Tapşır…
Tapşır dodaqlarına az dara çəksin məni ,
Yaramın qaysağını yenidən qoparmasın .
İçimdəki ağrıdan xəbərin yox bilirəm ,
Qəfil bir öpüş ilə könlümü aparmasın.
Tapşır dodaqlarına, bu qədər zalım olma ,
Bax hərdən gözlərimə Bir dəfə özünü gör .
Əlini sinəmə qoy gör döyünür ürəyim ?
Ürəyimin səsində eşqimin üzünü gör.
Tapşır dodaqlarına dolaşmasın ruhumu,
Bir gündə necə dəfə mən ölüb dirilirəm.
Pıcıltıyla dediyin hər kəlmən yaşamağım ,
Sən susanda yenidən sükuta gömülürəm.
Tapşır dodaqlarına edam etməsin nolar ,
Ya ömrümdə yaşasın heç vaxt getməsin nolar!
Öpuşu kimi
Payız,gülüşündə böyuk kədər var,
Sevgi gözlərinin gülüsu kimi.
Ayriliq sozundə bir yük,hədər var,
Ölümün üzündən öpüşü kim,i
Könül dünyasının nağılı gözəl,
Ömür sevdasının agilı qəzəl,
Ölum də əbədi, dünya da əzəl,
Yamanib həyatın bitişi kimi.
Sökülmüş libasdır fəsli zaman da,
Bilinmir kim adil yaxşı yamanda,
Dağların zirvəsin duman alanda,
Yamanir günəşin tikişi kimi.
Bir sevgi dastanı yaradır qurur,
Dastanı qanıyla qanadir durur,
Adi bir baxışı ruha toxunur,
Üzümdən anamin öpuşu kimi.
Əvvəldən
Əvvəldən yox idi varım dövlətim
Xəyal sərvətimin özüm xanıydım
İçimə tökülən arzularımın
Bəzən təbibiydim gah sultanıydım
Sağım da boş olub doğulan gündən
Solumun daş yeri əsir düşəndi
Ömrüm kök altında günün toplayır
Arzum nədən qorxdu, kimdən üşəndi
Əvvəlindən kəsr oldu olanlar
Kaşkiləri asdım xəyal sapımdan
Haram qatdım gecələrin gözünə
Ha gözlədim bicə səhər tapım dan
Ovcumda cəm oldu ürəyin odu
Ruhuma sığınıb yaşadım ancaq
Hardan sınıq düşdüm öz qırığımdan
Əlimlə məlhəmin daşıdım ancaq…
Müəllif: Yadigar TƏVƏKGÜL
AYB-nin üzvü .
>>>> ƏN ÇOX OXUNAN HEKAYƏ <<<<
Mustafa Müseyiboğlu adına kitabxana
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru
