Dünya şöhrətli alim, Nobel mükafatçısı Əziz Sancar III Türk Dünyası Ədəbiyyat və Kitab Festivalında.
Layihə rəhbəri: Xəyal Rza
International Turkic Culture and Heritage Foundation
“YAZARLAR” olaraq, bütün təşkilatçılara və iştiralçılarıla uğurlar arzulayırıq!
MƏLUMATI HAZIRLADI: TUNCAY ŞƏHRİLİ
Mustafa Müseyiboğlu adına kitabxana
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru
QARDAŞIMDAN QALAN DÜNYA
(poema-etüd)
“Bir ayrılıq odu var” poema eposdan bir parça
Azərbaycanın görkəmli elm və sənət adamları Hüseyn Kürdoğlu və Şirindil Alışanlının xatirəsinə
Poema-etüd
Ayrılıq od qaladı, ruhumu ütüb keçdi,
Aldı məni hədəfə, qərəzə tutub keçdi.
Yaman vəfasız çıxdı, küsüb getdi gəncliyim,
Gördü qocalıq gəldi, cavanlıq ötüb keçdi.
Təhnalıq ürəyimə, qəlbimə sirdaş olar,
Ögey-ögey ağrılar canıma qardaş olar.
Sovurar günlərimi dövranımın ələyi,
Nələrim qalar mənə, nələrim çıxdaş olar.
Götürmək istəmədim neçə dərdi, ağrını,
Öz dərdimin ağrısı göynədərdi ağrını.
Ustadlardan qalandı, əmanət olub mənə,
Dedilər, varislərin çəkər mərdi ağrını.
Ey Tanrım, göndər gəlsin, nəyin var sinəm üstə,
Sinəm elə meydandı – haqqım yox, dinəm üstə.
Qalaq-qalaq dərdlərin elə zirvə yaradıb,
Gərək uçam səmaya, göylərdən yenəm üstə..
Gördüm dərdin zirvəsi, uca taxtı qurulub,
Ağrıdan gələn ağrı axıb, axıb durulub,
Baxır çarpaz dağlardan al-qanı süzə-süzə,
Zirvələrin Məcnunu – qoca qartal vurulub.
Sinəm üstü gül-güldü, süsən, sünbülüm yoxdu,
Xəzan vurmuş bir bağam, bülbülüm, gülüm yoxdu.
Düşmüşəm bir ocağa, yanam, Səməndər olam,
Kül altından diriləm, yanıram külüm yoxdu.
Ustad baxdı halıma, gördü halı göynəyəm,
Məni məndən irəli – deyər bu yer, göy – nəyəm,
Yurdu talan içində, bəxti yalan içində,
Yalıncıqlar əlində al boyanmış köynəyəm.
Axtardım məkanımı, kimdən sordum yerimi,
Yenə mənə söylədi, qoca qurdum yerimi.
Mən qoca Kürdoğlunun dördlük sarayındayam,
Qorusun söz qoşunum – əsgər, ordum yerimi.
Həkəridən, Arazdan, Qara göldən soruşdum,
Ağrıların lələsi Şirindildən soruşdum.
Xəyalımda yeridim, dağları gəzdim gəldim,
Dedim, ustad, mən səni yurdsuz eldən soruşdum.
Danışır Kürdoğludan yenə səhər küləyi,
Dərdli xəbər gətirir qərib durna lələyi.
Qardaşı Şirindilin hər sözündə canlanır,
Xatirəsi, obrazı, ölməz şair taleyi.
İsti idi hər kəsə sözündə, bəyanında,
Yaxınına, yadına, dostuna həyanında,
Görməsə axtarardı: “Hardasan, ay Şirindil?”
Deyərdim ki, burdayam, elə sənin yanında.
Bulaq idi duruluq damarında, qanında,
Bir böyüklük var idi varlığında, canında.
Gözlərində dünyanın dərdini daşıyardı,
Dil açıb danışardı sözü həyəcanında.p
O, tayfanın ocağı, səcdəgahı, piriydi,
Hər kəs yaxşı bilirdi, o, yüzlərdən biriydi.
Xınalanıb gülərdi hər addımı qurbanla,
Ürəklərdi məkanı, gözlər üstü yeriydi.
Atının nalı düşsə, nalbəndlər nal gətirib,
Şair qəmə batıbsa, sevənlər xal gətirib.
Xəstələnib Bərdədə – şairə dərman olar,
Dədə Şəmşir əlində bir dalaq bal gətirib.
İstisuya gedişi necə şad xəbər idi,
Qarabağda, Bərdədə hər dərdə sipər idi.
Şamil Əsgər Dəlidağ, Məmməd Aslan,Bəhmənin,
Qorxmazın, Sücaətin dilində əzbər idi.
Əli Qurban Dastançı hər dərdini bölərdi,
Dədə Şəmşir şairi sevgisinə bələrdi.
Cəbrayıldan çoxları – biri elə sən özün…
Hüseynin kimliyini ellər yaxşı bilərdi.
Dədəlik vardı onda – böyüklükdə baş idi,
Qan bağlayan sözündə təmkin ağır daş idi.
Kövrələrdi, dolardı bir sınmış budaq üstə,
Bir uşaq ağrısı da gözlərində yaş idi.
Şər-böhtan, qarayaxma yad idi, dinc Hüseynə,
Gör necə ilan olar, nahaqdan sanc, Hüseynə.
İllərin ovqatına köklənmiş Bəxtiyar da
Kürdoğlu adı verib dərnəkdə gənc Hüseynə.
Keşik çəkdi bir əsgər, ər, dəyanət adına,
Yaxın gələ bilmədi xor, xəyanət adına.
Türk oğluna ögeydi – desələr də sınmadı,
Ömürlük sadiq oldu bir əmanət adına.
El içində hörməti bir şahanə taxt idi,
Kəndə gəlir… bir bayram, bir ayrıca vaxt idi.
Hüseyn Kürdoğlu yolu… Bakı-Laçın-Əhmədli,
Dağlarda doğma kəndi mənəvi paytaxt idi.
Nə deyim, nə danışım, sözü dastan qardaşdan,
Zaman-zaman gül açan, özü bostan qardaşdan.
Hər nə desəm yarıdı – nə bitməz, nə tükənməz,
Həqiqəti kəsərdə, düzü astan qardaşdan.
…Söz oğlu söz qardaşın yarası köz olurdu,
Yara sözdən can alır hərdən göz-göz olurdu.
Danışırdı Şirindil sinəsində çəkdiyi
Ağrının mində biri dilində söz olurdu.
Xatirələr acılı-şirinli duyğulardı,
Bəzən qəmli payızdı, bəzən güllü bahardı.
Yaşamağın dəyəri xatirədə görünür,
Xatirəsiz bir həyat çox mənasız olardı.
Alışan oğlu Həsən kökün əsil xalısı,
Hüseyn, Seyfi, Sehrayə kədər – fəsil xalısı.
Gördü zaman sınağı Alışan, Sürəyya da
Urşan, Firuz, Şirindil – hər kəs nəsil xalısı.
Fəridə xanım özü Quba-Laçın körpüsü,
Məhəbbətə, sevgiyə qızıl tacın körpüsü.
Süsən, Nasir, İlhamın – sevgi, barı bəhrəsi,
Müqəddəslik adına ehtiyacın körpüsü.
Qaradağdan gələn köç – yurd saldı, binə qurdu,
Laçınları qıy vuran qayalar sinə qurdu,
Dağ arxalı bir nəsil çağırdı: “hardasan, gəl”,
Tarixə sirdaş olub qayıda, dönə, qurdu…
Sözümdə bir nəsilin taleyini yaşadım,
Dərdlərilə ağrıdım, ağrısını daşıdım.
Çiçək açdı ruhumda sözüm ilə böyüdü
Əzəldən həmdərd olan bu “ayrılıq” yaşıdım.
Əmanət bildim sözü, söz göyündə çaxana,
Canını közə tutub söz oduna yaxana,
Qartallar salam deyər, dağlar təzim eyləyər,
Əhmədlidə bir evin eyvanından baxana.
Qərib eldən hər gələn hekayət, həkət olar,
Qonaq döyən qapının ünvanı şöhrət olar.
Axın-axın dostların gəlişi bir tük salmaz,
Hər qonağın ayağı xeyir, bərəkət olar.
Kürdoğlu dördlükləri hallanır budaq-budaq,
Şirindilin şərhləri allanır budaq-budaq,
Borevlər qonaq gəlib, gülür eyvan sevinir,
Qızıl-qırmızı gilas ballanır budaq-budaq.
Qələmlərim rəngbərəng… sıra-sıra düzülüb,
Kağızlar da ağappaq… təzə süddən süzülüb.
Hardasan ilham pərim… gəlib görsən şairi
Səndən ayrı düşəli ayrılıqdan üzülüb.
Zamanım zalım oldu, verdi göz-göz dərdləri,
Sinəmdə ocaq çatdı, qoydu köz-köz dərdləri.
İndi başla, yaz görüm, hardan necə yazırsan,
Varlığında qaynayan acgöz-acgöz dərdləri.
Çağırdım qövsi-qüzeh yol olsun, yeriyim mən,
Yeddi rəngin üstündə dağ olum, əriyim mən,
Xəyalımla yeriyim, gözlərimlə oxşayım,
Səssiz sükut içində… dinməyim, kiriyim mən.
Haqq aşıqı soruşmaz pay verənin adını,
Bir almanın əvəzi alsa da həyatını…
Hər dərvişin bir payı… Kürdoğlu badə verdi
Alıb çəkdim başıma sözün şərbət dadım.
Ayrılığın özü də özümlə canbir olub,
Sözün damarlarında qan olub, can bir olub.
Bir yerdə alışmışıq, bir yerdə yanmışıq biz
Diri gözlə açmışıq – günəş bir, dan bir olub.
Çox nağıllar axır ki, sona yetdi, qurtardı,
Yaddaşlarda qalmadı, getdi, itdi, qurtardı.
Qardaşından qalanı dünya bilən qardaşın
Hekayəti, nağılı burda bitdi, qurtardı.
Mənbə:Elirza Xelefli
MÜƏLLİF: ƏLİ RZA XƏLƏFLİ
Mustafa Müseyiboğlu adına kitabxana
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru
Ağ duvaqlı…
Ağ duvaqlı bəyaz çiçək,
Muradıma yetir məni.
Ləçəyində puçurlanan
Eşq oduna götür məni.
İçim həyat badəsini,
Duyum Haqqın nəfəsini.
Yırtım hicran qəfəsini,
Zərrələrə çevir məni.
Ağ buludda hey qalanım,
Misra-misra cilalanım.
Yağışlarla bir calanım,
Çəmənimə ötür məni.
Sevim hər gülün boyunu,
Vəsf eləyim kök-soyunu,
Bitməsin bu eşq oyunu,
Məkanımda itir məni.
Naibənin ahusuyam,
Doğan günün yavrusuyam
Bir saf eşqin arzusuyam,
Bu eşq ilə bitir məni.
31.05.2016.
Müəllif: Naibə YUSİF
Mustafa Müseyiboğlu adına kitabxana
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru
Yazıçının “Trolların sirri” nin izi ilə Norveçə səfəri
(Gülzar İbrahimova ilə söhbətdən hazırlanıb)
Norveçdə fəaliyyət göstərən Azərbaycan Evinin təşəbbüsü ilə Oslo şəhərində Nizami Gəncəvi adına Azərbaycan dili məktəbi açılıb. Məktəbin açılmasında məqsəd Norveçdə yaşayan azərbaycanlı uşaqlara ana dili öyrətmək və ana dilinin unudulmamasına çalışmaqdır. Bunun üçün Azərbaycan məktəbi müxtəlif tədbirlər həyata keçirir. Belə tədbirlərdən biri də Azərbaycandakı uşaq yazıçıları ilə uşaqlar arasında görüşlərin keçirilməsidir.
Növbəti onlayn görüşlərdən birində məktəb uşaqları yazıçı Gülzar İbrahimova ilə görüşüblər. Yazıçı şagirdlərin mütaliəyə böyük həvəslərini hiss edir və oxucularına söz verir ki, onlara Norveç nağıl qəhrəmanlarından nağıl yazacaq. Bir gün verdiyi sözə əməl edir, onlara Trollara aid “Trolların sirri” nağıl yazır. Əsasən yeniyetmələrə aid olan nağıl, yüz səhifədən çox alınır. Nağıl kitab şəklində nəşr etdirilib Oslodakı Azərbaycan məktəbinin şagirdlərinə göndərilir. “Trolların sirri” ni çox xoşlayan uşaqlar Gülzar İbrahimovanı yaxından, canlı görmək istəklərini bildiriblər.
Eyni vaxtda Gülzar İbrahimovanın sözlərinə yazılmış “Ana dili” (bəstəkar Elşən Nicat) mahnısını da müəllim heyəti çox bəyənir, onu şagirdlərinə öyrədir.
Oslodakı Azərbaycan Məktəbinin şagirdlərinin arzusunu nəzər alaraq Azərbaycan Evi və Norveç Azərbaycanlı Gənclər Təşkilatı Gülzar İbrahimovanı Norveçə qonaq dəvət edir.
Yazıçı böyük sevinclə görüşə hazırlaşır. O yolunu gözləyən balaca balaları da unutmayıb, onlar üçün “Norveç qoğal”ını Azərbaycan dilinə tərcümə edir. Rəssam Mərziyə Tağıyeva böyük sevgi ilə nağıla maraqlı illüstrasiyalar çəkir. Norveç nağılından kitab nəşr edilir, Norveçdəki balalara hədiyyə aparılır.
Yazıçı Gülzar İbrahimova ilə aparılan müsahibədən məlum oldu ki, yazıçı Norveç görüşlərindən çox razı qalıb. Bir həftə ərzində Oslodakı Azərbaycan dili məktəbində həm şagirdlərlə, həm də kiçik yaşlı uşaqlarla silsilə görüşlər keçirilib.
Gülzar İbrahimova ilə ilk görüş Azərbaycan Evində və Nizami Gəncəvi adına Azərbaycan dili məktəbində baş tutub. Burda həm kiçik yaşlı uşaqlar, həm də məktəblilər iştirak edib. Uşaqlar yazıçıya onları maraqlandıran suallarını veriblər. Nağıllarına çəkdikləri rəsmləri yazıçıya hədiyyə veriblər. Nağılçı onlara təzə nağıllarından danışıb. Xatirə şəkilləri çəkilib.
Əsas görüş isə may ayının 25-də Oslonun tanınmış Deichman Bjørvika kitabxanasında baş tutub. Keçirilən görüşlər ayrı-ayrı yaş qruplarına bölünüb. Yazıçı oxucularını yeni yaradıcılığı ilə tanış edib. Onların istək-azularını öyrənib ki, yeni əsərlərində nəzərə alsın.
Məktəbin adını daşıdığı N.Gəncəvinin həyat və yaradıcılığından da bəhs edib. “Nizami Gəncəvi nəyə görə türk dilində yox, fars və ərəb dillərində yazırmış”, mövzusunda apardığı araşdırma da yeniyetmələrin marağına səbəb olub.
Bütün uşaqlar üstündə nağıl personajları çəkilmiş xüsus geyimlərdə tədbirə qatılıblar. Norveçdə yaşayan azərbaycanlı gənc yazar – rəssam Səlim Abbaszadə əvvəldən iştirakçıların köynəklərinə nağıl qəhrəmanlarının rəsmini çəkib. Tədbirdə çıxış edərkən o bildirib ki, o bunu sevə-sevə, yorulmadan edib. Səlim sevdiyi yazıçıya üstündə vikkinqlərin rəsmini çəkdiyi və içərisi hədiyyələrlə dolu sandıq da hədiyyə verib.
Görüşün sonunda yazıçı hər uşağa təzə kitablarından hədiyyə edib. Onlar da öz tərəflərindən sevdikləri yazıçıya xatirə hədiyyələri təqdim ediblər. Tədbir xoş təəsüratlarla sona çatıb.
Gülzar İbrahimova ilə növbəti görüş Beynəlxalq Uşaq İncəsənət Muzeyində keçirilib.
/The International Museum of Children’s Art/
1986-cı ildən fəaliyyət göstərən Muzeydə 185-dən çox ölkədən 2-18 yaşlı uşaq və gənclərin yaratdığı sənət kolleksiyaları var. (Həmçinin burda azərbaycanlı uşaqların da əl işləri var). Uşaqları sevən və onlara zaman ayırmağı vacib bilən Ulu öndərimiz H.Əliyev də bir vaxt bu muzeydə olub.
Muzeyin əsas məqsədlərindən biri dünyanın hər yerindən uşaq sənətini gələcək nəsillər üçün toplamaq, qorumaq və yaymaqdır.
Muzeydə sərgilənən işlərə baxmaqdan başqa burda uşaqlar öz əl işlərini də düzəltməyə imkan var. Adı uşaq muzeyi olsa da, bura uşaqlardan başqa yeniyetmələr, gənclər və hətta ahıl yaşda insanlar da gəlib əl işləri ilə gözəllik yaradaraq vaxtlarını maraqlı keçirirlər.
Muzeydə uşaqların çəkdikləri rəsmlər uşaq fantaziyasının nə qədər güclü olduğunu göstərir. Muzeyin hazırkı rəhbəri Alla Qordina Yazıçını və uşaqları çox mehriban qarşıladı. Təşkil edilmiş nağıl saatı uşaqların ürəyincə oldu. Tədbirin sonunda uşaqlar tərəfindən düzəldilmiş bütün əl işləri yazıçıya hədiyyə edildi.
Gülzar İbrahimovanın Bakıya qayıtma saatını öyrənmiş oxucular onu yola salmağı da özlərinə borc biliblər.
Fotolar (“..qalanı xatirədir …”):
Məlumatı hazırladı: Sona və Günay ƏLİYEVA
GÜNAY ƏLİYEVANIN DİGƏR YAZILARI
Mustafa Müseyiboğlu adına kitabxana
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru
Ömür yolun uzun olsun, Rəfail!
Rəfaillə bir məktəbdə təhsil almışıq -Kəmərli kənd orta məktəbində.Bir yaş fərqimiz var,belə ki,o məndən bir sinif aşağı oxuyurdu.Rəfail çox dəyərli el-oba ağsaqqalı, dil-ədəbiyyat müəllimimiz Ağakişi İsmayılovin övladıdır.Onun bütün məziyyətləri müəllim ailəsində böyüdüyünü təsdiqləyirdi-nizam-intizamlı,tərbiyəli, məsuliyyətli və s.
