Abşeron rayonunun İcra Hakimiyyətinin təşkilatçılıgı ilə Xırdalan şəhərindəki Heydər Əliyev Mərkəzində tanınmış oftalmoloq, akademik Zərifə xanım Əliyevanın anadan olmasının 99 illiyi təntənəli qeyd olundu. Tədbirdə Abşeron Rayon İcra Hakimiyyətinin başçısı Abdın Fərzəliyev başda olmaqla hüquq – mühafizə orqanlarının rəhbərləri, səhiyyə, təhsil kollektivləri, şəhid ailələri, qazilər, rayon ictimaiyyəti iştirak edirdilər.
Tədbir iştirakçıları ulu öndərimizin, Zərifə xanımın və Azərbaycanın ərazi bütövlüyü ugrunda canlarından keçmiş şəhidlərimizin əziz xatirəsini bir dəqiqəlik sükütla yad etdilər.
Çıxış edən İH başçısı Abdin Fərzəliyev, YAP Abşeron rayon təşkilatının sədri Abbas Əliyev, həkim oftalmoloq Elnarə Hüseynova, Rayon Agsaqqallar Şurasının sədri Nadir Agayev Zərifə xanımın şərəfli ömür yolundan danışaraq tədbir iştirakçılarına ətraflı məlumat verdilər.

Belə ki, bildiyimiz kimi Zərifə xanım 1923 cü il aprelin 28 -ində həkim Əziz və Leyla Əliyevlərin ailəsində anadan olmuşdur.
1947-ci ildə N.Nərimanov adına Tibb İnstitunu,1953 cü ildə isə aspiranturanı bitirərək tibb elmləri namizədi, sonra isə tibb elmləri doktoru adını almışdır.
Zərifə xanım oftalmologiya elminin inkişafında xüsusi xidmətləri olmuşdur. 1980- cı ildə Azərbaycanın Əməkdar Elm Xadimi,1981- ci ildə SSRİ Tibb Elmləri Akademiyasının M.İ.Averbax adına mükafata layiq görülmüş ilk qadındır.

Çıxış edən Abşeron Rayon İH başçısı Abdin Fərzəliyev qeyd etdi ki, bu gün Zərifə xanım Əliyevanın ruhu şaddır. Ona görə ki, siyasətimizin əsasını qoyan Ümummilli Lider Heydər Əliyevin layiqli davamçısı olan Prezident İlham Əliyev tərəfindən ugurla davam etdirilməsi nəticəsində 30 il işgal altında qalan dogma torpaqlarımız 44 günlük Vətən müharibəsində Zəfər çalaraq düşmən tapdagından azad edilmişdir. Və hazırda Ali Baş Komandanımız, Azərbaycan Respublikasının Prezidenti sənab İlham Əliyevin rəhbərliyi ilə məqsədyönlü və planlı şəkildə ulu yurdumuz Qarabagda genişmiqyaslı abadlıq və quruculuq işləri sürətlə həyata keçməkdədir.
Digər çıxış edənlər; YAP Abşeron rayon təşkilatının sədri Abbas Əliyev, həkim oftalmoloq Elnarə Hüseynova, Rayon Agsaqqallar Şurasının sədri Nadir Agayev Zərifə xanım Əliyevanın elmi fəaliyyətindən, gözəl ailə başçısı, nəcib, mərhəmətli bir ziyalı olmasından danışdılar….
Tədbirin bədii hissəsində hələ kiçik yaşlarından tanınmış, Prezident təqaüdçüsü Amil Həsənoglunun ifasında Zərifə xanımın qızı Sevil Əliyeva tərəfindən bəstələnmiş məşhur “Ana” mahnısı dinlənildi. Sonda xatirə şəkilləri çəkildi.

Müəllif: Nəzakət KƏRİMOVA-ƏHMƏDOVA

AJB-nin üzvü, “Yazarlar” jurnalının ictimaiyyətlə əlaqələr üzrə meneceri, yazar.

NƏZAKƏT KƏRİMOVA-ƏHMƏDOVANIN YAZILARI

YAZARLAR.AZ
===============================================

<<<<<< WWW.USTAC.AZ və  WWW.BİTİK.AZ >>>>>> 

Əlaqə:  Tel: (+994) 70-390-39-93     E-mail: zauryazar@mail.ru

Qərargah  rəisi-Əsəd…

İkinci Qarabağ  müharibəsində  şəhidlik  zirvəsinə      ucalan   igidlərimizdən  biri  də  Əsəd oldu.  O, Əsəd  ki, bütün  varlığı ilə  vətəninə  bağlı idi .

Bütün   şəhidlərimiz kimi   o, da  öz  evinə  qayıtmaqdan  əvvəl  cənnəti  seçdi.

Həsənov  Əsəd  Fərhad   oğlu  16 aprel  1988-ci  ildə İmişli   rayonunun   Şahverdili   kəndində  anadan  olmuşdur.

1995-ci  ildə  Şahverdili  kənd  orta məktəbinin  1-ci  sinifinə  qəbul olunmuş,  2003-cü  ildə  həmin məktəbin  8-ci  sinifini  bitirib sənədlərini  C.Naxçıvanski  adına  hərbi  liseyə verərək  oraya  qəbul olunmuşdu.  2006-cı  ildə həmin  liseyi  bitirib  Heydər  Əliyev   adına  Ali Hərbi Məktəbə  qəbul  olunmuş  və  2010-cu  ildə  oranı  bitirmişdi.

            Bir  il   təcrübə  keçərək  ona   zabit  sertifikatı  və  leytenant rütbəsi  verilmişdir.

2011-ci ildə  təyinatla  Naxçıvan   Muxtar  Respublikasının   N  saylı  hərbi hissəsinə  göndərilmişdir. Üç il orada  xidmət  etmiş  və baş   leytenant  rütbəsi  almışdır.

            2014-cü ildə Bakı  şəhərində  N  saylı  hərbi  hissəyə  batareya  komandir  vəzifəsinə  göndərilir.

            2017-ci ildə ona kapitan  rütbəsi  verilir.  Ard-arda  müxtəlif rayonlarda müxtəlif  vəzifələrdə  xidmət  edir.

2020-ci ilin  iyun  ayında  Ağdam rayonundakı  N saylı  hərbi  hissəyə  qərargah  rəisi  vəzifəsinə  göndərilir. 2020-ci ilin  27  sentyabrında  başlamış 2-ci Qarabağ  müharibəsində Ağdamın  müdafiəsi  uğrunda  gedən  qızğın  döyüşlərdə  oktyabrın  birində  düşmən snayperinə tuş gələrək,  qəhrəmancasına  şəhid olmuşdur.

Vətənə  Mələk  və Hüseyn adlı iki övladı əmanət olaraq qalmışdır.

Şəhid  qərargah  rəisi  kapitan  Əsəd Həsənov hərbi  xidmətinə görə  sağlığında “Azərbaycan Respublikasının  95 illiyi”, “ Azərbaycan  Ordusunun  100 illiyi” yubiley medalları, “Qüsursuz xidmətə  görə 3-cü dərəcəli medal”ı  ilə  təltif olunmuşdur.

 Şəhadətindən  sonra isə  “Vətən uğrunda”, “İgidliyə görə”, “Ağdamın  azad olunmasına  görə”  medalları  və  “Rəşadət ordeni ilə təltif olunmuşdur. Anası Mələk xanımı  şeirlərində  öz dərin  kədərini  belə bildirir.

 Balama  deməyin, dərdli biriyəm,

Baxmayın canlıyam, diri kimiyəm.

 Mən yaşasamda ölü kimiyəm,

 Basımı  qoymağa  məzarım yoxdu.

 Gəzdiyin  yerlərdə izlərin qalıb,

Baxdığın  hər şeydə   gözlərin qalıb.

 Mən necə  dözürəm, vallah bilmirəm,

Sənə  deyiləcək  sözlərim  qalıb.

Qaranlıq  gecələrin  yolçusuyam mən,

Yüyürürəm tikanların üstündə.

 Bir  ümidin,  bir həsrətin ovçusuyam mən,

 Yeriyirəm tikanların  üstündə.

 Bala adlı yaman  dərdə  düşmüşəm,

Yaşadığım bu dünyadan  küsmüşəm.

 Aldadıram hər gün özüm, özümü,

Eşidən yox,  fəryadımı, sözümü.

Mən  doymadım balamın gül ətrindən,

 Torpaq aldı onu mənim əlimdən.

 Bir quş kimi elimdən,

 Oğul sözü heç düşmür  ki, dilimdən.

Gəldi yenə çərşənbə,

 Balalarım gəlmədi.

 Neyləyərəm bayramı ki,

 Ürəyimiz gülmədi.

 Hanı mənim  Əsədim?

 Hanı igid Səbuhim?

Hanı mənim  Rəşidim?

 Hanı körpə  Ülvinim?

 Hanı Sənanım mənim?

Heç  görmürəm Sübhanı?

 Hanı Azadım, Eldarım?

 Hanı Vüsalım?

 Orucum da gəlmədi,

 Yasəfim  də gəlmədi.

 Ağladı anaların,

Gözləri heç  gülmədi.

Sən  getdik qəlbimin  sevinci getdi,

Sən getdin həyatım səninlə bitdi.

 Sən getdin ömrümə  gəldi qış,  boran,

 Dünyanın  dəyəri gözümdə  itdi…

PS. Bu günlərdə Mələk ana Həsənova  “Natəvan” diplomuna  layiq  görülüb.>>> LAUREATLAR

Müəllif: Nəzakət KƏRİMOVA-ƏHMƏDOVA

AJB-nin üzvü, “Yazarlar” jurnalının ictimaiyyətlə əlaqələr üzrə meneceri, yazar.

NƏZAKƏT KƏRİMOVA-ƏHMƏDOVANIN YAZILARI

PDF: >>>>> ZAUR USTAC “QƏLƏMDAR-2”

PDF>>>ZAUR USTAC – “BB” HEKAYƏLƏR

>>>> ƏN ÇOX OXUNAN HEKAYƏ <<<<

Əbdürrəhim bəy Haqverdiyev – 150

“Tərəfsiz ədəbiyyat tarixdir” layihəsi

ZAUR USTACIN SATIŞDA OLAN KİTABLARI

YAZARLAR.AZ
===============================================

<<<<<< WWW.USTAC.AZ və  WWW.BİTİK.AZ >>>>>> 

Əlaqə:  Tel: (+994) 70-390-39-93     E-mail: zauryazar@mail.ru