DÜNYA AZƏRBAYCANLILARININ HƏMRƏYLİK GÜNÜNƏ
Mənim Vətənim paytaxtı Bakı, mərkəzi şəhərləri Gəncə, Naxçıvan, Lənkəran, Bərdə, Şəki, Sumqayıt, Mingəçevir, Şirvan olan, başı min illər boyu müsibətlər çəkmiş Azərbaycandır.
Dilim Azərbaycan dilidir.
Milliyyətim Azərbaycandır.
Üçrəngli bayrağım möhtəşəmdir.
Gerbim əvəzsizdir.
Himnim ana laylası kimi həzindir, məlhəmdir, eyni zamanda bir qəhrəman nərəsidir, sərvaxtlığa çağırışdır.
Böyük əksəriyyət tərəfindən qəbul edilən hər iki lider – Məmmədəmin Rəsulzadə və Heydər Əliyev də bu böyük və qədim tarixə malik olan milliyyətin adının məhz Azərbaycan olduğunu vurğulamışlar. Əsas qanunumuz olan Konstitusiyada da belə yazılıb. Konstitusiya isə alimlərin araşdırması, parlamentarilərin layihəsi əsasında hazırlanıb, ümummilli səsvermə nəticəsində qəbul olunub.
Mənim vətənimdə çoxsaylı etniklər və kiçik xalqlar yaşayır. Azərbaycan hamımızın vətənidir. Bizim gücümüz Azərbaycanı özümüzə hamılıqla doğma sayaraq hədsiz sevməyimizdədir. Bu sevgini heç kim, heç bir qüvvə qəlbimizdən çıxara bilməz.
Azərbaycan altı min illik tarixə malik qədim bir millətdir. Əcdadı Azərbaycan olan bir çox xalqlar inkişaf edərək millətə çevrilmiş özlərinə dövlət (ustad Şirməmməd Hüseynova rəğmən) qurmuşlar. Azərbaycanlar onları da özlərinə doğma sayır, mədəni əlaqələrini daim inkişaf etdirirlər.
Bu gün coğrafi bölgülərə görə Dərbənd, Təbriz, Borçalı, Kərkük və bölgələr başqa dövlətlərin tərkibindədirlər. Texniki vasitələr hesabına onlarla yaradılmış mədəni əlaqələr də öz doğmalığını büruzə verir. Eyni zamanda dünyanın müxtəlif bölgəsinə səpələnmiş həmvətənlərimiz doğma yurdda yaşayan qohumları, dostları ilə həmişə əlaqə saxlayırlar.
Əziz Azərbaycan və Azərbaycanlılar! Sizi Dünya Azərbaycanlılarının Həmrəylik Günü və yeni – 2025-ci ilin gəlməsi münasibətilə səmimi qəlbdən təbrik edir, doğmam kimi bağrıma basır, sülh şəraitində xoş və firavan həyat, işlərinizdə uğur və nailiyyətlər arzulayıram.
Allah Azərbaycanımızı qorusun!
Böyük hörmət və sonsuz sevgilərlə:
bir Azərbaycan yazıçısı
Bakı, 30.12.2024
(mətni rus və ingilis dilinə tərcümə edib yayanlara əvvəlcədən təşəkkürümü bildirirəm)
>>>> ƏN ÇOX OXUNAN HEKAYƏ <<<<
Mustafa Müseyiboğlu adına kitabxana
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru