Nərmin Ağaqızı yazır:
“Məhəbbət sadəcə dildə bəzəkli cümlə deyil, əməldə daşınan ağır məsuliyyətdir.”
“Məhəbbət gözəl sözlərlə başlar, fəqət əməldə öz ağırlığını göstərən məsuliyyətlə davam edər.”
“Sevgi sadəcə cümlələrdə deyil, əməllərdə öz əksini tapır.”
“Sevgi təkrarlanan cümlələrlə deyil, səssiz fədakarlıqlarla ölçülür. Zira gerçək hisslər yaşanmağı seçir.”
“Əsl sevgi nikahdan sonrakı böhranlardan keçərək kök salır və hər gün daha da möhkəmlənir.”
“Ürəyə toxunan sevgi – zamana məğlub olmaz.”
“İçindəki “mən” ilə üzləşməkdən qaçan insan güzgüdə üzünü, tənhalıqda isə həqiqi simasını görür.”
“Səhvlərini qəbul et, lakin özünü tənbeh etməyə alışdırma. Zira yanlışlarını qəbul etmək güc, özünü daim günahlandırmaq isə yükdür.”
“Özünə zaman ayırmaq başqalarından uzaqlaşmaq demək deyil, özünün ən möhkəm tərəfinə yaxınlaşmaqdır. Zira insan özünə zaman ayırdığı an görünməyən, lakin ən möhkəm tərəfini inşa edə bilər.”
“İnsan daxili gücünü kəşf etdikdən sonra ona heç bir maneə əvvəlki qədər böyük görünmür.”
“Əngəllərin ölçüsünü dəyişən onların böyüklüyü deyil, insanın daxili potensialında böyüyən iradəsidir.”
“Qarşılaşdığımız çətinliklərə problem deyil, fürsət kimi yanaşsaq, qorxu bildiklərimiz belə gücə çevrilər”.
“Öz potensialına güvən. Çünki daxilində kəşf olunmağı gözləyən güc düşündüyündən də daha böyükdür”.
Müəllif: Nərmin Ağaqızı
Nərmin Ağaqıznın digər yazıları
Oxuyun >> Gözündə tük var