KƏLƏĞAYI
Bu nə gözəl örpəkdi,
Kələğayıdır adı.
Elə bil ki, üstümə
Göydən naxışlar yağdı.
Albuxarı, Yelanı,
İstiotu, Heyratı.
Nənəmin çarqatıdır
Bayatıdır, bayatı.
Onunla xalça üstə
Sanki göylərə uçdum.
Sehrli rənglərə bax,
Göyqurşağını qucdum.
O Basqaldan başlanan
Nağılımdı, nəğməmdi.
Şəki, Şirvandan keçib
Qarabağıma gəldi.
O cıdır atlarının
Boynunda qırmızıdır.
Xonçaların bəzəyi
Min istək, min arzumdur.
Heyran etdin dünyanı,
Hamı səndən danışır.
Sənə buta yaraşır,
Xarıbülbül yaraşır.
Müəllif: Mina RƏŞİD
Mustafa Müseyiboğlu adına kitabxana
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru