Мен Сени соғиндим…
Мен Сени соғиндим,
Тонглардан излаб,
Сабо гулларидан шабнам томганда,
Сабрнинг томири кетди, илдизлаб,
Ёлғизлик дастидан юрак ёнганда.
Мен Сени соғиндим,
Меҳрингни қумсаб,
Тафтингни соғиндим, чечак исидан,
Севгимнинг борини хоҳладим, тусаб,
Маст бўлиб яшасам, ишқнинг ҳисидан.
Мен Сени соғиндим,
Чексиз, якунсиз,
Сенсизлик онимни тушунсанг эди…
Тун ҳам ёлғиз ўтар, бедорда, унсиз,
Бу дил сокинликка кўнмоқда, энди.
Мен Сени соғиндим,
Ўйим тинч қўймай,
Ўйласам, хаёллар ҳар ерда сарсон,
Қалбим қийналмоқда, васлингга тўймай,
Қизиқ эмас, синов келганда осон.
Мен Сени соғиндим,
Сендан ҳам кўпроқ,
Соғинчим тугамас, сўнгсизга қадар,
Олиб кетмасидан ўзига тупроқ,
Отабек ўзини овутиб, алдар.
Мен Сени соғиндим,
Тонглардан излаб,
Сабо гулларидан шабнам томганда…
Müəllif: Отабек Зоҳид
Mustafa Müseyiboğlu adına kitabxana
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru