Ədəbi cərəyanlar eşqlərini etiraf etsələr, belə bir maraqlı situasiya yaranar. İlk öncə onu qeyd edək ki, demək olar bütün ədəbi-fəlsəfi cərəyanların problematikası mərkəzdə dayanan insandır. Sadecə hər cərəyanın özünün fərqli mahiyyəti və baxış bucağı mövcuddur.
Sürrealizm:
Gəl sevgimi ağla, göz yaşın olum,
Süzülüb üzünə yanaqda solum,
Eşqin isbatıdır, saf göz yaşların,
İzin ver gözünə mən özüm dolum.
Ekzistensializm:
Səni olduğuntək mən qəbul etdim,
“Varlığın” varıyla səni çox sevdim.
Sən məni görəndə daim naz etdin,
Mən də o nazını, sevərək çəkdim.
Romantizm:
Hüsnünün nurundan dünya görünür,
Xəyalım səninlə fələktək dönür.
Sən mələk olubsam, mən isə aşiq,
Bu məftun ürəyim göydə döyünür.
Sufizm:
Sənin o surətin Allah damlası,
Sən gənci-nihanın, “heç” lik qalası.
Gözəllik çırağın aldın Yusifdən(ə),
Aşiqin yolunda işıq parçası.
Realizm:
Sənin bu sevgindir öldürür məni,
Lakin, mən tək ölüb, tərk etməm səni.
Susma sən qayatək kənarda durub,
Sən də kaş sevəsən səni sevəni.
Sentimentalizm :
Hislərim qarışır daim hər zaman,
Qəlbimdir dilimdə danışır inan.
Gah qorxur o birdən, gahdaki ağlar,
Sənin saf sevgini çox sevir yaman.
Modernizm :
Mən sənə baxdıqda şüurum axır,
Təbiət ilhamı beynimə yaxır,
Gözlərin gah reyhan,gah da zümrüddür,
Gahdaki ceyrandır, meşədən baxır
Müəllif : Tanrıverdi ƏLİYEV
PDF>>>ZAUR USTAC UŞAQ ŞEİRLƏRİ
PDF: >>>>> ZAUR USTAC “QƏLƏMDAR-2”
PDF>>> ZAUR USTAC “BB” KİTABI
>>>> ƏN ÇOX OXUNAN HEKAYƏ <<<<
ZAUR USTACIN SATIŞDA OLAN KİTABLARI
YAZARLAR.AZ
===============================================
<<<<<<WWW.YAZARLAR.AZ və WWW.USTAC.AZ>>>>>>
Əlaqə: Tel: (+994) 70-390-39-93 E-mail: zauryazar@mail.ru
