Кўзим, сўзим, ўзим, жон, вужуд,
Севги нигоҳида сассиз илинжим…
Дард тўфони ичра тўлғониб фарёд ,
Ҳар ёнга сочилиб кетди соғинчим!
Гул яноғи бўйлаб сочилган шабнам,
Кўзим соғинчида мавжланган ёшим…
Жонтомирим занжир, исканжа ишқим,
Умид уфққа ботар, сўнар қуёшим…
Вафосиз дунёси, меҳр тош қотган,
Кўзида, сўзида риё матлаби…
Ўзидан ҳам аъло кўрган жон билан,
Ўзлигидан кечмоқ ишқнинг талаби!
Севги тўлқинида сарсона кўнгил,
Кимсасиз оролда истар ҳаловат…
Вақтга кўмилган ишқ, умр обу-гил,
Соғинч соҳилида кўнгил омонат.
YAZAR: НАВРУЗА БАХРИТДИНОВНА
БОЗОРОВА НАВРУЗА БАҲРИТДИНОВНА
Mustafa Müseyiboğlu adına kitabxana
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru