BƏSİNDİ
Ruhundan qopur nə boyda –
Hər kəlmə sətir, bəsindi.
Ana laylasından gəlib,
Qəbrinə yetir, bəsindi.
Düzsənsə, əlin yalındı,
Bu yalınlıq amalındı.
Nə apardın, halalındı,
Haramdan ötür, bəsindi.
Gördüyünə adam demə,
Uy da meyxanəyə, dəmə.
Yolun düşsün cəhənnəmə,
Cənnətdən gətir, bəsindi.
İç, fələknən qovuşmağa,
Ehtiramnan savaşmağa,
…Bir şeirlik söz qoşmağa
Yarımca litr bəsindi.
22.12.24.
Müəllif: Ehtiram İLHAM
>>>> ƏN ÇOX OXUNAN HEKAYƏ <<<<
Mustafa Müseyiboğlu adına kitabxana
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru