İRƏLİDƏ
Oturubdu yol gözləyir,
Özüm məndən irəlidə.
Gedirəm ki, danışılır,
Sözüm məndən irəlidə.
Soruşmayın gedən kimdi,
Nə işarə, nə him-cimdi?
Yol göstərən bələdçimdi,
İzim məndən irəlidə.
Hey axtarıb, gözüm gəzir,
Soraqlayıb sözüm gəzir.
Təntiyibdi, dözüm gəzir,
Dözüm məndən irəlidə.
Gah yumulur, gah izləyir,
Axan yaşın əzizləyir.
Neçə ildi yol gözləyir,
Gözüm məndən irəlidə.
Qoy göstərim nümunətək,
Yalan sanıb eyləmə şəkk.
Hələ çox üzlər görəcək
Üzüm məndən irəlidə.
Cəfajeşəm, neçə kərə,
Sallbdılar məni şərə.
Günahlanıb haqsız yerə,
Düzüm məndən irəlidə.
Müəllif: Adil Cəfakeş
MƏLUMATI HAZIRLADI: TUNCAY ŞƏHRİLİ
Mustafa Müseyiboğlu adına kitabxana
YAZARLAR.AZ
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru