz…!!! Bizim aramızdasınız! Əbədiyyət Şairi!!!

Müəllif: Vaqif İbrahim

Vaqif İbrahimin yazıları

ADİLƏ NƏZƏRİN YAZILARI

ZƏHRA HƏŞİMOVANIN YAZILARI

ZAUR USTACIN YAZILARI

>>>> ƏN ÇOX OXUNAN HEKAYƏ <<<<

Mustafa Müseyiboğlu adına kitabxana

“ƏDƏBİ OVQAT” JURNALI PDF

“YAZARLAR”  JURNALI PDF

“ULDUZ” JURNALI PDF

“XƏZAN”JURNALI PDF

WWW.KİTABEVİM.AZ

YAZARLAR.AZ

===============================================

<<<< WWW.YAZARLAR.AZ və  WWW.USTAC.AZ >>>> 

Əlaqə: Tel: (+994) 70-390-39-93   E-mail: zauryazar@mail.ru