Etiket arxivi: Əli Nəcəfxanlı

www.USTAC.az

Yaman ağlamalı fəsildi payız

Bir şərh yazın

PAYIZ

Ömrümün daha bir baharı keçdi,
Şirin meyvələrdən kəsildi payım.
Daha təzəhəvəs olmaq da gecdi,
Yaman ağlamalı fəsildi payız.

Sərgərdan bir xəzəl qondu çiynimə,
Həsrət sarısını geydim əynimə.
Qəmli “Qaragilə” düşdü beynimə
Yaman ağlamalı fəsildi payız.

İllər bir-birini nə yaman qovdu,
Aylarmı ovçudu, günlərmi ovdu?
Qərib duyğulara könlüm girovdu,
Yaman ağlamalı fəsildi payız.

Zirvələr başına yığar dumanı,
Dərələr köksünə sıxar dumanı.
Mənim otağımda siqar dumanı…
Yaman ağlamalı fəsildi payız.

Yağışdan-yağmurdan dünya nəm çəkir,
Dönüb ada olur hər daş, hər səki.
Bir qız da yollara baxıb qəm çəkir,
Yaman ağlamalı fəsildi payız.

Etdiyim günahlar düşür yadıma,
Peşiman padşahlar düşür yadıma,
Ağlayan timsahlar düşür yadıma,
Yaman ağlamalı fəsildi payız.

Elə sürüşkəndi diklər, yoxuşlar,
Viranə könlümü döyür yağışlar.
Hələ harasıdı, qabaqda qış var,
Yaman ağlamalı fəsildi payız.

Müəllif: Əlir Nəcəfxanlı

Əli Nəcəfxanlının yazıları

Məmməd Aslanın yazıları

KİTAB HAQQINDA YAZILAR

Oxuyun >> Gözündə tük var

Zaur Ustacın şeirləri haqqında

YAZARLAR.AZ

I>>>>>>BU HEKAYƏNİ MÜTLƏQ OXU<<<<<<I

I>>Mustafa Müseyiboğlu adına kitabxana<<I

www.USTAC.az

Dağlar Ələsgərdi, dağlar Səməddi…

Bir şərh yazın

DAĞLAR
Dağlar ağuşuna alır adamı,
Ağlı o sehirdə qalır adamın.
Elə bir tilsimə salır adamı,
Aparır əzəlki çağlara dağlar.

Mənim bu dağlarda bir ahum itib,
Daşları yandıran bir ahım itib.
Çox da ki ümidim, pənahım itib,
Demərəm ki, qalsın ağlara dağlar.

Dağlar Ələsgərdi, dağlar Səməddi,
Ayrılıq düşəli dağlar qəm etdi…
Görsün etibarı kim ki kəm etdi –
Necə bel bağlayır dağlara dağlar.

Dağlara çıxanı töyşüdür yoxuş,
Gözünü çən tutur, üşüdür yağış.
Nə fərq eyləyər ki, yaz olsun, ya qış,
Yol verməz taqəti yoxlara dağlar.

Dağlar özününkü sayırlar kimi? –
Dağlarsız dözmürəm sayrılar kimi.
Hər dəfə dağlardan ayrılan kimi
Haray qoparıram: dağlar, a dağlar!

Müəllif: Əlir Nəcəfxanlı

Əli Nəcəfxanlının yazıları

Məmməd Aslanın yazıları

KİTAB HAQQINDA YAZILAR

Oxuyun >> Gözündə tük var

Zaur Ustacın şeirləri haqqında

YAZARLAR.AZ

I>>>>>>BU HEKAYƏNİ MÜTLƏQ OXU<<<<<<I

I>>Mustafa Müseyiboğlu adına kitabxana<<I

www.USTAC.az

Əli NƏCƏFXANLI – GECƏNİ SEVMƏYƏN QIZ

Bir şərh yazın

GECƏNİ SEVMƏYƏN QIZ
“Mənim gecələrdən acığım gəlir…”
(R. adlı bir qızın etirafından)

Uzun bir tunelə bənzəyir gecə,
Kölgələr sürünə-sürünə keçir.
Arxayın saatlar, ləng dəqiqələr
Zülmətə bürünə-bürünə keçir.

Bir qız var, gecəni görən gözü yox,
Gecə qənimidi, səhər həkimi.
Gözünü zilləyib zil qaranlığa
Səhəri gözləyir səhərə kimi.

Divarlar yeriyib gəlir üstünə,
Yuxu həbləri də işə yaramır.
Gündüzlər damağı çağ olan qızın
Gecələr başlayır qara bayramı.

Bir qərib sevdanın itiklisidi,
Könlü haraydadı, qulağı səsdə.
Hərdən də sükutu tərpətmək üçün
Dərdini oxuyur bayatı üstdə.

Gecə ahlarıyla yalqız qalan qız
Axşamdan-sabaha şam kimi yanır.
Səhər açıldımı, dağılır dərdi,
Təzədən ömrünə ömür calanır.

Gündüzü min dillə dindirə bilir,
Bilmir gecə ilə dil tapsın necə.
Günəşə yalvarır – çıxıb getməsin,
Allaha yalvarır – düşməsin gecə.

Barışmaq istəmir öz qismətiylə,
Gecəni danmaqdan bezmir, yorulmur.
Amma nə etməli, ömür qatarı
Gecə tunelindən keçməsə, olmur.

Müəllif: Əlir Nəcəfxanlı

Əli Nəcəfxanlının yazıları

Məmməd Aslanın yazıları

KİTAB HAQQINDA YAZILAR

Oxuyun >> Gözündə tük var

Zaur Ustacın şeirləri haqqında

YAZARLAR.AZ

I>>>>>>BU HEKAYƏNİ MÜTLƏQ OXU<<<<<<I

I>>Mustafa Müseyiboğlu adına kitabxana<<I

www.USTAC.az

ANA DİLİ GÜNÜ

Bir şərh yazın

ANA DİLİ GÜNÜ
Dilsizlər yığışıb dildən danışdı –
Hibritdi, hütütdü, ağzıyanmışdı.
Dedilər layladan doğulub bu dil,
Ana südü ilə yoğrulub bu dil,
Qoymayaq uymağa yad təsirlərə,
Etibar etməyək bədəsillərə.
Danışanda ağzı köpüklənən kim,
Alışıb ocaqtək körüklənən kim…
Dedilər qüsurdan qorunmalıdır,
Yad sözlər bu dilin oğrun malıdır.
Gəlin, düz danışaq, təmiz danışaq,
Nə “spik”, nə “qovor”, nə də “konuşak”…
Sən demə, birinin ad günü imiş,
İldə bir yol olan şad günü imiş.
Xorla oxudular “Həppi birthdey”,
Xudmani bir yerdə başlandı “ley-pey”.
Səhərki iclası tam unutdular,
Doğma kəlmələrə divan tutdular.
Vurdular dil topuq vurana qədər,
Gördüm dil davası hədərmiş, hədər.
“Şot”u “sobrazim”lə bağlatdı dostlar,
Dilin anasını ağlatdı dostlar.
Müəllif: Əlir Nəcəfxanlı

Əli Nəcəfxanlının yazıları

Məmməd Aslanın yazıları

KİTAB HAQQINDA YAZILAR

Oxuyun >> Gözündə tük var

Zaur Ustacın şeirləri haqqında

YAZARLAR.AZ

I>>>>>>BU HEKAYƏNİ MÜTLƏQ OXU<<<<<<I

I>>Mustafa Müseyiboğlu adına kitabxana<<I

www.USTAC.az

ƏLİ NƏCƏFXANLI – ƏŞİ

Bir şərh yazın

ƏŞİ

Dünya adam aldadandı,
Verdiyi vədləri dandı.
Qalanım bir quru candı,
Onu da çürüdür, əşi.

Şirin-şirin bəhs eyləyir,
Adamı sərməst eyləyir.
Lap qaranəfəs eyləyir,
Hədərə yürüdür, əşi.

Nə sifətlər varmış bunda –
Görünür əlli min donda?!
Göylərə qaldırır, sonda
Torpaqda sürüdür, əşi.

Zəri çox, zinəti çoxdu,
Versə də, minnəti çoxdu.
Taleyi, qisməti, baxtı
Qəfildən kürüdür, əşi.

Tələ qurub tovlayır da,
Yavaş-yavaş qovlayır da,
Əzəl-axır ovlayır da –
Qansızın biridir, əşi.

Müəllif: Əlir Nəcəfxanlı

Əli Nəcəfxanlının yazıları

Məmməd Aslanın yazıları

KİTAB HAQQINDA YAZILAR

Oxuyun >> Gözündə tük var

Zaur Ustacın şeirləri haqqında

YAZARLAR.AZ

I>>>>>>BU HEKAYƏNİ MÜTLƏQ OXU<<<<<<I

I>>Mustafa Müseyiboğlu adına kitabxana<<I

www.USTAC.az

Əli Nəcəfxanlı – Zalım dostlar

Bir şərh yazın

Zalım dostlar
(eyni adda 2-ci şeir)

Xain tövrünüzdən sındı ürəyim,
Quru təsəllilər deyil gərəyim.
Heç kim qulağına yemir çörəyi,
Elə bilməyin ki, heç nə bilmirəm.

Tapdaq elədiniz halal haqqımı,
Kəsdi nəfəsimi hava vakkumu.
“Xeyir-dua”nızla uddum zəqqumu,
Elə bilməyin ki, heç nə bilmirəm.

Araya kim girdi sizin bazarda? –
Nırxı dəyişdirdi sizin bazarda.
Yağ da, şor da birdi sizin bazarda,
Elə bilməyin ki, heç nə bilmirəm.

Eşşək quyruğuna bağlanan dəvə
Nifrin yağdırmazmı sizə hər dəfə?
Səhv addım ya sondu, ya da ərəfə,
Elə bilməyin ki, heç nə bilmirəm.

Dinmirəm, sanmayın, avamam, avam,
Nə siz ovçusunuz, nə də mən ovam.
Davam gətirməzsiz başlansa davam,
Elə bilməyin ki, heç nə bilmirəm.

10.05.26.

Müəllif: Əlir Nəcəfxanlı

Əli Nəcəfxanlının yazıları

Məmməd Aslanın yazıları

KİTAB HAQQINDA YAZILAR

Oxuyun >> Gözündə tük var

Zaur Ustacın şeirləri haqqında

YAZARLAR.AZ

I>>>>>>BU HEKAYƏNİ MÜTLƏQ OXU<<<<<<I

I>>Mustafa Müseyiboğlu adına kitabxana<<I

www.USTAC.az

Əli Nəcəfxanlı – Gizlətdi məndən

Bir şərh yazın

GİZLƏTDİ MƏNDƏN

Yazın həvəsinə getmişdim qonaq,
Dağlar ürəyimi döndərdi qana.
Üzündə soyuqluq, gözündə qınaq
Duman Yardımlını gizlətdi məndən.

Zirvələr insafa gəlmədi barı,
Nə bütöv göründü, nə də ki yarı.
Yönümü düyünə saldı qarları,
Yaman Yardımlını gizlətdi məndən.

Gedib urcah oldum qəmə-qüssəyə,
Gözüm həsrət qaldı kəndə-kəsəyə.
Güney sandıqlarım döndü quzeyə,
Güman Yardımlını gizlətdi məndən…

Harayım yetmədi o gün heç yana,
Arusa, Bərcana, Jiyə, Teşkana.
Ürəyim az qaldı birə-beş yana,
Deman Yardımlını gizlətdi məndən.

Qalmadı hayıma qaldırımları,
Gədik cığırları, yal şırımları.
Vahimə yaratdı sıldırımları,
Aman, Yardımlını gizlətdi məndən.

Könlümə dolmadı bahar sərgisi,
Həmdəmim olmadı lalə-nərgizi.
Məndən yurd yanğısı, yuva sevgisi
Uman Yardımlını gizlətdi məndən.

17.02.2019.

Müəllif: Əlir Nəcəfxanlı

Əli Nəcəfxanlının yazıları

Məmməd Aslanın yazıları

KİTAB HAQQINDA YAZILAR

Oxuyun >> Gözündə tük var

Zaur Ustacın şeirləri haqqında

YAZARLAR.AZ

I>>>>>>BU HEKAYƏNİ MÜTLƏQ OXU<<<<<<I

I>>Mustafa Müseyiboğlu adına kitabxana<<I

www.USTAC.az

AYRILIĞI KİM SALDISA…

Bir şərh yazın

AYRILIĞI KİM SALDISA…

Könlündən asılsın kilid,
Ağzında pas tutsun dili.
Neçə geridönməz ili
İtirdik onun üzündən.

Ağadımı, nökərdimi,
Əlbirdimi, tək əldimi?
Dərd-qəm yesin şəkər kimi,
Zəhər yağsın üz-gözündən.

Yeri olsun səhra, qumluq,
Su tapmasın bir udumluq.
Yaxsın isti, kəssin soyuq,
Dözümdən düşsün, dözümdən.

Yadırğasın solu-sağı,
Bir də görsün solur bağı.
Qismətinə desin ağı,
Kəkələsin hər sözündə.

Qədər ona qarşı gəlsin,
Ayaqlara başı gəlsin.
Ağlamaqdan xoşu gəlsin,
Zəhləsi getsin özündən.

Müəllif: Əlir Nəcəfxanlı

Əli Nəcəfxanlının yazıları

Məmməd Aslanın yazıları

KİTAB HAQQINDA YAZILAR

Oxuyun >> Gözündə tük var

Zaur Ustacın şeirləri haqqında

YAZARLAR.AZ

I>>>>>>BU HEKAYƏNİ MÜTLƏQ OXU<<<<<<I

I>>Mustafa Müseyiboğlu adına kitabxana<<I

www.USTAC.az

Əli Nəcəfxanlı – ŞƏHİDLƏR

Bir şərh yazın

ŞƏHİDLƏR
Sizi köynəyindən keçirtdi Vətən,
Sizi dəstə-dəstə götürdü torpaq.
Sevgilu qəlbiniz neçə gül açdı
Güllələr dinəndə taraqhataraq.

Son dəfə göyləri gözüünə çəkdi,
Qocanız, qarınız, körpəniz belə.
Bir dağ da ucaldı Dağüstü bağda-
Bu imiş dağ üstə dağ qoymaq belə.

Torpağa can deyib son nəfəsdə də,
Əyilib öpdünüz torpağı, qardaş…
Babəkin qolları yaşıl ağacdır,
Siz onun qırmızı yarpağı, qardaş…

Müəllif: Əlir Nəcəfxanlı

Əli Nəcəfxanlının yazıları

Məmməd Aslanın yazıları

KİTAB HAQQINDA YAZILAR

Oxuyun >> Gözündə tük var

Zaur Ustacın şeirləri haqqında

YAZARLAR.AZ

I>>>>>>BU HEKAYƏNİ MÜTLƏQ OXU<<<<<<I

I>>Mustafa Müseyiboğlu adına kitabxana<<I

www.USTAC.az

Əli Nəcəfxanlı – Çətir

Bir şərh yazın

ÇƏTİR
Səhər tezdən yağış yağır selləmə,
Çətin mənim asan ola çətinim.
Yaşamışam qaçdı-qovdu, çölləmə,
Ömrüm boyu olmayıbdı çətirim.

Yasağımdı qoltuqlara sığınmaq,
Mənimki də, neynim, belə gətirib.
Zərbə dəyib hey solumdan-sağımdan,
Ömrüm boyu olmayıbdı çətirim.

Bir gözəllə görüşmüşəm bir axşam,
Ürəyimdə ümman idi xətiri.
Qərq olunca göz yaşının selində,
Boş vədlərdən ona çətir tutmuşam –
Ömrüm boyu olmayıbdı çətirim.

O ayrılan ayrılsaq da o qızla,
Yaddan çıxmır çətiriylə ətiri…
Bu yaşımda hamı mənə gülsə də,
Keçinirəm qəzet, jurnal, kağızla –
Ömrüm boyu olmayıbdı çətirim.

Şükür olsun bu qismətə, baxta ki,
Allah qoymur ümidimi itirim.
Yağışı dərd eləmirəm, çox da ki,
Ömrüm boyu olmayıbdı çətirim.
18/01-26.

Müəllif: Əlir Nəcəfxanlı

Əli Nəcəfxanlının yazıları

Məmməd Aslanın yazıları

KİTAB HAQQINDA YAZILAR

Oxuyun >> Gözündə tük var

Zaur Ustacın şeirləri haqqında

YAZARLAR.AZ

I>>>>>>BU HEKAYƏNİ MÜTLƏQ OXU<<<<<<I

I>>Mustafa Müseyiboğlu adına kitabxana<<I