WWW.YAZARLAR.AZ

ZAUR USTACIN YAZILARI

QƏNDABIN DİGƏR YAZILARI

Oxuyun >> Gözündə tük var

www.USTAC.az

ƏDƏBİ TƏNQİDİN MÜZAKİRƏSİ

Oktyabr 28, 2026 www.bitik.az Bir şərh yazın

ƏDƏBİ TƏNQİDİN MÜZAKİRƏSİ

28 oktyabr 2026-cı il tarixdə AMEA N.Gəncəvi adına Ədəbiyyat İnstitutunun ədəbi tənqid şöbəsində ““Xəzan” jurnalı və onun perspektivləri” mövzusunda müzakirə keçirilmişdir. Müzakirədə ədəbi tənqid şöbəsinin müdiri və əməkdaşları, eyni zamanda “Xəzan” jurnalının baş redaktoru və redaksiya heyətinin üzvləri iştirak etmişlər.
Tədbiri giriş sözü ilə açan ədəbi tənqid şöbəsinin müdiri filologiya elmləri doktoru Vaqif Yusifli Azərbaycan ədəbiyyatında jurnalçılıq tarixindən danışmış, diqqəti on birinci ildir ki, davamlı nəşr olunan “Xəzan” jurnalına yönəltmişdir.
“Xəzan” jurnalının baş redaktoru Əli bəy Azəri jurnalın yaranma zərurəti, nəşri, ölkənin bölgələrinə yayılması, xarici ölkələrdə yaşayan azərbaycanlı qələm adamları ilə əlaqə və s. barədə geniş məruzə etmişdir. Məruzənin sonunda ədəbi tənqid şöbəsi əməkdaşlarının suallarını cavablandırmışdır.
AMEA A.Bakıxanov adına Tarix İnstitutunun əməkdaşı Əzizağa Elsevər ““Xəzan” jurnalında nəsr əsərləri”, jurnalın redaksiya heyətinin üzvü Zeynəb Cəmaləddin ““Xəzan” jurnalında poeziya və tərcümə”, “Göyçay” qəzetinin baş redaktoru, jurnalın redaksiya heyətinin üzvü Adil Məmməd “Bölgələrdə yaşayan şair və yazıçıların əsərləri “Xəzan” jurnalında” və “Yazarlar” jurnalının baş redaktoru, jurnalın redaksiya heyətinin üzvü Zaur Ustac “İnternet resursları üzərindən “Xəzan” jurnalının yayılması və ədəbi əlaqələrin qurulması” mövzularında çıxışlar etdilər.
Eyni zamanda AMEA N. Gəncəvi adına Ədəbiyyat İnstitutu ədəbi tənqid şöbəsinin əməkdaşları Qürbət Mirzəzadə, filologiya üzrə fəlsəfə doktoru, dosent Elnarə Qaragözova və Əsmər Hüseynova çıxış edərək jurnalın nəşrinin daha da təkmil formada davam etdirilməsi üçün iradlarını bildirdilər, təkliflərini söylədilər.
Jurnalın baş redaktoru Əli bəy Azəri iştirakçılara təşəkkürünü bildirdi, iradların qəbul edildiyini söylədi, təklifləri həyata keçirməyə çalışacağını dedi.
Ədəbi tənqid şöbəsinin müdiri Vaqif Yusifli tövsiyyələrini söyləyib müzakirəyə yekun vurdu.

Tədbirdən fotolar:

28 oktyabr 2026, Bakı şəhəri

Məlumatı hazırladı: Tuncay ŞƏHRİLİ

Oxuyun >> Gözündə tük var

I>>>>>HAMI BU HEKAYƏDƏN DANIŞIR<<<<<I

I>>>>Mustafa Müseyiboğlu adına kitabxana<<<I

www.USTAC.az

“XƏZAN” jurnalının 76-cı sayı

Oktyabr 19, 2026 www.yazarlar.az Bir şərh yazın

“XƏZAN” jurnalının 76-cı sayı

“Xəzan” ədəbi-bədii jurnalının növbəti sayı çapdan çıxıb. Sıra sayına görə 76-cı olan bu nömrə 2026-cı ilin sentyabr-oktyabr aylarını əhatə edir. Cəmi 104 səhifədən ibarət olan jurnal ədəbi proseslərin mənzərəsini canlandırmaq üçün bir nümunədir.
Baş redaktorun guşəsində yerləşdirilmiş tezis və ştrixlərdən ibarət kiçik bir mətndə Sarı Aşıq ədəbi məclisinin 8 yaşı ərəfəsində ölkədə yaradılmış və fəaliyyət göstərən ədəbi məclislərin, dərnəklərin fəaliyyətinə nəzər salınıb.
Jurnalda böyük şair Səməd Vurğunun 120 yaşı qeyd olunmuş, bu münasibətlə müvafiq yazılar (xatirə-oçerklər) yerləşdirilərək oxucuların ixtiyarına verilmişdir.
Müasir Azərbaycan ədəbiyyatının bir bölməsi olan Naxçıvan ədəbi mühitinin parlaq nümayəndələrindən sayılan ictimai xadim, ustad şair Xanəli Kərimlinin 75 yaşı redaksiya heyəti tərəfindən təbrik edilib. Bu münasibətilə jurnalda təhlilli yazılar, o cümlədən şairin yaradıcılığından poetik nümunələr yerləşdirilmişdir. Eyni zamanda şair Ramiz Babayevin və ədəbi tənqidçi Vaqif Osmanovun 70 yaşlarının tamam olması qeyd edilmişdir.
Araşdırmaçı Adil Məmmədin “İrəvanda xal qalmadı” məşhur xalq mahnısı ətrafında apardığı araşdırma da daxil olmaqla jurnalda bir-birindən maraqlı publisistik məqalələr, poeziya və nəsr nümunələri çap edilmişdir. Təqdim olunan jurnalın bu sayının YAZI DÜZÜMÜ aşağıdakı kimidir:

Redaktor guşəsi
-“Ədəbi dərnəklər, məclislər” (Sarı Aşıq ədəbi məclisinin 8 yaşına)
-“Xanəli Kərimli – 75”

Publisistika
-Adil MƏMMƏD – “İrəvanda qalmayan nə imiş?” (Məşhur bir mahnı haqqında düşüncələr)
-Şahməmməd DAĞLAROĞLU – “Səməd Vurğun – İsmayıllının vurğunu”
-Elçin NƏSİB – “Səməd Vurğun “Ceyran”ı mənim söylədiklərim əsasında qələmə alıb”
-Çingiz SÜLEYMANOV – “Həyatın özündə və üstündə olan poeziya” (Xanəli Kərimlinin məxsusi dəst-xəttinə və şəxsinə bir baxış…)
-Rövşən HÜSEYNOV – “Misraları ilə insan qəlbini vəcdə gətirən şair” (Ramiz Babayevin 70 yaşına)
-Rəfail TAĞIZADƏ – “İşıq adamın işığına” (Vaqif Osmanlının 70 yaşına və “70-in işığında” kitabına)
-Cahan SALMANQIZI – “Elnarə Cahan yaradıcılığın zirvəsində” (Müəllifin sayca altıncı olan “Cahanın Şuşada yay tətili” adlı kitabı işıq üzü gördü)
-Xuraman ZAKİRQIZI – “Vətən sağ olsun” “Yazımın qəhrəmanı Vətən müharibəsi iştirakçısı qazi Yusif Abdullayevdir)
-Vaqif YUSİFLİ – ““Xəzan”ın solmayan yarpaqları” (ədəbi-bədii jurnalın on yaşına)
-Tural ADIŞİRİN – “Şairliklə şəhidliyin qovuşduğu ünvan” (Şəhid şair Müzəffər Məmmədoğlunun şeirləri haqqında)
-Çingiz SÜLEYMANOV – “Mələk kimi Mələk” (esse)
-Hüseyn İSAOĞLU – “Zaur Ustacın ömür və yaradıcılıq salnaməsi”
-Zaur USTAC – ““Heç nə olmaz”dan çox şey olurmuş” (Sədulla Şirinovun romanı haqqında geniş publisistik düşüncələr – dördüncü yazı)
-Bayram MƏMMƏDOV – ““Çətindərə”nin işığı asan seçilir” (Vahid Aslanın “Çətindərə” romanı haqqında)

Poeziya
-Xanəli KƏRİMLİ – “Deyilənə görə, deyənə görə”, “Hələ də”, “Uzaq ol”, “Yaman darıxıram”, “Özün bilərsən”, “Yaşadım”, “Dünya və sən”, “Çətindi”, “Bir təsərrüfat xatirəsi”, “Başın uca olsun”, “Getdi”, “Ömürlər var”, “Könül” (şeirlər)
-Ramiz BABAYEV – “Təbriz gözəli”, “Mənə vəfasız demə”, “Bağışla məni”, “Niyə ürəyimə dəyirdin mənim?”, “Daha nağıllara inanmıram mən” (şeirlər)
-Bayram MÜRÜDOĞLU – “İllər məndən nə apardı?”, “Səni sevə-sevə qocalıram mən”, “Vaxtın unutduğu adam”, “Özümə dönən ömür”, “Gözlərində qalan ömrüm”, “Axşama doğru”, “Yağışın nəğməsi”, “Yoxluğun ömürlük qonaqdır bizə”, “Ömür kitabı”, “Bəlkə səni bir də sevim təzədən?”, “Təbiətin nəğməsi”, “Payız yarpaqları”, “Zəngəzurun başı yaman dumanlı” (şeirlər)
-Xuraman ZAKİRQIZI – “Ölümlə üz-üzə” (poema)
-Polad İBRAHİMOĞLU – “Azərbaycan”, “Sözü, söhbəti sazdı”, “Olaydı – 1”, “Bilmirəm”, “Günah”, “Sarı”, “Olaydı – 2”, “Ağlayır”, “Gedirəm”, “Yazıbdı”, “Bilmədim”, “Gecələr”, “Kimi”, “Sevindi” (şeirlər)
-Əbülfəz ƏHMƏD – “Uyğunsuzluq”, “Getdi”, “Məktub”, “İsgəndərə məktub”, “Zorən tarixçilərə məktub”, “Adil Cəfakeşə”, “Bizimkilər” (şeirlər)
-Mahir USTA – “Nəsihətnamə”, “Mən dəli adamam”, “Mənə nə”, “Şəhərə çıxdım sabah”, “Gərək unudum”, “Qaldım”, “Ayrılıq yolu haça”, “Qocalıqla üzbəüz”, “Allah” (şeirlər)
-Ələsgər TALIBOĞLU – “Axı hara tələsirsən, ay ömür?”, “Getdiyim hər yerdə səni aradım”, “İmansız gördüm”, “Al günəşin al qızılı közündə”, “Hara gedir bu karvan?”, “Həyan gəlsin”, “Gəl, qəm yemə, sən ey könül”, “Dən tutmadı arzular”, “Mən nələr gözləyirdim”, “Gözlərindən süzülür” (şeirlər)
-İltimas SƏMİMİ – “Qəm ayaq açır”, “Qələmə sarıl”, “Tablamır ürək”, “Duyğusuz insan”, “Solar”, “Daş-daş kiriyəsən”, “Bilinmir”, “Dərdini unudasan”, “Bir xoş xatirə”, “Kiməsə tanış gəlirmi?” (şeirlər)

Nəsr
-Bəxtiyar ABBAS İNTİZAR – “Day-day” (povest)
-Vaqif ƏSƏDOĞLU – “Başabəla robotlar” (fantastik hekayə)
-Nizami KOLANILI – “Bir xalın üç qurbanı” (hekayə)
-Kirman RÜSTƏMLİ – “Dağ armudunun çörəyi” (hekayə)

Buyurun, sevə-sevə OXUYUN!

“Yazarlar” olaraq bu sayda yer alan bütün yazarlarımızı təbrik edir, onlara bütün həyat və fəaliyyətində yeni-yeni nailiyyətlər arzulayırıq! Uğurlarınız bol olsun! Xeyirli olsun!

Məlumatı hazırladı: Leyla Mahirqızı

Oxuyun >> Gözündə tük var

[>>>>>>BU HEKAYƏNİ MÜTLƏQ OXU<<<<<<]

[>>Mustafa Müseyiboğlu adına kitabxana<<]

www.USTAC.az

“Xəzan”ın solmayan yarpaqları – Vaqif Yusifli

Oktyabr 1, 2026 www.bitik.az Bir şərh yazın

“Xəzan”ın solmayan yarpaqları
(ədəbi-bədii jurnalın on yaşına)

Azərbaycanda ən uzunömürlü jurnal “Azərbaycan”dır. 1923-cü ildən bəri bu jurnal “ədəbiyyatımızın güzgüsü” kimi neçə nəslin ədəbi zövqünü formalaşdırıb. Jurnal 103 ildir ki, ədəbi sələf rolunu oynayır. “Azərbaycan”dan sonra onun yolunu dvam etdirən jurnallar meydana çıxdı. Təbii ki, o jurnalların əksəriyyəti uzunömürlü olmadı – bircə “Ulduz”dan başqa. İndi o ənənəni davam etdirən bir jurnaldan söz açmaq istəyirəm – hələlik nəşri davam edən və 10 yaşına çatan “Xəzan” jurnalı yoluna davam edir. (“Yurd”, “Ədəbi ovqat”, “Yazarlar” jurnallarını da unutmayaq)
Məlumdur ki, “Azərbaycan” və “Ulduz” jurnalları Azərbaycan Yazıçılar Birliyinin orqanlarıdır. “Azərbaycan” jurnalı ədəbi prosesin yönünü, istiqamətini doğru-düzgün əks etdirir, bu jurnalda müasir ədəbiyyatımızın – nəsrimizin, şeirimizin, dramaturgiyamızın, tənqidimizin, publisistikamızın və tərcümə sənətinin seçmə nümunələri öz əksini tapır. “Ulduz” jurnalında isə əsasən ədəbi gənclik təmsil olunur.
Bəs “Xəzan” jurnalı?
Bu jurnal təkcə tanınmışları deyil, nisbətən az tanınan müəlliflərin də yazılrını gen-bol çap edir. Mövzu baxımından da əziyyət çəkmir – şeir, nəsr, tənqid və publisistika nümunələri (həmçinin digər mövzularda yazılan əsərlər) bu jurnalda öz yerini tapır. Təkcə qaynar ədəbi həyatdan (Bakı ədəbi mühitindən) deyil, bölgələrdən gələn SƏSlər də jurnalda öz nəfəsini hiss etdirir.
Söhbətimizə jurnalın baş redaktorundan – Əli bəy Azəridən başlayaq. Əli bəy Azəri müasir nəsrimizdə bir sıra maraqlı, oxunaqlı hekayələrin, povestlərin, romanların müəllifidir. Onun nəsri özünəməxsus üslubu ilə seçilir. Nədən yazırsa-yazsın, Əli bəy Azəri bu üsluba sadiq qalır: həyat həqiqətini bədii həqiqətə çevirmək, maraqlı obrazlar yaratmaq, təbii dil stixiyası ilə diqqəti cəlb etmək… Əli bəy Azərinin nəsri barədə ədəbi tənqiddə ciddi bir araşdırma nəzərə çarpmayıb. (buna ümid bəsləyək) “Xəzan” jurnalında isə biz onun baş redaktor kimi “dirijor çubuğunu” izləyirik.
Qeyd etdiyimiz kimi on ildir ki, jurnal davamlı nəşr olunur. Fikir bildirmək üçün son illərdə çıxan bir neçə nömrəsinə nəzər saldıq. Amma bu beş nömrədə çıxan bütün yazılardan yox, bəzilərindən söhbət açmaq istərdik.
2024-cü il, N7(61)
Bu nömrədə Lənkəranda yaşayan Əhməd Haqsevərin 70 illiyi qeyd olunur. Əhməd Haqsevər təkcə Cənub bölgəsində deyil, Azərbaycan ədəbi mühitində də yaxşı tanınır. O, çoxtərəfli, çoxjanrlı müəllifdir. Əruzu yaxşı bilir, gözəl qəzəlləri var. Heca və sərbəst vəzndə müxtəlif mövzuları əhatə edən şeirləri, həmçinin sonetləri də onun istedadını nümayiş etdirir. Şeirlərində metaforalar və digər bədii təsvir vasitələrinə rast gəlirik – bunlar onun şeirlərinin naxışlarıdır. Baxın:
Yağış yağır,
Pəncərə baxır
və gözlərindən yaş axır.
Havalar soyuq keçir,
Payız üşüyə bilər.
Payız özü bir ağacdır.
Yarpaq kimi düşür –
hər gün,
bir-bir
bu ağacdan.

Jurnalın həmin nömrəsində istedadlı şairlər kimi tanıdığımız Təranə Dəmirin, Damət Salmanoğlunun, Ələsgər Talıboğlunun, Zaur Ustacın şeirləri də verilib və adını çəkdiyimiz hər bir şair öz SƏSi və NƏFƏSi ilə seçilməyə can atıb.
2025-ci il, N6(69)
Bu nömrədə Sarı Aşıq ədəbi məclisinin təcəssümü olan şəkil ön plandadır, məclisin yaradılmasının yeddi illiyi qeyd olunur. Yenə də şeirlər, nəsr əsərləri və ədəbi-tənqidi yazılar… Jurnalın bu sayında da az-çox tanınan müəlliflərin yazıları ilə rastlaşırıq: Xosrov Natil, Məhəmməd Əli, Hafiz Əlimərdanlı, Vahid Məhərrəmli, Təranə Musayeva, Arzu Kazımqızı Nehrəmli… Amma Naxçıvanda yaşayan şair Xanəli Kərimlinin “Bayrağını uca qaldır, Ana Vətən” poemasından sərf-nəzər etmək olmaz. Qoy, oxucular bu poemanı oxusunlar, Vətəni sevsinlər.
2025-ci il, N7(70)
Jurnalın bu nömrəsində müasir Azərbaycan poeziyasının görkəmli nümayəndələrindən biri – filologiya elmləri doktoru Firuzə Məmmədlinin 85 yaşı qeyd olunur. Filologiya üzrə fəlsəfə doktoru ədəbiyyatşünas Məhrux Dövlətzadənin “Ömür bir uzun şeirdir” məqaləsində Firuzə Məmmədlinin yaradıcılığı haqqında təəssüratlar öz əksini tapıb. Məqalənin ardınca Firuzə xanımın şeirləri gəlir.

Dilimin canında söz şirinliyi,
Məni söz düzündə yaşatdı dilim.
Dilimin varlığı – öz diriliyim,
Yağıya söz ilə daş atdı dilim.

Dilim güvəncimdi, əlim yalınsa,
Dilini yaşadan xalq ölə bilməz.
Qadağa qoyulsa, dönər qılınca,
Dil ağa tanımaz, dil kölə bilməz.

Firuzə xanım bütün şeirlərində dilin saflığını, gözəlliyini qoruyur.
2026-cı il, N1(71)
Burada biz müasir poeziyada öz yazı manerası ilə seçilən Xosrov Natilin “Poeziya çələngi” ilə tanış oluruq. Bu “Çələng”də onun bir şair kimi özünəməxsusluğunu hiss edirəm. İbrahim Yusifoğlunun şeirləri də onun bir şair kimi inkişafından xəbər verir, özünəxas deyim tərzi ilə seçilir. Amma jurnalın bu nömrəsində Zeynəb Cəmaləddinin öz poetik ahəngiylə seçilən şeirləri də yaxşı təsir bağışlayır. Xüsusilə, “Yeddi qızılgül” şeiri daha çox cazibədardır. Nömrənin şeir bəzəyi isə zənnimizcə, Gülnarə İsrafilin şeirləridir.
Gülnarə İsrafil müasir şairlər sırasında heç kimə bənzəmir, necə deyərlər, öz ritmi, öz intenasiyası və öz bədii təsvir vasitələri ilə seçilir.
2026-cı il, N2(72)
Bu nömrədə Hafiz Əlimərdanlının qəzəlləri diqqəti daha çox cəlb edir. Nəyə görə? Səhv etmiriksə, Hafiz müəllim görkəmli alimdir, amma onun qəzəlləri şairlik ömrünün bədii simvollarıdır.
Baxın:
Yetməyə vəslinə yarın, gözlərəm mən nə zamandır,
Nigaran qalsa da könlüm, dözərəm mən nə zamandır.

Dedilər yar səni gözlər, hicrinə son qoyar yəqin,
Hələ ki, pəjmürdə olub gəzərəm mən nə zamandır.

Əlbəttə, bizə irad tuta bilərsiniz ki, ancaq “Xəzan” jurnalının bir neçə nömrəsində dərc olunan bəzi şeirlərdən söz açdınız. Bəs nəsr əsərləri və digər yazılar necə olsun? Darıxmayın, vaxt gələr, digər yazılardan da bəhs edərik.
“Xəzan” jurnalının bütün əməkdaşlarına, onun ayrı-ayrı nömrələrində çap olunan müəlliflərə yaradıcılıq uğurları arzulayırıq. Qoy, “Xəzan” heç vaxt yolundan qalmasın!

Vaqif YUSİFLİ

Filologiya elmləri doktoru

Zaur Ustacın şeirləri ,

Oxuyun iş var

www.USTAC.az

“XƏZAN” JURNALININ YETMİŞ DÖRDÜNCÜ SAYI

İyul 14, 2026 www.bitik.az Bir şərh yazın

“XƏZAN” JURNALININ YETMİŞ DÖRDÜNCÜ SAYI

“Xəzan” jurnalının yetmiş dördüncü (iyul, 2026) sayı çapdan çıxıb.
Jurnalın üz qabığında yazıçı Əli bəy Azərinin 60 yaşının tamam olması münasibətilə işgüzar şəraitdə çəkilən şəkili yerləşdirilib.
Jurnal Azərbaycan Respublikası Milli Məclisi İctimai Birliklər və Dini Qurumlar Komitəsinin sədri, Millət vəkili Fazil Mustafanın “Xəzan” ədəbi-bədii jurnalının redaktoru, yazıçı-publisist Əli bəy Azəriyə yubiley münasibətilə ünvanladığı təbrik məktubuyla başlayır. Onun ardınca Azərbaycan Yazıçılar Birliyinin təbriki yerləşdirilib. Eyni zamanda Əməkdar müəllim Bayram Məmmədovun, şair Ramiz İsmayılın və “Yazarlar” jurnalının baş redaktoru Zaur Ustacın Əli bəy Azərinin həyat və yaradıcılığı barədə müvafiq yazıları çap olunub.
Jurnalın bu sayında Natella Nurun “Allahın hədiyyəsi” romanı AMEA Ədəbiyyat İnstitutu ədəbi tənqid şöbəsinin müdiri filologiya elmləri doktoru Vaqif Yusiflinin təqdimatında tam həcmdə oxuculara təqdim olunur.
Poetik nümunələr, nəsr və publisistik yazılarla zəngin olan jurnalın yetmiş dördüncü sayında
YAZI DÜZÜMÜ aşağıdakı kimidir:

Redaktor guşəsi
-“Milli mətbuatın oxşar taleliləri”
-“Əli bəy Azəri – 60” (Azərbaycan Yazıçılar Birliyinin təbrik məktubu)

Publisistika
-Fazil MUSTAFA – ““Xəzan” ədəbi-bədii jurnalının redaktoru, yazıçı-publisist Əli bəy Azəriyə (təbrik məktubu)
-Bayram MƏMMƏDOV – “Hələ nələr deyəcəksən” (Yazıçı Əli bəy Azərinin 60 yaşı ərəfəsində onun kitablarını vərəqləyərkən)
-Ramiz İSMAYIL – “Altmışdan o yana” (Yazıçı Əli bəy Azərinin altmış yaşına ürəyimin pıçıltısı)
-Zaur USTAC – “Müharibə mövzusuna fərqli baxış” (Əli bəy Azərinin “İki Zəngəzurlu zabit” romanı haqqında)
-Əli BƏY AZƏRİ – “Payızın astanasında” (özümlə söhbət)
-Günay RZAYEVA – “Vətənə həsr olunmuş ömür – Milli Qəhrəman Valeh Müslümov”
-Güldanə MEHDİYEVA – “Kitab həyatın ən uzaq və ən qaranlıq yollarında insana işıq bəxş edən əfsanəvi çıraqdır”
-Nağdəli KEŞTƏKLİ – “Damət Salmanoğlu poeziyasında estetik düşüncələrin yeri”
-Adil MƏMMƏD – “Göyçay ədəbi mühiti”
-Nuranə SULTAN – “Ayın görünməyən tərəfi”
-Əli BƏY AZƏRİ – “Sözün lirizmi və duyğunun poetikası” (Firavan Mahirin “Jalə sevgisi” kitabı haqqında düşüncələr)
-Maqsud MÖVLAMOV – “Lahıcdan dünyaya uzanan sənət yolu – Ağa Mehdiyev”
-Yunis QARAXANLI – “Hicran Əhmədlinin “Üşüyən ruhum” adlı kitabı haqqında bir neçə söz”
-Məhrux DÖVLƏTZADƏ – “Aytəkin Mehmanqızının söz dünyası”
-Vaqif YUSİFLİ – “Bir ailənin hekayəti” (Natella Nurun “Allahın hədiyyəsi” romanı haqqında)

Poeziya
-Əkbər QOŞALI – “Divani” (şeir)
-Nazlı HACILI – “Eyləmərəm”, “Dönərmi, görən?”, “Olmadı”, “Məni”, “Səni gəzirəm”, “Taleyim”, “Mənim dünyam” (şeirlər)
-Ramiz İSMAYIL – “Bağışlamaz”, “Beşliklər”, “Əl çəkməz”, “Dostlar haqqında “ballada””, “Yarımçıq şeirlər” (şeirlər)
-Damət SALMANOĞLU – “Sevgi və həyat”, “Mən dənizə bənzəyirəm”, “Səmimi baxışlar”, “Yağışlar”, “Gördüm”, “Dəniz”, “Şair”, “Tikan gülə aşiqdir”, “Ana” (şeirlər)
-Ətraf SƏRRAF – “Dünya mənə neyləsin?”, “Bir ayrılıq” (şeirlər)
-Nuranə RAFAİLQIZI – “Mən bu mən olmayam”, “Ölə bilmirəm” (şeirlər)
-Şəmsiyyə QARAMANLI – “Hər fəslin öz dövranı”, “Ayrılıqlar çox uzun” (şeirlər)
-Səkinə NİZAMİQIZI – “Utanıram” (şeir)
-Hacı Yaşar GÖYÇAYLI – “Gedir”, “Rübailər” (şeirlər)
-Ziyad GÖYÇAYLI – “Bahar lövhələri”, “Dünyanın ən gözəl günü” (şeirlər)
-Məhəmməd YƏHYALI – “Dünya” (şeir)
-Adil MƏMMƏD – “Nurlu bir dənizin həsrətin çəkib”, “Gətirir” (şeirlər)
-Hatəm ƏSGƏROV – Qəzəllər
-Yunis QARAXANLI – “Allah”, “İncidir”, “Vüsal gözlərimdə xəyallar qurur”, “Sönmüş eşq oduna atıb yaxasan”, “Mən elə özüməm”, “Zümrüd gözəli”, “Ağ-qara harmoniya”, “Vüsalın rəngi”, “Qəmzələr”, “Səni öldürmək istəyirəm”, “Sənsiz bu dünyam” (şeirlər)
-Zəhra SƏFƏRALIQIZI – “Apardı”, “Zaman”, “Dedi, səni sevirəm” (şeirlər)

Nəsr
-Vaqif ƏSƏDOĞLU – “Ədalət və rəzalət” (fantastik hekayə – davamı, son, əvvəli jurnalın 72-ci (mart-aprel, 2026) sayında)
-Solmaz HƏSƏNOVA – “İntizarın sonu” (hekayə)
-Pərviz YƏHYALI – “Şərab dükanı üçün dua” (hekayə)
-Natavan BAXIŞLI – “Ayanın həsrəti” (hekayə)
-Çərkəz NƏSİRLİ – “Əhmədin oğlu ilə söhbəti” (hekayə)
-Firavan MAHİR – “Tısbağa tərbiyəçisi” (hekayə)
-Mina İLQAR – “Dünən işdəykən məni çox sarsıdan bir hadisə yaşadım” (esse)
-Natella NUR – “Allahın hədiyyəsi” (roman)
-Salman QARALAR – “Yaxşı sədr” (hekayə)

Buyurun, sevə-sevə oxuyun.

Məlumatı hazırladı: Leyla Mahirqızı

Oxuyun >> Gözündə tük var

[>>>>>>BU HEKAYƏNİ MÜTLƏQ OXU<<<<<<]

[>>Mustafa Müseyiboğlu adına kitabxana<<]

www.USTAC.az

“Xəzan” ədəbi-bədii jurnalının növbəti – mart-aprel, 2026 sayı çapdan çıxıb

Aprel 16, 2026 www.bitik.az Bir şərh yazın

“XƏZAN” – 72

“Xəzan” ədəbi-bədii jurnalının növbəti – mart-aprel, 2026 sayı çapdan çıxıb. Sayca 72-ci olan yeni nömrə 104 səhifədir. Redaktorun seçməsi olan “Molla Nəsrəddin” jurnalının nəşri ilə bağlı araşdırma yazısı ilə başlayan jurnalın bu sayında rəssam Nazim Hüseynovun (70), Əməkdar müəllim, publisist Bayram Məmmədovun (70), şairlər: Mayıl Məmmədlinin (65) və Müşfiq Borçalının (55) yubiley yaşlarının tamam olması münasibətilə təbrik mətnləri və onların yaradıcılıqlarından nümunələr çap olunub. Eyni zamanda klassiklərdən sayılan Səməd Vurğunun 120 illiyi münasibətilə Günay Rzayevanın araşdırma yazısı verilmişdir.
Poeziya, nəsr və dövrümüzü təsvir edən publisistik yazılarla zəngin jurnalın növbəti nömrəsində yazı düzümü aşağıdakı kimidir:

YAZI DÜZÜMÜ

Redaktor guşəsi
-“Yüz iyirmi il bundan əvvəl”
-“Mayıl Məmmədli – 65”

Publisistika
-Günay RZAYEVA – “Səməd Vurğun yaradıcılığında qadın obrazları”
-Əli BƏY AZƏRİ – “Rənglərin sehrində keçən ömür” (Rəssam Nazim Hüseynovun 70 yaşına)
-Zeynəb CƏMALƏDDİN – “Hiss” (esse)
-Rəşid FAXRALI – “Mətbuat Şurasında Əməkdar müəllim Bayram Məmmədovun elmi və pedaqoji fəaliyyətinə nəzər salınıb”
-Mərhəmət ABIYEV – “Hər sabahını özü “yoğuran” insan” (Əməkdar müəllim Bayram Məmmədovun 70 yaşına)
-Mahir CAVADLI – “Stadion məhəlləsinin uğur adamı”
-Yunis QARAXANLI – “Qalibiyyətin zirvəsində” (Müşfiq Borçalı – 55)
-Həmidə FAZİLQIZI – “Çağdaş mətbuatımız və doktor Müşfiq Borçalı”
-Arzu ƏSƏDOVA – “Şagirdlərin tərbiyəsində Nizami irsindən istifadə yolları”
-Lalə MAHMUDOVA – “Zaman keçər, sevgi və xatirələr qalar”
-Güldanə MEHDİYEVA – “Dünyanın ən qədim xalqlarından biri Azərbaycandır!”
-Nazlı İBRAHİMOVA – “Sevinc baharı”
-Zemfira MƏHƏRRƏMLİ – “Hər şey yaxşı olacaq!” (Mahir Cavadlının “Hökümə” poemasına ön söz)
-Səbuhi RƏHİMLİ – “Bürclərin tarixi – tarixin bürcləri” (Bürclər necə yarandı?)
-Əli BƏY AZƏRİ – “Vətənləşən oğulların poeması” (Asya Əhmədovanın “Sən Vətənsən” poemasında real həyatla mifoloji tale yazısı sintezi)
-Nəzakət EMİNQIZI – “Ağrılı yolların işıqlı dayanacağında…”
-Çərkəz NƏSİRLİ – “Möhtəşəm çəkilişin son taleyi”, “22 yanvar 1990-cı il Zəngilan mitinqi”80
-Bayram MƏMMƏDOV – “Həyat fəlsəfəsi” (xatirə-oçerk)
-Əli BƏY AZƏRİ – “Qəbulə xanım – tarixi şəxsiyyət, ədəbi obraz” (Rus istilasına qarşı ilk dirəniş hərəkatı liderinin həyatı Azər Turanın araşdırmasında)
-Ağalar QUT – “Azərbaycanlıların “Türkiyəcə” danışmaq və yazmaq sevgisi”

Poeziya
–Vəli QARAÇAYLI – “Yaşayır”, “Xankəndidən Turana”, “Yaradanı, quranı var dünyanın”, “Xocalı”, “Kamera”, “Ömrümü əritdim gülə-gülə mən”, “Olmaz”, “Tarqovı”, “Qara “Volqa””, “Qayıdacam dənizlərə”, “Dərd içində dərd içində”, “Dəmir yumruq”, “Sibir gözəli” (şeirlər)6
-Mayıl MƏMMƏDLİ – “Apardı”, “Sənsiz darıxacam”, “Tənha qadına”, “Darıxaq”, “Qayıt gəl”, “Nəyinə gərək?” (şeirlər)
-Gülnarə İSRAFİL – “Uzun yol”, “İllərin qollarında”, “Üskük”, “Tale bir oyun oynadı”, “Dirilim”, “Tanrım”, “Ölülər şəhərində”, “Bir, iki, üç”, “Əşyaların dili var”, “Bir sevginin”, “Bədəndədi” (şeirlər)
-Hafiz ƏLİMƏRDANLI – “Qəzəllər, rübailər” (şeirlər)
-Elnarə CAHAN (BABAYEVA) – “Nağıllar”, “Çəngəl, qaşıq və bıçaq”, “Kitab”, “Mehriban olaq gərək”, “Günəş”, “Arı” (şeirlər)
-Xuraman ZAKİRQIZI – “Kamillik ağaran saçda deyil ki”, “Tərk etmir bir an da qayğılar məni”, “Yaşamaq özü də urvatdan çıxıb” (şeirlər)
–Lalə MAHMUDOVA – “Bir də baxarsan ki, sadəcə şəkildir insan”, “Səninlə hər anımı nağıl edərəm”, “Bəzən həyat dolu olmaq istərəm” (şeirlər)
–Mətanət DUYĞULU – “Susdurun müharibələri”, “Hər gün səninlə”, “Bağışla, gəncliyim” (şeirlər)
–Xanəli KƏRİMLİ – “Niyə qayıdırsan?” (şeir)
–Ramiz İSMAYIL – “Anam şəhərə köçmür” (şeir)
-Vüsal AĞA – “Sənsiz sənsizliyə dözən dörd il…” (şeir-elegiya)

Tərcümə
-Şəhla ŞÜKRULLAQIZI – “Hədiyyə et mənə”, “Diləyirəm”, “Alov”, “Hiss edərmi?”, “Hidayət et”, “Əfsun deyil”, “Cəbrdir”, “Sultanım”, “Əridi” (şeirlər) (Özbək dilindən Azərbaycan dilinə Rəhmət Babacan tərcümə edib)

Nəsr
-Firavan MAHİR – “İki mələk” (hekayə)
-Damət SALMANOĞLU – “Cavabsız məktubların sonu” (hekayə)
-Vaqif ƏSƏDOĞLU – “Sehrbaz göyərçin və uçan insanlar” (fantastik hekayə)
-Yunis QARAXANLI – “Aldanmış qəlb”, “Gizli sevgi” (hekayələr)
-Mənsurə XƏLƏFBƏYLİ – “Əmanət” (hekayə)
-Zaur USTAC – “Sonuncu döyüş” (hekayə)

“Xəzan” jurnalı

Oxuyun >> Gözündə tük var

GÜNNUR AĞAYEVANIN DİGƏR YAZILARI

PROZA.AZ

Guldane Mehdiyeva Download

www.USTAC.az

Güldanə Mehdiyeva – Dünyanın ən qədim xalqı

Aprel 15, 2026 www.yazarlar.az Bir şərh yazın

Dünyanın ən qədim xalqlarından biri Azərbaycandır!

“Xəzan” jurnalı

Oxuyun >> Gözündə tük var

GÜNNUR AĞAYEVANIN DİGƏR YAZILARI

PROZA.AZ