Mahir Diniyev – …evlər…

… evlər…

Təzə köçüb, bax bu evin yiyəsi ,
həyətində gözü nəmli it qalıb .
Bəhərinə adam deyil, quş gələn,
o həyətdə bir qocaman tut qalıb.

Bax, o evdə uşaq adlı inci yox ,
divar uçuq, bir tərəfi, küncü yox,
qar,yağışdan daha onun dinci yox,
çəpər uçub, içi, çölü lüt qalıb.

Bu evlərin qapıları üz-üzə ,
sınıq-salxaq pəncərəsi göz-gözə,
otaq-otaq həsrət qalıb bir sözə ,
bu gedişə zaman özü mat qalıb .

O həyətdə quruyubdu gül, çiçək,
hər tərəfi yuva quran hörümçək,
yarım əsr öz-özüylə təkbətək ,
qalan gündən ziyarətsiz büt qalıb.

Qalanında bir qadındı, bir də ər,
oğul, uşaq buralardan dərbədər ,
ayaqqabı həyat adlı tək əsər ,
hər qapıda ondan iki cüt qalıb…

Müəllif: Mahir Diniyev

Mahir Diniyevin yazıları

Mustafa Müseyiboğlu adına kitabxana

“ƏDƏBİ OVQAT” JURNALI PDF

“YAZARLAR”  JURNALI PDF

“ULDUZ” JURNALI PDF

“XƏZAN”JURNALI PDF

WWW.KİTABEVİM.AZ

YAZARLAR.AZ

===============================================

<<<< WWW.YAZARLAR.AZ və  WWW.USTAC.AZ >>>> 

Əlaqə: Tel: (+994) 70-390-39-93   E-mail: zauryazar@mail.ru

 

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir