ŞUŞA
Çəkəli sinənə düşmənlər dağı,
Qoymuşdun yollarda gözümü, Şuşa.
Yazırdım adına bayatı, ağı,
Qəmə bələyirdim, sözümü, Şuşa.
Gözəldir, hər qarış torpağın, daşın,
Üzeyir dühası, tarix yaddaşı,
Səngidi həsrətim, sevinc göz yaşım,
Yudu naxış-naxış üzümü, Şuşa.
Xanqızı bir məclis salmış qoynunda,
Vaqif könülləri çalmış qoynunda,
Qacar xəyanətə varmış qoynunda,
Kim silər, tarixdən izimi, Şuşa?!
Yağı tapdağıydı, daşın, torpağın,
Qəmlə süslənmişdi, hər gül budağın,
Gülmədi illərlə, həsrət dodağın,
Tapmırdım səbiri, dözümü, Şuşa.
Geyindi oğullar, əsgər yarağın,
Sildilər qoynundan, yağı ayağın,
Sancdılar köksünə Vətən bayrağın,
Tapıldı həsrətin çözümü, Şuşa.
Amal xoşbəxt sanır, özünü, Şuşa.
11.09.2023.
Müəllif: Sona TEYMURBƏYLİ RƏHİMLİ ( Amal)
SONA TEYMURBƏYLİ RƏHİMLİNİN YAZILARI
MƏLUMATI HAZIRLADI: TUNCAY ŞƏHRİLİ
Mustafa Müseyiboğlu adına kitabxana
YAZARLAR.AZ
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru