Bir pıçıltı
Bir pıçıltı istəyirəm xəfifcə,
Yağış damlasıtək ruha səpilə.
Nəfəs kimi yanağıma toxuna,
Yuxu olub gözlərimdən tökülə…
Baxışların tuş gələ eşq oxuna,
Qonaq gələm bir gecəlik yuxuna.
Həyacanım dişlərimə sığına,
Hərf- hərf sözlərimdən tökülə…
Ruhuna sevgidən köynək biçilə,
Nəyin var, nəyin yox, aydın seçilə.
Həsrətimiz addım- addım kiçilə,
Ləpir- ləpir izlərimdən tökülə…
Lal baxışın kaş olaydı sədalı,
Nə sən günahkarsan, nə mən xətalı.
Bu həsrətin ağır olan babalı,
Taqət- taqət dizlərimdən tökülə…
Müəllif: Yadigar TƏVƏKGÜL
AYB-nin üzvü .
>>>> ƏN ÇOX OXUNAN HEKAYƏ <<<<
Mustafa Müseyiboğlu adına kitabxana
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru