ÇIXMAZ
Unutdu ağrını adın gələndə,
Ürəyim yerindən bir daha çıxmaz.
Sən mən dərd verdin, mən sənə həyat,
Çəksək haqq-hesabı çox baha çıxmaz.
Canıma kəsdiyin nə dovdu elə?
Atəşi içində bir qovdu elə.
Mənim düşdüyüm od-alovdu elə,
Qəlbimdə işaran köz aha çıxmaz.
Sinənə dərd çöksə, nəfəs dər elə,
Sökülər dan yeri, düşər şər elə.
Qaçar gözlərimdən gecələr elə,
Gördüyüm yuxular sabaha çıxmaz.
Müəllif: SÜLEYMAN ABDULLA
SÜLEYMAN ABDULLANIN DİGƏR YAZILARI