CƏNAB ALİ BAŞ KOMANDAN
Qarabağım güllə-güllə qan çilənən,
Çiləndikcə ağrıları incələnən,
Zəfər dolu səngər-səngər qönçələnən
İlimizsən, Cənab Ali Baş Komandan!
Arzuları çiçək açan bir baharsan,
Hər çiçəkdə azad Vətən yaşadarsan.
Ana yurda buta gələn Xilaskarsan,
Ulumuzsan, Cənab Ali Baş Komandan!
Nida etdin erməninin noqtəsini,
Neçə kənar qüvvələrin diqtəsini.
Ucaldırsan bu millətin haqq səsini,
Dilimizsən, Cənab Ali baş Komandan!
Şanlı ordu qisas alan, qan udduran,
Hifz eləsin Zabur, Tövrat, İncil, Quran.
İradənlə əfilərə zərbə vuran
Qolumuzsan, Cənab Ali Baş Komandan!
Bayrağımız zirvə-zirvə hey yüksəlir,
Yüksəldikcə yağı düşmən gözü dəlir.
Şuşamızın, Xankəndinin ətri gəlir,
Yolumuzsan, Cənab Ali Baş Komandan!
Müəllif: Qəzənfər MƏSİMOĞLU
QƏZƏNFƏR MƏSİMOĞLUNUN YAZILARI
YAZARLAR.AZ
======================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru