Etiket arxivi: 27 sentyabr – Anım günü

www.USTAC.az

ŞƏHİDLƏRİMİZİ EHTİRAMLA ANIRIQ

Sentyabr 27, 2026 www.bitik.az Bir şərh yazın

ŞƏHİDLƏRİMİZİ EHTİRAMLA ANIRIQ
2020-ci ilin 27 sentyabr tarixində minillərin dövlətçilik tarixinə, mədəniyyətinə, milli-mənəvi dəyərlərə malik olan Azərbaycan xalqı öz taleyinin həlledici məqamlarını yaşadı. İllərlə doğmalarının isti nəfəsinə, səsinə-hənirinə həsrət qalmış yurd yerlərimiz, itirilmiş torpaqlarımız igid övladlarının azadlıq uğrunda savaşa atılmasından sanki cana gəldi. Qədim məskənlərimizin dağı, daşı, düzəni, ağacları, bir sısqa otu da yeni oyanış, dirçəliş çağında qamətini dikəldib cəngavər oğulların pişvazına durdular. Belə bir həyəcanı, sevinc ovqatını yaşamaq necə də qürurverici idi!..

Candan keçildi, Vətəndən keçilmədi… Bu elə bir ülvi duyğu ki, onu sözlə ifadə etmək çətindir, çox çətin. Vətən Anadır! Qoynunda boy atdığımız, özümüzü rahat, güclü hiss etdiyimiz Ana Vətən torpağına bunca bağlı olmaq, müqəddəs hissi yaşamaq gözəldir, çox gözəl! Vətən torpağı bölünməzliyi, qüdrətli olması ilə bütövdür. Bu bütövlüyü itirməksə, Vətənin parçalanması deməkdir. Nə xoş ki Azərbaycan əsgəri 2020-ci ilin 27 sentyabr tarixində mənfur erməni cəlladları tərəfindən işğal edilmiş, parçalanmış torpaqlarımızı bütövləşdirmək uğrunda haqq savaşına qalxdılar…

Siyasi, diplomatik bacarığa, gücə, qüdrətə malik olan Müzəffər Ali Baş Komandan Prezident İlham Əliyevın rəhbərliyi altında Rəşadətli, Yenilməz Ordumuzun cəngavər əsgər və zabitlərinin qəhrəmanlığı sayəsində torpaqlarımız işğaldan azad olundu. Bu mübarək Vətən savaşında yüzlərlə igidlərimiz şəhidliyə qovuşdu. Azərbaycan böyük bir tarixi qələbə qazandı. Bu Şanlı Qələbəni, Zəfəri xalqımıza yaşadan cəngavər oğullarımız oldu…

İndi şəhidlərimizin, qazilərimizin qəhrəmanlığı sayəsində işğaldan azad olunmuş bütün bölgələrdə qüdrətli Azərbaycan dövlətinin Bayrağı dalğalanır. Yenidən qurulmuş, abadlaşmış torpaqlarımızda doğmaların isti nəfəsi ilə həyat qaynayır…

Hərdən mənə elə gəlir ki, yaz-payız dağların döşündə, yamyaşıl düzəngahda torpaqdan boy atıb, ətrafa gözəllik saçan çiçəklər şəhidlərimizin özüdür. Onlar azad, suveren Azərbaycana çiçəklərin gözü ilə baxıb xoşbəxtcəsinə gülümsünürlər…
Ruhunuz şad, məkanınız nur içində olsun, Şəhidlər…

Böyük ehtimalla: Şəfəq NASİR,

Filologiya üzrə fəlsəfə doktoru

Lütviyyə Əsgərzadnin yazıları

Könül Bünyadzadənin yazıları

Şəfəq Nasiirin digər yazıları

Məmməd Məmmədlinin yazıları

DAHA ÇOX XƏBƏR BURADA

Oxuyun >> Gözündə tük var

Zaur Ustacın şeirləri haqqında

YAZARLAR.AZ

I>>>>>>BU HEKAYƏNİ MÜTLƏQ OXU<<<<<<I

I>>Mustafa Müseyiboğlu adına kitabxana<<I

www.USTAC.az

Xelil Mirzə – Müqəddəs Zəfər

Sentyabr 27, 2026 www.bitik.az Bir şərh yazın

Xəlil Mirzənin Müqəddəs Zəfər silsilə hekayələri

Buradan oxuya bilərsiniz: >>>> Müqəddəs Zəfər

Müəllif: Xəlil Mirzə,

Şair-publisist, AYB-nin üzvü

Xəlil Mirzənin digər yazıları

DAHA ÇOX YENİ MƏLUMAT

Oxuyun >> Gözündə tük var

Zaur Ustacın şeirləri haqqında

YAZARLAR.AZ

I>>>>>>BU HEKAYƏNİ MÜTLƏQ OXU<<<<<<I

I>>Mustafa Müseyiboğlu adına kitabxana<<I

www.USTAC.az

Milli Kitabxanasında 27 Sentyabr – Anım Günü

Sentyabr 23, 2026 www.bitik.az Bir şərh yazın

Milli Kitabxanasında 27 Sentyabr – Anım Günü

23 sentyabr 2026-cı il tarixində Azərbaycan Milli Kitabxanasında 27 Sentyabr – Anım Gününə həsr olunmuş tədbir keçirilib.
Tədbiri Milli Kitabxananın direktoru, professor Kərim Tahirov açaraq iştirakçıları salamlayıb. Ardınca Azərbaycan Respublikasının ərazi bütövlüyünün və suverenliyinin bərpası uğrunda canlarından keçən 44 Günlük Vətən müharibəsi şəhidlərin əziz xatirəsi bir dəqiqəlik sükutla yad edilib.
Professor qeyd edib ki, Azərbaycan Respublikasının Prezidenti İlham Əliyevin 2 dekabr 2020-ci il tarixli “Azərbaycan Respublikasında Anım Gününün təsis edilməsi haqqında” Sərəncamına əsasən, Vətən müharibəsində qəhrəmancasına döyüşmüş, ölkəmizin ərazi bütövlüyü uğrunda canlarını fəda etmiş hərbi qulluqçulara və şəhidlərə dərin ehtiram əlaməti olaraq hər il sentyabrın 27-si Azərbaycan Respublikasında Anım Günü kimi qeyd olunur. O, Anım Gününün xalqımızın yaddaşında xüsusi yer tutduğunu bildirərək şəhidlərin həyat və döyüş yolundan, onların Vətən qarşısındakı xidmətlərindən söz açıb. Şəhidlərimizin əziz xatirəsinin daim yaşadılmasının, onların qəhrəmanlıq tarixinin gələcək nəsillərə çatdırılmasının hər birimizin mənəvi borcu olduğunu vurğulayıb.
Daha sonra Milli Kitabxananın Elmi işlər və kitabxana-informasiya xidməti üzrə direktor müavini, t.ü.f.d. Ədibə İsmayılova və İnformasiya axtarış sistemləri ilə iş şöbəsinin müdiri Səyyarə Məmmədli çıxış edərək Vətən müharibəsinin xalqımızın çoxəsrlik dövlətçilik və mübarizə tarixində xüsusi mərhələ təşkil etdiyini, 44 günlük müharibə zamanı Azərbaycan Ordusunun nümayiş etdirdiyi yüksək döyüş əzmini, qəhrəmanlıq və fədakarlıq sayəsində ölkəmizin ərazi bütövlüyünün bərpa olunduğu vurğulayıblar. Bildirilib ki, şəhidlərimizin həyat və döyüş yolu xalqımızın qəhrəmanlıq salnaməsinin ayrılmaz hissəsidir və onların əziz xatirəsinin yaşadılması, göstərdikləri şücaətin tarixi yaddaşda qorunması mühüm əhəmiyyət daşıyır.
Tədbir çərçivəsində Milli Kitabxananın əməkdaşları tərəfindən hazırlanan “27 sentyabr – Anım Günü” adlı elektron məlumat bazası təqdim olunub. Məlumat bazasında rəsmi səsnədlər – Anım Gününün təsis edilməsi haqda Azərbaycan Respublikası Prezidentinin sərəncamı, düşmən işğalından azad olunmuş şəhər, qəsəbə və kəndlərimizin siyahısı, II Qarabağ müharibəsi şəhidlərinin siyahısı, 44 günlük Vətən müharibəsi və tarixi qələbəmiz, bu qələbənin əldə olunmasında şəhid olmuş hərbiçilər haqqında nəşrlər, Vətən müharibəsi iştirakçılarına orden və medalların verilməsinə dair sərəncamlar, erməni terroru ilə əlaqədar fotolar və videolar nümayiş olunmuşdur.
Sonda iştirakçılar Milli Kitabxananın fondunda qorunan Vətən müharibəsi, şəhidlər və Qarabağ mövzusunda nəşrlərdən ibarət geniş kitab sərgisi ilə tanış olublar. Sərgidə Azərbaycanın ərazi bütövlüyünün bərpasına, Vətən müharibəsinə, şəhidlərimizin həyat və döyüş yoluna həsr olunmuş kitablar, albomlar və digər nəşrlər təqdim edilib.