PAYIZ GƏLDİ
Payız gəldi, kövrəkləşdi buludlar,
Payız gəldi, tez başladı yağışlar.
Görüşüm var, gecikirəm yenə də,
Yağış yağır, gözləyənlər bağışlar…
Payız gəldi, dəcəl oldu ürəyim,
Gecə- gündüz yumruqlaşır sinəmlə.
Çox dərdimin dərmanını tapmışam,
Dərdlərimi sağaldıram qələmlə.
Payız gəldi sarı- sarı yarpaqlar,
Həzin- həzin budaqlardan üzülür.
Bir ayrılıq havası var , havada…
Kirpiyimdən yağış suyu süzülür.
Payız gəlib, xatirələr boy verir,
Bir az yaşım, bir az saçım callanır.
Bir söz deyim…
-Eh doğrusu a dostlar,
Bu dünyaya adam yaman allanır…
Müəllif: Cavanşir Qənbər
HAZIRLADI: TUNCAY ŞƏHRİLİ
Mustafa Müseyiboğlu adına kitabxana
YAZARLAR.AZ
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru