Xankəndini ziyarət etdikdən sonra Şuşaya qayıtdıq.

Sentyabr 14, 2024 www.bitik.az Bir şərh yazın

Xankəndini ziyarət etdikdən sonra Şuşaya qayıtdıq. Qala qapısının yaxınlığında yastana yerdə qoyulmuş heykəllərlə şəkil çəkdirib qaladivarları ilə üzü aşağı Şuşa yazılan girişə endik. Yerdə əmənkömənciyə rastladım, qayıdanda bir topa yığıb özümlə götürdüm. Amma o yerləri gəzdikcə igidlərin ayaq izlərini gəzirdim. Yuxarı qalxıb Qövhər Ağa məscidinə ordan da Cıdır düzünə tərəf yollandıq. Cıdır düzü bir tərəfi meşəlik, bir tərəfi sıldırım qayalıq. Mən ondan iri qayalıqlar, düzəngahlar gördüyümə görə mənə elə də təəcüblü göz oxşayan görünmədi. Sadə bir təpəlik. Səməd Vurğunun göyəzən dağına yazdığı şeirini xatırladım. Olsun, dedim ürəyimdə. Bəzən toponimlər öz müəllifləri ilə əbədiyyət qazanır və bir də igidlərimizin ayaq səsləri azadlıq yaratmışdı daşlarda. Min illər keçəcək, bu günlərin əziz xatirəsi unudulmaz qalacaq. Bir vaxtlar at çapılmış bu yastana ayaq izləri ilə öz yaşarlığını tapmışdı. Bundan sonra da igidlərimizin canı qanı ilə müqəddəsliyinə davam edəcək. Orda bir neçə şəkil, qısa video çəklişi edib Vaqif məqbərəsinə yetişdik. Poeziya günləri keçirilən yerdə şəkil çəkdirmədim. Mən bu yerdə kürsüyə qalxıb şeir səsləndirəndə şəklim çəkilib tarixə düşər. Əks halda özümə haqsızlıq etmiş olardım.

Əzəmətli bayrağın dalğalanan uca Şuşası sən bizim ağrılarımızın şahidisən. Sənin hər daşını öpüb göz üstünə qoysaq yenə də azlıq edəcək. Gün qaralmadan Laçına çatıb, Mərkəzi kitabxanaya kitablarımızı bağışlamalıydıq… Ordan ayrılanda Şuşanın ətri burnumdan uzun müddət getmədi. Laçınla Şuşa arasından Qubadlıya çəkilən dolama yollar uzaqdan selə oxşayırdı.

Yolqırağı böyürtkən kolları, turşsu, insanların əllərində dopba ilə baş ucunda gözləyib növbə ya da növbədən kənar su qablaşdırıb içmələri adama sevinc bağışlayırdı. Biz də elə burada nahar edib, torbamıza çəmənlikdən qantəpər, qaraçörək otu toplayıb yolumuza davam elədik.

Ardı var.

Müəllif: GÜLNARƏ İSRAFİL

GÜLNARƏ İSRAFİLİN YAZILARI

Mustafa Müseyiboğlu adına kitabxana

“ƏDƏBİ OVQAT” JURNALI PDF

“YAZARLAR” JURNALI PDF

“ULDUZ” JURNALI PDF

“XƏZAN”JURNALI PDF

WWW.KİTABEVİM.AZ

YAZARLAR.AZ
===============================================

<<<< WWW.YAZARLAR.AZ və WWW.USTAC.AZ >>>>

Əlaqə: Tel: (+994) 70-390-39-93 E-mail: zauryazar@mail.ru

www.USTAC.az

Зуҳра Бегим – КУЗНИНГ СУРАТИ…

Sentyabr 14, 2024 www.bitik.az Bir şərh yazın

КУЗНИНГ СУРАТИ…

Куз келиб тўкилар боғнинг оҳори,
Булутни бағрига чорлайди осмон.
Гумбурлаб чалинар чақмоқнинг тори,
Оламга айлайди тириклик эҳсон.

Жимирлаб-жимирлаб чайқалар ҳовуз,
Шамолда силкиниб шивирлайди тол.
Япроқлар шудрингга ювар экан юз,
Заминнинг бошига урайди рўмол.

Оқбадан теракнинг либоси олтин
Бўйи басти билан ўйчан кузатар.
Борлиққа ризқ бергач, олмоқ учун тин,
Она ер хотиржам оёқ узатар.

Потирлаб учади қушлар галаси
Қишни хушламоққа етмай журъати.
Олисда кутади иссиқ даласи,
Шоирнинг қалбида кузнинг сурати…

Müəllif: Зуҳра Бегим

Zuhra Begim <<<< >>>> Зуҳра Бегим

Mustafa Müseyiboğlu adına kitabxana

“ƏDƏBİ OVQAT” JURNALI PDF

“YAZARLAR” JURNALI PDF

“ULDUZ” JURNALI PDF

“XƏZAN”JURNALI PDF

WWW.KİTABEVİM.AZ

YAZARLAR.AZ

===============================================

<<<< WWW.YAZARLAR.AZ və WWW.USTAC.AZ >>>>

Əlaqə: Tel: (+994) 70-390-39-93 E-mail: zauryazar@mail.ru

www.USTAC.az

Tərxan Paşazadə: – “Fəridi tam dəstəkləyirəm!”

Sentyabr 14, 2024 www.bitik.az Bir şərh yazın

Fəridi tam dəstəkləyirəm!

Vikipediyadakı mövcud vəziyyətlə bağlı müxtəlif dost-tanışla müzakirələrimdə də qeyd etdiyim kimi bir daha vurğulamağı zəruri hesab edirəm ki, Farid Pardashunas müvafiq mövzuda tam haqlıdır. O heç də şəhidlər üzərindən xal qazanmağa çalışmır.

Doğrudur, onun bir qrup vikipediyaçı ilə uzun illərdir çox ciddi problemləri var idi. Bəllidir ki, alverçiliklə məşğul olan müəyyən maraq qrupları AzVikini özlərinin gəlir mənbəyinə çeviriblər. Onlar orada özlərinə sərf etməyən və ya sifariş aldıqları bütün məqalələri silməklə, maraqlarına uyğun məqalələr yaratmaqla məşğuldurlar. Elə mənim də çox sayda məqaləmi siliblər. Konkret orada “at oynadırlar”. Gec-tez o problemi kökündən həll etmək lazım idi. Fərid uzun müddət idi ki, onlarla vuruşurdu. Sadəcə şəhid məqalələrinin silinməsi cəmiyyətin də diqqətini bu məsələyə yönəltdi.

İndi baxıram ki, Vikipediyaya ən çox zərər vuranların özləri da bir-bir bəyanat verib, özlərini süddən çıxmış ağ qaşıq kimi təqdim etməyə, Fəridi isə müxtlif üsullarla söyüb-təhqir etməyə, qaralamağa çalışırlar. Amma silinən məqalələrin bərpası üçün operativ olaraq hər hansısa addım atmayıblar! Özləri də bildirirlər ki, məqalələr tam konsensus olmadan silinib. Əgər elədirsə, o zaman istənilən inzibatçının o məqalələri qeyd-şərtsiz bərpa etməyə tam səlahiyyətləri çatır.

Fəridə qarşı əks-təbliğat aparmaqdansa, məqalələri bərpa etməyə cəhd göstərsəydilər, daha urvatlı olardılar. Hətta “Fərid Pərdəşünas” məqaləsini də bərpa etsəydilər, yüksək şüur və peşəkarlıq nümunəsi göstərmiş olardılar.

Heç kəs vikipediyaçılara nifrət yaratmır. Sadəcə AzVikini işğalçılardan təmizləmək lazımdır. Və təmizlənəcək!

Müəllif: Tərxan Paşazadə

Tərxan Paşazadənin yazıları

Mustafa Müseyiboğlu adına kitabxana

“ƏDƏBİ OVQAT” JURNALI PDF

“YAZARLAR” JURNALI PDF

“ULDUZ” JURNALI PDF

“XƏZAN”JURNALI PDF

WWW.KİTABEVİM.AZ

YAZARLAR.AZ

===============================================

<<<< WWW.YAZARLAR.AZ və WWW.USTAC.AZ >>>>

Əlaqə: Tel: (+994) 70-390-39-93 E-mail: zauryazar@mail.ru

www.USTAC.az

Bir yay da beləcə keçdi…

Sentyabr 14, 2024 www.bitik.az Bir şərh yazın

Bir yay da beləcə keçdi.

Aşiq olmadan, səfərə çıxmadan, xoşbəxt olmadan tükətdim zamanı.

Bundan sonra neçə yay görəcəyim bəlli deyil.

Sahib olduğum ən dəyərli şeyi – zamanı – boşuna xərclədim getdi.

Buna kədərlənmək yerinə, kiçik uğursuzluqlara üzüldüm.

Zaman axıb getdi.

Bir yay da əyləncəsiz, sevincsiz, gülüşsüz, dənizsiz keçdi.

Ömür də belədir – fürsətləri qaçırdınsa, su kimi axıb gedir.

Ömür də belədir – bir göz qırpımında bitir.

Bu yay da onlarla oxumadığım kitabı düşünüb üzüldüm.

Baxmadığım filmlər, dinləmədiyim musiqilər yığılıb qaldı.

Gedə bilmədiyim uzaqlara dikdim gözlərimi.

İçimdəki uzaqlara səfərə çıxdım.

Yol çantama bir az şeir, bir hüzn, bir az gözyaşı qoydum.

Günlərlə bir dağ çayının kənarında oturub həyatı və insanları düşündüm.

Bu yay da aldandım, bu yaya da aldandım.

Keçdi getdi.

Əlimdən qaçırdığım fürsətləri gözümün önündən keçirdim.

Hələ nə qədər fürsətləri qaçıracağımı düşündüm.

Artıq dünənlə və dünəndəkilərlə beynimi məşğul etmirəm.

Daim yanımda olanlarla və olcaqlarla kifayətlənirəm.

Bu yay səbr etməyi, düşünməyi və vaz keçməyi öyrəndim.

Unutmağın zamana ehtiyacı olmadığını fərq etdim.

Bu yay içimdəki o məsum uşağı tərk etdim.

Bir günəşli iyun sabahında buraxdım əlini.

Hardasa yol ayrıcında azıb qalsın istədim.

Bu yay uşaqlığıma uzaqdan baxdım.

Günəşli günlərdə sentyabr, yağışlar və buludlar üçün darıxdım.

İçimdəki son məsumu öldürdüm.

Gözümdəki son damla yaşı qanlı əllərimlə sildim.

Bütün keçmişimi silib atdım, rahatladım bir az.

Uşaqlığımı, qırılan oyuncaqlarımı unutduğum kimi qəlbimin qırılmağını da unutdum.

Ötüb-keçən isti və günəşli günlərdə susqunluğum dərinləşdi.

Anladım ki, bir az yaşıllıq, bir az şeir və quşların səsiylə daha tez sağalır yaralar.

Göylərin intəhasız, ağacların, daşların nə qədər qayğısız olduğunu fərq etdim.

Sonra nə oldu bilmirəm, mən çox şeyin fərqinə vardım.

Məsələn, anladım ki, etdiklərimiz mütləq bir gün qarşımıza çıxır.

Anladım ki, hər şeyi başlamaq üçün gözləmək zaman itkisidir.

İndi susqunam.

İllər keçsə də danışmayacağam.

Heç vaxt intiqam almayacağam.

Daha sözlərimin hansısa qəlbə toxunmasını istəmirəm.

Bu yay daha çox susmağı öyrəndim.

Boşuna keçən bütün fəsillər kimi, bu yayı da yola saldım.

Nə qaldı əlimdə, ovucumda?

Bilmirəm.

Həyatımla bağlı hesab-kitab tutmuram.

Nə qazanıb, nə itirdiyim umrumda deyil.

Bu ay ən hüznlü, ən kədərli bir fəsil başlayacaq.

Sonra?

Sonra mən yenə aşiq olmadan, səfərə çıxmadan, xoşbəxtliyi dadmadan o çıxıb gedəcək.

Sonra, getmədiyim uzaqlara üzülüb, şeir-zad yazaram yəqin.

Bir də oxumadığım kitabları oxumaq ümidiylə sığınaram peçin yanına.

Buludları və yağışı sevərəm bir az.

Bir az günəş, bir az yaşıllıq üçün darıxaram.

Sonra…

Sonra bu fəsil də gəlib keçər…

Hörmətlə: CƏLİL CAVANŞİR

CƏLİL CAVANŞİRİN YAZILARI

Mustafa Müseyiboğlu adına kitabxana

“ƏDƏBİ OVQAT” JURNALI PDF

“YAZARLAR” JURNALI PDF

“ULDUZ” JURNALI PDF

“XƏZAN”JURNALI PDF

WWW.KİTABEVİM.AZ

YAZARLAR.AZ
===============================================

<<<< WWW.YAZARLAR.AZ və WWW.USTAC.AZ >>>>

Əlaqə: Tel: (+994) 70-390-39-93 E-mail: zauryazar@mail.ru

www.USTAC.az

Əlirza HƏSRƏT – SAMOVAR TÜSTÜSÜ

Sentyabr 14, 2024 www.bitik.az Bir şərh yazın

SAMOVAR TÜSTÜSÜ
Samovar tüstüsü tutub gözünü,
Düşüb ortalığa çayçı oynayır.
Gördüm dodaq büzür nimdaş ömrümə,
Dərzinin əlində qayçı oynayır.

Qoy verim özümü ocaq hisinə,
Bəlkə duman tutan dağlar isinə.
Ovçu bərəsində güllə səsinə,-
Qərib durnaların köçü oynayır.

Buludlar gözünü sıxdıqca Yerə,
Bir payız nəğməsi oxuyur hərə.
Qonşu sığal çəkir yun əlçimlərə,
Cəhrə qəşş eləyib, düyçə oynayır.

Müəllif: Əlirza Həsrət

ƏLİRZA HƏSRƏTİN YAZILARI

QƏŞƏM NƏCƏFZADƏNİN YAZILARI

Mustafa Müseyiboğlu adına kitabxana

“ƏDƏBİ OVQAT” JURNALI PDF

“YAZARLAR” JURNALI PDF

“ULDUZ” JURNALI PDF

“XƏZAN”JURNALI PDF

WWW.KİTABEVİM.AZ

YAZARLAR.AZ
===============================================

<<<< WWW.YAZARLAR.AZ və WWW.USTAC.AZ >>>>

Əlaqə: Tel: (+994) 70-390-39-93 E-mail: zauryazar@mail.ru

www.USTAC.az

Xəlil Rza Ulutürkün oğlu Təbriz Xəlilbəylinin doğumuna həsr etdiyi şeir

Sentyabr 14, 2024 www.bitik.az Bir şərh yazın

Xalq şairi Xəlil Rza Ulutürkün oğlu , Azərbaycanın Milli Qəhrəmanı Təbriz Xəlilbəylinin doğumuna həsr etdiyi şeir:

“Oğlum Təbrizə”

Qoy sənə doğulan günəş deyim ki,

Nurunla açılan al səhərəm mən.

Yeddi il yol gələn, a mənim ilkim,
Gəldiyin yollara gül düzərəm mən.

Özüm də bilmirəm nə işdir bu iş,
Yerdənmi, göydənmi tapmışam səni.
Bəlkə də səni heç tale verməmiş,
Taleyin əlindən qapmışam səni.

Sən – bu gün sevincim, qanadım-qolum,
Dünən ürəyimə dağ olmusan sən.
Heç ana bətninə düşməmiş, oğlum.
Bu ata könlümdə doğulmusan sən.

Özün də bilmirsən öz qiymətini,
Döyüş səngərimsən, qalamsan mənim.
Bir evin qeyb olmuş səadətini
Min evə qaytaran balamsan mənim.

Ən böyük sevincsən, ən müqəddəs qəm,
Məni od içinə atan Təbrizim.
Üzünə baxanda balam deyirəm,
Adını çəkəndə – atam Təbrizim.

Mən səni görəndə çırpınır qəlbim,
Deyirlər naşıyam, görməmişəm mən.
Alıram boynuma niyə gizlədim,
Sənin tək səadət görməmişəm mən.

Anan süd veribdir fəqət mən sənə.

Köksümdə közərən odu vermişəm.

Seçib milyon-milyon adlar içindən,
Dünyada ən gözəl adı vermişəm.

Sən – oğul, sən – igid, sən – ər oğlu ər!
İftixarla daşı sən öz adını.
Məğribə, məşriqə, aləmə göstər
Alnında gizlənmiş istedadını.

Bir səhər, bir günəş var mənzilimdə,
Qoy dünyalar bilsin nəçisən, kimsən.
Kiçik mənzilimdə, dar mənzilimdə
Sən ucsuz-bucaqsız məmləkətimsən.

Ey bala Təbrizim, gün o gün olsun
Ana Təbrizimə mən azad deyim,
Ustad Şəhriyarla görüşün olsun.
Təbrizi Təbrizə qol-qanad deyim.

Arzular könlümdə çeşmə-çeşmədir,
Arzular qoynunda boy atmış könül.
Səni arzum üçün, amalım üçün,
Səni döyüş üçün yaratmış könül.

Atanın ömrünə oğul yaraşıq,
Qoy bir nəfəs alım daha dərindən.
Mən öz Təbrizimlə bu gün yanaşı
Keçirəm Bakımın küçələrindən.

Bu gün yağış yağır… qorxma yağışdan!
Tufanda, şimşəkdə bərkisin canın.
Sən mənim balamsan, mən sənin atan
Biz bir cüt oğluyuq Azərbaycanın…

İlkin mənbə: kulis.az

Müəllif: Xəlil Rza Ulutürk

Nəriman Həsənzadə “Nə qəribədir”

Zəlimxan Yqub “Yavaş yeri”

Əlisəmid Kür “Kentavr”

Vaqif Bayatlı “Qardaşım ağaclar”

Salam Sarvan “Bağışla, otağim tör-toküntüdü”

Musa Yaqub “Taleyin qisməti”

Səməd Vurğun “Mən tələsmirəm…”

Vaqif Səmədoğlu “Əlin sınaydı sanitar”