PARLAYAN CƏVAHİR DAŞIDIR ŞUŞA
(sonet — klasik italyan)
Taxtını qayalar üstündə qurub,
Parlayan cəvahir daşıdır Şuşa.
Minlərlə aşiqi gətirib cuşa,
Neçə şairlərin təbin coşdurub.
Qartal tək ən uca zirvədə durub,
Sanki qanadlanıb dönəcək quşa.
Adı vətən ilə çəkilir qoşa,
Kökün özü boyda dərinə vurub.
Başının üstünü çən-duman aldı,
Yetdi harayına cəsur oğullar.
Qəmi azaldıqca, fərəh çoxaldı.
Yaxşıki yurdumun igidləri var,
Savaşda yağını lərzəyə saldı,
El-oba sevindi, düşmən oldu xar.
Müəllif: VALEH HEYDƏR
Oxuyun >> Gözündə tük var