Orta məktəbdə oxuduğumuz illərdə onun bədii yaradıcılıqla məşğul olmasından xəbərsiz idim.Bakı mühiti ədəbi yaradıcılığın üzə çıxmasında bilavasitə vasitəçi olur,mətbuat,çap imkanları,müxtəlif tədbirlər və s.Bu mühit eyni zamanda insanları yaxınlaşdırır,doğmalaşdırır,isnişdirir…söz-sözə söykək olur.Onun söz dünyası əl-ələ tutmaq üçün qırılmaz bir halqa yaradır, mənəviyyatı cilalayır.Rəfail İncəyurd milli təəssübkeşdir,onun ünvanı zəhmətdir, and yeri Vətəndir,güvənci doğma Qazax mahalıdı.İncə dərəsinin təşnəsidir.Uşaqlığının həsrət yuvası,atalı-analı günlərin qım-qımalı,laylalı , bayatılı yaddaş xatirələri onu tez-tez yurda çəkir.Ayaq izlərini ot basmış,gözü yolda qalan ata evinə tələsir.Qəribliyin ağuşuna aldığı ev,həyət-baca indi yalnız acılı-şirinli xatirələrdən söz açır.:
Çoxdandı almırıq yol havasını,
Gəl orda darıxan Qazağa gedək.
Tale çox oldurur özü deyəni,
Gəl hərdən dartınıb yasağa gedək.
(Gedək)
Hərdən şəhər sıxlığından təngə gələn ruh adamı başını götürüb harasa getmək istəyəndə yenə “sığınacaq yeri” ata-ana evini görür.Təsəlli yeri,qəlbinin rahatladığı ocaqdır o yurd…
Başımı götürüb kəndə gedəcəm,
Beş-on duru adam tapmaqdan ötrü.
Neynim, çalışıram boz niyyətlərin
bəyaz əllərindən qopmaqdan ötrü.
(Bəlkə də)
Rəfailin şeirlərini gözdən keçirirəm,sözlər, misralar ürəyimə hopur və gözümün leysanına dönür.Çünki bu şeirlərdə yaşanmış insan taleləri var,aman Allah,bu “yoxluqlar”adamı necə yandırıb -yaxır.Bu qara yollar bitmir,tükənmir…
Kəndin ortasına düşüb gedirəm,
Yolların gördüyüm adamı yoxdu.
Bağı yerindədi, dağı yerində,
Hayıf ki, o dadı, o tamı yoxdu.
(Yoxdu)Hər günü imtahan,sınaq olan ömür,başın nələr çəkib,eh,bilsən nələr?!
70-i haqladım göz açammadım,indi sevinc yaşat yolu 100-ə var!
Səndən 70 yaş asılıb,
Nələr çəkən baş asılıb.
Kürəyimdən daş asılıb-
Onu ordan itir, gedək.
(Gedək)
Rəfail “Xəyal” şeirində yazır ki,
Oturub bir əsər yazacam bir gün,
Mən özüm olacam baş qəhrəmanım…
Əla,gərək çoxdan yazmağa başlayaydın, Rəfail.Yaşadığın ömür buna haqq verir.Ömür yolun uzun olsun, inşallah,yaxşı adam.Yaxşılıqlardan usanma,qocaldım demə,duman uca zirvələrə sinir…
Daha yoxuşlara dirənmir dizim,
Daha bənd-bərəni dolanmır izim.
Deyəsən, qocalıq yenir, əzizim,
Yadımdan çıxanlar yadıma gəlmir.
(Deyəsən)
Bu gözəl dünyanı yaradanın bir adı da Salamdı.Salam olsun gələn günlərinə,Salam olsun varlığına,Rəfail!
Adam varsa, dünya da var,-
kainata salam olsun.
Axan çaya, açan gülə,
solan ota salam olsun.
(Salam olsun)
Müəllif: FƏRİDƏ LƏMAN
Mustafa Müseyiboğlu adına kitabxana
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru
İSTANBULDAN DÖNƏRKƏN YAZDIĞIM ŞEİR.
Cığır-cığır, çəpər -çəpər,
Dəniz -dəniz, liman-liman,
Ölkə -ölkə, şəhər -şəhər,
Qaya-qaya , orman-orman
Ürəyimdə kök atmısan,
Dodağımın sözü Vətən,
Həsrətimin özü , Vətən!
Tarixlərin yaddaşında
Ərən kimi qalan yurdum,
Talan yurdum.
Dərdlərində yanıb, yanıb
Külündə bir də doğulan
Qalam yurdum,
Azərbaycan,
Salam yurdum!!
Kimlərə pay verməmisən
Axı halal çörəyindən?
Üzünə kim ağ olmayıb,
Kimlər çəkib ətəyindən?
Kimlər verib ürəyini,
Kimlər vurub ürəyindən?
Kimlər keçib ələyindən?
Şərəfiylə , qeyrətiylə,
Sevgisiylə , şəfqətiylə
Dünyaya səs salan yurdum,
Azərbaycan,
Salam , yurdum!
Hara getsəm çəkir məni
Bu torpaq, bu su, bu hava,
Bu duman, bu külək, bu çən,
Bu yuva, bu el , bu oba,
Anam Vətən, babam Vətən,
İstəyirəm yağış olub
Damcı -damcı torpağına hopam , Vətən!
Minib arzu köhlənimə
Səni dağ-dağ, çəmən -çəmən
O baş , bu baş çapam , Vətən.
Sərhəd -sərhəd tikələnib
Şəhid-şəhid bütövlənən ,
Şeir -şeir hecalanan,
Varaq-varaq çiçəklənən,
Dilimizdə ən müqəddəs
Kəlam, yurdum,
Azərbaycan,
Salam, yurdum!
Müəllif: Təranə DƏMİR
Mustafa Müseyiboğlu adına kitabxana
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru
“XƏZAN” jurnalının MAY (2024) sayı
“Xəzan” ədəbi-bədii jurnalının may, 2024 sayı çapdan çıxıb. Sayca əlli səkkizinci nömrəsi olan jurnal 120 səhifədən ibarətdir. Ötən illər ərzində müəyyən auditoriyanın rəğbətini qazanmış jurnalın növbəti nömrəsi maraqlı poeziya, nəsr nümunələri və publisistik yazılarla zəngindir.
Jurnalın YAZI DÜZÜMÜ aşağıdakı kimidir:
1.Redaktor guşəsi
-Nə dəyişib?
-Vaqif İsaqoğlu – 65
2.Publisistika
-İbrahim YUSİFOĞLU – “Zirvədən ucada dayanan şair” (Zeynalabdin Novruzoğlu yaradıcılığından)
-Zeynalabdin NOVRUZOĞLU – “Slava KPSS”, “Demokrat Dadaş”, “Başa düşmədiyim şeylər”, “Nə deyim, nə eşidim”, “Hansını seçim”, “Qızıl balıq”, “Aktyorlar”, “Köhnə parçadan təzə kepka”, “Şapalaq” (şairin arxivindən)
-Nəsib ABİD – “Ayaz İmranoğlunun lirikası – ruhun həyat dili”
-Xuraman ZAKİRQIZI – “Bir mərd dəyərlidir qorxaq yüzündən”
-Səadət QURBANOVA – “Keçmişə nəzər” (Özbəkcədən çevirəni Şahməmməd Dağlaroğlu)
-Akif İMANLI, İbrahim YUSİFOĞLU – “Budaq Təhməz yaradıcılığı”
3.Poeziya
-Səadət QƏRİB – “Sən yalandan gülürsən”, “Sözsüz nəğməm”, “Yaşamaq çətin”, “Ulu öndər”, “Səni özündən çox sevənin varsa”, “İstədim”, “Boş çərçivə”, “İnsanlıq, insan”, “Solan xatirələr”, “Gəncliyin uzaqdan baxıb kövrəlir”, “İnsan ömür boyu yıxılıb-qalxar”, “Bir gün gələr”, “Gəl”, “Həyat”, “Ev tikir”, “Sev məni” (şeirlər)
-Hafiz ƏLİMƏRDANLI – Qəzəllər, rübailər
-Şövkət BƏYLƏRLİ – “Müqəddəs ana”, “Arzu Balsəs xanıma”, “Zəfər günün mübarək”, “İnsan həyatı”, “Dost axtarıram” (şeirlər)
-Məlahət BEHBUDQIZI – “Doğulmuşam, öləcəyəm”, “Bircə şükür edək ulu Tanrıya”, “Sevgi dastanı”, “Sən bir yalansan”, “Çağır gülə-gülə sən”, “Bəşər övladı”, “Gətirir sənə”, “Nigaranam, necəsən?”, “Darıxıram, neyləyim?”, “Vətənin özüyəm”, “Tənha qadın”, “Bu şəhər”, “Bulud olmaq istəyirəm” (şeirlər)
-Həmzə ƏVƏZOĞLU HƏQQANİ – İrfani nəzm xəzinəsi
-Fəridə KÖÇƏRLİ – “Torpaq qarışıq su”, “Şəhidlər başlara bir papaq oldu”, “Şəhidlər”, “Gəlmədin qəlbimi yükün əyəndə”, “Ləçək kimiyəm”, “Sevgisiz bir ürək”, “Ölməyə nə var”, “Qarabağ”, “Anasının darağı”, “Alın darıxmağın əlindən məni”, “Dəyməz”, “Yuxusu qaçmış düşüncələr” (şeirlər)
-Bəxtiyar ABBAS İNTİZAR – “Sensor”, “İntizar”, “Deyib”, “İstəmə”, “Baş qoyulanda”, “Bağlı”, “Misalım”, “Qəm yeri”, “Bazar şeiri”, “Gözlərim”, “Qonub”, “Ağır şeir”, “Bilməz”, “Üzüldüm”, “Unudulmuş şeirlər”, “Həmrənglik şeiri”, “Olasan”, “Hicran gəraylısı”, “Nəğmə”, “Başına”, “Bayatılar” (şeirlər)
-Zahid YUSİFOV – “Yurd həsrəti”, “Qaytarmır məni”, “Dəniz sevgim”, “Taleyin”, “Günahkar”, “Qağa”, “İnadlı şeir”, “Günah şeir”, “Gizli sevgi”, “Qaçmaram”, “Gəlsin”, “Heçlik”, “Bu dünyanın”, “Ana”, “Səbr elə”, “Gəraylı”, “Savaş”, “Adsızlar” (şeirlər)
-Seymur SÖNMƏZ – “Şair ləyaqəti”, “Sil getsin”, “Guya tanımırıq bir-birimizi”, “Niyə narazıyıq bir-birimizdən”, “Şəkillərin”, “Neynim”, “Bəyənmir ki, bəyənmir”, “Birin sən de, birin də mən”, “Sən və mən”, “Sənə sarı güllər dərdim”, “Səndən sonra”, “Bu şəhərdə bir qadın var” (şeirlər)
-Budaq TƏHMƏZ – “Olmaz”, “Mənim dünyam”, “Nəvələrim”, “Banu”, “Taci”, “Dəcəl Aypara”, “Usub”, “Ceyran”, “Gülşən”, “Üzgüçü İmir”, “Gülsara”, “Murad”, “Nigar”, “Sara”, “Salehin tapmacaları”, “Turanın tapmacaları” (şeirlər)
-Ramiz İSMAYIL – Qıfılbəndlər (Budaq Təhməzlə deyişmələr)
-Arzuman DAĞLI – “Arasında”, “Ötrü”, “Gərək”, “Mənim”, “Bağlıdı”, “Görüm”, “Dolandırar”, “Birdi”, “Çətindi”, “Döymə” (şeirlər)
-Aytac GÜNƏŞ – “Şairlik”, “Əsgər məktubu”, “Səbir”, “Adsızlar” (şeirlər)
-Nəbibə HƏBİBİ – “Çəkməçi və balıq”, “Cənnətin yeri” (nağıl-dastan)
4.Nəsr
-Vaqif İSAQOĞLU – “Şar” (hekayə)
-Ayaz İMRANOĞLU – “Uşaq ferması” (roman, sonu – əvvəli jurnalın 56 və 57-ci saylarında)
-Fərhad ƏSGƏROV – “Laləzarlıqda sivilizasiya” (monoloqlar)
-Məmməd MƏMMƏDLİ – “Mən atamı xatırlamıram” (hekayə)
-Gülyana İMANOVA – “Adamlar nə istəyirlər?” (səhnələşdirilmiş hekayə)
-Sadiq Hürü RAMAZAN – “Yarımçıq qalmış ömür” (hekayə)
-Ləman MƏMMƏDLİ – “Son bahar”, “Şəhadətə ucalan əsgər”, “Hər yağış yağanda məni xatırla”, “Zamanın gəmisi”, “Yaralı göyərçin” (kiçik hekayələr)
-Əli BƏY AZƏRİ – “İsrafil, heeyyy…” (hekayə)
Jurnalı KİTABEVİM.AZ kitab mağazasından əldə edə bilərsiniz.
Məlumatı hazırladı: Tuncay ŞƏHRİLİ
Mustafa Müseyiboğlu adına kitabxana
YAZARLAR.AZ
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.r
Şəkil 1908-ci ildə Con Stüart Millin 102-ci doğum günü münasibətilə hazırlanmış xüsusi buraxılışa aiddir. Ölümündən illər keçsə də, Con Stüart Mill qadınların səsvermə hüququnun müdafiəsində göstərdiyi səylərə görə qəhrəman kimi xatırlanmağa davam etmişdir.
Stuart Mill “On liberty” (Azadlıq haqqında) əsərində bu məsələyə toxunmuşdur:
Stuart Millin fikrincə, insan öz həyatını çox fərqli yaşamağı seçirsə, cəmiyyət birbaşa müdaxilə etməsə də, bu zaman həmin şəxs başqalarının onun həyat tərzi haqqında daha az qürurverici baxışlarının ola biləcəyini qəbul etməlidir: İnadkarlıq, təkəbbür nümayiş etdirən, özünü incidəcək həzzlərdən kənarlaşa bilməyən, duyğu və zəka bahasına heyvani ləzzətlərin arxasınca qaçan insan başqalarının gözündə alçaldılacağını və onların müsbət hisslərindən daha az pay alacağını gözləməli, lakin bundan şikayət etməyə haqqının olmayacağını bilməlidir. Mill davam edərək “Mənim iddia etdiyim şey odur ki, başqalarının əlverişsiz mühakimələrindən tamamilə ayrılmaz olan narahatçılıqlar insanın öz davranışının və xarakterinin onun rifahına aid olan hissəsinə görə məruz qalmalı olduğu yeganə narahatlıqlardır, lakin bu onunla münasibətlərində başqalarının maraqlarına toxunmamalıdır”deyirdi.
Müəllif: Zəhra HƏŞİMOVA
Mustafa Müseyiboğlu adına kitabxana
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru
ТАҢҒЫ ТИЛЕКЛЕР
Күн нурын шашады, кеўил тасады,
Ҳәр күн несийбеси йошың асады,
Даўам қыялларың алға басады,
Кеўлиңди көтерип таңғы тилеклер.
Кимниңдур оқыўы кимниң жумысы,
Өмир умтылыў тек мийнет турысы,
Әрманның да жазылады қурысы,
Оған мәдет берип таңғы тилеклер.
Қуяштай жадырап күлисип ойнап,
Ҳәр күнги ырсқысын белине байлап,
Кимге бахыт берер ишинен сайлап,
Ҳәр күни йош берер таңғы тилеклер.
Кими дийханшылық кими шыпакер,
Ҳәр таңға көз тасла оған баҳа бер,
Базарға бар дән дүниңди сата бер,
Саған әўмет берсин таңғы тилеклер.
Гүл услап қолына барар жасларда,
Жуп болып келешек жолын басларға,
Кимдур асығады бүгин досларға,
Яр болып бүгинги таңғы тилеклер.
Дуўасын қабыллап ата анаңның,
Шын дәрек нийети перзент боғанның,
Сенде тилек тиле ини ағаңның,
Сонда жақсы болар таңғы тилеклер.
Тынышлық аманлық тиле елиме,
Қуўаныш шадлық бер өскен жериме,
Инсап бер ийинлес инсан бәрине,
Сизлерге яр болсын таңғы тилеклер.
15 – Июнь 2023~ Жыл.
YAZAR: BİBİMƏRYƏM
ЖАНСАЯ (БИЙБИМӘРЬЯМ) УТАМБЕТОВА
Mustafa Müseyiboğlu adına kitabxana
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru
“ДҮНЬЯ ЖАРАЛҒАН БУЛ СЕН ҲӘМ МЕН УШЫН.”
Жаслығым бир қанша кейинлеседе,
Өмир тәшиўишлери ийинлеседе,
Басқаға ҳеш нәрсе билинбесе де,
Дүнья жаралған бул мен ҳәм сен ушын.
Берген ҳәр деминде өмир санағын,
Ҳәр күн қуўаныштың жағып шырағын,
Шыдам ҳәм сабырдың берип турағын,
Дүнья жаралған бул мен ҳәм сен ушын.
Қайлардан келеди сазлы намалар,
Жалынлы жүреклер таман жол алар,
Ўақыт қарап турмас атын сабалар,
Дүнья жаралған бул мен ҳәм сен ушын.
Сезилмес басқаға өзиме аян,
Мен саған еремен боламан саяң,
Ҳәммеси мен ушын етилди баян,
Дүнья жаралған бул мен ҳәм сен ушын.
Көз алдым сезимге тола байланған,
Мухаббат ышқында таңлап сайланған,
Еки жүрек бүлбиллерге айланған,
Дүнья жаралған бул мен ҳәм сен ушын.
Мейли жерден сора,аспаннан сора,
Сен ушын кеўлимде шертилер нала,
Қәлбимде сүйгеним тек өзиң ғана,
Дүнья жаралған мен ҳәм сен ушын.
28~Май 2023~Жыл.
YAZAR: BİBİMƏRYƏM
ЖАНСАЯ (БИЙБИМӘРЬЯМ) УТАМБЕТОВА
Mustafa Müseyiboğlu adına kitabxana
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru