MƏNİM ADIM İPƏKDİ
Mənim adım İpəkdi,
Dörd yaşım var, bilirəm.
Babamla parka gedib
Quşları yemləyirəm.
* * *
Mən şəkil də çəkirəm,
Şahmat da oynayıram.
Babam Rəşad Məcidi
Mən şahmatda uduram.
* * *
Həkim olacağam mən
Sağlam olsun uşaqlar.
Müharibə olmasın
Ağlamasın uşaqlar!
Müəllif: Mina RƏŞİD
>>>> ƏN ÇOX OXUNAN HEKAYƏ <<<<
YAZARLAR.AZ
===============================================
<<<<<<WWW.YAZARLAR.AZ və WWW.BİTİK.AZ >>>>>>
Əlaqə: Tel: (+994) 70-390-39-93 E-mail: zauryazar@mail.ru
BİLMƏSƏM
Yazın lәzzәtini duymazdı könlüm,
Qışın şaxtasında dona bilmәsәm.
Üzümә gülmәzdi bağlar, bağçalar,
Hәr gülü bir nazlı sona bilmәsәm.
* * *
Arzum, ağlar qalmış ömürә dönәr,
Varlığım pas atmış dәmirә dönәr.
Gözüm bir qaralmış kömürә dönәr,
Vaxtında alışıb yana bilmәsәm.
* * *
Bir atım duz ilә, bir loxma çörәk
Mәnә ömrüm boyu gәrәkdir, gәrәk.
Qara daş olardı sinәmdә ürәk,
Daşların dilini qana bilmәsәm.
* * *
Mәn hansı hәvәslә seyrә dalardım,
Kimin ürәyindә ocaq qalardım,
Analı olsam da, yetim qalardım,
Bütün anaları ana bilmәsәm!
Mənbə: Zəlimxan Yaqub
Müəllif:Zəlimxan YAQUB
YAZARLAR.AZ
===============================================
<<<<<< WWW.USTAC.AZ və WWW.BİTİK.AZ >>>>>>
Əlaqə: Tel: (+994) 70-390-39-93 E-mail: zauryazar@mail.ru
HƏR GÜN NƏFDİR
Altmış üçdən nəf hesablar kişilər,
On səkkizdən başlamışam saymağa…
Kaldan, şitdən daim uzaq durmuşam,
Meylim olub özün tutmuş qaymağa…
* * *
Zənbur kimi çiçək-çiçək gəzmişəm,
Gül üzəndə, tər qönçəsin üzmüşəm,
Qürbət elin cəfasına dözmüşəm,
Bir arzum var, kaş dönəydim oymağa…
* * *
Ustac xoşlar, kəsə etsin söhbəti,
Çalış boşa yeməyəsən möhnəti,
Dadımlıqdı bu dünyanın neməti,
Macal verməz heç kimsəyə doymağa…
15.05.2020. Bakı.
GƏL, BU DƏRDƏ DÖZ DƏ YAŞA…
(Poladla, İlqarın məzarı başında)
Hanı qoşun, hanı ləşkər?
Tək qalbdı iki Paşa…
Baiskarı kimdi, bilməm,
Kaş dönəydi özü daşa…
Gəl, bu dərdə döz də yaşa…
Gəl, bu dərdə döz də yaşa…
* * *
Əlim üzümdə qalıbdı,
Sözüm ağzımda qalıbdı,
Arzum gözümdə qalıbdı,
Qanım gözdə dönüb yaşa…
Gəl, bu dərdə döz də yaşa…
Gəl, bu dərdə döz də yaşa…
* * *
Ustacam, artıb ələmim,
Ta yazmır, sınıb qələmim,
Hər gün də artır sələmim,
Eşqim düzdə dönüb quşa…
Gəl, bu dərdə döz də yaşa…
Gəl, bu dərdə döz də yaşa…
17.07.2020. II FX. Bakı.
TORPAQ BİZİ GÖZLƏYİR…
(Milli Qəhrəman İlqar Mirzəyevin xatirəsinə)
Gəlmişəm görüşə yenə də, qardaş!
Ayaqlar olmadı sonadək yoldaş…
Qollarım qoynumda qurudu bardaş…
Yadıma xırdaca günahım düşdü…
Yanında boş yerə tamahım düşdü…
* * *
Gəlmişəm görüşə yenə də, qardaş!
Ayaqlar olmadı sonadək yoldaş…
Qollarım qoynumda qurudu bardaş…
“Hazırdır məzarlar”, – eyindən keçir…
Yanına gələn yol çiyindən keçir…
* * *
Gəlmişəm görüşə yenə də, qardaş!
Ayaqlar olmadı sonadək yoldaş…
Qollarım qoynumda qurudu bardaş…
Bu süslü “otaqlar” xiffət eyləyir…
“Daş yastıq yataqlar” minnət eyləyir…
* * *
Gəlmişəm görüşə yenə də, qardaş!
Ayaqlar olmadı sonadək yoldaş…
Qollarım qoynumda qurudu bardaş…
Səngər, məzar ortaq bizi gözləyir…
Qardaş, Ana torpaq bizi gözləyir…
23.08.2020. – Bakı. (II F.X.)
ŞƏRİT ŞAHİD…
Müharibə,
Şərit şahid…
Pandemiya,
Şərit şahid…
* * *
Doğulursan,
Döyülürsən,
Böyüyürsən,
Şərit şahid…
* * *
Toy-büsat var,
Ziyafət var,
Şücaət var,
Şərit şahid…
* * *
Oldun əsgər,
Dəydi xətər,
Verər xəbər,
Şərit şahid…
* * *
Tək bir dəfə,
Etməz vəfa,
Çəkməz cəfa,
Susar şahid…
*Şərit- zivə, paltar ipi.
17.09.2020. Bakı.
YER CƏZA YERİDİR!
Ey insan, unutma;
Almanı xatırla,
Adəmi xatırla,
Həvvanı xatırla!
* * *
Ey insan, unutma;
Əzanı xatırla,
Qəzanı xatırla,
Cəzanı xatırla!
* * *
Ey insan, unutma;
Yer cəza yeridir!
Yer cəza yeridir!
Yer cəza yeridir!
14.09.2020. Bakı.
Müəllif: Zaur USTAC,
“Yazarlar” jurnalının baş redaktoru,
şair-publisist.
YAZARLAR.AZ
===============================================
<<<<<< WWW.USTAC.AZ və WWW.BİTİK.AZ >>>>>>
Əlaqə: Tel: (+994) 70-390-39-93 E-mail: zauryazar@mail.ru
“Yazarlar jurnalının Mart -2022 (15) sayı ışıq üzü görüb. “Yazarlar” jurnalı. Bütün yer alan yazarlarımızı təbrik edirəm! Uğurlarınız bol olsun!
>>>> ƏN ÇOX OXUNAN HEKAYƏ <<<<
“21 – XXI ƏSRİN 21 AYDINI”-TUNCAY ŞƏHRİLİ
YAZARLAR.AZ
===============================================
<<<<<< WWW.USTAC.AZ və WWW.BİTİK.AZ >>>>>>
Əlaqə: Tel: (+994) 70-390-39-93 E-mail: zauryazar@mail.ru
BU BELƏDİR…
(Əsgər haqqında ballada…)
Nədir yenə, ümman kimi,
çalxalanıb, coşdun, ürək?
İçindəki bu təlatüm,
bu oyanış de nə demək?
Həsrətdənmi, nisgildənmi,
Ürək, yenə çağlayırsan?
Anasına həsrət qalmış,
Körpə kimi, ağlayırsan…
İçindədir; ümid adlı,
qığılcımın od-alvu,
tərslik etmə, dəli könül,
intizara alış, yovu!!!
Həqiqətlər qarşısında,
Biz gücsüzük, biz heç nəyik,
Dinlə məni deyim, ürək,
Biz nəçiyik; şan-şöhrətli,
– “hüququndan keçmiş əsgər”,
həmdəminə həsrət canıq,
bəzən canlı, bəzən cansız,
biz “robotuq”, biz “əşyayıq”…
Bu torpaqdan yoğrulmuşuq,
Bu torpaqdan doğulmuşuq,
Yardan əfsəl, anamızın
Qulluğuna buyrulmuşuq!!!
15.04.1995. Marağa.
>>>> ƏN ÇOX OXUNAN HEKAYƏ <<<<
Müəllif: Zaur Ustac
Əbdürrəhim bəy Haqverdiyev – 150
“Tərəfsiz ədəbiyyat tarixdir” layihəsi
ZAUR USTACIN SATIŞDA OLAN KİTABLARI
YAZARLAR.AZ
===============================================
<<<<<< WWW.YAZARLAR.AZ və WWW.USTAC.AZ >>>>>>
Əlaqə: Tel: (+994) 70-390-39-93 E-mail: zauryazar@mail.ru
Hər iki qələm dostumuzu həm Beynəlxalq Yazıçılar günü, həm də doğum günləri münasibəti ilə təbrik edir, həyatda və yaradıcılıqda yeni-yeni nailiyyətlər arzulayırıq! Uğurlarınız bol olsun!
KƏNAN HACININ ÖZƏL GÜNÜ – İLHAMƏ DAĞLI YAZDI
>>>> ƏN ÇOX OXUNAN HEKAYƏ <<<<
YAZARLAR.AZ
===============================================
<<<<<< WWW.YAZARLAR.AZ və WWW.USTAC.AZ >>>>>>
Əlaqə: Tel: (+994) 70-390-39-93 E-mail: zauryazar@mail.ru
BU GÜN BEYNƏLXALQ YAZIÇILAR GÜNÜDÜR!
Yazıçılıq… Bu sənətdir, yoxsa istedad? Yalnız öz istedadına güvənərək, ölməz kitab yazmaq mümkün deyil. Amma günlərlə masa arxasında əyləşib, özünü yazmağa məcbur etməklə də milyonların ağlını və qəlbini fəth edəcək sətirlər yaratmaq mümkün deyil. Müəllif eyni zamanda üç kainatda yaşayır və bu dünyaları birləşdirməyə çalışır – bizi əhatə edən material aləm, bizim daxilimizdəki məni aləm və bunların sərhəddində yaranan bizim şəxsi aləmimiz. Kitablar insanları böyük əməllərə ilhamlandırır, həyatdan küsmüşlərə ümid və məslək verir, xilas edir, istiqamətləndirir. Gözlərini açır və yol göstərir. Kitab – ən böyük həmsöhbətdir.. Onun müəllifi isə – sənin yaxınına, ən anlayışlı dostuna çevrilən dahidir. Beynəlxalq Yazıçılar Gününüz mübarək olsun! Hörmətlə: Pərvanə Salmanqızı
Müəllif: Pərvanə SALMANQIZI
PƏRVANƏ SALMANQIZININ YAZILARI
“Tərəfsiz ədəbiyyat tarixdir” layihəsi
ZAUR USTACIN SATIŞDA OLAN KİTABLARI
YAZARLAR.AZ
===============================================
<<<<<< WWW.YAZARLAR.AZ və WWW.USTAC.AZ >>>>>>
Əlaqə: Tel: (+994) 70-390-39-93 E-mail: zauryazar@mail.ru
Bu gün Kənan Hacının doğum günüdür! Yazarı doğum günü münasibəti ilə təbrik edir və “21 – XXI ƏSRİN 21 AYDINI” kitabından haqqında olan məlumatları sizə təqdim edirik:
Kənan HACI
Kənan Hacı (Kənan Hacıyev; 1975, Buzovna) — şair, yazıçı, esseist, tərcüməçi.
HƏYATI
Kənan Hacı 3 mart 1975-ci ildə Bakının Buzovna qəsəbəsində anadan olub. 1992-ci ildə Xəzər rayonu Buzovna qəsəbəsinin 125 saylı orta məktəbini bitirib. 1995-ci ildə özəl universitetin jurnalistika fakültəsini bitirib.
FƏALİYYƏTİ
1995-ci ildən yazıları mütəmadi olaraq dövri mətbuatda çap olunur. “İki sahil”, “Ədalət”, “Vətəndaş həmrəyliyi”, “Yazar” və digər qəzetlərdə çalışıb. APA İnformasiya Agentliyinin Kulis.az saytında redaktor, “Qanun” Nəşrlər Evində redaktor, Publika.az portalının redaktoru, Azərbaycan Respublikası Nazirlər Kabineti yanında Tərcümə Mərkəzinin “Aydın yol” qəzetində redaktor vəzifələrində çalışıb. Azərbaycan Yaradıcılıq Fondunun Sim-sim.az saytının redaktorudur.
Azərbaycan Yazıçılar Birliyinin üzvüdür. Müxtəlif ədəbi əsərlərdən ibarət 11 kitabı nəşr olunub. Tərcümələrindən ibarət 5 kitab çap olunub. Əsərləri rus, türk, ingilis, ukrayn dillərinə tərcümə olunub, müxtəlif nüfuzlu antologiyalarda, almanaxlarda dərc olunub.
Bakı Slavyan Universitetinin Yaradıcılıq fakültəsinin Elmi Şurasının üzvü olub. Azərbaycan Radiosunun “Qərib axşamlar” verilişinin iki buraxılışı onun yaradıcılığına həsr olunub. Yaradıcılığı haqqında Vaqif Yusifli, Əsəd Cahangir, Tofiq Abdin, Səlim Babullaoğlu, Ülvi Babasoy, Şərif Ağayar, Cəlil Cavanşir, Mətanət Vahid və digərləri yazılar yazıb.
MÜKAFATLARI
2004-cü ildə Müstəqil Media Mərkəzinin “İlin ən yaxşı jurnalisti” mükafatına layiq görülüb. Azərbaycan Respublikası Mədəniyyət və Turizm Nazirliyinin təşkilatçılığı ilə keçirilən “Kitab bayramı” yarışmasında “2009-cu ilin Yeni Nəsil yazarı” mükafatını alıb. “Qızıl Qələm” və “Həsən bəy Zərdabi” mükafatları laureatıdır. 2016-cı ildə Azərbaycan Yazıçılar Birliyi ilə “Ədəbiyyat qəzeti”nin təsis etdiyi “Əli bəy Hüseynzadə” mükafatına layiq görülüb.
ƏSƏRLƏRİ
Kitabları
2008-ci il – “Retro yuxular” (Xüsusi buraxılış)
2009-cu il – “Özündən qaçmaq olmur” (şeir)
2010-cu il – “Çəhrayı qan” (nəsr)
2010-cu il – “Quşlar üçün karusel” (nəsr)
2011-ci il – “Yağ kimi” (roman)
2013-cü il – “Atamın sevgilisi” (nəsr)
2013-cü il – “Yaddaş kartı” (memuar-roman)
2014-cü il – “Rəqqasə” (roman)
2015-ci il – “Uzaqdasan, soyuqdur” (şeir)
2015-ci il – “Ədəbiyyatın kulisi” (esselər)
2017-ci il – “Fironun dəftəri” (roman)
2017-ci il – “İki qadını ayıran pəncərə” (nəsr)
Pyesləri
2004-cü il – “Kölgə” (pantomim)
2017-ci il – “Xəlbir və ney”
Tərcümələri
Lev Tolstoy – “İnsan nə ilə yaşayır”
Umberto Eko – “Naməlum O”
“Həyat işığı” (Rus ədəbiyyatından seçmələr)
“Əjdahanı necə öldürdülər” (Avropa yazarlarından hekayələr)
“Actus reus” (müştərək)
>>>> ƏN ÇOX OXUNAN HEKAYƏ <<<<
“21 – XXI ƏSRİN 21 AYDINI”-TUNCAY ŞƏHRİLİ
YAZARLAR.AZ
===============================================
<<<<<< WWW.USTAC.AZ və WWW.BİTİK.AZ >>>>>>
Əlaqə: Tel: (+994) 70-390-39-93 E-mail: zauryazar@mail.ru
“Hər tamaşa isə bir ömür”
Doğrudan da, hər xalqın öz milli mənəvi dəyərləri, öz yaradıcı ruhu var. Əsrlərdir, bütün xalqlar insan həyatında dönüş yaradan adi, qeyri-adi proseslərin təfərrüatlarını öz ruhunun zirvələrində xarakterizə edir. Azərbaycan xalqının da ictimai təfəkküründə insana hörmət əsas prioritetlərdən sayılır. Nə xoş ki, yaxından tanıdığım, çöhrəsi nurlu ziyalı Dilarə Nağıyeva da Azərbaycan xalqının sədaqətli övladıdır.
Məlumat üçün bildirim ki, 28 fevral saat 14:30-da Səməd Vurğun küçəsi 24-də yerləşən Azərbaycanlılarla İş üzrə Dövlət Komitəsində tanınmış ictimaiyyətçi Dilarə Nağıyevanın anadan olmasının 80 illiyi və müəllifi olduğu “Hər tamaşa isə bir ömür” kitabının təqdimat mərasimi keçirildi.
Maraqlı ideyaları ilə cəmiyyətdə nüfuz qazanmış Dilarə Nağıyeva müəllifi olduğu “Hər tamaşa isə bir ömür” kitabını neft milyonçusu, xeyriyyəçi, çətin gündə əldən tutmuş babası Ağa Musa Nağıyevin həyat və fəaliyyətinə həsr edib. Kitabda xeyriyyəçiliyi özünə bir həyat səltənəti seçmiş Ağa Musa Nağıyevin insanlıq işi geniş şəkildə təqdir edilib, müəllif bu araşdırma-tədqiqat işi ilə həyatı insana sevdirməyi bacaran tarixi bir şəxsiyyətə bir növ, büst yonub.
Əlbəttə, tədbirə ictimaiyyət nümayəndələri, ziyalılar, Ağa Musa Nağıyevin insanlığına yüksək dəyər verənlər təşrif buyurmuşdu və hər çıxışda kitabın elmi-publisistik səciyyəsi xüsusi vurğulandı.
Çıxış edənlər həmçinin, Dilarə Nağıyevanın 80 illiyi ilə bağlı səmimi sözlər səsləndirdilər, bu yaşda onun həvəslə, yorulmadan çalışmasına diqqət çəkdilər.
Dilarə Nağıyeva tədbirə gələnlərə öz təşəkkürünü bildirdi, milyonçu-xeyriyyəçi babası haqda qarşıda yeni araşdırmalar aparacağını qeyd etdi.
Bəli, Dilarə Nağıyeva dövlətsevər insandır. Onun solğun duyğulara vurduğu həyat ilmələri çoxlarının könül dünyasına sığal çəkir. Səmimi deyim ki, xeyli vaxtdır tanıdığım, şəxsiyyətinə və yaradıcılığına hörmət etdiyim bu dəyərli qadın öz kövrək və səmimi hisləri ilə bizim də ovqatımıza rəng qatmağı bacarır. Bütün hallarda o, nikbindir, kənardakına da xoş aura bağışlayır.
Bilirik ki, örnək həyata, bacarığa, nümunəvi əxlaq və davranışa sahib ola bilməyin də özünün məlum çətinlikləri var. O insan ki, zəhmətin müqabilində əldə etdiyi əməksevərliyi istedadı ilə qoşalaşdırır, onun örnəklik qazanma şansı daha çox olur. Tarixdə belə tale yiyələri olub və bu gün də mövcuddur. Açığı, şəxsiyyətinə hörmət etdiyim Dilarə Nağıyeva da bəxtinə örnək həyata, bacarığa sahiblik yazılmış insanlardandır. Tədbirdən fotolar:
Sizə möhkəm can sağlığı arzulayıram, Dilarə Nağıyeva! Kitabına örnək ad seçmisən. Doğrudan da, hər tamaşa bir ömürdür…
>>>> ƏN ÇOX OXUNAN HEKAYƏ <<<<
Müəllif: Sona ABBASƏLİQIZI
YAZARLAR.AZ
===============================================
<<<<<<WWW.YAZARLAR.AZ və WWW.BİTİK.AZ >>>>>>
Əlaqə: Tel: (+994) 70-390-39-93 E-mail: zauryazar@mail.ru
Bu gün Azərbaycan Yazıçılar Birliyində Mustafa Çəmənlinin Əbdürrəhim bəy Haqverdiyev – 150 yubiley tədbirləri çərçivəsində tərtib etdiyi “Əbədiyyət yolçusu” adlı yeni kitabın təqdimat mərasimi olub. Bu barədə tanınmış qəlaəm adamı, “525-ci qəzet”in baş redaktoru, AYB sədrinin müavini Rəşad Məcid öz sosial media hesabında paylaşm edib:
“Yazıçılar Birliyində Əbdürrəhim bəy Haqverdiyevin 150 illiyiylə bağlı yazıçı-publisist Mustafa Çəmənlinin tərtib etdiyi “Əbədiyyət yolçusu” kitabının təqdimatına yığışdıq.Hörmətli alimlərin , o cümlədən professor Vilayət Quliyevin çıxışları böyük maraqla qarşılandı. Vilayət müəllim Ə.Haqverdiyevin diplomatik fəaliyyətindən geniş söhbət açdı və onun o vaxtkı Dağlı respublikasında Azərbaycan nümayəndəsi kimi çalışdığı Buynaks ( keçmiş Teymurxanşura) şəhərindəki binada xatirə lövhəsinin açılması təklifini irəli sürdü. Gələcəkdə böyük yazıçının yubileyinin Qarabağda, Şuşada keçirilməsi arzularımızı da dilə gətirdik.” Mənbə: Rəşad Məcid
Biz də Yazarlar olaraq, görkəmli ədibimizi rəhmətlə anır, çox hörmətli yazarımız Mustafa Çəmənliyə yeni-yeni yaradıcılıq uğurları arzu edirik.
>>>> ƏN ÇOX OXUNAN HEKAYƏ <<<<
Əbdürrəhim bəy Haqverdiyev – 150
“Tərəfsiz ədəbiyyat tarixdir” layihəsi
ZAUR USTACIN SATIŞDA OLAN KİTABLARI
YAZARLAR.AZ
===============================================
<<<<<< WWW.YAZARLAR.AZ və WWW.USTAC.AZ >>>>>>
Əlaqə: Tel: (+994) 70-390-39-93 E-mail: zauryazar@mail.ru