Köçür, gözlərinin içinə mən
Köçür gözlərinin içinə məni,
Qoyma kirpiyindən süzülüb axım.
Qurudum gözündə yağışı, nəmi,
Sənin gözlərindən özümə baxım…
Sevgi yağışından qoy islanım mən,
Üşüsün həsrətim, donsun həsrətim…
Durna qatarında köçən ömrümdən,
Qayıtmaz illərə qonsun həsrətim….
Mavi göylərinin ənginliyində,
Xəyal dünyasında üzənin olum.
İtim gözlərinin dərinliyində,
Bu eşqin səbrinə dözənin olum…
Gizlə gözlərinin içində məni,
Səni həsrətindən qoruya bilim…
Silim içindəki kədəri qəmi,
Əbədi içində uyuya bilim….
Müəllif: Səadət Məftun
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru