
AĞLAYAR
Kimsə bilə bilməz nə çəkdiyimi,
Bir bilsə arxamca min “ah” ağlayar.
Alıb ürəyimi basıb bağrına,
Axşam layla çalıb, sabah ağlayar.
* * *
Zalım hökm oxuyar, zülüm işində..
Adamlar dolaşar şeytan peşində,
Əridər əcəli ölüm dişində,
Sıxıb boğazını tamah, ağlayar.
* * *
Qəlbi kor, can alan cansızı görüb,
Tər qana susayan qansızı görüb,
Haqqı minib, çapan haqsızı görüb,
Dəyişər donunu günah, ağlayar.
* * *
Ha dilən, ha yalvar, əl aç, um dəni..
Yer qaçar, tapılmaz əlac qum dəni..
Sevgiyə tamarzı bu ac bəndəni,
Görüb, boynu bükük, Allah ağlayar.
03.03.2023.
Müəllif: Lalə İSMAYIL
YAZARLAR.AZ
===============================================
<<<<<<WWW.YAZARLAR.AZ və WWW.USTAC.AZ>>>>>>
Əlaqə: Tel: (+994) 70-390-39-93 E-mail: zauryazar@mail.ru